జేమ్స్ కామెరూన్ తెరకెక్కించిన ‘అవతార్ 2’ విడుదలై తొమ్మిది రోజులైంది. ఈ చిత్రం బాక్సాఫీస్ వద్ద మంచి వసూళ్లను రాబడుతోంది. కాగా తెలుగు రాష్ట్రాల్లో తొలివారంలో 55 కోట్ల నెట్ వసూలు చేసిన అవతార్ 2 అందరి అంచనాలను తలకిందులు చేసింది.

మొత్తంగా శనివారం వరకు తెలుగు రాష్ట్రాల్లో 70 కోట్ల గ్రాస్ వసూలు చేసిన ఈ చిత్రం 100 కోట్ల మార్కు దిశగా దూసుకెళ్తోంది మరియు ఇది గనక నిజంగా ఆ నంబర్ సాధిస్తే తెలుగు రాష్ట్రాల్లో 100 కోట్ల మ్యాజిక్ రికార్డ్ ను టచ్ చేసిన మొదటి హాలీవుడ్ చిత్రం అవుతుంది.

జేమ్స్ కామెరూన్ దర్శకత్వం వహించిన బ్లాక్ బస్టర్ సినిమా టికెట్ విండోల వద్ద అద్భుతాలు చేస్తోంది. ఇండియాలో ఈ సినిమా సెకండ్ వీకెండ్ లో భారీ వసూళ్లు రాబట్టింది.

మొత్తంగా భారత దేశంలో వస్తున్న వసూళ్ళలో 50 శాతం వాటా దక్షిణాది నుండి  వస్తున్నాయని ట్రేడ్ వర్గాలు పేర్కొన్నాయి. ఈ చిత్రం రణ్వీర్ సింగ్ నటించిన బాలీవుడ్ చిత్రం  సర్కస్ మరియు రవితేజ ధమాకా (తెలుగు) వంటి సినిమాల వల్ల ఏమాత్రం ప్రభావితం కాలేదు.

హాలీవుడ్ విజువల్ ఎంటర్ టైనర్ అవతార్ – ది వే ఆఫ్ వాటర్ డిసెంబర్ 16న అన్నీ భాషలతో పాటు తెలుగులో కూడా ఒకేసారి విడుదల అయిన సంగతి తెలిసిందే.

శుక్రవారం థియేటర్లలో విడుదలైన “అవతార్: ది వే ఆఫ్ వాటర్” లో వర్తింగ్టన్ యొక్క సల్లీ మరియు నైటిరి వారి కుటుంబాన్ని సురక్షితంగా ఉంచడానికి పోరాడే నేపథ్యంలో అనుకోని సంఘటనలు వారిని తమ ఇంటి నుండి బలవంతంగా వదిలి వెళ్లేలా చేసినప్పుడు, సల్లీలు పండోరా యొక్క విస్తారమైన ప్రాంతాల గుండా ప్రయాణిస్తారు, తమ చుట్టుపక్కల మహాసముద్రాలతో సామరస్యంగా జీవించే మెట్కాయినా వంశం ఆధీనంలో ఉన్న ప్రాంతానికి తరలి వెళతారు.

“అవతార్: ది వే ఆఫ్ వాటర్” లో లాంగ్, వీవర్, గియోవన్నీ రిబిసి, దిలీప్ రావుతో పాటు కేట్ విన్స్లెట్ మరియు క్లిఫ్ కర్టిస్ కూడా నటించారు.

ఇటీవల, తన తాజా చిత్రం సర్కస్ విడుదలకు ముందు రోజుల్లో, రోహిత్ శెట్టి సినిమా విజయం పట్ల చాలా నమ్మకంగా కనిపించారు. మరియు బాలీవుడ్ సినిమాలు బాక్సాఫీస్ వద్ద ఎందుకు కష్టపడుతున్నాయో అనే విషయం పై మాట్లాడారు. అయితే తన సినిమాలు మాత్రం ఖచ్చితంగా విజయం సాధిస్తాయని, ఎందుకంటే తనకి ప్రేక్షకులతో చక్కని సంబంధం ఉందని ఆయన అన్నారు.

ఒక సినిమా నుండి సగటు ప్రేక్షకుడు ఏమి కోరుకుంటున్నారో తనకు తెలుసు అన్నట్లుగా వ్యాఖ్యానించారు రోహిత్ శెట్టి. ఆయన చెప్పిన మాటలకి తగ్గట్టే ఆయన ట్రాక్ రికార్డ్ కూడా ఉంది.

