యంగ్‌ హీరో కిరణ్ అబ్బవరం వరుస సినిమాలతో దూసుకుపోతున్నాడు. రాజా వారు రాణి గారు, ఎస్‌ఆర్‌ కల్యాణమండపం,సమ్మతమే చిత్రాలతో అలరించిన కిరణ్‌ హీరోగా ఇప్పుడు “నేను మీకు బాగా కావాల్సినవాడిని” చిత్రం విడుదలకు సిద్దమవుతుంది. కోడి రామకృష్ణ ప్రథమ కుమార్తె కోడి దివ్య దీప్తి నిర్మాతగా వ్యవహరిస్తున్నారు. ఈ సినిమాకు ఎస్‌ఆర్‌ కల్యాణమండపం డైరెక్టర్‌ శ్రీధర్‌ గాదే దర్శకత్వం వహిస్తున్నారు.

ఈ మూవీకి మెలోడి బ్రహ్మ మణిశర్మ సంగీతం అందిస్తున్నారు.ఇప్పటికే విడుదలైన ఈ సినిమా పాటలకు మంచి రెస్పాన్స్ వచ్చింది. తాజాగా ఈ చిత్రం నుండి “చాలా బాగుందే” అనే లిరికల్ సాంగ్ ను విడుదల చేసింది చిత్రబృందం. ఈ పాట వింటుంటే ఇది మెలోడీ సాంగ్ అని అర్ధమవుతుంది.

అలానే ఈ ట్రైలర్ కు కూడా మంచి స్పందన లభించింది. కిరణ్ ఈ సినిమాలో క్యాబ్ డ్రైవర్ గా కనిపించనున్నాడు. ప్రముఖ దర్శకుడు, నటుడు ఎస్.వి కృష్ణారెడ్డి ఈ సినిమాలో కనిపిస్తున్నారు. కిరణ్ అబ్బవరం తో పాటు కొరియోగ్రాఫర్ బాబా భాస్కర్ కూడా కనిపించనున్నాడు. ఫ్యామిలీ ఎంట‌ర్టైన‌ర్‌గా తెర‌కెక్కిన ఈ చిత్రంలో కిర‌ణ్‌కు జోడీగా సంజ‌నా ఆనంద్ హీరోయిన్‌గా న‌టించింది.కమర్షియల్‌ ఫ్యామిలీ ఎంటర్‌టైనర్‌గా వస్తున్న ఈ సినిమా, ఈ నెల 16న విడుదల కానుంది.

‘రాజావారు రాణిగారు’ సినిమాతో హీరోగా పరిచయమైన కిరణ్ అబ్బవరం.. తొలి చిత్రంతోనే అటు ఇండస్ట్రీ ఇటు ప్రేక్షకుల దృష్టిని ఆకర్షించారు. ఆ తర్వాత వచ్చిన ‘ఎస్ఆర్ కళ్యాణమండపం’ చిత్రంతో సూపర్ హిట్ సాధించి ఆ తర్వాత వరుస అవకాశాలు అందుకున్నారు. ఈ ఏడాదిలో ఇప్పటికే ‘సెబాస్టియన్’, ‘సమ్మతమే’ చిత్రాలతో ప్రేక్షకులను పలకరించిన కిరణ్.. ఇప్పుడు ‘నేను మీకు బాగా కావాల్సినవాడిని’ అంటూ వస్తున్నారు.

కిరణ్‌ హీరోగా తాజాగా నటించిన సినిమా “నేను మీకు బాగా కావాల్సినవాడిని” చిత్రం శరవేగంగా షూటింగ్ పూర్తి చేసుకుని విడుదలకు సిద్ధంగా ఉంది. ఈ మేరకు చిత్ర ప్రచార కార్యక్రమాలను వేగవంతం చేసిన చిత్ర బృందం తాజాగా ఈ చిత్ర ట్రైలర్ ను పవర్ స్టార్ పవన్ కళ్యాణ్ చేతుల మీదుగా వదిలారు. ఇక ఇంటర్నెట్ లో అందుబాటులోకి వచ్చిన తరువాత “నేను మీకు బాగా కావాల్సినవాడిని” ట్రైలర్ యూట్యూబ్ లో ట్రెండ్ కూడా అయింది.

