రిషబ్ శెట్టి యొక్క కాంతార చిత్రం ప్రస్తుతం దేశ వ్యాప్తంగా చర్చనీయాంశంగా మారింది. సెప్టెంబర్ 30న కన్నడ బాషలో విడుదలై రోజు రోజుకూ కలెక్షన్లతో పాటు పేరు ప్రఖ్యాతలు పెంచుకుంటూ పోతుంది. కాగా కాంతార చిత్రం తాలూకు డబ్బింగ్ వెర్షన్లు ఈ వారమే విడుదల అయ్యాయి. సినీ ప్రియులైన తెలుగు ప్రేక్షకులతో పాటు హిందీ ప్రేక్షకులు మరియు విమర్శకులు ఈ సినిమా పై ప్రశంసలు కురిపిస్తున్నారు. అద్భుతమైన నటన, పకడ్బందీ కథనం మరియు ఎంచుకున్న కథ పై చిత్ర బృందం పెట్టుకున్న నమ్మకం సినిమాను ఆకట్టుకునేలా చేశాయి.

ఇక కాంతార చిత్రం చూసిన తర్వాత తెలుగు ప్రేక్షకులు రంగస్థలం సినిమాతో చాలా పోలికలు ఉన్నాయని భావిస్తున్నారు. కాంతార బాక్సాఫీసు వద్ద సాగిస్తున్న ఎదురులేని ప్రయాణం చూసిన తర్వాత, రంగస్థలం నిర్మాతలైన మైత్రీ మూవీ మేకర్స్ గనక పుష్ప లాగా రంగస్థలం చిత్రాన్ని కూడా ప్యాన్ – ఇండియా సినిమా స్థాయిలో విడుదల చేసుంటే.. ప్రస్తుతం నడుస్తున్న ట్రెండ్ ప్రకారం ఇతర భాషల్లో కూడా భారీ వసూళ్లు రాబట్టే అవకాశం ఎంతైనా ఉండేదని అందరూ భావిస్తున్నారు.

రంగస్థలం ఒక సాధారణ సినిమాలా కాకుండా గ్రామీణ స్వభావాన్ని కలిగి ఉంది కాబట్టి కేవలం ఒక వర్గం ప్రేక్షకులకు మాత్రమే పరిమితం కాకుండా ఉండేదని, అలాగే చిత్రం సుకుమార్ కెరీర్ లోనే బెస్ట్ కంటెంట్ ఉన్నది కాబట్టి ఖచ్చితంగా అన్ని భాషల్లోనూ విజయం సాధించేది అని.. ఆ రకంగా రంగస్థలం నిర్మాతలు ఒక సువర్ణావకాశాన్ని వదులుకున్నారని ప్రేక్షకులు మరియు సోషల్ మీడియా యూజర్లు బలంగా నమ్ముతున్నారు.

కాంతార చిత్రానికి మరియు సుకుమార్ – రామ్ చరణ్ ల రంగస్థలం సినిమాకి చాలానే పోలికలు ఉన్నాయి. ముఖ్యంగా అచ్యుత్ కుమార్ పాత్ర ప్రకాష్ రాజ్ పాత్రను పోలి ఉంటుంది. రంగస్థలం మాదిరిగానే కాంతార కూడా రివేంజ్ డ్రామానే. కథానాయకుడు శివ సోదరుడు గ్రామ పెద్ద దేవేంద్ర చేతిలో చంపబడతాడు మరియు అతను నిజం తెలుసుకుని తన ప్రతీకారం ఎలా తీర్చుకుంటాడు అనేది కథ. కానీ రంగస్థలం కథతో సారూప్యతలు ఉన్నప్పటికీ, అటవీ ప్రాంతంలో గ్రామీణ దేవుడు అక్కడి ఆచారాలు వంటి ఇతివృత్తం వల్ల రంగస్థలం నుండి భిన్నంగా ఉంటుంది.

