మెగాస్టార్ చిరంజీవి తాజాగా బాబీ (కెఎస్ రవీంద్ర) దర్శకత్వంలో “వాల్తేరు వీరయ్య” అనే మాస్ మరియు కమర్షియల్ ఎంటర్‌టైనర్‌లో నటిస్తున్న సంగతి తెలిసిందే. కాగా ఈ చిత్రానికి సంబంధించిన మరో ఆసక్తికరమైన విషయం ఏమిటంటే, ఈ సినిమాలో మాస్ మహారాజా రవితేజ ఒక ముఖ్యమైన పాత్ర పోషిస్తుండటమే. మరియు అంతర్గత వర్గాల సమాచారం ప్రకారం రవితేజ రోల్ చాలా పవర్ ఫుల్ గా ఉండబోతుందని వినిపిస్తోంది.

ఈ సినిమాలో రవితేజ ఓ కీలక పాత్ర పోషిస్తున్నారని తెలియగానే మెగా అభిమానులు ఎంతగానో సంతోషించారు, ఇక ఈ వార్త విన్నప్పుడు మాస్ మహారాజా ఫ్యాన్స్ ఆనందానికి కూడా అవధులు లేకుండా పోయాయి. తాజాగా వాల్తేరు వీరయ్య సినిమా గురించి ఒక ఆసక్తికరమైన వార్త బయటకి వచ్చింది.

మెగాస్టార్ చిరంజీవి మరియు మాస్ మహారాజ్ రవితేజ పై ఒక పక్కా మాస్ నంబర్ చిత్రీకరించబడింది. రాక్‌స్టార్ దేవి శ్రీ ప్రసాద్ ఈ సందర్భంలో స్వచ్ఛమైన మాస్ డ్యాన్స్ నంబర్‌ను ట్యూన్ చేసారు. కాగా దీనికి టాలెంటెడ్ కొరియోగ్రాఫర్ శేఖర్ మాస్టర్ ఇద్దరూ హీరోల కోసం అదిరిపోయే స్టెప్స్ కంపోజ్ చేశారని సమాచారం. ఈ పాటను ఇటీవలే అల్యూమినియం ఫ్యాక్టరీలో చిత్రీకరించారు.

ఈ పాట చాలా అద్భుతంగా వచ్చిందని, ఇటు హీరోల అభిమానులకు, అటు ఇతర ప్రేక్షకులకు కూడా మాస్ ఫీస్ట్‌గా ఉంటుందని అంటున్నారు. అలాగే, చిరంజీవి మరియు రవితేజ కనిపించే ఈ పాట.. వెంకీ చిత్రంలోని సిలకేమో సీకాకుళం మరియు శంకర్ దాదా టైటిల్ సాంగ్ యొక్క రీమిక్స్ పాటగా ఉంటుందని చెబుతున్నారు.

ఇటీవల విడుదలైన ఈ సినిమా టైటిల్ టీజర్‌కు అద్భుతమైన స్పందన లభించింది, టీజర్‌లో చిరంజీవి పక్కా మాస్ అవతార్‌లో కనిపించారు. ఆయన స్టైల్ మరియు మాస్ మ్యానరిజం టీజర్ చూసిన ప్రతి ఒక్కరినీ ఆకట్టుకున్నాయి. దీపావళి సందర్భంగా విడుదలైన ఈ టీజర్ కు విశేష స్పందన లభించింది. యూట్యూబులో నంబర్ వన్ స్థానంలో ట్రెండ్ అయి 10 మిలియన్ల వ్యూస్ సంపాదించింది.

మైత్రీ మూవీ మేకర్స్ బ్యానర్‌పై నవీన్ యెర్నేని, వై రవిశంకర్ నిర్మిస్తున్న ఈ చిత్రంలో చిరంజీవి సరసన శృతి హాసన్ హీరోయిన్ గా నటిస్తుండగా, జికె మోహన్ సహ నిర్మాతగా వ్యవహరిస్తున్నారు.

