ప్రస్తుతం తెలుగు సినిమా పరిశ్రమ పరిస్తితి ఏమాత్రం బాగోలేదు. పైకి అంతా బాగానే కనిపిస్తున్నా పలు రకాల సమస్యలతో సతమతం అవుతోంది అనేది వాస్తవం . ఒక సమస్య వదిలిందనుకుంటే మరొకటి మొదలవుతుంది. కరోనా వైరస్ కారణంగా ఏకంగా రెండేళ్ల పాటు సినిమాలు విడుదల చేయలేక పరిశ్రమ చాలా నష్టాలను చవి చూసింది . చాలా సినిమాల షూటింగ్‌లు నిలిచిపోవటం వలన నిర్మాతలు దెబ్బతిన్నారు. అలాగే పరిశ్రమ మీద ఆధారపడిన ఇతర రంగాల వారు కూడా నష్టపోయారు.

అయితే కరోనా రెండు వేవ్‌ల తర్వాత ఆ ప్రభావం సన్నగిల్లడంతో మళ్ళీ సినిమా నిర్మాణం, విడుదల చేయడం అన్ని పనులు తిరిగి ప్రారంభం అవడంతో ఇండస్ట్రీ వర్గాలు కాస్త ఊపిరి పీల్చుకున్నారు. హమ్మయ్య ఇక గాడిన పడుతుందని భావించారు. ఇక సమస్యలు ఏవీ లేకుండా హాయిగా వ్యాపారాన్ని చక్కదిద్దుకోవచ్చని అందరూ భావించారు. అయితే, కరోనా కారణంగా నష్టపోయిన వ్యాపారం తిరిగి లాభాల పాట పట్టాలనే ఉద్దేశ్యంతో ఒక తొందరపాటు నిర్ణయం తీసుకుని పెద్ద తప్పు చేశారు నిర్మాతలు.

చాలా రోజుల గ్యాప్ తర్వాత వస్తున్న పెద్ద హీరోల సినిమాలకు డబ్బులు ఖర్చు పెట్టడానికి అభిమానులు, సినిమా పిచ్చి ఉండే ప్రేక్షకులు ఎంత మాత్రం ఆలోచించరు గనక వారి పిచ్చి ప్రేమను క్యాష్ చేసుకునే ఆలోచనతో నిర్మాతలు అత్యాశకు పోయి సినిమా టికెట్ రేట్లు విపరీతంగా పెంచేశారు. రకరకాల కారణాలు చూపించిన ఇష్టం వచ్చినట్లుగా రేట్లు పెంచుకున్నారు. పెరిగిన టికెట్ రేట్లు పాన్ ఇండియా సినిమాలకు కొంతవరకూ లాభం తెచ్చిపెట్టినప్పటికీ, చాప కింద నీరులా ఈ టికెట్ రెట్లు ఒక వర్గం ప్రేక్షకులను సినిమాకు దూరం చేశాయి అనడంలో ఎలాంటి అనుమానం లేదు.

రాధేశ్యామ్, ఆచార్య, సర్కారు వారి పాట లాంటి సినిమాలకి 250-300 రేట్లతో టికెట్ల అమ్మకం జరిగింది. ఒక్కో టికెట్ రూ.300 లేదా 350 అంటే నలుగురు కుటుంబ సభ్యులు వెళ్లాలంటే సుమారు రూ.1500 దాకా ఖర్చు అవుతుంది. ఆ తర్వాత వచ్చిన ఎఫ్ 3 అయితే రూ.295, నాని నటించిన అంటే సుందరానికి కూడా అవే టికెట్ రేట్లు అమలులో ఉన్నాయి. దీంతో ప్రేక్షకులు ఇంక థియేటర్లకు వెళ్లి సినిమా చూసే కంటే కొన్ని రోజులు వేచి చూసి ఓటీటీ లోనే చూసుకోవచ్చు అనే నిర్ణయానికి వచ్చేశారు.

కళ్ళ ముందు ఇంత పెద్ద సమస్యను పెట్టుకుని నిర్మాతలు ఈ విషయాన్ని మాత్రం అస్సలు పట్టించుకోకుండా .. హీరోల రెమ్యునరేషన్ గురించీ, క్యారెక్టర్ ఆర్టిస్ట్ ల జీతభత్యాల గురించీ వాపోతున్నారు. అంతే తప్ప ఒక్క తాటి పై అందరూ ఉండి టికెట్ రేట్లను ఖరాఖండిగా నిర్ణయించకుండా విడుదల అయ్యే ప్రతి సినిమాకి రేట్లు ఎక్కువ తక్కువ అని ప్రచారం చేసుకుంటూ తమ పరువు తామే తీసుకుంటున్నారు.