భావోద్వేగాల పరంగా రంగస్థలం మరింత బలమైన పాత్రలతో కూడుకుని ఒక షాకింగ్ ట్విస్ట్‌తో గ్రిప్పింగ్ స్క్రీన్‌ప్లేను కలిగి ఉందని చాలా మంది ప్రేక్షకుల భావన. కాంతార సినిమాలో ముందుగానే చెప్పుకున్నట్లు ఆసక్తికరమైన గ్రామీణ దేవుడి నేపథ్యం, నటీనటుల పెర్‌ఫార్మెన్స్ తో పాటు సినిమాని రూపొందించడంలో చూపించిన నిజాయితీ వల్ల మార్కులు సంపాదించుకుంటుంది.

కొంత మంది నెటిజన్లు కాంతార సినిమాను కన్నడ పరిశ్రమ రంగస్థలంగా అభివర్ణిస్తున్నారు. రిషబ్ శెట్టి, సప్తమి గౌడ, అచ్యుత్ కుమార్, మరియు కిషోర్ ఈ చిత్రంలో తమ అద్భుతమైన నటనకు గానూ ప్రశంసలు అందుకుంటున్నారు.

కాగా ఈ చిత్రం తెలుగు వెర్షన్‌ని గీతా ఆర్ట్స్ శనివారం విడుదల చేయగా, ఈ చిత్రానికి ఉన్న అద్భుతమైన టాక్ వల్ల ప్రేక్షకులు భారీ సంఖ్యలో ధియేటర్ల వద్దకు తరలి వస్తున్నారు.

నందమూరి బాలకృష్ణ హోస్ట్‎గా ప్రముఖ ఓటీటీ ప్లాట్ ఫాం ఆహాలో స్ట్రీమింగ్ అవుతున్న అన్‏స్టాపబుల్ సీజన్ 2 ఫస్ట్ ఎపిసోడ్ అద్భుతమైన స్పందన తెచ్చుకున్న సంగతి తెలిసిందే. కాగా ఈ షో మొదటి ఎపిసోడ్‏లో టీడీపీ అధినేత చంద్రబాబు మరియు అయన కుమారుడు నారా లోకేష్ పాల్గొన్నారు. వీరిద్దరితో కలిసి బాలయ్య చేసిన సందడికి వీక్షకుల నుంచి చక్కని స్పందన వచ్చింది. ఫ్యామిలీ విషయాలతో పాటు పొలిటికల్ టాపిక్స్ గురించి కూడా మాట్లాడుతూ.. తనదైన శైలిలో ప్రశ్నలు వేస్తూ ప్రేక్షకులకు మరింత వినోదం అందించారు బాలయ్య.

మొదటిసారి ఓ టాక్ షో వేదికగా బాలయ్యతో కలిసి చంద్రబాబు, నారా లోకేష్ పాల్గొనడంతో అన్‏స్టాపబుల్ సీజన్ 2 ఫస్ట్ ఎపిసోడ్ ఊహించినదానికంటే ఎక్కువ హిట్ అయ్యింది. అంతే కాకుండా 24 గంటల్లో 10 లక్షల వ్యూస్ తెచ్చుకుని రికార్డు సృష్టించింది.

ఇక అన్‏స్టాపబుల్ సీజన్ 2 సెకండ్ ఎపిసోడ్ కోసం.. బాలయ్యతో కలిసి మరింత ఎంటర్టైన్మెంట్ అందించేందుకు వస్తున్నారు యువ హీరోలు విశ్వక్ సేన్, సిద్ధు జొన్నలగడ్డ.

ఈ ఎపిసోడ్ కు సంభందించిన ప్రోమోలో సిద్దు జొన్నలగడ్డలు, విశ్వక్ సేన్‌లతో పాటు నిర్మాత నాగవంశీ కూడా ఉన్నారు. అయితే ఈ ముగ్గురితో బాలకృష్ణ చెడుగుడు ఆడుకున్నట్లు కనిపిస్తుంది. ప్రోమోలో వేదికపైకి రావడంతోనే సిద్దూకు పంచ్ వేశారు బాలయ్య. ఎవరయ్యా సిద్ధూ బాబుకు తల దువ్వకుండా పంపించారు..హే మేకప్ మేన్, హెయిర్ స్టైలిస్ట్ అంటూ బాలయ్య పిలుస్తుండగా.. ఇది మెస్సీ లుక్ సర్ అని చెప్పాడు సిద్దూ. దీంతో అలా తాను మెస్సీ లుక్ లో కనిపించిన సినిమాలన్ని మెస్సయ్యాయి అంటూ నవ్వులు పూయించారు.