ట్రైలర్ బట్టి చూస్తుంటే సినిమాలో అన్ని కమర్షియల్ హంగులు సమపాళ్లలో ఉన్నట్లు స్పష్టం అవగా.. ట్రైలర్ కు ప్రేక్షకుల నుండి మంచి స్పందన వచ్చింది. కిరణ్ అబ్బవరం ఈ చిత్రంతో తొలిసారి ఒక క్యాబ్ డ్రైవర్ గా మాస్ లుక్ లో కనిపించనున్నారు. అలాగే ప్రముఖ దర్శకుడు, నటుడు ఎస్.వి కృష్ణారెడ్డి ఈ సినిమాలో ఒక ముఖ్య పాత్రలో కనిపిస్తున్నారు. కిరణ్ అబ్బవరం తో పాటు కొరియోగ్రాఫర్ బాబా భాస్కర్ కూడా కనిపించనున్నారు. ఫ్యామిలీ ఎంట‌ర్టైన‌ర్‌గా తెర‌కెక్కిన ఈ చిత్రంలో కిర‌ణ్‌కు జోడీగా సంజ‌నా ఆనంద్ హీరోయిన్‌గా నటించారు.

కమర్షియల్‌ ఫ్యామిలీ ఎంటర్‌టైనర్‌గా వస్తున్న ఈ సినిమాను సెప్టెంబర్ 9న విడుదల చేయాలని చిత్ర బృందం ప్లాన్ చేశారు. అయితే సెప్టెంబర్ 9వ తేదీన ప్యాన్ ఇండియా మూవీ ‘బ్రహ్మాస్త్ర ‘ సినిమాతో పాటుగా ‘ఒకే ఒక జీవితం’ చిత్రం కూడా విడుదల అవుతుండటం వల్ల విడుదల తేదీని ఈ నెల 16కు వాయిదా వేసి భారీ స్థాయిలో ప్రేక్షకుల ముందుకు తీసుకొస్తున్నారు. ఈ సినిమా కిరణ్ కెరీర్ కి బాగా ప్లస్ అవుతుందని అంచనా వేస్తున్నారు.

కాగా సినిమా రిజల్ట్ పై యువ హీరో కిరణ్ అబ్బవరం పూర్తి నమ్మకంతో ఉన్నారు. రషెస్ చూసిన తర్వాత సినిమా ఔట్ పుట్ తో చాలా సంతృప్తి చెందారని సమాచారం. అందుకే ”డేట్ మారుతుంది అంతే.. ఎంటర్టైన్మెంట్ మాత్రం పక్కా” అని లోగడ కిరణ్ ట్వీట్ కూడా చేసారు. ‘నేను మీకు బాగా కావాల్సినవాడిని’ సినిమాకి కిరణ్ స్వయంగా స్క్రీన్ ప్లే – డైలాగ్స్ అందించడం మరో విశేషం.

కోడి దివ్య ఎంటర్టైన్మెంట్స్ బ్యానర్ పై కోడి రామకృష్ణ కుమార్తె కోడి దివ్య దీప్తి ఈ చిత్రాన్ని నిర్మించారు. ఎస్‌ఆర్‌ కల్యాణమండపం డైరెక్టర్‌ శ్రీధర్‌ గాదే దర్శకత్వం వహిస్తున్నారు. నరేష్ రెడ్డి మూలే సహ నిర్మాతగా వ్యవహరించారు. మెలోడీ బ్రహ్మ మణిశర్మ సంగీతం సమకూర్చారు. రాజ్ నల్లి సినిమాటోగ్రఫీ అందించగా.. ప్రవీణ్ పూడి ఎడిటింగ్ వర్క్ చేసారు. ఈ సినిమాతో హీరో కిరణ్ అబ్బవరం భారీ విజయాన్ని అందుకుంటారని ఆశిద్దాం.

