Karnataka Chief Minister Basavaraja Bommai burst into tears as he watched the 777 Charlie movie. He wept when he found Charlie in the cinema and remembered his dog named Sunny.

The innocent love of a silent animal is the only love that pet animals have. The love and the bond between man and dog, is amazingly emotional in the movie 777 Charlie. 777 Charlie’s movie was seen by Karnataka Chief Minister Basavaraja Bommai, who is also a dog lover. He watched 777 Charlie’s movie on June 13 at the Orion Mall in Bangalore. Along with Director Kiran Raj, Actor Rakshit Shetty and actress Sangeetha Sringeri.

Chief Minister Basavaraja Bommai burst into tears after he watched the movie. Basavaraja Bommai wept when he found Charlie in the cinema and remembered his dog named Sunny.

The dog Charlie dies in the climax of Charlie’s cinema. Basavaraja Bommai saw the scene and was saddened by the moment that his dog Sunny was passed away. As a result of the sadness of Sunny’s remembrance, CM Basavaraja Bommai, all of them, wept as children. His eyes widened at the memory of his relationship with Sunny.

Chief Minister Basavaraja Bommai is a dog lover. Basavaraja Bommai had a dog named Sunny in his house. Sunny died in July last year. He said that Our home pet dog Sunny has died of old age and is deeply sad and has lost a family member. Basavaraja Bommai wrote on Twitter that Sunny was very affectionate with his family and home.

బాక్స్ ఆఫీస్ పై కమల్ హాసన్ నటించిన విక్రమ్ దాడి ఇప్పట్లో ఆగేలా లేదు. తొలి రోజు నుంచీ అటు ట్రేడ్ వర్గాలతో పాటు ప్రేక్షకులను కూడా ఆశ్చర్యపరుస్తోందీ సినిమా కలెక్షన్ ల వేట.

తమిళ నాట ఈ చిత్రానికి మొదటి నుంచీ మంచి క్రేజ్ ఉంది, లోకేష్ కనగరాజ్ – కమల్ హాసన్ కాంబినేషన్ ఒక కారణం అయితే, విజయ్ సేతుపతి, ఫాహద్ ఫాజిల్ లు కూడా ముఖ్య పాత్రలలో ఉండటం సినిమా మీద మరింత ఆసక్తిని పెంచింది.

ఇక చక్కని యాక్షన్ థ్రిల్లర్ చూడబోతున్నాం అనిపించేలా కట్ చేసిన ట్రైలర్ లు ఆకట్టుకోగా,హాలీవుడ్ స్టైల్ కి దగ్గరగా ఉన్న అనిరుధ్ సంగీతం అందరినీ ఆకర్షించింది. తొలుత ఈ సినిమా పట్ల అంతగా తెలియకున్నా రిలీజ్ సమయానికి బాగానే ఆసక్తి కనబర్చారు రెండు తెలుగు రాష్ట్రాల ప్రేక్షకులు.

దానికి తగ్గట్టుగానే తొలి రోజు సినిమా టాక్ అద్భుతంగా వచ్చింది, ఇక కలెక్షన్ లు కూడా ఊపందుకున్నాయి. చాలా ఏళ్ళ తరువాత ఇది కమల్ కి నికార్సైన హిట్ గా చెప్పుకోవచ్చు.

ఇప్పటికే తమిళనాడు లో విక్రమ్ ఇండస్ట్రీ హిట్ గా నిలవగా, తెలుగులోనూ బ్లాక్ బస్టర్ గా నిలిచింది. తెలుగు రాష్ట్రాల బిజినెస్ 7 కోట్లకు చేసుకుంటే 12 రోజులకే 14 కోట్లు వసూలు చేసింది.ఎవరూ ఊహించని రీతిలో తెలుగు రాష్టలలో డబుల్ బ్లాక్ బస్టర్ గా నిలిచింది విక్రమ్. ఆ ప్రభంజనం ఇంతటితో ఆగుతుందో లేక మరిన్ని రికార్డులు బద్దలు కొడుతుందో చూద్దాం.

గత వారం విడుదలైన కన్నడ చిత్రం 777 చార్లీ కి ప్రేక్షకుల నుంచి విశేష స్పందన లభిస్తుంది. ట్రైలర్ లో హీరోతో సమానంగా కుక్కకు ప్రాధాన్యత ఇవ్వడం అందరినీ ఆకర్షించింది. కన్నడ హీరో రక్షిత్ షెట్ తన ప్రతి సినిమాలో ఎంతో కొంత కొత్తదనం ఉండేలా చూసుకుంటారు.

కరోనా ముందు విడుదల అయిన అవనే శ్రీమన్నారాయణ సినిమాకి కూడా అటు ప్రేక్షకుల నుంచి ఇటు విమర్శకుల మంచి స్పందన వచ్చింది.ఇప్పుడు 777 చార్లీ కి అటు కన్నడ భాష లోనే కాక తెలుగు,తమిళ,హిందీ ప్రేక్షకుల నుంచి చక్కని ఆదరణ లభించింది.

