ఈ వారం బాలీవుడ్ ఇండస్ట్రీ ఎంతో ప్రతిష్టాత్మకంగా భావిస్తున్న ప్రాజెక్ట్ అయిన బ్రహ్మాస్త్ర చిత్రం విడుదల కానుంది. రణ్బీర్ కపూర్ మరియు అలియా భట్ ప్రధాన పాత్రలలో నటించిన ఈ ఫాంటసీ అడ్వెంచర్ చిత్రం ప్యాన్-ఇండియా స్థాయిలో భారీ స్థాయిలో ప్రచారం జరుపుకుని విడుదలకు సిద్ధంగా ఉంది. కాగా చిత్ర దర్శకుడు అయాన్ ముఖర్జీ, నిర్మాత కరణ్ జోహార్‌తో పాటు ప్రధాన తారాగణం ఈ చిత్రాన్ని ఇప్పటికి కూడా వీలయినంత ప్రచారం చేయడంలో చాలా బిజీగా ఉన్నారు.

బ్రహ్మాస్త్రతో పాటు తెలుగులో హీరో శర్వానంద్, రీతూ వర్మ జంటగా నటిస్తున్న ఒకే ఒక జీవితం కూడా సెప్టెంబర్ 9న విడుదల కానుంది. ఒకే ఒక జీవితం అనేది శ్రీ కార్తీక్ దర్శకత్వం వహించిన ఒక సైన్స్ ఫిక్షన్ డ్రామా మరియు నాజర్, అమల, వెన్నెల కిషోర్ మరియు ప్రియదర్శి వంటి ప్రతిభావంతులైన నటీనటులను కలిగి ఉంది.

ఈ రెండు చిత్రాల కాన్సెప్ట్‌లు కూడా చాలా ప్రత్యేకమైనవి మరియు ప్రేక్షకులకు ఆకట్టుకునేవే అయినప్పటికీ, ఈ రెండు చిత్ర యూనిట్లను ప్రస్తుతం ఒక చిన్న విషయం ఆందోళన కలిగిస్తుంది. తెలంగాణలో, సెప్టెంబర్ 9న గణేష్ నిమర్జనం ప్రకటించారు, స్వతహాగా గణేష్ నిమర్జనం రోజున చాలా వరకు రోడ్లు బ్లాక్ చేయబడతాయి. ఆ సమయంలో ట్రాఫిక్ నిభందనల వల్ల ప్రేక్షకులకు థియేటర్ల వద్దకు వచ్చి సినిమాను చూడటం అంత సులభం కాదు కాబట్టి ఈ రెండు సినిమాల గురించి ట్రేడ్ వర్గాలు కాస్త ఆందోళన చెందుతున్న మాట వాస్తవం. ఇది ఖచ్చితంగా సినిమాల మొదటి రోజు కలెక్షన్లపై ప్రభావం చూపే అవకాశం ఉందని అంటున్నారు.

అయితే గణేశుని నిమర్జనం వలన మరీ అంత ఇబ్బంది ఉండే అవకాశం కొన్ని ఏరియాల వరకే ఉంటుంది. ముఖ్యంగా ఖైరతాబాద్ వంటి ప్రాంతాలలో తప్ప మిగతా ఏరియాలలో అంతగా ప్రజల రద్దీ ఉండదు. ఎందుకంటే ఒకప్పటిలా అన్ని విగ్రహాలను ట్యాంక్ బండ్ వద్ద కాకుండా దగ్గరలో ఎక్కడ చెరువుంటే అక్కడ నిమర్జనం ఏర్పాట్లు చేస్తున్నారు. పైగా హైదరాబాద్ నగరంలో పీవీఆర్ వంటి చాలా మల్టిప్లేక్స్ ధియేటర్లు మెట్రో రైలు స్టేషన్లతో అనుసంధానం కాబడి ఉన్నాయి. అది కూడా సినిమాలు చూడాలనుకునే ప్రేక్షకులకు బాగా సహాయపడుతుంది.