రోహిత్ శెట్టి సినిమాలు బాక్సాఫీస్ వద్ద సాధారణంగా భారీ ఓపెనింగ్స్ ను కలిగి ఉంటాయి. నిజానికి కోవిడ్ తర్వాత సూర్యవంశీ సినిమాతో బాలీవుడ్ మార్కెట్ ను ఆయనే పునరుద్ధరించారు. ఇటీవల, బాలీవుడ్ సినిమాలు మరియు వాటి కంటెంట్ గురించి తీవ్రంగా ట్రోల్ చేస్తున్న వ్యక్తులకు వ్యతిరేకంగా గళం విప్పినందుకు ఆయన వార్తల్లో నిలిచారు.

తాజాగా రోహిత్ శెట్టి దర్శకత్వంలో తెరకెక్కిన ‘సర్కస్’ సినిమాకు ప్రేక్షకులు పెద్ద షాక్ ఇచ్చారు. ఈ చిత్రం భారతదేశంలో మొదటి రోజు 7.5 కోట్ల నెట్ తో దారుణమైన సంఖ్యతో ప్రారంభమైంది మరియు రెండవ రోజు కూడా కలెక్షన్లలో ఎలాంటి అభివృద్ధి లేదు.

అంతే కాకుండా మొదటి రోజు నుండి పోలిస్తే మరింత పడిపోయింది మరియు రెండవ రోజు కేవలం 6.5 కోట్లు మాత్రమే వసూలు చేసింది. ఈ చిత్రం బాలీవుడ్ లో అతి పెద్ద డిజాస్టర్స్ లో ఒకటిగా నిలిచే దిశగా అడుగులు వేస్తుంది.

సర్కస్ విడుదలకు ముందు రోహిత్ శెట్టి ఒక వివాదంలో చిక్కుకున్నారు. ఒక మీడియా ఇంటరాక్షన్ సందర్భంగా ఈ సంవత్సరం సౌత్ సినిమాలు బాలీవుడ్ సినిమాలను డామినేట్ చేసిన విషయం గూర్చి ప్రస్తావిస్తూ.. 1970 ల నుండి బాలీవుడ్ ఒక బ్లాక్ బస్టర్ ను ఒకదాని తర్వాత మరొకటి ఎన్నో సార్లు ఇచ్చిందని ఆయన తెలిపారు.

దీవార్, డాన్, హమ్ ఆప్కే హై కౌన్, కభీ ఖుషీ కభీ ఘుమ్, దిల్వాలే దుల్హనియా లే జాయేంగే, సింగం, సూర్యవంశీ, అమర్ అక్బర్ ఆంథోనీ వంటి అనేక చిత్రాలను ఆయన ఉదాహరణగా చూపించారు.

భారతదేశంలో కమర్షియల్ చిత్రాలకు ఒక బెంచ్ మార్క్ ను బాలీవుడ్ సెట్ చేసిందని, కేవలం ఒక సంవత్సరం సరిగా లేనంత మాత్రాన బాలీవుడ్ పరిశ్రమను తక్కువ చేయలేమని రోహిత్ శెట్టి అన్నారు. కానీ ఆయన తాజా చిత్రం సర్కస్ భారీ డిజాస్టర్ దిశగా వెళ్తుండటంతో, అతను అతి విశ్వాసంతో కాకుండా కాస్త ఆచి తూచి మాట్లాడాల్సిందని ప్రేక్షకులు ఇప్పుడు ఎత్తి చూపుతున్నారు.

యంగ్ రెబల్ స్టార్ ప్రభాస్ హీరోగా మారుతి దర్శకత్వంలో తెరకెక్కుతున్న చిత్రం ‘రాజా డీలక్స్’ (ప్రచారంలో ఉన్న టైటిల్). ఈ సినిమా సెట్స్ నుండి ఈ పాన్-ఇండియా స్టార్ ఉన్న ఒక పిక్ ఈరోజు ఇంటర్నెట్లో వైరల్ అయింది. నివేదికల ప్రకారం, ఈ సినిమాలో హీరో ప్రభాస్ తనను ప్రేక్షకులు ఎప్పుడూ చూడని పాత్రలో నటించనున్నారట. లీక్ అయిన ఈ ఫోటోను ప్రభాస్ అభిమానులు చాలా సంతోషిస్తున్నారు.

