ప్రస్తుతం తెలుగు హీరోల్లో జయాపజయాలతో సంబంధం లేకుండా ప్రతి సినిమాతో ఏదో ఒక కొత్త రకమైన ప్రయత్నం చేయ‌డానికి ఆస‌క్తి చూపే హీరో క‌ల్యాణ్‌రామ్‌. ఆయన కేవలం హీరోగానే కాకుండా చక్కని అభిరుచి గల నిర్మాతగా కూడా పేరు తెచ్చుకున్నారు. తన స్వంత సినిమాలే కాక రవితేజ తో కిక్ 2 సినిమాని సైతం నిర్మించారు. తాజాగా ఆయన హీరోగా నిర్మిస్తూ నటిస్తున్న చిత్రం ‘బింబిసార’ . ఈ సినిమాను ఆగష్టు 5న విడుదల చేస్తున్నట్టు ఇది వరకే ప్రకటించారు.

ప్యాన్ ఇండియా స్థాయిలో విడుదలవుతోన్న ఈ సినిమాలో హీరోయిన్స్‌గా క్యాథరిన్ తేరేసా, సంయుక్త మీనన్ నటిస్తున్నారు. చారిత్రక నేపథ్యం తో పాటు సైన్స్ ఫిక్షన్ జానర్‌లో రూపొందించిన ఈ సినిమాకు కీరవాణి సంగీతం అందిస్తున్నారు. వశిష్ట్ ఈ సినిమాకు దర్శకత్వం వహిస్తున్నారు. ఎన్టీఆర్ ఆర్ట్స్ నిర్మిస్తోంది. బింబిసార గా కళ్యాణ్ రామ్ ఇందులో కనిపించనున్నారు. ఈ చిత్రం ‘ జగదేకవీరుడు అతిలోక సుందరి’ మరియు ‘మగధీర’ లాగా పునర్జన్మలు మరియు సోషియో ఫాంటసీ నేపథ్యంలో తెరకెక్కుతున్నట్లు సమాచారం. మొత్తంగా కళ్యాణ్ రామ్ తన కెరీర్‌లో మునుపెన్నడూ చేయనటు వంటి చాలెంజింగ్ పాత్రను ‘బింబిసార’లో చేసినట్టు తెలుస్తోంది.

అయితే ఈ సినిమా విడుదల తేదీ దగ్గర పడుతున్న సందర్భంగా చిత్ర బృందం మరియు కళ్యాణ్ రామ్ సమక్షంలో కలిసి స్పెషల్ ప్రీమియర్ షో ప్రదర్శించాట. ఈ ప్రీమియర్ షోకు యంగ్ టైగర్ ఎన్టీఆర్ మరియు అగ్ర నిర్మాత, పంపిణీదారుడు అయిన దిల్ రాజు కూడా బింబిసార చిత్రాన్ని తిలకించారట. వారివురికీ సినిమా బాగా నచ్చిందట. అంతే కాక సినిమా ఖచ్చితంగా విజయం సాధిస్తుందని నమ్మకంతో ఉన్నారట. ఈ వార్తల్లో నిజం ఉంటే అది అటు ప్రేక్షకులకు ఇటు ఇండస్ట్రీ వర్గాలు అనందమే అని చెప్పాలి.

ఇదిలా ఉండగా ఈ సినిమాకు కళ్యాణ్ రామ్ తమ్ముడు ఎన్టీఆర్ వాయిస్ ఓవర్ అందించనున్నారు. ఇక ఈ మధ్య సినిమా ట్రైలర్ విడుదలై మంచి ఆదరణ పొందింది. ‘ ఎంత మంచి వాడవురా’ సినిమా తర్వాత కళ్యాణ్ రామ్ నుంచి వస్తోన్న సినిమా ‘బింబిసార’. ఈ సినిమాను ప్రముఖ నిర్మాత మల్లిడి సత్యనారాయణ రెడ్డి తనయుడు వశిష్ఠ తెరకెక్కిస్తున్నారు.

సినిమా హీరోలపై అభిమానులు ఎంత ప్రేమ చూపిస్తారో, ఏ స్థాయిలో వారి పై పిచ్చి ప్రేమను పెంచుకుంటారనే విషయం ప్రత్యేకంగా చెప్పనవసరం లేదు. తమ అభిమాన హీరోల సినిమా విడుదలవుతుందంటే చాలు, పండగ వాతావరణంలా సందడి చేస్తారు. థియేటర్ల వద్ద భారీ కటౌట్‌లు పెట్టి పాలాభిషేకం చేస్తారు. అంతే కాక డప్పులు కొడుతూ డాన్స్ కూడా చేసి తమ ఆనందాన్ని చూపిస్తారు.

అయితే సినిమా విడుదలకు ముందు థియేటర్‌ల వద్ద కటౌట్‌లు పెట్టడం సాధారణమే. ఇటివల కాలంలో ట్రైలర్‌ లాంచ్‌ ఈవెంట్‌లకు సైతం హీరోల కటౌట్‌లు పెట్టి తమ అభిమానాన్ని చాటుకుంటున్నారు. తాజాగా రౌడీ హీరో విజయ్ దేవరకొండ భారీ కటౌట్‌ అందరి దృష్టిని ఆకర్షిస్తోంది.

