కొంత కాలం క్రితం దర్శకుడు వివి వినాయక్ హీరోగా తెరంగేట్రం చేస్తూ ‘సీనయ్య’ అనే సినిమాను మొదలు పెట్టిన సంగతి తెలిసిందే. ఈ చిత్రానికి సంబంధించిన పోస్టర్లు కూడా విరివిగా వదిలి బాగా ప్రచారం కూడా చేశారు. అప్పట్లో తమిళ సినిమా పవర్ పాండి చిత్రానికి ఇది రీమేక్ అని వార్తలు వచ్చినప్పటికీ.. ఆ తర్వాత అదేమీ లేదని ఇది పూర్తిగా కొత్త సినిమా అని తెలిసింది.

అయితే షూటింగ్ స్టార్ట్ అయిన కొద్ది రోజులకే, కొన్ని కారణాల వల్ల ఆ సినిమా ఆగిపోయింది. దిల్ రాజు ఆ సినిమాని నిర్మించే భాధ్యత తీసుకున్నారు. అయితే ఈ చిత్రం ఎందుకు ఆగిపోయింది అనే విషయానికి కారణాలు తెలియరాలేదు.

తాజాగా వినిపిస్తున్న వార్తల ప్రకారం , వివి వినాయక్ మరో సినిమాతో హీరోగా రీలాంచ్ అవ్వాలని నిర్ణయించుకున్నారట. వినాయక్ తన సినిమాల ద్వారా అఖిల్, బెల్లంకొండ శ్రీనివాస్ లాంటి హీరోలను ఇదివరకు పరిచయం చేశారు. చిత్రం ఏమిటంటే, దర్శకుడిగా ఆయన తదుపరి చిత్రం బెల్లంకొండ శ్రీనివాస్‌తో చేస్తున్నారు. ఈ సినిమా ప్రభాస్ ‘చత్రపతికి రీమేక్ గా తెరకెక్కుతుంది. ఈ సినిమా అటు బెల్లంకొండ శ్రీనివాస్ , ఇటు వివి వినాయక్ ఇద్దరికీ బాలీవుడ్లో తొలి చిత్రం కావడం విశేషం.

చత్రపతి రీమేక్ ను హిందీలో చిత్రీకరించి ఆ పైన తెలుగు, తమిళ భాషల్లో డబ్ చేయనున్నారు. నిర్మాత జయంతిలాల్ గదా పెన్ స్టూడియోస్ బ్యానర్ పై భారీ స్థాయిలో ఈ చిత్రాన్ని తెరకెక్కిస్తున్నారు. ఇక ఈ సినిమా విడుదల అయిన తర్వాత స్వీయ దర్శకత్వంలో ఒక సినిమాను నిర్మించి అందులో తానే నటించేందుకు వినాయక్ స్క్రిప్ట్ ను రెడీ చేస్తున్నారని సమాచారం.

వినాయక్ ఇమేజ్ మరియు బాడీ లాంగ్వేజ్ తో పాటు ఆయన వయసుకు తగ్గ పాత్రతో ప్రేక్షకుల ముందుకు రాబోతున్నారని తెలుస్తోంది. వినాయక్ నటుడిగా ఇంతకు ముందు మెగాస్టార్ చిరంజీవితో తీసిన ఠాగూర్ చిత్రంలో చిన్న పాత్రలో మెరిశారు. కాగా ఆయన నటనకు మంచి ప్రశంసలు దక్కాయి. ఇక వినాయక్ ఫుల్ లెంగ్త్ హీరో రోల్ లో పూర్తి స్థాయి సినిమాతో ప్రేక్షకుల ముందుకు వచ్చి విజయం దక్కించుకుంటారని ఆశిద్దాం.

దక్షిణ భారత సినీ పరిశ్రమలలో అత్యంత ప్రతిభావంతులైన నటీమణులలో సమంత రుత్ ప్రభు ఒకరు. 12 ఏళ్ళ కెరీర్ లో నటిగా ఎన్నో అద్భుతమైన పాత్రలతో, సినిమాలతో ప్రేక్షకులను మెప్పించారు. కాగా గత సంవత్సరం విడుదలైన పుష్ప సినిమాలో ఊ అంటావా అనే పాటతో దేశాన్ని ఊపేసిన సంగతి తెలిసిందే.

అయితే గత కొంతకాలంగా సమంతా మీడియా, మరియు సోషల్ ఎంగేజ్‌మెంట్‌లకు దూరంగా ఉంటున్నారు. తన మాజీ భర్త నాగ చైతన్య నుండి విడాకులు తీసుకున్న కారణంగా సమంత తక్కువగా బయటకు వస్తున్నారని కొందరు భావించినప్పటికీ, తాజాగా తెలిసింది ఏంటంటే ఆమె కొన్ని ఆరోగ్య సమస్యలను ఎదుర్కొంటున్నారని, అందువల్ల ఆమె కొన్ని రోజులు అందరికీ దూరంగా ఉంటున్నారని సమాచారం.

విశ్వసనీయ వర్గాల నివేదికల ప్రకారం, సమంత గత కొన్ని నెలలుగా ఆరోగ్యం విషయంలో బాధ పడుతున్నారని, అందుకే ఆమె ప్రజల దృష్టికి దూరంగా ఉండాలని సూచించబడ్డారని తెలుస్తోంది.