సినిమా పరిశ్రమలో మాత్రమే కాకుండా బయట సమాజంలో జరిగే సంఘటనల పై కూడా తనదైన శైలిలో స్పందించే రామ్ గోపాల్ వర్మ మరోసారి వివాదాస్పదమైన ట్వీట్ల ద్వారా వార్తల్లో నిలిచారు. ఆయన ట్వీట్స్ కు కొందరు మద్దతును ఇవ్వగా.. మరికొందరు వోడ్కా ట్వీట్స్ అంటూ కొట్టిపారేస్తున్నారు. ఇంతకీ వర్మ ఏమి ట్వీట్ చేసారంటే..

రెబెల్ స్టార్ కృష్ణంరాజు ఆదివారం తెల్లవారుజామున కన్నుమూశారు. హైదరాబాద్ గచ్చిబౌలిలోని ఏఐజీ ఆస్పత్రిలో చికిత్స పొందుతూ తుదిశ్వాస విడిచారు. కాగా సోమవారం మధ్యాహ్నం అంటే ఈరోజు కృష్ణంరాజు గారి అంత్యక్రియలు జరుగుతాయి అని వారి కుటుంబ సభ్యులు ప్రకటించారు.

ఇదిలా ఉండగా ఈ నేపథ్యంలో రామ్ గోపాల్ వర్మ దూరారు. భక్త కన్నప్ప, కటకటాల రుద్రయ్య, బొబ్బిలి బ్రహ్మన్న, తాండ్ర పాపారాయుడు లాంటి అత్యంత గొప్ప చిత్రాలని అందించిన మహా నటుడు, అలాగే గొప్ప నిర్మాత అయిన మనిషి కోసం ఒక్క రోజు కూడా షూటింగ్ ఆపలేరా అంటూ తెలుగు సినిమా పరిశ్రమను అత్యంత స్వార్థ పరమైనదిగా పేర్కొంటూ తీవ్రంగా మండి పడ్డారు.

ఇక అదే వరుసలో ఆయన ఇండస్ట్రీలోని సీనియర్ మరియు స్టార్ హీరోలు, నటులని కూడా ట్యాగ్ చేశారు. ఈ క్రమంలో సూపర్ స్టార్ కృష్ణగారిని, మురళీమోహన్ గారిని, మెగాస్టార్ చిరంజీవిగారిని, మోహన్ బాబుగారిని, నందమూరి బాలకృష్ణ గారిని , ప్రభాస్ ,మహేష్ బాబు మరియు పవన్ కళ్యాణ్ వంటి అందరినీ ఈ విషయం మీద ట్యాగ్ చేస్తూ.. రేపు ఇదే దుస్థితి మీకు కూడా ఎదురు కాక తప్పదు. ఒక మహోన్నత కళాకారుడికి ఇవ్వలేని మహోన్నత వీడ్కోలు మన మీద మనమే ఉమ్మేసుకోవడం లాంటిదని ఆయన అన్నారు.

మీకు మనసు లేకపోయినా పరవాలేదు. కనీసం మీ చావుకయినా విలువ ఉండాలంటే పోయిన కృష్ణంరాజుగారి లాంటి పెద్దమనిషికి విలువ ఇవ్వండి .. కనీసం రెండు రోజులు షూటింగ్ ఆపండి అంటూ లోగడ షూటింగ్ ఖర్చు ఎక్కువ అయిపోతోంది అని నెలరోజుల పాటు షూటింగ్ ఆపేసిన సంగతిని గుర్తు చేస్తూ దెప్పి పొడిచారు.

ఇక్కడ తప్పొప్పులు పక్కన పెడితే.. అసలు ఒక మహా మనిషి చనిపోయిన దశలో ఇలా తన కుహనా మేధావితనాన్ని ప్రదర్శించడం రామ్ గోపాల్ వర్మకి మాత్రమే చెల్లుతుంది. వీలయితే కృష్ణంరాజు గారికి తన మనస్ఫూర్తిగా శ్రద్ధాంజలి ఘటించి తన గౌరవాన్ని రామూ నిలబెట్టుకోవాలి.