విశ్వక్.. మాస్ కా దాస్.. సిద్దు యాస్ కా మాస్.. కానీ మీరు ఎవరితో ఉన్నారో తెలుసా? గాడ్ ఆఫ్ మాస్ అని బాలయ్య తన గురించి తాను చెప్పుకున్నారు. ఇక ఈ సందర్భంగా హీరోయిన్ల గురించి ముచ్చటించారు. ఈ హీరోయిన్ తో రొమాంటిక్ సీన్ ఉంటే చాలు అని ఎవరితో అనిపిస్తుంది అని బాలకృష్ణ అడగ్గా.. తనకు కియరా అద్వానీ అంటే క్రష్ అని చెప్పేశారు సిద్దూ. దీంతో షూటింగ్ లేకపోయిన పర్లేదు అంటూ మరో పంచ్ వేశారు బాలయ్య.

ఆ తర్వాత వీరిద్దరు కలిసి మీ కరెంట్ క్రష్ ఎవరని బాలకృష్ణ నే అడగ్గా.. రష్మిక మందన్నా అంటూ అసలు విషయం చెప్పేశారు. మొత్తానికి ఈ ముగ్గురు కలిసి అన్‏స్టాపబుల్ వేదిక పై తెగ సందడి చేసినట్లు స్పష్టంగా తెలుస్తోంది. కాగా అన్‏స్టాపబుల్ సీజన్-2 రెండవ ఎపిసోడ్ ఈ శుక్రవారం అంటే దీపావళి పండుగ కానుకగా అక్టోబర్ 21 తేదీన ప్రసారం కానుంది.

రిషబ్ శెట్టి ప్రధాన పాత్రలో నటించి తానే దర్శకత్వం వహించిన కన్నడ చిత్రం ‘కాంతార’ దేశవ్యాప్తంగా సంచలనం సృష్టించింది. ఈ చిత్రం బాక్సాఫీస్ వద్ద కలెక్షన్లతో పాటు భారీ స్థాయిలో ప్రసంశలను కూడా అందుకుంటుంది.

కాంతార చిత్రం కన్నడ వెర్షన్ మొదటి రోజు దాదాపు 2.5 కోట్ల గ్రాస్‌ ఓపెనింగ్స్ తెచ్చుకోగలిగింది. అయితే ప్రేక్షకుల నుండి సంచలనాత్మక టాక్ సహాయంతో, ఈ చిత్రం తదుపరి స్థాయికి చేరుకుంది. కాగా మరింత ఆసక్తికరమైన విషయం ఏమిటంటే, కాంతార చిత్రం కర్ణాటకలో రెండవ వారాంతంలో KGF-2 కంటే ఎక్కువ కలెక్షన్లను వసూలు చేసింది. మరియు ప్రస్తుత ట్రెండ్ ప్రకారం ఈ చిత్రం ఇప్పుడు నమోదు చేస్తున్న సంఖ్యల కంటే చాలా ఎక్కువ చేస్తుందని ట్రేడ్ వర్గాలు భావిస్తున్నారు.

