మెగా పవర్ స్టార్ రామ్ చరణ్ పుట్టినరోజు సందర్భంగా మార్చి 27న టాలీవుడ్ ఇండస్ట్రీ హిట్ మగధీరను రీ రిలీజ్ చేయనున్నట్లు గీతా ఆర్ట్స్ కొద్ది రోజుల క్రితం ప్రకటించింది. ఈ వార్త అభిమానులను ఒక్కసారిగా ఎనలేని ఆనందానికి గురి చేసింది. అయితే ఇప్పుడు ఇదే విషయంలో చరణ్ అభిమానులకు నిరాశ కలిగించే వార్త బయటకు వచ్చింది.

సాంకేతిక కారణాల వల్ల సెన్సేషనల్ ఇండస్ట్రీ హిట్ మగధీర రీ రిలీజ్ క్యాన్సిల్ అయిందని గీతా ఆర్ట్స్ తన ట్విటర్ ఖాతాలో పేర్కొంది. మెగా పవర్ స్టార్ రామ్ చరణ్ పుట్టిన రోజు సందర్భంగా ఈ విజువల్ ఎంటర్ టైనర్ ను మీ ముందుకు తీసుకురావాలని అనుకున్నాం. త్వరలోనే సరైన సమయంలో తీసుకొస్తామని ఆశిస్తున్నాం అని తమ ట్వీట్ లో అన్నారు.

రాజమౌళి దర్శకత్వం వహించిన మగధీర అప్పట్లో అత్యంత ఖరీదైన తెలుగు చిత్రంగా నిలవడమే కాకుండా, విడుదల సమయంలో తెలుగు సినిమా చరిత్రలో అత్యధిక వసూళ్లు సాధించిన తొలి చిత్రంగా నిలిచింది.

అల్లు అరవింద్ గీతా ఆర్ట్స్ బ్యానర్ పై నిర్మించిన ఈ చిత్రంలో శ్రీహరి, కాజల్ అగర్వాల్, దేవ్ గిల్ కీలక పాత్రలు పోషించారు. ఎం.ఎం.కీరవాణి సంగీతం అందించిన ఈ చిత్రానికి కె.కె.సెంథిల్ కుమార్ సినిమాటోగ్రఫీ అందించారు. మగధీర 57వ జాతీయ చలన చిత్ర అవార్డుల్లో పలు అవార్డులను గెలుచుకోవడంతో పాటు ఆరు ఫిల్మ్ ఫేర్ అవార్డులను, తొమ్మిది రాష్ట్ర నంది అవార్డులను గెలుచుకుంది.

ఈ వారంలో విడుదలైన సినిమాలయినా వరుసగా పేలవమైన ఫలితాలు, లోటుపాట్ల నుంచి ఉపశమనం కలిగిస్తాయని తెలుగు రాష్ట్రాల్లోని థియేటర్ల యజమానులు ఆశించారు కానీ కొత్తగా విడుదలైన సినిమాలు రెండూ బాక్సాఫీస్ వద్ద ఘోరమైన ఓపెనింగ్స్ తెచ్చుకున్నాయి.

ఫలానా అబ్బాయి ఫలానా అమ్మాయి సినిమాకి తొలిరోజే చాలా సెంటర్లలో డెఫిషిట్ లు నమోదు కాగా కబ్జా సినిమాకు విడుదలకు ముందే మంచి హైప్ రావడంతో సినిమా మార్నింగ్ షోలు డీసెంట్ గా ప్రారంభమయ్యాయి. అయితే బ్యాడ్ టాక్ కారణంగా ప్రతి షోకూ కలెక్షన్లు తగ్గుతూ వచ్చాయి. ఇక ఈ రోజు మార్నింగ్ షోలకు కూడా తక్కువ ఆక్యుపెన్సీ నమోదైంది.

కబ్జా మంచి యాక్షన్ ఎంటర్ టైనర్ అయ్యేందుకు అన్ని అవకాశాలు ఉన్నా కానీ ఎమోషనల్ ఇంపాక్ట్ లేకుండా కేజీఎఫ్ సిరీస్ కు సంబంధించిన స్పూఫ్ గా అనిపించడం, ఆర్టిఫిషియల్ టేకింగ్ ఉండటం వల్ల ఎంగేజింగ్ సినిమా తీయడంలో దర్శకుడు విఫలమయ్యారు.

అవసరాల శ్రీనివాస్ తెరకెక్కించిన ఫలానా అబ్బాయి ఫలానా అమ్మాయి సినిమాలో మంచి కంటెంట్ ఉన్నప్పటికీ ఆయన ఎంచుకున్న కథనం సినిమాకు మైనస్ అయ్యింది. ఈ చిత్రంలో ప్రధాన జంటగా నటించిన మాళవిక నాయర్, నాగశౌర్య మంచి పెర్ఫార్మెన్స్ ఇవ్వడంతో పాటు వారి కెమిస్ట్రీ కూడా సూపర్బ్ గా ఉంది. ఈ రొమాంటిక్ డ్రామాలో పాటలు, కొన్ని సన్నివేశాలు బాగున్నాయి కానీ పైన చెప్పినట్లు చాప్టర్ – వైజ్ కథనం ప్రేక్షకులకు అస్సలు నచ్చలేదు.

