జనవరి 12న ‘వారసుడు’ విడుదల చేయాలని విజయ్, దిల్ రాజు టీమ్ భావించినప్పటికీ, అజిత్ తునివు విడుదల ప్రకటనతో వారి సినిమా విడుదల తేదీని జనవరి 11కి వాయిదా వేశారు. అయితే తాజాగా వినిపిస్తున్న వార్తల ప్రకారం తెలుగు వర్షన్ వారసుడు కలెక్షన్లకు ప్రీ ఫెస్టివల్ డేస్ వల్ల ఇబ్బంది ఎదురవుతుంది అనే ఉద్దేశ్యంతో ఈ సినిమాను 14న రిలీజ్ చేయడానికి ప్లాన్ చేస్తున్నారు.

తమిళ వెర్షన్ మాత్రం అనుకున్న విధంగా 11 జనవరినే విడుదల చేస్తున్నారు. అలాగే తెలుగు చిత్ర పరిశ్రమ నుంచి వాల్తేరు వీరయ్య, వీరసింహారెడ్డి వంటి రెండు పెద్ద సినిమాలు పోటీ పడుతున్న నేపథ్యంలో ఈ సినిమాలు తమ సినిమా పై భారీ ప్రభావం చూపుతాయని దిల్ రాజు టీం అంచనా వేస్తోంది.

తెలుగులో మార్కెట్ సాధించాలని చూస్తున్న విజయ్ ఈ సినిమాకి తెలుగు దర్శకుడు వంశీ పైడిపల్లిని ఎంచుకున్నారు. ఇక ఈ చిత్రాన్ని తెలుగు నిర్మాత దిల్ రాజు నిర్మించిన సంగతి తెలిసిందే. వారసుడు విడుదల తేదీని త్వరలోనే ప్రకటించే అవకాశం ఉంది.

దిల్ రాజు వారసుడు చిత్రానికి రెండు తెలుగు రాష్ట్రాల్లో సాధ్యమైనన్ని స్క్రీన్లను సంపాదించడంలో బిజీగా ఉండగా, ఇతర చిత్రాల విడుదల తేదీలు ఆయన ప్లాన్ అంతా మార్చుకునేలా చేశాయి.

అయితే తమిళనాట వారిసుకు ఉన్న క్రేజ్ నెక్స్ట్ లెవల్ కి చేరింది. మరోవైపు ప్రముఖ డిస్ట్రిబ్యూషన్ ఛానల్ శ్లోక ఎంటర్టైన్మెంట్స్ వారిసు/వారసుడు ఓవర్సీస్ డిస్ట్రిబ్యూషన్ హక్కులను సొంతం చేసుకుంది.

రష్మిక మందన్న హీరోయిన్ గా నటిస్తున్న ఈ చిత్రంలో శరత్ కుమార్, జయసుధ, ప్రకాష్ రాజ్, శ్రీకాంత్, శ్యామ్, ఖుష్బూ తదితరులు కీలక పాత్రలు పోషిస్తున్నారు. ఈ ఫ్యామిలీ యాక్షన్ ఎంటర్ టైనర్ కు తమన్ సంగీతం అందించారు.

దిల్ రాజు మెల్లమెల్లగా వివాదాలకు చిరునామాగా మారుతున్నారు. సాధారణంగా పరిశ్రమలో స్టార్ హీరోలకు సంబంధించిన ప్రశ్నలు ఉంటే ప్రెస్ మీట్ లు, ఈవెంట్లు, ఇంటర్వ్యూల్లో ఇండస్ట్రీ సభ్యులు ఎప్పుడూ డిప్లమాటిక్ గానే సమాధానాలు ఇస్తారు. పరిశ్రమలో ఎవరినీ బాధపెట్టకుండా ఉండటానికి అందరూ ప్రయత్నిస్తారు.

నిజానికి నిర్మాత దిల్ రాజు కూడా ఇన్నేళ్లుగా తెలుగు ఇండస్ట్రీలో ఉంటూ ఏ హీరోనీ మరొక హీరోతో పోల్చలేదు. అలాగే ఒకరు ఎక్కువ ఒకరు తక్కువ అని చెప్పలేదు. అయితే తమిళంలో విజయ్ నెంబర్ వన్ అని సూపర్ స్టార్ అని, తన ప్రత్యర్థి అజిత్ కంటే విజయ్ పెద్ద స్టార్ అని దిల్ రాజు కామెంట్స్ చేశారు. దిల్ రాజు వ్యాఖ్యలు తునివు టీం మనోభావాలను దెబ్బతీసినట్లు తెలుస్తోంది.

ఎందుకంటే వారిసు ఆడియో ఫంక్షన్ లో కూడా దిల్ రాజు విజయ్ నంబర్ వన్ అని మరోసారి చెప్పుకున్నారు. ఇప్పుడు రెండు చిత్రాలు తమ విడుదల తేదీ ఒకే రోజుగా నిర్ణయించడంతో బయ్యర్లకు భారంగా మారిన ఒకే రోజు విడుదల పై తమ క్లాష్ గూర్చి చర్చించుకోవడానికి రెండు పార్టీలు కూడా ఆసక్తి చూపడం లేదు.