కానీ ఇలాంటి విషాదకరమైన పరిస్థితిని తన అవసరానికి వాడుకునెంత స్థాయికి దిగజారడం మాత్రం అత్యంత హేయమైన చర్యకు పాల్పడటం అవుతుంది. ఇలాంటి పనుల వల్ల రామ్ గోపాల్ వర్మ తన గౌరవాన్ని తానే తగ్గించినట్లు అవుతుంది అనడంలో ఎలాంటి అనుమానం లేదు.

సినిమా పరిశ్రమలో ఒక హీరోకు అనుకున్న కథ ఇంకో హీరో దగ్గరకి వెళ్ళడం.. సినిమా షూటింగ్ స్టార్ట్ అయిన తరువాత ఒక హీరో స్థానంలో ఇంకో హీరో వచ్చి చేరడం ఇవన్నీ సాధారణంగా జరిగేవే. అలాంటి కొన్ని యాదృచ్ఛిక సంఘటనల వల్ల ఒక్కోసారి బ్లాక్ బస్టర్ సినిమాలు చేజారిన హీరోలు ఉంటే.. అనుకోకుండా డిజాస్టర్ సినిమాలు సాధించిన హీరోలు కూడా ఉన్నారు. ప్రస్తుతం ఒక స్టార్ హీరో చేయాల్సిన సినిమా మరో హీరో దగ్గరకి వెళ్ళనుందనే ఒక వార్త టాలీవుడ్ వర్గాలలో వినిపిస్తుంది.

ఐకాన్ స్టార్ అల్లు అర్జున్ గత ఏడాది నటించిన ‘పుష్ప’ సినిమాతో ప్యాన్ ఇండియా స్టార్ గా ఎదిగిపోయారు. సృజనాత్మక ఆలోచనలను ఆసక్తికరంగా తెరకెక్కించే దర్శకుడు సుకుమార్.. పుష్ప సినిమాని అత్యంత భారీ స్థాయిలో తెరకెక్కించి ప్రేక్షకుల చేత శభాష్ అనిపించుకున్నారు. కాగా ఈ సినిమా బాక్సాఫీస్ వద్ద భారీ వసూళ్లని రాబట్టి అల్లు అర్జున్ స్టార్డం ను తారాస్థాయికి తీసుకెళ్లింది. అంతే కాకుండా అందరినీ ఆశ్చర్య పరుస్తూ.. కరోనా మహమ్మారి అందరినీ భయభ్రాంతులని చేస్తున్న సమయంలో వచ్చి హిందీ వెర్షన్ లో విడుదలైన ఈ సినిమా అనూహ్యంగా అక్కడ 100 కోట్లకు మించి వసూళ్లను రాబట్టిన విషయం తెలిసిందే. ‘పుష్ప’ సంచలన విజయాన్ని దృష్టిలో పెట్టుకుని పార్ట్ 2ని మరింత భారీ స్థాయిలో తెర పైకి తీసుకురాబోతున్నారు.

ఇదిలా ఉండగా ‘పుష్ప’ సినిమాకి ముందు అల్లు అర్జున్ చేయాల్సిన ‘ ఐకాన్ ‘ సినిమా సెట్స్ పైకి వెళ్లాల్సి ఉండగా.. ఆ సినిమా నుంచి ఇప్పుడు అల్లు అర్జున్ తప్పుకున్నట్లు వార్తలు వినిపిస్తున్నాయి. వేణు శ్రీరామ్ దర్శకత్వంలో, అగ్ర నిర్మాత దిల్ రాజు అత్యంత భారీ స్థాయిలో ఈ సినిమాని నిర్మించాలని సన్నాహాలు చేశారు. కానీ కొన్ని కారణాల వల్ల ఈ ప్రాజెక్ట్ ని అల్లు అర్జున్ వదిలేసి సుకుమార్ తో ‘పుష్ప’ చేయడానికి వెళ్లడంతో దీన్ని పక్కన పెట్టారు. కాగా ఇదే సమయంలో దర్శకుడు వేణు శ్రీరామ్ .. పవర్ స్టార్ పవన్ కల్యాణ్ తో ‘వకీల్ సాబ్’ని తెరకెక్కించిన విషయం తెలిసిందే.