లైగర్ సినిమా భారీ పరాజయం పాలవడం ఆ సినిమా యూనిట్ మొత్తానికి పెద్ద ఎదురుదెబ్బగా మారింది. ముఖ్యంగా దర్శకుడు పూరి జగన్నాధ్ కి చాలా సమస్యలు వచ్చి పడ్డాయి. డిస్ట్రిబ్యూటర్లు మరియు ఫైనాన్షియర్లు నష్టపరిహారం కోరడం ఆ వ్యవహారం అంతా ఒక వివాదంగా మారడం వంటి అంశాలు ఆయనను మానసికంగా ప్రభావితం చేశాయి.

పూరి జగన్నాధ్ గతంలో కొనుగోలుదారులకు లైగర్ సినిమా వల్ల వచ్చిన నష్టాన్ని భర్తీ చేస్తానని హామీ ఇచ్చారట. కానీ అసలు సమస్య ఏమిటంటే, అలా మాటిచ్చిన తర్వాత పూరి.. డిస్ట్రిబ్యూటర్ సర్కిల్ నుండి ఎవరు కాల్ చేసినా లేదా మెసేజ్‌ చేసినా స్పందించలేదట. పూరి నుంచి అలాంటి స్పందన చూసిన తరువాత, బయ్యర్లు అందరూ కలిసి ఆయన ఇంటి ముందు సమ్మె చేయాలని ప్లాన్ చేశారు.

అయితే ఈ సమ్మెను ఒక బ్లాక్‌మెయిల్‌గా పేర్కొంటూ, వారి పై పోలీసు కేసు నమోదు చేయాలని పూరి నిర్ణయించుకున్నారు. ఇటీవలే కేసు నమోదు కూడా చేశారు. తనకి తన కుటుంబానికి వరంగల్ శ్రీను మరియు జి శోబన్ బాబు మరియు ఇతర పంపిణీదారులు నుండి రక్షణ కల్పించవల్సిందిగా పోలీసు వారిని పూరి అభ్యర్థించిన విషయం తెలిసిందే.

తమకు ఇవ్వాల్సిన డబ్బు ఇవ్వకుండా ఇలా తమ మీదే ఆరోపణలు చేయడంతో.. భవిష్యత్తులో పూరి తరపు నుంచి వచ్చే ఏ సినిమాకి కూడా ఫైనాన్స్ చేయకూడదని ఫైనాన్షియర్లు నిర్ణయించుకున్నారని సమాచారం. పూరికి కష్టకాలంలో తాము సహాయం చేశామని ఫైనాన్షియర్‌లు అంటున్నారు.

కానీ ఇప్పుడు పూరి నష్టాల నుండి తప్పించుకోవడానికి తను ప్రణాళికలు రచిస్తూ తిరిగి తమను నిందిస్తున్నాడని చెప్తూ.. పూరిని ఒక మోసగాడిగా అభివర్ణించారు. ఏదేమైనా పూరి ఇలాంటి వివాదాలు అన్నిటికీ దూరంగా జరిగి ఒక బ్లాక్ బస్టర్ విజయంతో మరోసారి తన సత్తా ఏంటో అందరికీ చూపించాలని అభిమానులు ఆశిస్తున్నారు.

పూరీ జగన్నాథ్ సైతం ‘లైగర్’ ప్లాప్ నుంచి బయటకు వచ్చి తదుపరి చేయాల్సిన సినిమాల పై దృష్టి పెట్టినట్లు తెలుస్తోంది. మరోసారి పూరి ఇలాంటి వివాదాలతో కాకుండా మంచి సినిమా ఓకే అయింది అన్న వార్త బయటకి రావాలని ఆశిద్దాం.

మణిరత్నం కెరీర్ డ్రీమ్ ప్రాజెక్ట్ గా ప్రసిద్ధి చెందిన మాగ్నమ్ ఓపస్ పొన్నియిన్ సెల్వన్ చిత్రం ఇప్పుడు OTT ప్లాట్‌ఫామ్‌లో విడుదలయింది. ప్రస్తుతానికి, ఈ చిత్రం అమెజాన్ ప్రైమ్‌లో అద్దె ప్రాతిపదికన తమిళం, తెలుగు, కన్నడ మరియు మలయాళంలో అందుబాటులో ఉంది. హిందీ వెర్షన్ మాత్రం ప్రస్తుతం అందుబాటులో లేదు.