ఈ కారణం వల్లే.. సమంత – విజయ్ దేవరకొండల ఖుషి సినిమా షూటింగ్ ఆగిపోయిందట, ఆరోగ్యం కుదుటపడేందుకు సమంతకు కొన్ని రోజుల సమయం అవసరం పడటం వల్ల, ఆమె నటిస్తున్న ఇతర సినిమాల షూటింగ్‌లు, పోస్ట్ ప్రొడక్షన్ పనులు కూడా ఆగిపోయాయి. ప్రస్తుతం సమంత కొన్ని చర్మవ్యాధులతో బాధపడుతున్నారని, అందుకు ఆమె అమెరికాలో చికిత్స చేయించుకొని, ఆ తర్వాత మళ్లీ షూటింగ్లకి హాజరు కానున్నారని ఇండస్ట్రీ వర్గాల వారు గట్టిగా చెబుతున్నారు.

సమంత ఇటీవలి కాలంలో సోషల్ మీడియా ప్లాట్‌ఫారమ్‌లకు కూడా దూరంగా ఉన్నారు. దాని వెనక కారణం తెలియక ఆమె అభిమానులు ఆందోళన చెందారు. సమంత చివరి ఇన్‌స్టాగ్రామ్ పోస్ట్ ఆమె ‘యశోద’ చిత్రం టీజర్ గురించి చేశారు. ఆ చిత్రంలో సమంత, తన మనుగడ కోసం మానసిక, శారీరక సంఘర్షణలను ఎదురుకునే గర్భిణీ స్త్రీ పాత్రను పోషిస్తున్నారు. ఇదిలా ఉండగా.. ఆయుష్మాన్ ఖురానా సరసన దినేష్ విజన్ తెరకెక్కిస్తున్న హర్రర్-కామెడీతో బాలీవుడ్‌లో సమంత అరంగేట్రం చేస్తున్నారు.

రాజస్థాన్‌కు చెందిన జానపద కథ ఆధారంగా తెరకెక్కుతున్న ఈ చిత్రంలో సమంత ఒక యువరాణి పాత్రను పోషించనున్నారు. రాబోయే రోజుల్లో సమంత మరిన్ని అద్భుతమైన సినిమాలతో ప్రేక్షకుల ముందుకి రానున్నారు. త్వరలోనే ఆమె పూర్తి ఆరోగ్యంతో తిరిగి వచ్చి తనదైన శైలిలో ప్రేక్షకులని అలరిస్తారని ఆశిద్దాం.

మన భారతీయ పురాణాలతో పాటు గొప్ప చరిత్ర పట్ల రచయిత, దర్శకుడు త్రివిక్రమ్ శ్రీనివాస్ చాలా ఆసక్తి చూపుతారు అని అందరికీ తెలిసిందే. హిందూ పురాణాలు మరియు పాత్రల గురించి ఆయన తన సినిమాలలో అనేక సార్లు ప్రత్యక్షంగా చెప్పడం లేదా పరోక్షంగా అవి గుర్తొచ్చెలా సన్నివేశాలు మరియు డైలాగులు ఉన్నాయి. చాలా సందర్భాల్లో ఇటువంటి సబ్జెక్ట్‌ తో సినిమా చేసేందుకు ఆయన ఆసక్తి చూపారు. అయితే, వివిధ కారణాల వల్ల, ఆయన కేవలం మాటల్లోనే తప్ప తెరమీద అలాంటి సినిమా ఇంతవరకు తీయలేదు.

అయితే తాజాగా వినిపిస్తున్న వార్తల ప్రకారం ఆ సమయం ఆసన్నమైనట్టే కనిపిస్తుంది. త్రివిక్రమ్ దర్శకత్వంలో ఎట్టకేలకు తనకు ఇష్టమైన జానర్ లో ఒక భారీ బడ్జెట్ చిత్రం మొదలుపెడుతున్నట్లు కనిపిస్తోంది. ఈ విషయం పై అధికారిక సమాచారం ఇంకా అందుబాటులో రానప్పటికీ, కన్నడ నటుడు ఉపేంద్ర తన తదుపరి చిత్రం అయిన ప్యాన్- ఇండియా భారీ సినిమా కబ్జా టీజర్ విడుదల కార్యక్రమంలో ఈ భారీ చిత్రం తాలూకు సమాచారాన్ని అందించారు.

కన్నడ స్టార్లు ఉపేంద్ర – సుదీప్ ల కలయికలో వస్తున్న భారీ బడ్జెట్ సినిమా “కబ్జా. ఈ చిత్రానికి సంబంధించిన టీజర్ ను నిన్న విడుదల చేశారు. రానా కూడా హాజరైన టీజర్ ఈవెంట్‌లో ఉపేంద్ర మాట్లాడుతూ, త్రివిక్రమ్ దర్శకత్వం వహించిన ‘హిరణ్యకశ్యప’ సినిమా వల్ల వచ్చే రెండేళ్లు కూడా రానా చాలా బిజీగా ఉంటారని అన్నారు. ఆ సమయంలో రానా ఈ సినిమా ఉందని చెప్పలేదు అలాగని లేదనీ చెప్పలేదు. గత కొన్ని రోజులుగా ఇదే విషయం మీద మీడియాలో వార్తలు బాగానే వచ్చాయి. అందువల్ల ఈ తాజా వార్త టాలీవుడ్ ఇండస్ట్రీ వర్గాలకు, సినీ ప్రేమికులకు భారీ ఉత్సాహాన్ని ఇచ్చింది.

సూపర్ స్టార్ మహేష్ బాబుతో త్రివిక్రమ్ తన తదుపరి సినిమా తాలూకు షూటింగ్ ఇటీవలే ప్రారంభించారు. ఈ చిత్రం ఏప్రిల్ 2023లో విడుదల కానుంది. దీని తర్వాత ఈ మాటల మాంత్రికుడు ‘హిరణ్యకశ్యప’ సినిమాని ప్రారంభించనున్నట్లు తెలుస్తోంది.