మొదట ప్రభాస్ అభిమానులు.. తమ హీరో దర్శకుడు మారుతితో సినిమా చేస్తారని తెలియగానే ఆందోళన చెందారు. ఎందుకంటే ఈ కాంబినేషన్ తమ అభిమాన హీరో ఇమేజ్ కు సరిపోదని వారు భావించారు. కానీ ఇప్పుడు ప్రభాస్ ను న్యూ లుక్ లో చూసిన తరువాత వారు ఆనందంగా ఉన్నారు మరియు ప్రభాస్ ను ఇంత బాగా చూపించినందుకు వారు దర్శకుడు మారుతికి కృతజ్ఞతలు తెలియజేస్తున్నారు.

లీకైన ఫోటోలో ప్రభాస్ చిత్ర బృందంతో కలిసి సాధారణ దుస్తుల్లోనే అద్భుతంగా కనిపిస్తున్నారు. మారుతిని కూడా అదే పిక్ లో చూడవచ్చు మరియు ఇద్దరూ చిత్రీకరించాల్సిన సన్నివేశం గురించి చర్చిస్తున్నారు.

సోషల్ మీడియాలో అభిమానులు వైరల్ చేసిన ఈ చిత్రంలో, ప్రభాస్ సాధారణ చెక్డ్ చొక్కా మరియు నల్ల ప్యాంటు ధరించి, తెలుపు టీ-షర్టుతో కనిపించారు.

కాగా ఈ సినిమా షూటింగ్ కోసం ప్రభాస్ రెండు నెలల సమయం కేటాయించి, ఆ సమయం లోపు షూటింగ్ పూర్తి చేయాలని దర్శకుడు మారుతికి చెప్పినట్లు సమాచారం.

ప్రస్తుతం హైదరాబాద్ లో చిత్రీకరణ జరుగుతోంది. తమ అభిమాన నటుడిని వెండితెరపై చూడాలని ప్రభాస్ అభిమానులు ఎప్పటి నుంచో ఎదురుచూస్తున్నారు.

మారుతి దర్శకత్వం వహించిన ఈ చిత్రంలో నిధి అగర్వాల్, మాళవిక మోహనన్, రిద్ధి కుమార్ హీరోయిన్లుగా నటిస్తున్నారు. పీపుల్ మీడియా ఫ్యాక్టరీ ఈ చిత్రాన్ని నిర్మిస్తున్నారు.

టాలీవుడ్ సీనియర్ నటుడు చలపతిరావు ఆదివారం (డిసెంబర్ 25) ఉదయం గుండెపోటుతో కన్నుమూశారు. ఆయన వయసు 78 సంవత్సరాలు. చలపతిరావు తెలుగు చలనచిత్ర పరిశ్రమలో ప్రముఖ నటులు మరియు సహాయక ప్రతినాయక పాత్రలలో గత 5 దశాబ్దాలుగా అనేక చిత్రాలలో ఎన్నో తరాల ప్రముఖ తారలతో కలిసి పనిచేశారు.

ఆయన కుమారుడు రవిబాబు కూడా టాలీవుడ్ లో నటుడు, దర్శకుడు మరియు నిర్మాతగా రాణిస్తున్నారు. యమగోల, యుగపురుషుడు, డ్రైవర్ రాముడు, సరదా రాముడు, జస్టిస్ చౌదరి, బొబ్బిలి పులి వంటి ఎన్నో చిత్రాలలో చలపతిరావు విలన్ పాత్రలలో నటించారు.

అలాగే ‘స్టేట్ రౌడీ’, ‘దొంగ రాముడు’, ‘అల్లరి అల్లుడు’, ‘నిన్నే పెళ్లాడుత’, ‘అల్లరి’, ‘నువ్వే కావాలి’ వంటి సినిమాల్లో సహాయక పాత్రలు పోషించారు.

ఆయన మృతి తెలుగు చిత్ర పరిశ్రమను తీవ్ర దిగ్భ్రాంతికి గురి చేసింది. నిన్ననే మరో సీనియర్ నటుడు కైకాల సత్యనారాయణ గారు తుది శ్వాస విడిచిన విషాద ఛాయలు ఇంకా మరచిపోకముందే ఈరోజు చలపతిరావు గారి గురించి ఇలాంటి వార్త వినడం అందరినీ ఎంతో బాధకు గురి చేసింది. చలపతిరావు మృతికి పలువురు సినీ ప్రముఖులు తమ సంతాపం తెలియజేశారు.

చలపతిరావు గారికి భార్య ఇందుమతి, ముగ్గురు పిల్లలు ఉన్నారు. చలపతిరావు గారి కూతురు అమెరికా నుంచి వచ్చిన తర్వాత ఆయన అంత్యక్రియలు హైదరాబాద్ లోని మహాప్రస్థానంలో రేపు నిర్వహించనున్నారు.