విక్రమ్, కార్తీ, ఐశ్వర్యరాయ్, త్రిష మరియు జయం రవి ప్రధాన పాత్రల్లో నటించిన ఈ హిస్టారికల్ యాక్షన్ డ్రామా నవంబర్ 4న అమెజాన్ ప్రైమ్‌లో నాన్‌రెంటల్ ప్రాతిపదికన అందరికీ అందుబాటులో ఉండేలా విడుదల కానుంది.

ప్రస్తుతానికి, వీక్షకులు పొన్నియిన్ సెల్వన్‌ని చూడాలంటే 199 చెల్లించి వీక్షించాల్సి ఉంటుంది. ఈ ప్రాజెక్ట్‌కి OTT ప్రతిస్పందన చాలా కీలకం అని చెప్పాలి. ఎందుకంటే OTT లో బాగా పాపులర్ అయితే త్వరలో విడుదల కానున్న సీక్వెల్ బాక్సాఫీస్ వద్ద సంచలనం సృష్టించడంలో సహాయపడుతుంది.

రిలీజ్ కు ముందు నుంచే తమిళ సినీ ప్రేక్షకులు మరియు విశ్లేషకులు పొన్నియిన్ సెల్వన్ సినిమా పై ఎంతో ఆసక్తిని, ఇష్టాన్ని ఏర్పరచుకున్నారు. అందుకు తగ్గట్టే ఈ సినిమా తమిళ మార్కెట్‌లో అనూహ్యమైన బిజినెస్ చేసి అక్కడ ఇండస్ట్రీ హిట్ గా నిలిచింది.

అయితే సీక్వెల్ అన్ని భాషల్లో సరైన విధంగా ప్రభావం చూపించాలంటే మాత్రం OTT లో ప్రేక్షకుల స్పందన అనేది చాలా కీలక పాత్ర పోషిస్తుందనే చెప్పాలి. గతంలో కేజీఎఫ్ మొదటి భాగం అమెజాన్ ప్రైమ్ లో విడుదల అయిన తర్వాత విశేష స్థాయిలో వీక్షకుల నుండి స్పందన తెచ్చుకుంది.

పొన్నియిన్ సెల్వన్ 2 భాగాలుగా రూపొందిన విషయం తెలిసిందే. కాగా ఈ రెండు భాగాలకు కలగలిపి 500 కోట్ల బడ్జెట్‌ వెచ్చించడం జరిగింది. మణిరత్నం కి ఉన్న మార్కెట్ ఇమేజ్ దృష్ట్యా ఇది చాలా భారీ బడ్జెట్ అని, అంతే కాకుండా సినిమా అటు ఇటు ఐతే పరిస్థితి చాలా ప్రమాదకరంగా మారుతుంది అని అందరూ బలంగా విశ్వసించారు.

అయితే తమిళనాట మరియు ఓవర్సీస్‌లో పొన్నియిన్ సెల్వన్ చిత్రం అసాధారణ రీతిలో ప్రదర్శింపబడి అద్భుత విజయం సాధించడంతో నిర్మాతలకు లాభాల పంట పండింది. ఇక పొన్నియిన్ సెల్వన్ రెండో భాగం పై అంతటా భారీ ఆసక్తి నెలకొంది.

KGF 2 యొక్క భారీ విజయం తర్వాత, హీరో యష్ ఇప్పటివరకు కొత్త సినిమా ఏదీ ప్రారంభించలేదు. కానీ ఆయన తదుపరి చిత్రం గురించి చాలా పుకార్లు వస్తూనే ఉన్నాయి. ఆ పుకార్లలో ఒకటి రాకీ భాయ్‌కి బాలీవుడ్ నుండి భారీ ఆఫర్లు వస్తున్నాయి అనేది అయితే, మరో వైపు ఇటీవల వినిపిస్తున్న తాజా వార్తల ప్రకారం బాలీవుడ్ యొక్క అత్యంత ప్రతిష్టాత్మక ప్రాజెక్ట్ అయిన బ్రహ్మాస్త్ర సీక్వెల్‌లో యష్ నటించబోతున్నట్లు వార్తలు వస్తున్నాయి.