ఇక కాంతార సినిమా హిందీ, తెలుగు వెర్షన్లలో ఈ వారమే విడుదలైంది. హిందీ వెర్షన్ మొదటి రోజు 1.3 కోట్ల నెట్ వసూలు చేసింది, గ్రాస్ దాదాపు 1.6 కోట్ల వరకూ ఉంటుంది. ఇక తెలుగు వెర్షన్ కి వస్తే కాంతార చిత్రం బాక్సాఫీస్ వద్ద విధ్వంసం సృష్టించిందని చెప్పాలి. తెలుగు వెర్షన్ ఓపెనింగ్ డే కలెక్షన్స్ కన్నడ వెర్షన్ మరియు హిందీ వెర్షన్ లలో సాధించిన గ్రాస్‌తో సమానంగా ఉండటం అందరికీ ఆశ్చర్యాన్ని కలిగించింది. తెలుగు రాష్ట్రాల్లో మొదటి రోజు 4 కోట్ల కంటే ఎక్కువ గ్రాస్‌తో ప్రారంభమైన ఈ సినిమా తెలుగు ప్రేక్షకుల అద్భుతమైన ఆదరణ వల్ల మొదటి రోజునే బ్రేక్‌ ఈవెన్ అమౌంట్ ను రికవరీ చేసింది.

ఇటీవలే ‘కేజీఎఫ్-2’ వంటి పాన్-ఇండియన్ హిట్ సినిమాను నిర్మించిన నిర్మాత విజయ్ కిరగందూర్, హోంబలే ఫిల్మ్స్ పతాకం పై ఎంతో ప్రతిష్టాత్మకంగా ఈ “కాంతార” చిత్రాన్ని నిర్మించారు. ఈ చిత్రం యొక్క కన్నడ వెర్షన్ సెప్టెంబర్ 30న విడుదలైంది కాగా ఈ చిత్రం తెలుగు, మలయాళం మరియు హిందీ భాషలలో నిన్న (అక్టోబర్ 15) విడుదలైంది.ఈ సినిమా ఇప్పటి వరకు విడుదలైన ప్రతిచోటా సంచలనం సృష్టించింది.

థియేటర్‌లో కూర్చున్న ప్రతి ప్రేక్షకుడిని ఈ సినిమా కట్టిపడేస్తోంది. ముఖ్యంగా కాంతార యొక్క క్లైమాక్స్ ఎపిసోడ్ ప్రేక్షకులపై అధివాస్తవిక ప్రభావాన్ని చూపుతోంది. అంతే కాక వారు థియేటర్ నుండి బయటకు వచ్చిన తర్వాత కూడా దాని ప్రభావం నుండి బయటకు రాలేకపోతున్నారు.

కాంతార చిత్రంలో కంబాల ఛాంపియన్‌గా ప్రధాన పాత్రలో కనిపించిన రిషబ్ శెట్టి ఈ సినిమాకు రచనతో పాటు దర్శకత్వం వహించారు. కాగా ఈ చిత్రంలో అటవీ అధికారిగా కిషోర్, భూస్వామి పాత్రలో అచ్యుత్ కుమార్ మరియు కథానాయిక పాత్రలో సప్తమి గౌడ నటించారు.

కన్నడ నటుడు, దర్శకుడు రిషబ్ శెట్టి నటించిన కాంతార దేశ వ్యాప్తంగా ప్రేక్షకులను ఆకర్షించింది. కాగా ఈ చిత్రం డబ్ చేయబడిన ప్రతి భాషలోనూ మంచి సమీక్షలతో పాటు థియేటర్ల వద్ద అత్యుత్తమ సంఖ్యలో ప్రేక్షకుల సంఖ్యను నమోదు చేసింది.

ఒక సినిమాకి సరైన పాజిటివ్ టాక్ వస్తే ఆ సినిమా ఏ స్థాయిలో ఆడుతుంది అనేదానికి ఉత్తమ ఉదాహరణగా కాంతార సినిమా నిలిచింది. ఈ చిత్రం గడిచే ప్రతి షోతో గణనీయంగా ప్రేక్షకుల సంఖ్యను పెంచుకుంటూ పోతుంది.

