సుప్రీం హీరో సాయిధరమ్ తేజ్ మలయాళ బ్యూటీ సంయుక్త మీనన్ జంటగా నటించిన చిత్రం ‘విరూపాక్ష’ఎం శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యానర్ల పై బీవీఎస్‌ఎన్ ప్రసాద్ ఈ చిత్రాన్ని నిర్మించారు. కాగా స్టార్ డైరెక్టర్ సుకుమార్ శిష్యుడు అయిన కార్తిక్ వర్మ దండు ఈ చిత్రాన్ని తెరకెక్కించారు.

అయితే నిన్న (ఏప్రిల్ 16) ఏలూరులోని సీఆర్ రెడ్డి కాలేజ్‌లో నిర్వహించిన ప్రీ రిలీజ్ ఈవెంట్‌కు (Pre Release Event) సుకుమార్ చీఫ్ గెస్ట్‌గా హాజరై మాట్లాడారు. ఈ సందర్భంగా ‘విరూపాక్ష’ దర్శకుడు కార్తిక్ దండు ఎలాంటి విషమమైన ఆరోగ్య పరిస్థితి నుంచి బయటపడి ఈ చిత్రాన్ని తెరకెక్కించారో ఆయన తెలియజేశారు.

‘కార్తిక్‌ నా దగ్గరకు వచ్చినపుడు మెడికల్ ప్రాబ్లెమ్ ఉండేది, ఐదారేళ్లు బతుకుతాడని డాక్టర్లు చెప్పారు. వాళ్ల అమ్మతో సహా హైదరాబాద్ వచ్చేశాడు. అప్పుడు అతను చాలా క్రిటికల్ కండిషన్‌లో ఉన్నాడు. కానీ పోయేలోగా ఒక్క సినిమాకు అయినా దర్శకత్వం చేయాలనుకున్నాడు. అయితే క్రమంగా ఆ ప్రాబ్లెమ్ నుంచి బయటపడి సినిమా కంప్లీట్ చేశాడు. తను సినిమా కంప్లీట్ చేయడం చూస్తుంటే చాలా ఆనందంగా ఉంది. అలాగే ఎమోషనల్‌గా ఉంది. ఎందుకంటే కార్తిక్ స్టెరాయిడ్స్ మీద బతికేవాడు. అవి తీసుకోకుంటే బాడీలో ప్లేట్స్‌లెట్స్ పెరగవు. ఇప్పుడు ఆ సమస్య నుంచి బయటపడ్డాడంటే వాళ్ల అమ్మ ఆశీస్సులే’ అని సుకుమార్ అన్నారు.

ఇక సినిమా విషయానికొస్తే కార్తీక్ చాలా బాగా తీశాడని ఆయనను అభినందించారు సుకుమార్. కార్తిక్ కథ చెప్పే విధానం బాగుంటుంది అని తెలిపిన సుకుమార్.. ‘ఎవరైనా కథను అద్భుతంగా నెరేట్ చేస్తున్నారంటే సినిమా బాగా తీస్తారనే నమ్మకముంటుంది. ఆ నమ్మకాన్ని నిలబెట్టావు. సినిమా పెద్ద హిట్ అవుతుంది. కార్తిక్ కి మంచి పేరొస్తుంది. పెద్ద డైరెక్టర్ అయిపోతాడు’ అని అన్నారు సుకుమార్.

ఇక హీరో సాయి ధరమ్ గురించి కూడా సుకుమార్ మాట్లాడారు. స్వతహాగా సాయి విపరీతంగా జోకులు బాగా వేస్తుంటాడు. తన జోక్స్‌కు రైటర్స్ కూడా సరిపోరు. కానీ అలాంటి మనిషి యాక్సిడెంట్ తర్వాత మొదటిసారి ‘విరూపాక్ష’ సెట్స్ వెళ్లి చూసినపుడు తనను చూసి వణికిపోయానని సుకుమార్ బాధ పడ్డారు. నటించడానికి అక్షరం అక్షరం కూడబలక్కునే స్థితి నుంచి పట్టుదలగా ఒక్కొక్కటి నేర్చుకుని సాయి నటించాడని సుకుమార్ చెప్పారు.

అలాగే ఈ సినిమాకు సంగీత దర్శకుడిగా పని చేసిన అజనీష్ లోక్ నాథ్, హీరోయిన్ సంయుక్తల పై ప్రశంసలు కురిపించారు సుకుమార్. ముందుగా ఈ క్యారెక్టర్‌కు సంయుక్త సెట్ అవుతుందా లేదా అని అనుమానపడ్డానని.. అయితే తన పెర్ఫామెన్స్ చూశాక మాత్రం ఇంప్రెస్ అయినట్లు తెలిపారు.