అంతే కాకుండా బాలీవుడ్‌లో హీరో యష్‌కి ఒక భారీ బడ్జెట్‌ పౌరాణిక సినిమాలో నటించే అవకాశం వచ్చిందని మరో ప్రచారం జరుగుతోంది. KGF-2 చిత్రంతో యష్ పాన్-ఇండియన్ స్టార్ అయ్యారు. ప్రశాంత్ నీల్ దర్శకత్వం వహించిన ఈ చిత్రం బాక్సాఫీస్ వద్ద 1200 కోట్లకు పైగా వసూలు చేసి 2022లో భారతీయ చలనచిత్ర పరిశ్రమలో అతిపెద్ద గ్రాసర్‌గా నిలిచింది. ప్రతి యొక్క వెర్షన్ లోనూ ఈ చిత్రం అద్భుతంగా ప్రదర్శింపబడింది.

అలాగే బ్రహ్మాస్త్ర సీక్వెల్‌లో దేవ్ అనే కీలక పాత్రలో యష్ కనిపించే అవకాశం ఉందని బాలీవుడ్ వర్గాలు చెబుతున్నాయి. రెండో భాగంలో రణబీర్‌ కపూర్‌తో సమానంగా యష్‌ పాత్ర కనిపిస్తుందని అంటున్నారు.

బ్రహ్మాస్త్ర పార్ట్1 ప్రపంచవ్యాప్తంగా 400 కోట్లకు పైగా గ్రాస్ వసూలు చేయడం ద్వారా బాక్సాఫీస్ వద్ద చక్కని ప్రదర్శన ఇచ్చింది. అంతే కాక వరుస పరాజయాలతో సతమతమవుతున్న బాలీవుడ్ పరిశ్రమకు ఊపిరి పోస్తూ పోస్ట్ కోవిడ్‌లో అత్యధిక వసూళ్లు సాధించిన హిందీ చిత్రంగా నిచింది. కాగా బ్రహ్మస్త్ర మొదటి భాగం దేవ్ పాత్ర పరిచయంతో అత్యద్భుతంగా ముగుస్తుంది.

అప్పటి నుంచి దేవ్ పాత్రలో ఎవరు నటించబోతున్నారు అని ప్రేక్షకులు చాలా ఆసక్తిగా ఎదురు చూస్తున్నారు. అంతర్గత వర్గాల నివేదికల ప్రకారం, బ్రహ్మాస్త్ర నిర్మాతలు ఆ పాత్ర కోసం యష్ ను ఎంపిక చేయడానికి ఆసక్తి చూపుతున్నారని తెలుస్తోంది.

కాగా వారు ఇప్పటికే యష్‌ని సంప్రదించారని, మరియు ఏ నిర్ణయం తీసుకోవాలనేది యష్‌ పై ఆధారపడి ఉందని సమాచారం. ఈ వార్త నిజం అయితే మటుకు ఒక్కసారిగా బ్రహ్మాస్త్ర సీక్వెల్ కు హైప్ పెరిగిపోతుంది అనడంలో ఎలాంటి సందేహం లేదు.

ఇక KGF 2 విడుదలైనప్పటి నుండి, KGF-3 గురించి చాలా పుకార్లు వస్తున్నాయి. ఈ చిత్రం ఫారిన్ బ్యాక్‌డ్రాప్‌లో రూపొందుతోందని, అంతే కాకుండా వచ్చే ఏడాది సెట్స్‌ పైకి కూడా వెళ్తుందని కొందరు అంటున్నారు.

అలాగే దర్శకుడు నార్తన్ తో యష్ సినిమా చేయబోతున్నారని కూడా చాలా రోజులుగా వార్తలు వస్తున్నాయి. తన తదుపరి సినిమా గురించి యష్ నుండి అధికారిక ధృవీకరణ వచ్చినప్పుడు మాత్రమే ఈ పుకార్లన్నీ ఆగిపోతాయి. లేదంటే ఈలోపు ప్రతి కొత్త సినిమాకి యష్ పేరు జోడించేలా ఉన్నారు సినీ ఔత్సాహికులు.

మౌని రాయ్ నలుపు రంగు దుస్తులు ధరించి మెరుస్తున్న దృశ్యం.