ఆ తరువాత ‘పుష్ప’ విడుదలై ప్యాన్ ఇండియా స్థాయిలో భారీ బ్లాక్ బస్టర్ సినిమాగా నిలిచింది. అయితే ఈ సినిమా తరువాత కూడా అల్లు అర్జున్.. వేణు శ్రీరామ్ సినిమా చేసే అవకాశం లేకుండా పోయింది. ‘పుష్ప’ సినిమాని రెండు భాగాలుగా చేయాలని సంకల్పించడంతో బన్నీ ఇప్పుడు పూర్తిగా ‘పుష్ప’ ప్రాజెక్ట్ కే అంకితం అయిపోయారు.

దీంతో దర్శకుడు వేణు శ్రీరామ్ తన డ్రీమ్ ప్రాజెక్ట్ ‘ఐకాన్’ ని ఇతర హీరోలతో చేయడానికి నిర్ణయించుకుని ఆ దిశగా ప్రయత్నాలు కూడా చేయడం మొదలు పెట్టారు.

అయితే తాజాగా వినిపిస్తున్న సమాచారం ప్రకారం.. ఐకాన్ కథను హీరో రామ్ చరణ్ కు వినిపించారట. మరి మెగా పవర్ స్టార్ రామ్ చరణ్ ఆ స్క్రిప్ట్ ను ఓకే చేస్తారా లేదా అనేది తెలియాలంటే కొన్ని రోజులు ఎదురు చూడక తప్పదు.

ప్రస్తుతం రామ్ చరణ్ డైరెక్టర్ శంకర్ తో కలిసి సినిమా చేస్తున్న విషయం తెలిసిందే. ఈ సినిమా తరువాత గౌతమ్ తిన్ననూరి దర్శకత్వంలో యువీ క్రియేషన్స్ బ్యానర్ లో సినిమా చేయాలి. అయితే ఆ సినిమా రద్దు చేశారని ఇటీవలే పుకార్లు వచ్చాయి.

రణబీర్ కపూర్ నటించిన బ్రహ్మాస్త్ర సినిమా బాక్సాఫీస్‌ వద్ద కలెక్షన్ల విధ్వంసం సృష్టించింది. మరియు ప్రేక్షకులను విశేష స్థాయిలో ఆకట్టుకుని థియేటర్లకు రప్పిస్తోంది. ఈ చిత్రం మొదటి రోజు విమర్శకుల నుంచి నెగటివ్ రివ్యూలను తెచ్చుకున్నా.. ధియేటర్ల వద్ద మాత్రం భారీ స్థాయిలో ఆక్యుపెన్సీని పొందింది. అలాగే రెండవ రోజు కూడా నిలకడగా రాణిస్తూ మంచి నంబర్లను నమోదు చేసింది.

కాగా రెండవ రోజు బ్రహ్మాస్త్ర (అన్ని వెర్షన్లు కలిపి) 40 కోట్ల రూపాయల నెట్ ను వసూలు చేసింది. ఇక రెండు రోజుల వరకూ అన్ని వెర్షన్ల నెట్ ను పరిశీలిస్తే 75 కోట్లకు భారీ నంబర్ వచ్చింది. ఓవరాల్ గా కేవలం హిందీ వెర్షన్ నుంచి 67 కోట్ల నెట్ రాబట్టగా, ఇతర భాషల్లో 8 కోట్ల రూపాయల నెట్ వసూలు చేసింది. మొత్తంగా రణబీర్ కపూర్ బ్రహ్మాస్త్ర మూడవ రోజు కూడా ఘనంగా ఉండేలా కనిపిస్తోంది. ఈ చిత్రానికి అడ్వాన్స్‌ బుకింగ్ల ట్రెండ్ చూస్తుంటే 25 కోట్లకు పైగానే రాబడుతుందని ట్రేడ్ వర్గాలు అంటున్నాయి. ఇది చిత్ర నిర్మాతలతో పాటు బాలీవుడ్ ట్రేడ్ వర్గాలు కూడా ఆనందించే విషయం అనడంలో ఎలాంటి సందేహం లేదు.