శనివారం (అక్టోబర్ 15) కాంతార చిత్రం తెలుగులో డబ్ చేయబడి విడుదలయిన సంగతి తెలిసిందే. ఇప్పటికే ఈ చిత్రం ఇతర భాషలలో విడుదలైంది. కాగా అన్ని భాషలలో ఊహించిన దాని కంటే మెరుగ్గా ప్రదర్శించబడుతోంది. హిందీలో శుక్రవారం విడుదలైన కాంతార తొలి రోజు 1 కోటి, శనివారం 2.5 కోట్ల కంటే ఎక్కువ కలెక్షన్లను సాధించింది. అదేవిధంగా, తెలుగు రాష్ట్రాల్లో, తొలి రోజే 2.5 కోట్లకు పైగా గ్రాస్ వసూలు చేసింది. ఇక కర్ణాటకలో, వరుసగా మూడవ వారంలో కూడా చాలా షోలు హౌస్‌ఫుల్‌గా ఉండటం విశేషం.

ఇక ఈరోజు ఆదివారం సెలవు రోజు కాబట్టి శనివారం కంటే ఎక్కువ కలెక్షన్లు సాధించే వీలు ఉంటుంది. ప్రస్తుతం ఉన్న ఊపుని బట్టి ఈ రోజు ప్రపంచ వ్యాప్తంగా 20 కోట్ల గ్రాస్ వసూలు చేయవచ్చు. ప్రస్తుత వేగంతో ఈ చిత్రం 200 కోట్ల అరుదైన క్లబ్‌లో చేరే అవకాశాలన్నీ ఉన్నట్లు ట్రేడ్ వర్గాలు అంచనా వేస్తున్నాయి.

ఈ చిత్రంలో కంబాల ఛాంపియన్‌గా ప్రధాన పాత్రలో కనిపించిన రిషబ్ శెట్టి ఈ చిత్రానికి రచన మరియు దర్శకత్వం కూడా వహించారు, కాంతార సినిమాలో విలక్షణ నటుడు కన్నడ కిషోర్, అచ్యుత్ కుమార్ మరియు సప్తమి గౌడ సహాయక పాత్రల్లో నటించారు.

ఇక కాంతార చిత్రం మరో అద్భుతమైన రికార్డుని అందుకుంది. ఇండియన్ సినిమా రేటింగ్స్ విష‌యంలో ఐఎండీబీ (ఇంటర్నెట్‌ మూవీ డేటాబేస్‌)ది ప్ర‌త్యేక స్థానం. ఏ సినిమాకి అయినా అక్కడ ప‌ర్‌ఫెక్ట్ రేటింగ్ ఉంటుంది. ఇప్ప‌టి వ‌కు కేజీఎఫ్‌2 సినిమా ఐఎండీబీ రేటింగ్స్‌లో ప్రథమ స్థానంలో ఉంది.

ఐఎండీబీలో కేజీఎఫ్‌2 రికార్డు 8.4 రేటింగ్ ను తెచ్చుకుంది. అయితే ఇప్పుడు కేజీఎఫ్2 రికార్డును కాంతార బ్రేk చేసి మొదటి స్థానంలోకి వెళ్ళింది. ఈ క్ర‌మంలో ఐఎండీబీలో కాంతార 9.4 రేటింగ్ ద‌క్కించుకున్న ఘ‌న‌త‌ను సాధించింది. కాగా ఎస్.ఎస్.రాజమౌళి బ్లాక్ బస్టర్ సినిమా RRRకు ఐఎండీబీలో 8.0 రేటింగ్ ఉంది.

గత ఏడాది కాలంగా నందమూరి బాలకృష్ణ ఇమేజ్‌లో భారీ మార్పు వచ్చిందనే చెప్పాలి. కొన్నాళ్లుగా సరైన సక్సెస్ లేని బాలయ్య.. కరోనా మహమ్మారి సమయంలో ‘అఖండ’ లాంటి బ్లాక్ బస్టర్ అందుకున్న తర్వాత మళ్లీ ట్రాక్ లోకి వచ్చారు. మరో వైపు, OTT ప్రపంచంలోకి ప్రవేశించిన తర్వాత, ఆయన ఇమేజ్ చుట్టూ చక్కని బజ్ సృష్టించబడింది.

