Director Krish is going through a rough situation right now and there is no denial in that. Right now he is working with Pawan Kalyan in a periodic drama Hari Hara Veera Mallu.

The movie was shot at parts and there are rumors in industry that the movie wasn’t matching with Pawan Kalyan’s expectations. He wants Krish to make some changes as per his liking. This has been a hassle for Krish.

Amidst of this, he is planning to do a web series which is women centric. The lead actress in this series is supposed to be a prostitute and the story revolves around her.

Krish has already touched this prostitute subject a bit in his movie Vedam. Anushka has given her best in that movie and Saroja character is still a sensation.

Krish is planning to create a story around prostitute, her struggles, battles and many more. Whilst there are many movies, series like this, Krish’s special touch is going to make this movie even more special.

We have to wait and watch how this movie is going to pan out. Let us also hope that Hari Hara Veera Mallu gets back on to the regular shoot so that we can see Pawan Kalyan in a unique role.

దర్శకుడు క్రిష్ కు ఇండస్ట్రీలో, ప్రేక్షకుల్లో మంచి అభిరుచి గల దర్శకుడిగా పేరు ఉంది. అద్భుతమైన సందేదానికి కమర్షియల్ అంశాలు జతచేసి సినిమాలు తీయడంలో ఆయనకు ఆయనే సాటి అనిపించుకున్నారు.

‘గమ్యం’ సినిమాతో తన దర్శకుడిగా తన ప్రయాణం ప్రారంభించిన క్రిష్ ఆ తర్వాత ‘వేదం’, ‘కృష్ణం వందే జగద్గురుమ్’, ‘కంచె’ వంటి సినిమాలతో విమర్శకుల ప్రశంసలు అందుకున్నారు. ఇక బాలకృష్ణతో చేసిన ‘గౌతమీపుత్ర శాతకర్ణి’ సినిమాతో చారిత్రక నేపథ్యం ఉన్న సినిమాలు కూడా తీయగలనని నిరూపించుకున్నారు.క్రిష్ చివరిగా తీసిన సినిమా “కొండపొలం”. సన్నపు రెడ్డి వెంటకరామిరెడ్డి రచించిన న‌వ‌ల ఆధారంగా క్రిష్ జాగ‌ర్ల‌మూడి తీసిన ఆ సినిమా బాక్స్ ఆఫీసు వద్ద ఘోరంగా పరాజయం పొందింది. అయితే కథా నేపథ్యానికి,ఎం ఎం కీరవాణి అందించిన పాటలకి మంచి గుర్తింపు దక్కిందని చెప్పాలి.

ప్రస్తుతం క్రిష్..పవర్ స్టార్ పవన్ కళ్యాణ్ తో “హారి హర వీర మల్లు” సినిమా చిత్రిస్తున్నారు.రెండేళ్ల కిందట ప్రకటించిన ఈ సినిమా పలు మార్లు షూటింగ్ వాయిదా పడింది. కరోనా వేవ్ లు మాటి మాటికీ రావడం,సినిమాలో నటీనటులు మారిపోవడం, ఇక పవన్ కళ్యాణ్ మధ్యలో ఈ సినిమా ఆపి భీమ్లా నాయక్, వినోదాయసీతం రీమేక్ మొదలు పెట్టడం ఇలా రకరకాల కారణాల వల్ల హారి హర వీర మల్లు ఆలస్యం అవుతూ వస్తుంది.

సినిమా చిత్రీకరణలో ఈ జాప్యం పట్ల క్రిష్ విసిగిపోయి ఈ గ్యాప్ లో ఒక వెబ్ సీరీస్ తీయాలనే ఆలోచనలో ఉన్నట్టు తెలుస్తుంది. ఇటివలే “9 hours” అనే వెబ్ సీరీస్ క్రిష్ నేతృత్వం లో విడుదల అయిన సంగతి తెలిసిందే.బ్యాంక్ దొంగతనం నేపథ్యంలో రూపొందించిన ఆ వెబ్ సీరీస్ కు మంచి స్పందన లభించింది. ఇక తాజాగా క్రిష్ తీయబోయే వెబ్ సిరీస్ మహిళా ప్రాధాన్యత ఉన్న కథగా తెరకెక్కనుందని సమాచారం.ఒక వేశ్య ప్రధాన పాత్రగా కథ ఉండబోతోందని వార్తలు వస్తున్న ఈ వెబ్ సీరీస్ లో నటీనటులు, సాంకేతిక నిపుణుల వివరాలు ఇంకా అధికారికంగా ప్రకటించాల్సి ఉంది.

నాని హీరోగా, నజ్రియా నజీం హీరోయిన్ గా నటించిన సినిమా “అంటే సుందరానికీ”. వివేక్ ఆత్రేయ దర్శకత్వంలో తెరకెక్కిన ఈ సినిమాని మైత్రీ మూవీ మేకర్స్ సంస్థ నిర్మించింది. సినిమా విడుదలైన రోజు రివ్యూల వరకూ మంచి స్పందన వచ్చినా,ప్రేక్షకులు థియేటర్ల వైపుకు అస్సలు కదలకపోవడంతో..మౌత్ టాక్ అనుకున్న స్ధాయిలో పెరగకుండా బాక్స్ ఆఫీస్ వద్ద చతికిలపడింది.