అంతర్జాతీయ స్థాయిలో విశేషమైన గుర్తింపు పొందిన ‘ఆర్ఆర్ఆర్’ వంటి సినిమాతో యంగ్ టైగర్ ఎన్టీఆర్..అలాగే పుష్ప ది రైజ్ వంటి భారీ పాన్ ఇండియా బ్లాక్ బస్టర్ ఐకాన్ స్టార్ అల్లు అర్జున్ తమ స్టార్ డమ్ ను మరో స్థాయికి పెంచుకున్నారు. తాజాగా అందుతున్న సమాచారం ప్రకారం ఈ ఇద్దరు సూపర్ స్టార్లు ఓ భారీ బాలీవుడ్ మల్టీస్టారర్ మూవీలో నటించనున్నారని తెలుస్తోంది.

పౌరాణిక ఇతిహాసం ఆధారంగా తెరకెక్కనున్న పాన్ ఇండియా సినిమా ‘అశ్వథ్థామ’ కోసం ఎన్టీఆర్, అల్లు అర్జున్ పేర్లు పరిశీలనలో ఉన్నట్లు బాలీవుడ్ వర్గాలు దాదాపుగా ధృవీకరించాయి. జాతీయ అవార్డు గ్రహీత బాలీవుడ్ దర్శకుడు ఆదిత్య ధార్ దర్శకత్వం వహించనున్న ఈ భారీ బడ్జెట్ చిత్రాన్ని జియో స్టూడియోస్ నిర్మిస్తోంది.

ఎంతో ఆసక్తిగా ఎదురుచూస్తున్న ఈ సైన్స్ ఫిక్షన్ చిత్రం ది ఇమ్మోర్టల్ అశ్వత్థామ గత కొంత కాలంగా వార్తల్లో నిలుస్తోంది. ఈ చిత్రంలో విక్కీ కౌశల్ ప్రధాన పాత్రలో నటించాల్సి ఉంది, కానీ చిత్రీకరణలో సరైన పురోగతి లేకపోవడం వల్ల సినిమా కార్యరూపం దాల్చలేదు.

మొదట విక్కీ కౌశల్ స్థానంలో బాలీవుడ్ స్టార్ రణ్ వీర్ సింగ్ ను అశ్వత్థామ సినిమాలో హీరోగా తీసుకున్నట్లు వార్తలు వచ్చాయి. అయితే తాజాగా అందుతున్న సమాచారం ప్రకారం రణ్ వీర్ కూడా ఈ సినిమా నుంచి తప్పుకున్నారని, ఈ సినిమా ఎన్టీఆర్, అల్లు అర్జున్ ల చేతుల్లోకి వెళ్తుందని తెలుస్తోంది. మరో వైపు ఈ భారీ ప్రాజెక్ట్ లో హీరోయిన్ గా సమంతను తీసుకోవాలని అనుకుంటున్నారని కూడా వార్తలు వస్తున్నాయి. మరి ఈ వార్తల్లో ఎంత నిజం ఉందో కాలమే తెలియజెప్పాలి.

విసారణై, అసురన్, కాకా ముట్టై వంటి చిత్రాలను తెరకెక్కించిన తమిళ దర్శకుడు వెట్రిమారన్ జాతీయ అవార్డు గ్రహీతగా విమర్శకుల ప్రశంసలతో పాటు ప్రాంతాలకు అతీతంగా ప్రేక్షకుల అభిమానాన్ని కూడా సంపాదించుకున్నారు. దక్షిణ భారత చలనచిత్ర రంగంలో సమర్థవంతమైన దర్శకులలో ఒకరిగా పరిగణించబడుతున్నారు. తమిళంలో ఆయన తెరకెక్కించిన తాజా చిత్రం విడుతలై (పార్ట్ 1) మార్చి 31న విడుదలై సూపర్ హిట్ గా నిలిచింది.

ఈ చిత్రం ప్రేక్షకులతో పాటు విమర్శకుల ప్రశంసలు కూడా అందుకుంది. రెండు వారాల తర్వాత ఈ చిత్రాన్ని తెలుగులో విడుదల పార్ట్ 1 టైటిల్ తో డబ్ చేసి నిన్న విడుదల చేశారు. ఈ చిత్రంలో కమెడియన్ సూరి కథానాయకుడిగా, విజయ్ సేతుపతి రెండో ప్రధాన పాత్రలో నటించారు.