ప్రమఖ నిర్మాత దిల్ రాజు గురించి ప్రత్యేకంగా చెప్పనక్కర్లేదు. స్వశక్తితో, ఎటువంటి బ్యాక్ గ్రౌండ్ లేకుండా ఆయన ఒక డిస్ట్రిబ్యుటర్ నుంచి అగ్ర నిర్మాతగా ఆయన ఎదిగిన వైనం ఎందరికో ఆదర్శంగా నిలిచింది అనడంలో ఎలాంటి సందేహం లేదు. మొదట్లో చిన్న సినిమాలతో ప్రయాణం మొదలుపెట్టిన దిల్ రాజు ఆ తరువాత పెద్ద హీరోలతోనూ సినిమాలు తీశారు.

ఈ నగరానికి ఏమైంది, ఫలక్ నుమా దాస్ వంటి సినిమాలతో.. నటుడుగా తనకంటూ ఓ ప్రత్యేక గర్తింపు తెచ్చుకున్న యువ హీరో విశ్వక్ సేన్. ఆయన కొత్త డైరెక్టర్ శైలేష్ కొలను దర్శకత్వంలో చేసిన ఇన్వెస్టిగేటివ్ థ్రిల్లర్ “హిట్”. హీరో నాని నిర్మించిన ఈ చిత్రం చక్కని ప్రశంసలతో పాటు బాక్స్ ఆఫీస్ వద్ద కూడా విజయం సాధించింది. విమర్శకుల ప్రశంసల్నీ దక్కించుకుంది. 2020లో కరోనా మొదట వేవ్ కి నెల రోజుల ముందు విడుదలైంది “హిట్” సినిమా.

ఆ చిత్రాన్ని హిందీలో యువనటుడు రాజ్ కుమార్ రావు హీరోగా, సానా మల్హోత్రా హీరోయిన్ గా.. తెలుగు వెర్షన్ ను తెరకెక్కించిన దర్శకుడు శైలేష్ కొలను ఏ ఈ రీమేక్ వెర్షన్ కూడా భాధ్యత వహించారు. దీనికి అగ్ర నిర్మాత దిల్ రాజు నిర్మాత. టీ సీరీస్ సంస్థ కూడా సహా నిర్మాతలుగా వ్యవహరించిన ఈ సినిమా ఈ శుక్రవారం విడుదల అయింది.అయితే రివ్యూల పరంగా ఈ చిత్రం బాగానే మార్కులు వేయించుకున్నా, బాక్స్ ఆఫీసు వద్ద మాత్రం వసూళ్లు మాత్రం మరీ తీసికట్టుగా ఉన్నాయి.

దిల్ రాజు “హిట్” సినిమా కాకుండా మరో హిందీ సినిమాకు కూడా నిర్మాతగా వ్యవహరించారు. తెలుగులో హీరో నాని – గౌతమ్ తిన్ననూరి కాంబినేషన్లో వచ్చిన “జెర్సీ” చిత్రాన్ని హిందీలో షాహిద్ కపూర్ తో నిర్మించారు. అయితే ఆ చిత్రం కూడా కేవలం రివ్యూల వరకే మంచి స్పందన రాగా.. బాక్స్ ఆఫీస్ వద్ద ఘోర పరాజయం పొందింది. తొలి మూడు రోజుల వరకూ నామ మాత్రపు కలెక్షన్లు వచ్చినా ఆ తరువాత ఒక్కసారిగా ఆ చిత్రం చతికిల బడింది. సుమారుగా 25 కోట్ల గ్రాస్ మాత్రమే వసూలు చేయగలిగింది.

దిల్ రాజు హిందీలో తీసిన రెండు చిత్రాలు కూడా ఇలా ఫ్లాప్ అవడంతో.. ఆయనకు హిందీ పరిశ్రమ అంతగా అచ్చి రాలేదు అనే మాటలు ఇండస్ట్రీ వర్గాల్లో వినిపిస్తున్నాయి. తెలుగులో పని చేసే విధానానికి, హిందీలో పని చేసే విధానానికి చాలా తేడా ఉంది. అలాగే ప్రచార కార్యక్రమాల కూడా పద్ధతి కూడా వేరేలా ఉంటుంది. మరి రెండు పరాజయాల తరువాత దిల్ రాజు హిందీ సినిమా వైపు వెళ్లకుండా ఉంటారా లేక మరోసారి ప్రయత్నించి విజయం సాధిస్తారా అనేది చూడాలి.