రణబీర్ కపూర్ మునుపటి సినిమా షంషేరా డిజాస్టర్ తర్వాత బ్రహ్మస్త్రతో భారీ హిట్ సాధించాలి. అదే విధంగా, శర్వానంద్ కూడా ఆడవాళ్లు మీకు జోహార్లు, మహాసముద్రం, మరియు శ్రీకారం వంటి వరుస పరాజయాల తరువాత ఆశలన్నీ ఓకే ఒక జీవితం సినిమా పైనే పెట్టుకున్నారు. వీరిద్దరికీ ఈ శుక్రవారం అత్యంత కీలకంగా మారింది.

దుల్కర్ సల్మాన్, మృణాల్ ఠాకూర్ జంటగా నటించిన సీతారామం సినిమా ఆగష్టు 5 న థియేటర్లలో విడుదలైంది. తొలిరోజు ఈ చిత్రానికి డీసెంట్ టాక్ తో పాటు పరవాలేదు అనిపించేలా కలెక్షన్లు వచ్చాయి. కళ్యాణ్ రామ్ నటించి నిర్మించిన సోషియో ఫాంటసీ చిత్రం బింబిసారతో పాటు విడుదల కావడంతో సీతారామం సినిమాకు విడుదలకు ముందు కాస్త తక్కువ బజ్ ఉన్నప్పటికీ, విడుదల తరువాత అటు అద్భుతమైన టాక్ తో పాటు ఇటు బాక్స్ ఆఫీస్ వద్ద రోజురోజుకూ మెరుగవుతూ వచ్చింది.

సీతా రామం సినిమా విజయం కంటెంట్ బాగుంటే ప్రేక్షకులు థియేటర్లకు వచ్చి సినిమా చూస్తారని మరోసారి నిరూపించింది. దుల్కర్ మరియు మృణాల్ వారి పాత్రలకు జీవం పోయడంతో పాటు వారిద్దరి మధ్య అద్భుతమైన కెమిస్ట్రీ, అబ్బురపరిచే విజువల్స్ కు తోడు హను రాఘవపూడి అద్భుతమైన దర్శకత్వం ఈ సినిమాను విజయవంతం చేయడంలో గొప్ప పాత్ర పోషించాయి.

విడుదలై 4 వారాలకు పైగా గడిచినా ఇప్పటికీ బాక్సాఫీస్ వద్ద సీతారామం సినిమా తన లాంగ్ రన్ ను కొనసాగిస్తూనే ఉంది. సీతా రామం సినిమా ఇప్పటివరకూ ప్రపంచ వ్యాప్తంగా 83 కోట్ల గ్రాస్ కలెక్షన్‌లను నమోదు చేసింది, దుల్కర్ సల్మాన్ కెరీర్ లో ఇంతకు ముందు ఉన్న టాప్ 2 చిత్రాలైన కురుప్ మరియు మహానటి చిత్రాలను అధిగమించి దుల్కర్ సల్మాన్‌కి అత్యధిక వసూళ్లు సాధించిన చిత్రంగా నిలిచింది. నిన్ననే సీతారామం సినిమా హిందీలో కూడా విడుదలైంది. అక్కడ కూడా ఈ చిత్రం విజయవంతం అయితే.. 100 కోట్ల గ్రాస్ కూడా సాధించే అవకాశం ఉందని ట్రేడ్ వర్గాలు అంచనా వేస్తున్నాయి.

ఒక మలయాళ హీరో, బాలీవుడ్ హీరోయిన్ ప్రధాన పాత్రల్లో నటించిన ఈ సినిమా ఇంత గొప్ప విజయం సాధిస్తుందని బహుశా ఎవరూ ఊహించి ఉండరు. సీతా రామం చిత్రం హీరో దుల్కర్‌కి ఇప్పుడు తెలుగు చిత్ర పరిశ్రమలో మంచి మార్కెట్‌ని తెచ్చిపెట్టింది. తెలుగులో విడుదలైన 4 వారాలకు సీతా రామం హిందీలో విడుదలైంది. మరి బాలీవుడ్ ప్రేక్షకులు ఈ చిత్రాన్ని ఎలా ఆదరిస్తారో చూడాలి.