ఇంతకు ముందు కూడా మనిషికి కుక్కకి మధ్య అనుబంధం ఉన్న సినిమాలు వచ్చినా, చాలా వరకు అందులో హీరో లేదా ముఖ్య పాత్ర అయిన మనిషి పట్ల కుక్కలకు ఉండే విశ్వాసం మీదే ఎక్కువ దృష్టి పెట్టే వారు. కానీ చార్లీలో అందుకు భిన్నంగా హీరో పాత్ర, అనుకోకుండా తన జీవితంలోకి వచ్చిన కుక్క మీద ఎలా ప్రేమను పెంచుకున్నాడు అనే విషయాన్ని చూపించింది.

ఇలాంటి కాన్సెప్ట్ ను ఎంచుకోవడం ఒక రకంగా సాహాసమే అయినా దర్శకుడు కిరణ్ రాజ్, హీరో రక్షిత్ షెట్టి మనసు పెట్టి తీయడం వల్లే ఈరొజు సినిమాను చూసిన ప్రేక్షకులు అందులోని ఎమోషన్ కు కనెక్ట్ అయి ధియేటర్ లలో కన్నీళ్లు పెట్టుకుంటున్నారు.

ఇటీవల ఈ సినిమాను కర్ణాటక ముఖ్య మంత్రి బసవరాజ్ బొమ్మై వీక్షించారు. అయితే స్వతహాగా జంతు ప్రేమికుడు అయిన ఆయన చార్లీ చూసి కదిలిపోయారు అనీ, సినిమా పూర్తి అయ్యాక ఏడుస్తూ తనను తాను కంట్రోల్ చేసుకోలేక పోయారు అని తెలుస్తుంది. సినిమా చూశాక ఆయనకు తన ఒకప్పటి పెంపుడు జంతువు గుర్తుకు వచ్చిందట. లోగడ హోం మంత్రిగా ఉన్నప్పుడు ఆయన ఎంతో ప్రేమగా పెంచుకున్న కుక్క చనిపోగా, ఆ పిక్స్ అప్పట్లో వైరల్ అయ్యాయి.

2005 లో విడుదలైన చంద్రముఖి సినిమా ఎంత పెద్ద హిట్ అనేది తెలిసిన విషయమే. బాబా లాంటి డిజాస్టర్ తరువాత రజినీకాంత్ స్టార్ డం మీద ప్రశలు వేసిన అందరి నోళ్ళు మూసుకునేలా చేసిందీ ఆ సినిమా.

ఆ తరువాత 2010లో తెలుగులో నాగవల్లి అంటూ విక్టరీ వెంకటేష్ దానికి సీక్వెల్ తీశారు. అయితే అది కేవలం రీబూట్ వెర్షన్ యే తప్ప మొదటి భాగానికి కొనసాగింపు ఏమీ ఉండదు. అందునా తమిళ భాషలో రిలీజ్ కూడా చేయలేదు.

అందువల్ల అప్పుడప్పుడు చంద్రముఖి సీక్వెల్ కి సంబంధించిన వార్తలు వస్తూ ఉండేవి కానీ అధికారికంగా ప్రకటన ఏదీ రాలేదు. ఎట్టకేలకు ఇన్ని సంవత్సరాల తరువాత చంద్రముఖి 2 సీక్వెల్ అనౌన్స్ చేయడం జరిగింది.

తొలి భాగానికి దర్శకత్వం వహించిన పీ వాసు గారే ఈ సీక్వెల్ తీసే బాధ్యతను తీసుకున్నారు. ఇందులో లారెన్స్ ప్రధాన పాత్ర పోషిస్తుండగా, ముఖ్య పాత్రలో వడివేలు కనిపించనున్నారు. ఇతర తారాగణం వివరాలు ఇంకా తెలియాల్సి ఉంది. కీరవాణి సంగీతం అందిస్తున్నారు.అలాగే ప్రముఖ ఆర్ట్ డైరెక్టర్ తోట తరణ గారూ ఈ సినిమాకి పని చేయడం విశేషం.

చంద్రముఖిలో కేవలం రజినీ పాత్ర మాత్రమే కాకుండా జ్యోతికకు ప్రాధాన్యం ఉండింది. అలాగే సహాయ పాత్రల్లో ప్రభు, నాజర్, నయనతార,అవినాష్ వంటి వారు తమ ఉనికిని చాటుకున్నారు. ఇక వడివేలు కామెడీ ఆడియెన్స్ ను కడుపుబ్బా నవ్వించింది.

ఇక లారెన్స్ కి హారర్ కి ఉన్న సంబంధం గురించి ప్రత్యేకంగా చెప్పనక్కర్లేదు. ఒక రకంగా హారర్ సినిమాల ట్రెండ్ ను పెంచి పోషించింది లారెన్స్ అనే చెప్పాలి.తనే హీరోగా నటించి దర్శకత్వం వహించిన కాంచన/ముని సీరీస్ కి ఉన్న క్రేజ్ అంతా ఇంతా కాదు. ఆ సీరీస్ లో ఇంతవరకు ప్లాప్ అయిన సినిమానే లేదు అంటేనే లారెన్స్ యే రేంజ్ లో ఆడియన్స్ పల్స్ పట్టాడు అనేది అర్థం అవుతుంది.