సినిమా ఇండస్ట్రీలో ఎన్ని రంగులు.. హంగులు ఉంటాయో వారి వ్యక్తిగత జీవితంలో బయటకి కనిపించని కొన్ని చేదు సంఘటనలు, అనుభవాలు ఉంటాయి. ఎందుకంటే వారు వృత్తి పరంగా స్టార్స్ అయినప్పటికీ వాళ్ళు కూడా సాధారణ మనుషులే కదా. వాళ్ళకి కూడా సమస్యలు, ఇబ్బందులు ఉంటాయి. అందులో హీరో హీరోయిన్లు పెళ్ళి చేసుకోవడం అనుకోని పరిస్థితుల్లో విడిపోవడం కూడా మాములు విషయంలా అయిపోయింది.

తాజాగా బెస్ట్ కపుల్ అనబడే విధంగా నడుచుకున్న నాగ చైతన్య – సమంత విడాకులు తీసుకున్న సంగతి తెలిసిందే. అదే కోవలో ధనుష్ – ఐశ్వర్య రజనీకాంత్ కూడా చేరారు. ఇక ఈ లిస్ట్ లో మరో జంట చేరింది. అయితే వారు హీరో హీరోయిన్లు కారు. ఆ జంట దర్శకుడు శ్రీను వైట్ల – రూపా వైట్ల.

ప్రముఖ దర్శకుడు శ్రీను వైట్ల నుంచి విడాకులు కావాలని ఆయన భార్య రూపా వైట్ల కోర్టును ఆశ్రయించారు అంటూ మీడియాలో వార్తలు వస్తున్నాయి. ఆమె నాంపల్లి కోర్టులో ఈ మేరకు డైవర్స్ కు ఫైల్ చేసారని చెప్పుకుంటున్నారు. అది మాత్రమే కాదని, గత నాలుగు సంవత్సరాలుగా ఈ దంపతులు విడిగా ఉంటున్నారని చెప్తున్నారు. అభిప్రాయ భేధాలు విపరీతంగా పెరిగి పోవటమే విడాకులుకు కారణంగా వినపడుతోంది. అయితే ఈ విషయమై ఇంకా అధికారిక ప్రకటన అయితే రాలేదు. ఈ విషయం నిజమో కాదో తెలియాలంటే ఇరు పక్షాలలో ఎవరో ఒకరు పెదవి విప్పాల్సిందే.

ఇక కెరీర్ విషయానికి వస్తే.. శ్రీనువైట్ల ప్రస్తుతం పూర్వ తన వైభవాన్ని అందుకోవడం కోసం విశ్వ ప్రయత్నం చేస్తున్నారు. ఆనందం, వెంకీ, ఢీ, దుబాయ్ శీను, దూకుడు, బాద్ షా లాంటి బ్లాక్ బస్టర్ హిట్‌లతో ఒక దశలో తెలుగు సినీ పరిశ్రమలో దిగ్గజ దర్శకుల జాబితాలో ఉండేవారు. అయితే ఆ తరువాత వరుస పరాజయాల వల్ల వెనక్కి తగ్గిపోయారు.

మెగా ప్రిన్స్ వరుణ్ తేజ్ తో తీసిన ‘మిస్టర్’ సినిమా అట్టర్ ఫ్లాప్ అవగా.. రవితేజ హీరోగా ‘అమర్ అక్బర్ ఆంటోని’ అనే చిత్రం కూడా భారీ డిజాస్టర్ గా నిలిచిన సంగతి తెలిసిందే. ప్రస్తుతం శ్రీను వైట్ల మంచు విష్ణుతో ఢీ అండ్ ఢీ అనే టైటిల్ తో సినిమా చేస్తున్నారు. వారి కాంబినేషన్లో వచ్చిన ఢీ సీక్వెల్ గా ఆ సినిమా ఉంటుందనే మాట వినిపించినా తరువాత అదేమీ లేదని కేవలం టైటిల్ అలా ఉంది తప్ప పార్ట్ 2 కాదని మంచు విష్ణు తెలిపారు.