ఈ చిత్రంలో రష్మిక మందన్న కీలక పాత్రలో నటించారు. సుమంత్, తరుణ్ భాస్కర్, వెన్నెల కిషోర్ తదితరులు ఇతర పాత్రల్లో నటించారు. వైజయంతీ మూవీస్ ఈ చిత్రాన్ని నిర్మించగా, విశాల్ చంద్రశేఖర్ సంగీతం అందించారు.ఆయన అందించిన పాటలు, బ్యాక్ గ్రౌండ్ స్కోర్ కు ఎంతగానో ప్రశంసలు వచ్చాయి.

గత కొంత కాలంగా అందరి దృష్టికి దూరంగా ఉన్న నటుడు మంచు మనోజ్.. ఆదివారం సాయంత్రం హైదరాబాద్‌లోని ఒక గణేష్ పండల్‌ వద్ద కనిపించారు. ఆసక్తికరమైన విషయం ఏమిటంటే, మాజీ ఎంపీ భూమా నాగిరెడ్డి చిన్న కూతురు భూమా మౌనిక రెడ్డి కూడా మనోజ్ తో పాటు కనిపించారు.

అయితే తాజాగా వినిపిస్తున్న వార్తల ప్రకారం, మనోజ్ త్వరలో మౌనికతో పెళ్లి చేసుకోబోతున్నారని తెలుస్తోంది. ఈ క్రమంలో మీడియాతో ఇంటరాక్ట్ అయిన మనోజ్ తన రెండో పెళ్లి గురించి కూడా ఓపెన్ అయ్యారు. ఇక వేదిక వద్ద నటుడి ప్రదర్శన అక్కడ ఉన్న ప్రేక్షకులను ఎంతగానో ఆకట్టుకుంది. అంతే కాకుండా ఆయనను కలవడానికి అక్కడున్న ప్రజలు మూకుమ్మడిగా పండల్ వద్దకు చేరుకున్నారు.

మంచు మనోజ్ 2015 లో ప్రణతి రెడ్డిని వివాహం చేసుకున్నారు. అయితే వారి వైవాహిక జీవితం సవ్యంగా సాగలేదు. అందువల్ల 2019 సంవత్సరంలో వారివురూ విడిపోవాలని నిర్ణయించుకున్నారు. ఈ విషయం మీద అప్పట్లో బహిరంగ ప్రకటన కూడా విడుదల చేశారు. ఇక మనోజ్ మరియు మౌనికల వివాహానికి సంబంధించిన అధికారిక ప్రకటన, ఇతర వివరాలు ఇంకా బయటకు రాలేదు. త్వరలోనే ఈ విషయం ప్రకటన వెలువడే అవకాశం ఉందని సమాచారం.

ఇక నటుడుగా మనోజ్ కెరీర్ కూడా ఒడిదుడుకులలో ఉంది. కొన్నాళ్ళుగా, సరైన విజయం లేని ఆయన సినిమా చేసి కూడా చాలా రోజులు అయింది. మనోజ్ చివరిసారిగా శ్రీకాంత్ నటించిన ఆపరేషన్ 2019 సినిమాలో అతిధి పాత్రలో కనిపించారు. ఆ తరువాత నుండి మనోజ్ సినిమాలకు కాస్త దూరంగా ఉన్నారు. గత సంవత్సరం MAA ఎన్నికలలో తన సోదరుడు విష్ణు అభ్యర్థిత్వంలో, ఆయనను గెలిపించడంలో మనోజ్ చురుకైన పాత్ర పోషించారు.

ఇక మౌనిక విషయానికి వస్తే, కర్నూలు జిల్లాకు చెందిన రాజకీయ నేపధ్యం కలిగిన భూమానాగిరెడ్డి, శోభానాగిరెడ్డి దంపతుల రెండో కుమార్తెనే భూమా మౌనికారెడ్డి..మౌనికారెడ్డికి కూడా మొదట బెంగుళూరుకు చెందిన గణేష్‌రెడ్డితో వివాహం జరిగింది. వీరిద్దరికి ఐదేళ్ల బాబు కూడా ఉన్నాడు. రెండేళ్ల క్రితమే మౌనికారెడ్డి గణేష్‌రెడ్డితో విడాకులు తీసుకున్నారు.