ప్రముఖ యాంకర్ సుమ కనకాల తనయుడు తెలుగు చిత్ర పరిశ్రమలో హీరోగా పరిచయం అవుతున్నారు. క్షణం, కృష్ణ అండ్ హిజ్ లీల చిత్రాలతో మంచి గుర్తింపు తెచ్చుకున్న రవికాంత్ పేరెపు దర్శకత్వంలో మహేశ్వరి మూవీస్ పతాకం పై ఈ కొత్త చిత్రం రూపొందుతోంది. ప్ర

ముఖ యాంకర్ సుమ కనకాల మరియు నటుడు రాజీవ్ కనకాల కుమారుడైన రోషన్ కనకాల తొలిసారి ఈ సినిమాలో ప్రధాన పాత్రలో నటిస్తున్నారు. ఈ సినిమా నిర్మాణ బాధ్యతలను పి.విమల చూసుకుంటున్నారు.

రోషన్ కనకాల బర్త్ డే సందర్భంగా డీజేగా వైబ్రెంట్ అవతారంలో ఉన్న పోస్టర్ ను చిత్ర బృందం ఇటీవలే విడుదల చేసింది. ఈ పోస్టర్లో రోషన్ కర్లీ హెయిర్, సన్ గ్లాసెస్ ధరించి, హెడ్సెట్ ధరించి డీజే సిస్టమ్లో మ్యూజిక్ ప్లే చేస్తున్నారు.

ఇంకా టైటిల్ ఖరారు కాని ఈ సినిమా కొత్తతరం రొమాంటిక్ కామెడీగా తెరకెక్కుతుండగా, శ్రీచరణ్ పాకాల సంగీతం, నవీన్ యాదవ్ సినిమాటోగ్రఫీ అందిస్తున్నారు. రవికాంత్ పేరెపుతో పాటు విష్ణు కొండూరు, శేరి-గన్ని ఇతర రచయితలు కాగా, వంశీకృష్ణ స్క్రీన్ ప్లేకు కన్సల్టెంట్ గా వ్యవహరిస్తున్నారు. శివంరావు ప్రొడక్షన్ డిజైన్ మేనేజర్.

తీసిన కొన్ని సినిమాలతోనే తనకంటూ ప్రత్యేకమైన టేకింగ్, న్యూ ఏజ్ రొమాంటిక్ కామెడీలకు పెట్టింది పేరైన రవికాంత్ పేరెపు నుంచి వస్తున్న ఈ సినిమా కోసం ప్రేక్షకులు ఎంత గానో ఎదురుచూస్తున్నారు.

మెగా పవర్ స్టార్ రామ్ చరణ్ ఇటీవల లాస్ ఏంజిల్స్ లో జరిగిన ఆస్కార్ వేడుకకు హాజరై నిన్ననే భారత దేశానికి తిరిగి వచ్చారు. ఇక భారతదేశానికి వచ్చిన వెంటనే న్యూఢిల్లీలో జరిగిన సదస్సులో పాల్గొని అన్ని రంగాలకు చెందిన పలువురు ప్రముఖులను సన్మానించారు.

ఈ కార్యక్రమంలో చరణ్ తన తదుపరి ప్రాజెక్ట్ ఆర్ సి 16 గురించి సంచలన ప్రకటన చేసి అభిమానులతో పాటు అందరికీ షాక్ ఇచ్చారు. ఇందులో రంగస్థలం కంటే బెటర్ గా ఉండే పాత్రను పోషిస్తున్నానని చరణ్ తెలిపారు. చిట్టిబాబు పాత్ర ఇప్పటికీ ఆయన అభిమానులకు ఎంతో ఇష్టం, అందుకే ఈ ప్రకటన వారిని షాక్ కు గురి చేసింది.

2023 సెప్టెంబర్ లో ఈ ప్రాజెక్ట్ షూటింగ్ ప్రారంభమవుతుందని చరణ్ ప్రకటించారు. అంతే కాకుండా ఆర్ సీ16ను పాశ్చాత్య ప్రేక్షకులు ఆదరిస్తారనే నమ్మకం కూడా ఉందని చరణ్ తెలిపారు. మరి సినిమా ఎలా ఉండబోతుందో చూడాలి.

ఈ సందర్భంగా రామ్ చరణ్ మాట్లాడుతూ.. క్రీడల ఆధారంగా సినిమా తీయాలనుకుంటున్నానని, అది చాలా కాలంగా పెండింగ్ లో ఉందని అన్నారు. ఒక ప్రజెంటర్ తనను బాగా ఆకట్టుకున్న క్రీడ ఆధారంగా సినిమా ఉందా అని చరణ్ ను అడిగారు.

మరో విలేకరి జోక్యం చేసుకుని తెర పై క్రికెట్ కింగ్ విరాట్ కోహ్లీగా నటించవచ్చని చరణ్ తో అన్నారు.వెంటనే స్పందించిన చరణ్ అది అద్భుతంగా ఉంటుందని, కోహ్లీ స్ఫూర్తిదాయకమైన మనిషి అని పేర్కొన్నారు. అవకాశం ఇస్తే అద్భుతంగా ఉంటుందని మెగా పవర్ స్టార్ అన్నారు. మరి ఈ ప్రాజెక్ట్ రూపు దాల్చుతుందా లేదా చూడాలి. ప్రస్తుతం శంకర్ దర్శకత్వంలో రామ్ చరణ్ ఓ పొలిటికల్ యాక్షన్ ఎంటర్ టైనర్ లో నటిస్తున్న సంగతి తెలిసిందే.