మరి లారెన్స్ తనదైన శైలిలో హారర్ కామెడీ దట్టించి తన బలం చూపిస్తాడో, లేక పీ వాసు తన అనుభవం అంతా రంగరించి లారెన్స్ ను డామినేట్ చేస్తాడా అనేది వేచి చూడాలి. ఇద్దరిలో ఎవరు గెలిచినా ఆడియన్స్ కు మాత్రం ఎంటర్టైన్మెంట్ గ్యారంటీ అనడంలో ఎలాంటి సందేహం లేదు.

మెగా పవర్ స్టార్ రామ్ చరణ్ ప్రస్తుతం కెరీర్లోనే బెస్ట్ ఫేజ్ లో ఉన్నాడు. ఆర్ ఆర్ ఆర్ తరువాత శంకర్ దర్శకత్వంలో సినిమా చేస్తున్న చరణ్, ఆ తరువాత గౌతమ్ తిన్ననూరి తో సినిమా సిద్ధంగా ఉంది.ఇదిలా ఉండగా ఆ తరువాత సుకుమార్ తో సినిమా కూడా ఉండచ్చు అన్న ఊహాగానాలు వినిపిస్తున్నాయి.

కెరీర్ తొలి రోజులు మాస్ సినిమాలతో బాక్స్ ఆఫీస్ వద్ద హిట్స్ కు కొదవ లేకపోయినా, కాస్త డిఫరెంట్ గా ఉండటంతో పాటు భారీ సినిమాలు చేసినప్పుడే రామ్ చరణ్ కు ప్రశంసలతో పాటు ఆయా సినిమాలకు కాసుల వర్షం కూడా కురిసింది.

ఉదాహరణకు మగధీర,రంగస్థలం,ఆర్ ఆర్ ఆర్ ఈ మూడు సినిమాలు కూడా దిగ్గజ దర్శకులు అనదగ్గ వారితో పని చేసి, వారి దర్శకత్వ ప్రతిభ తో పాటు తన నటనా కౌశల్యం చూపించే అవకాశం ఆ సినిమాలలోనే అతడికి దక్కింది.

మగధీర టైం లో ఇంకా పాన్ ఇండియా రిలీజ్ ల సంస్కృతి లేకపోవటంతో ఆ సినిమా ఇతర భాషా ప్రేక్షకులకు అంతగా తెలియకుండా పోయింది. ఇక రంగస్థలం కూడా ఇతర భాషల్లో రిల్లీజ్ కాకపోయినా వైడ్ రిలీజ్ మరియు, సోషల్ మీడియా, ఓటిటీ ల వల్ల ఆ సినిమా కాస్త ప్రాచుర్యం పొందింది.

ఇక ఆర్ ఆర్ ఆర్ సినిమా సమయానికి పాన్ ఇండియా రిలీజ్ ల హవా బాగా ఉండటం, రాజమౌళి పేరు ప్రఖ్యాతలు నలువైపులా వ్యాపించి ఉండటంతో ప్రి రిలీజ్ పబ్లిసిటి యే కాకుండా సినిమా రిలీజ్ అయిన తరువాత ఆ సినిమాకు క్రేజ్ కు ఎలాంటి అవాంతరం లేకుండా పోయింది.

ఇక ఆర్ ఆర్ ఆర్ సినిమా ధియెట్రికల్ రిలీజ్ తరువాత దాదాపు పది వారాలకు ఓటిటీలో విడుదల అయింది. తెలుగు మరియు ఇతర  దక్షిణ భాషల స్ట్రీమింగ్ జీ 5 కు దక్కగా, హిందీ వెర్షన్ మాత్రం నెట్ఫ్లిక్స్ దక్కించుకుంది. నెట్ఫ్లిక్స్ లో ఆర్ ఆర్ ఆర్ చూసిన అంతర్జాతీయ ప్రేక్షకులు కళ్ళు చెదిరే రాజమౌళి మాయాజాలానికి ఆశ్చర్య పోయారు.

ముఖ్యంగా రామరాజు గా రామ్ చరణ్ నటనకు ప్రశంసల జల్లులు కురిపించారు ప్రేక్షకులు. సాధారణ ప్రేక్షకుల నుండి సెలబ్రెటీల వరకూ రామరాజు కు ఫిదా అయిపోయారు. ప్రత్యేకించి రామరాజు ఇంట్రో ఫైట్ సీన్ ఒళ్ళు గగుర్పొడిచే విధంగా రెస్పాన్స్ వచ్చింది. ఈ హంగామా చూసిన నెటిజన్స్,మరియు అభిమానులు రామ్ చరణ్ ను గ్లోబల్ స్టార్ గా పేర్కొనడం విశేషం.