మంచి కథా కథనాలు, చక్కని పాత్ర చిత్రణ, ఆరోగ్యకరమైన హాస్యం తో పాటు గా,హృదయానికి హత్తుకునే భావోద్వేగాలు ఉండి కూడా ఎందుకు ఈ సినిమా విఫలమైంది అనేది చిత్ర బృందంతో పాటు ట్రేడ్ వర్గాలకూ అంతు చిక్కలేదు.

స్వతహాగా నాని సినిమాలకు పర్వాలేదు అన్న టాక్ వచ్చినా చాలు ప్రేక్షకులు సినిమా చూస్తారనే భావన అందరిలో ఉండేది.అయితే కరోనా వేవ్ ల వల్ల ఓటిటికి ఒక వర్గం ప్రేక్షకులు అలవాటు పడటం వల్ల కావచ్చు,సినిమా రిలీజ్ కు ముందు హైప్ తెచ్చి పెట్టే పాటలు లేకపోవడం వల్ల కావచ్చు.లేదా వేసవిలో ఒకదాని తరువాత ఒకటి సినిమాలు వరుసగా రిలీజ్ అయి ప్రేక్షకులకి మొహం మొత్తటం కూడా ఒక కారణం కావచ్చు.కారణాలు ఏవైనా అంటే సుందరానికీ పరాజయం అందరినీ విస్మయానికి గురి చేసింది.

ఇక థియేటర్లలో విడుదలైన నాలుగు వారాలకు(జూలై 10) అంటే సుందరానికీ OTT లో రిలీజ్ అవబోతుంది.సినిమా కంటెంట్ క్లాస్ ప్రేక్షకులు ఎక్కువగా కనెక్ట్ అయ్యే తరహాలో ఉంటుంది కాబట్టి కనీసం OTT lo అయినా ఈ సినిమా ఆశించిన ప్రశంసలతో పాటు ప్రేక్షకాదరణ దక్కుతుంది అని ఆశిద్దాం.

ఇక నాని తదుపరి చేయబోయే సినిమా “దసరా”.సుధాకర్ చెరుకూరి నిర్మిస్తున్న ఈ సినిమాకి, శ్రీకాంత్ ఓదెల దర్శకత్వం వహిస్తున్నాడు. ‘నేను లోకల్’ తరువాత నాని – కీర్తి సురేశ్ కలిసి నటిస్తున్న సినిమా ఇదే కావటం విశేషం.ఇక సినిమాలో నాని తెలంగాణ ప్రాంతంలోని ఒక మారుమూల గ్రామానికి చెందిన యువకుడిగా కనిపించనున్నారు.

గత కొద్ది రోజులుగా సీనియర్ నటుడునరేష్, నటి పవిత్ర ల గురించి జరుగుతున్న రచ్చ గురించి ప్రత్యేకంగా చెప్పనక్కర్లేదు.వాళ్లిద్దరూ పెళ్ళి చేసుకున్నారనే వార్త సోషల్ మీడియాలో వైరల్ మారింది. అయితే ఈ విషయం పై ఇరువురూ వివరణ ఇస్తూ అదేమీ లేదని కొట్టి పారేసారు

.ఈ నేపథ్యంలో నరేష్ తల్లి విజయ నిర్మల ధరించే డైమండ్ నెక్లెస్ ను పవిత్ర కి పెళ్లి గిఫ్ట్ గా నరేష్ ఇచ్చాడని,అంత కంటే వాళ్లిద్దరి మధ్య ఉన్న సంబంధాన్ని నిరూపించడానికి ఇంకేమి ఆధారాలు కావాలి అని నరేష్ మూడో భార్య రమ్య రఘుపతి ఆరోపణలతో మరోసారి తెరపైకి వచ్చిందీ వ్యవహారం.

తాజాగా బెంగళూరులో ఉన్న నరేష్- పవిత్ర జంటను చూసి కవరేజ్ కి వెళ్లింది మీడియా. దీంతో అలర్ట్‌ అయిన పవిత్ర- నరేష్ లు గట్టిగా కేకలు వేస్తూ ఓ అపార్ట్‌మెంట్ లోకి వెళ్లిపోయింది. దీంతో అక్కడే వున్న మూడో భార్య రమ్య పవ్రితను చెప్పుతో కొట్టడానికి ముందుకు వెళ్లడంతో పోలీసులు అడ్డుకున్నారు. అయితే వాళ్లిద్దరు లిప్ట్ లో ఎక్కి కిందకు దిగుతూ మూడో భార్య రమ్య వైపు చూస్తూ నరేష్ విజిల్స్ వేసుకుంటూ వెళ్తున్న వీడియో సోషల్ మీడియాలో వైరల్ గా మారింది.

ఈ మొత్తం వ్యవహారం అంతా అసలు మాట్లాడు కోవటానికి కూడా వీలు లేనంతగా రోజు రోజుకూ అసహ్యంగా తయారు అవుతుంది.సినిమా పరిశ్రమలోని వారికి ఇలా వ్యక్తిగత జీవితంలోని విషయాలపై సరైన అదుపు లేకుంటే పరిస్తితి ఇలాగే ఉంటుంది.