‘అర్జున్‌రెడ్డి’ సినిమాతో యువతరం ప్రేక్షకుల్లో విపరీతమైన క్రేజ్‌ మరియు అభిమానాన్ని సంపాదించుకున్నారు హీరో విజయ్ దేవరకొండ.అలాగే గీత గోవిందం, డియర్‌ కామ్రెడ్‌ వంటి సినిమాలతో తనకంటూ ప్రత్యేకమైన ఇమేజ్‌ని ఎర్పరచుకున్నారు. విజయ్‌ దేవరకొండ తొలి పాన్‌ ఇండియా చిత్రంగా రాబోతుంది ‘లైగర్‌’ సినిమా ఆగస్టు 25న విడుదల అవుతున్న నేపథ్యంలో ఆ చిత్రానికి సంబంధించిన ట్రైలర్ ను రేపు విడుదల చేయటానికి చిత్ర యూనిట్ అన్ని సన్నాహాలు చేస్తున్నారు.

ఈ సినిమాకి స్టార్ డైరెక్టర్‌ పూరి జగన్నాథ్‌ దర్శకత్వం వహిస్తున్న విషయం తెలిసిందే. విజయ్‌ దేవరకొండ సరసన హీరోయిన్ గా బాలీవుడ్‌ భామ అనన్య పాండే నటించిన ఈ సినిమా పై అంచనాలు భారీగానే నెలకొన్నాయి. ఈ సినిమా ఆగస్ట్‌ 25న ప్రపంచ వ్యాప్తంగా ప్రేక్షకుల ముందుకు రానుంది. సినిమా ప్రచార కార్యక్రమాలలో భాగంగా ఇప్పటికే విడుదలైన పోస్టర్లు, టీజర్‌, సాంగ్స్‌కు అద్భుతమయిన స్పందన లభించింది.

ఇక ‘లైగర్’ సినిమా ట్రైలర్ లాంచ్‌ ఈవెంట్‌ను హైదరాబాద్‌లోని సుదర్శన్‌ 35 ఎమ్‌ఎమ్‌ థియేటర్‌లో నిర్వహించనున్నారు. ఈ ఈవెంట్‌కు సుమారు 75 అడుగుల విజయ్ దేవరకొండ భారీ కటౌట్‌ను ఏర్పాటు చేయడం విశేషం. జాతియ జెండాను కప్పుకున్న బాక్సర్‌గా విజయ్ దేవరకొండ కటౌట్‌ అబ్బురపరిచేలా ఉంది. ఈ సినిమా ట్రైలర్ ను గురువారం (జులై 21) ఉదయం 9:30 గంటలకు రిలీజ్ చేయనున్నారు.

జనసేన పార్టీ అధినేత అయిన పవన్ కళ్యాణ్.. గత కొన్ని రోజులుగా ప్రజా సమస్యల పై దృష్టి సారించారు. రాష్ట్ర వ్యాప్తంగా పలు ప్రాంతాల్లో పర్యటిస్తూ ప్రజలకు భరోసా ఇస్తున్నారు. కౌలు రైతుల భరోసా యాత్రతో పాటు జనవాణి టూర్ గా కూడా ఆ యాత్రకు నామకరణం చేయడం జరిగింది. ఐదు విడతలుగా జనవాణి టూర్ నిర్వహిస్తున్నారు. ఇప్పటికే ఇందులో మూడు విడతల టూర్ వరకూ పూర్తయింది. కాగా వచ్చే వారం జరగాల్సిన నాలుగో విడత టూర్ వాయిదా పడింది.

తాజాగా గోదావరి జిల్లాల్లో వరద బాధితుల్ని పరామర్శించేందుకు పవన్ కళ్యాణ్ అక్కడికి వెళ్లారు. అయితే వరద ప్రభావిత ప్రాంతాల్లో నెలకొన్న వాతావరణ పరిస్ధితులతో పవన్ కు విషజ్వరం సోకింది. పవన్ తో పాటు ఆయన భద్రతా సిబ్బంది, కార్యకర్తలు,నేతలకు కూడా విష జ్వరాలు సోకాయి అని తెలుస్తుంది. దీంతో తదుపరి జనవాణి కార్యక్రమంపై సందిగ్ఘత నెలకొంది.

ఇదిలా ఉండగా జనసేన పార్టీ నిర్వహిస్తున్న జనవాణి కార్యక్రమం ఒక వారం రోజుల పాటు వాయిదా పడిందని పార్టీ తరఫున జనసెన పార్టీలో ముఖ్య సభ్యుడైన నాదెండ్ల మనోహర్.. ఈ మేరకు అధికారిక ప్రకటన విడుదల చేశారు.

జనసేన పార్టీ అధ్యక్షుడు పవన్ కళ్యాణ్ కు ఉమ్మడి ఉభయ గోదావరి జిల్లాల పర్యటన అనంతరం వైరల్ ఫీవర్ సోకిందని ఆయన తెలిపారు. పార్టీ అధ్యక్షులతో పాటు మరి కొందరు ముఖ్య నాయకులు, ప్రోగ్రాం కమిటీ సభ్యులు, సెక్యూరిటీ సిబ్బంది కూడా జ్వరాలతో అనారోగ్యానికి గురయ్యారని వెల్లడించారు.

ఈ తాజా పరిణామాల వల్ల ఈ నెల 24 న జరగాల్సిన జనవాణి ఒక వారం రోజులు అంటేఈ నెల 31వ తేదీన జరుగుతుందని అన్నారు. అయితే ఆ సమావేశం జరిగే స్థలం మరియు వేదిక వివరాలను త్వరలోనే తెలియచేస్తామని తెలిపారు. ఇప్పటికే విజయవాడ, భీమవరంలో మూడు విడతల జనవాణి కార్యక్రమాలు పూర్తయ్యాయని, ఆ పైన రాయలసీమ, ఉత్తరాంధ్రలో మిగిలిన రెండు కార్యక్రమాలు జరుగుతాయని నాదెండ్ల మనోహర్ వెల్లడించారు.