గత కొన్ని రోజులుగా, మరీ ముఖ్యంగా కరోనా తరువాత సరైన హిట్ సినిమాలు లేని బాలీవుడ్ ఇండస్ట్రీ కి ‘బ్రహ్మాస్త్ర’ సినిమా బాక్స్ ఆఫీస్ వద్ద తొలి రెండు రోజుల వరకు బ్రహ్మాండమైన వసూళ్లు సాధించడం గొప్ప అనుభూతిని కలిగిస్తుంది. ఎన్నో రోజుల తరువాత ఒక హిందీ సినిమాకు తొలి వీకెండ్ వద్ద థియేటర్లకు ప్రేక్షకులు భారీ సంఖ్యలో తరలి వచ్చారు.

సినిమా విడుదలకు ముందు హీరో హీరోయిన్లు ర‌ణ్‌బీర్‌ కపూర్, ఆలియా భట్ దేశంలో వివిధ నగరాలు తిరిగి చేసిన ప్రచారం.. అలాగే నిర్మాత కరణ్ జోహార్, తెలుగు సినీ దర్శకధీరుడు ఎస్.ఎస్. రాజమౌళి ఈ సినిమాకి వెన్నుదన్నుగా నిలబడటంతో ఓపెనింగ్స్ ఇంత బాగా వచ్చాయి. మరో ఆసక్తికరమైన విషయం ఏమిటంటే కేవలం అడ్వాన్స్ బుకింగ్ల ద్వారానే వీకెండ్ వరకూ కొన్ని స్క్రీన్లు హౌస్ ఫుల్స్ అయిపోయాయి. ఈ రోజు ఆదివారం కాబట్టి తొలి వీకెండ్ అడ్వాంటేజ్ తో ఖచ్చితంగా కలెక్షన్లు బాగుంటాయి. మరి రేపు సోమవారం నుంచి బాక్స్ ఆఫీస్ వద్ద ఈ సినిమా ప్రదర్శన ఎలా ఉంటుందనేది చూడాలి.

ఇక తెలుగు రాష్ట్రాలైన ఆంధ్ర ప్రదేశ్, తెలంగాణలో తొలి రోజు ‘బ్రహ్మాస్త్ర’కు రికార్డు స్థాయిలో వసూళ్లు వచ్చాయి. హిందీ డబ్బింగ్ చిత్రాల వరకూ బిగ్గెస్ట్ ఓపెనింగ్ ను సాధించి అందరినీ ఆశ్చర్యపరిచింది. ఇంతకు ముందు ఈ రికార్డు ధూమ్ 3 పేరిట ఉండేది. ఈ సినిమాకి గతంలో ఏ హిందీ సినిమాకూ జరగని స్థాయిలో ప్రచారం జరిగింది. ఈ సినిమా ప్రీ రిలీజ్ ప్రెస్‌మీట్‌కు యంగ్ టైగర్ ఎన్టీఆర్ ముఖ్య అతిథిగా విచ్చేశారు. దానితో పాటు టాలీవుడ్ కింగ్ అక్కినేని నాగార్జున సినిమాలో ముఖ్య అతిథి పాత్ర చేయడం, అలాగే ‘ఆర్ఆర్ఆర్’లో హీరోయిన్ గా నటించిన ఆలియా భట్ ఇందులో నటించడం ఇన్ని ఆసక్తి గొలిపే అంశాలు ఉండటంతో తెలుగు ప్రేక్షకులు కూడా ఈ సినిమా పై ఆసక్తి కనబరిచారు.