తాజాగా బాలయ్య తొలిసారిగా ‘అన్‌స్టాపబుల్’ టాక్ షోకి హోస్ట్‌గా మారిన సంగతి తెలిసిందే. ఈ షో ఆహా OTTలో ప్రీమియర్ చేయబడింది. దెబ్బకు థింకింగ్ మారిపోవాల అనే క్యాప్షన్‌తో వచ్చిన ఈ టాక్ షో.. నందమూరి బాలకృష్ణ పట్ల అందరిలో ఉన్న ఆలోచనలను మార్చేసింది. అంతే కాక బాలకృష్ణ లోని మరో కోణాన్ని పరిచయం చేసిందని చెప్పొచ్చు. అయితే వీటన్నింటి వెనుక బాలకృష్ణ కూతురు తేజస్విని ఉందని కొందరికి మాత్రమే తెలుసు.

బాలకృష్ణ చిన్న కూతురు తేజస్విని ‘అన్‌స్టాపబుల్ విత్ ఎన్‌బికె’ షోకు క్రియేటివ్ కన్సల్టెంట్‌గా వ్యవహరిస్తున్నారు. బాలకృష్ణ డేట్స్ మరియు ఇతర పనులకు సంబంధించిన కార్యక్రమాలను ఆమె చూసుకుంటారు. ‘ఆహా’ టీమ్‌తో పాటు తన తండ్రి లుక్స్, కాస్ట్యూమ్స్ విషయంలోనూ ఆమె చాలా జాగ్రత్తలు తీసుకుంటున్నారట.

అయితే కథ ఇంతటితో ఆగిపోలేదు, విశ్వసనీయ వర్గాల సమాచారం ప్రకారం, తేజస్విని బాలకృష్ణ సినిమాల ఎంపికలోనూ పాల్గొంటున్నారట. మరియు ఇప్పుడు ఆమె స్వంతంగా ప్రొడక్షన్ హౌస్ ప్రారంభించే ఆలోచనలో ఉన్నట్లు తెలుస్తోంది. తన తండ్రి బాలకృష్ణ సినిమాతోనే ఆమె అరంగేట్రం చేయనున్నారని సమాచారం.

ఇప్ప‌టికే ఈ సినిమాకు సంబంధించిన స్క్రిప్ట్ వ‌ర్క్ జ‌రుగుతుంద‌ని స‌మాచారం. త్వరలోనే ఈ ప్రాజెక్టుకు దర్శకుడిని కూడా ఖరారు చేయనున్నారు. ప్రస్తుతం బాలకృష్ణ చేతిలో ఉన్న సినిమాలు పూర్తయిన తర్వాతే ఈ సినిమా ఉంటుందని అంటున్నారు.

టాలీవుడ్‌లోని ప్రముఖ కుటుంబాల నుంచి వారసులుగా కొడుకులు రావడం కొత్తేమీ కాదు. కానీ ఆడపిల్లలు రావడం చాలా అరుదు. అక్కినేని కుటుంబం నుంచి హీరోయిన్‌గా వచ్చిన సుప్రియ ఆ తర్వాత నిర్మాతగా మారారు. నిహారిక కొణిదెల కూడా మెగా ఫ్యామిలీలో హీరోయిన్ గా కెరీర్ ప్రారంభించి ఇప్పుడు నిర్మాతగా మారారు.

అలాగే సుస్మిత కొణిదెల కూడా కాస్ట్యూమ్ డిజైనర్‌గా ఇండస్ట్రీలో కొనసాగుతున్న సంగతి తెలిసిందే. ఇక ఘట్టమనేని కుటుంబానికి చెందిన మంజుల నటిగా, నిర్మాతగా, దర్శకురాలిగా తనదైన ప్రత్యేకతను చాటుకున్నారు. ఇక ఇప్పుడు నందమూరి ఫ్యామిలీ నుంచి బాలకృష్ణ కూతురు తేజస్విని కూడా ఈ జాబితాలోకి చేరనున్నారు.