అయితే తాజాగా వినిపిస్తున్న వార్తల ప్రకారం తునివు విడుదల తేదీలో మార్పు ఉండవచ్చు అని అంటున్నారు. త్వరలోనే దీనికి సంభందించిన అధికారిక ప్రకటన రానుందట. ఒక వేళ అదే గనక జరిగితే, వారిసు బృందం దీని పై ఎలా స్పందిస్తుందో వేచి చూడాలి.

కొద్ది రోజుల క్రితం దిల్ రాజు ఒక తెలుగు న్యూస్ ఛానెల్ తో మాట్లాడుతూ, కోలీవుడ్ లో అజిత్ కంటే విజయ్ పెద్ద స్టార్ అని, తన చిత్రం వారిసుకు తమిళనాడులో తునివు కంటే ఎక్కువ స్క్రీన్లు కావాలని పేర్కొన్నారు.

అప్పటి నుండి దిల్ రాజు అజిత్ అభిమానుల నుండి ఎదురుదెబ్బలు ఎదుర్కొంటున్నారు మరియు ట్విట్టర్ లో కూడా ఆయన ట్రెండింగ్ లో ఉన్నారు.

ఈ వివాదంపై వ్యాఖ్యానించమని మీడియా అడిగినప్పుడు, దిల్ రాజు మాట్లాడుతూ, “నేను చెప్పిన దాని వెనుక పెద్ద కథ ఉంది, కేవలం 20 సెకన్ల క్లిప్ చూడడం ద్వారా నెటిజన్లు మరియు సినీ ప్రియులు ఇద్దరూ దీనిని పెద్ద సమస్యగా మార్చడం దురదృష్టకరం. ప్రతి ఒక్కరూ పూర్తి ఇంటర్వ్యూ చూసి నా ఉద్దేశ్యం మరియు ఆంతర్యాన్ని అర్థం చేసుకోవాలని నేను కోరుతున్నాను” అన్నారు.

స్టార్ హీరోల సినిమాల రీ రిలీజ్ అనేది ఈ రోజుల్లో తెలుగు చిత్ర పరిశ్రమలో ఒక ట్రెండ్ గా మారింది. సూపర్ స్టార్ మహేష్ బాబు పుట్టిన రోజును పురస్కరించుకుని గత ఏడాది ఆగస్టు 8, 9 తేదీల్లో జరిగిన ‘ఒక్కడు’, ‘పోకిరి’ స్పెషల్ షోలతో ఈ సినిమా మొదలైంది. ఈ ప్రదర్శనలకు భారీ స్పందన వచ్చింది.

పోకిరి, జల్సా సినిమాలు ఒక కొత్త సినిమాను విడుదల చేసినట్లుగా మహేష్ బాబు, పవన్ కళ్యాణ్ పుట్టిన రోజు సందర్భంగా అభిమానులు స్పెషల్ షోలు వేసి ఘనంగా సంబరాలు జరుపుకున్నారు.

అయితే ఇప్పుడు పాత సూపర్ హిట్ సినిమాలను రీ రిలీజ్ చేయడం అనేది కేవలం బిజినెస్ గా మారింది. ఖుషి, ఒక్కడు, బద్రి, తొలిప్రేమ వంటి తాజా రీ రిలీజ్ సినిమాలు అన్నీ కేవలం బిజినెస్ కోసమే చేస్తున్నారు అని సినీ విశ్లేషకులు అభిప్రాయపడుతున్నారు.

అభిమానులు మరియు ప్రేక్షకులలో ఒక మంచి అంచనాలను తీసుకువచ్చే ఈ ప్రత్యేక షోలకు సర్ప్రైజ్ ఫ్యాక్టర్ ఉండాలి. కానీ ఈ సినిమాలను విడుదల చేస్తున్న వారు ఇది అర్థం చేసుకోకుండా కేవలం డబ్బు సంపాదించడం గురించి మాత్రమే ఆలోచిస్తూ అభిమానుల ప్రేమను క్యాష్ చేసుకుంటున్నారు.

పవన్ కళ్యాణ్ నటించిన ఖుషి సినిమా గత వారం రీ రిలీజ్ అయిన సంగతి తెలిసిందే. ఇలా తాజాగా వినిపిస్తున్న వార్తల ప్రకారం ఆయన నటించిన మరో సినిమా బద్రి జనవరి 26న విడుదల కానుందని తెలుస్తోంది.

రీ రిలీజ్ ల వల్ల ప్రేక్షకులకు నాస్టాల్జిక్ వైబ్స్ మరియు థియేటర్లలో ఉత్సాహాన్ని తెస్తుందనే వాస్తవాన్ని పక్కన పెడితే, ఈ ప్రత్యేక షోలు మరోవైపు కొత్త సినిమాల వసూళ్లను ప్రభావితం చేసే ప్రమాదం కూడా ఉంది.

ఇక మీదట అయినా నిర్వాహకులు మరియు అభిమానులు ఈ ఈవెంట్లను అతిగా చేయకుండా కొత్త విడుదలలకు అంతరాయం కలిగించకుండా తమ అభిమాన హీరో యొక్క పాత సినిమాల రీ రిలీజ్ ను ప్లాన్ చేస్తే అందరికీ మంచిది.