తెలుగు రాష్ట్రాల్లో మంచి వసూళ్లతో ప్రారంభమైన ఈ చిత్రం తొలి రోజు కోటికి పైగా గ్రాస్ వసూలు చేసింది. అల్లు అరవింద్ చేతుల మీదుగా మంచి స్క్రీన్స్ లో రిలీజైన ఈ సినిమాకు తెలుగు ప్రేక్షకుల నుంచి మంచి స్పందన రావటం కలెక్షన్స్ లో ప్రతిఫలిస్తోంది.

విజయ్ సేతుపతి, సూరి ప్రధాన పాత్రల్లో క్రైమ్ యాక్షన్ థ్రిల్లర్ గా తెరకెక్కిన విడుతలై చిత్రం మార్చి 31న విడుదలై పాజిటివ్ రివ్యూలను సొంతం చేసుకుంది. వెట్రిమారన్ దర్శకత్వం వహించిన ఈ చిత్రం రియలిస్టిక్ పోలీస్ వర్సెస్ నక్సల్ డ్రామాగా తెరకెక్కింది, ఇది పోలీసు శాఖలో సామాజిక మరియు రాజకీయ సమస్యలను కూడా హైలైట్ చేస్తుంది. ఈ సినిమా ఘనవిజయం సాధించడంతో దర్శకుడు వెట్రిమారన్ ‘విడుతలై’ టీం మొత్తానికి ప్రశంసా చిహ్నంగా బంగారు నాణెం బహూకరించారు.

విడుతలై రెండవ భాగం సెప్టెంబర్ లో విడుదల కానుంది అని అంటున్నారు. ఈ చిత్రంలో సూరి, విజయ్ సేతుపతిలతో పాటు గౌతమ్ వాసుదేవ్ మీనన్, రాజీవ్ మీనన్, భవాని కీలక పాత్రలు పోషించారు. ఈ చిత్రానికి సంగీతదర్శకుడు ఇళయరాజా స్వరాలు సమకూర్చారు.

సూర్య 42వ సినిమా కంగువ టైటిల్ అనౌన్స్ మెంట్ వీడియో సూర్యతో పాటు కోలీవుడ్ అభిమానులందరి లోనూ కొత్త ఉత్సాహాన్ని నింపింది. ఈ సినిమా యొక్క అనౌన్స్ మెంట్ వీడియోకు ప్రేక్షకుల నుంచి మంచి స్పందన వచ్చింది. నిజానిక దర్శకుడు శివ ఈ తరహా సినిమాని తెరకెక్కించే సత్తా ఉందా అని టీజర్ చూసి చాలా మంది ఆశ్చర్యపోయారనే చెప్పాలి.

కమర్షియల్ ఎలిమెంట్స్, హీరో ఎలివేషన్స్ తో కూడిన సినిమాలను ట్రెడిషనల్ స్టైల్ లో ప్యాక్ చేయడంలో శివ దిట్టగా పేరు పొందారు. ఈ మధ్య కాలంలో ఎన్నో హిట్స్ ఇచ్చిన ఈ దర్శకుడు ఇటీవల సూపర్ స్టార్ రజినీకాంత్ తో చేసిన అన్నాత్తే (పెద్దన్న) చిత్రం బాక్సాఫీస్ వద్ద ఘోర పరాజయం పాలైంది.

ఈ పరాజయం తర్వాత సూర్యతో తన నెక్ట్స్ ప్రాజెక్ట్ ను భారీ బడ్జెట్ పీరియాడిక్ మూవీగా అనౌన్స్ చేసినప్పుడు నిజానికి ప్రేక్షకుల్లో ఆశించినంత ఉత్సాహం రాలేదు. ఇది శివ స్వతహాగా తీసే సినిమా కానందున ఈ ప్రకటన పై అందరిలోనూ అనుమానాలు వ్యక్తమయ్యాయి.

కానీ అప్పటి నుంచి ఈ సినిమాకు అంతా కలిసి వస్తూనే ఉంది. ఇప్పటికే ఈ సినిమా డిజిటల్ రైట్స్ భారీ ధరకు అమ్ముడుపోయాయి. ఇక నిన్న విడుదలైన టైటిల్ టీజర్ కు కూడా అదిరిపోయే రెస్పాన్స్ వచ్చింది. చాలా మంది దర్శకులు తమ సినిమాలకు ఇంత క్వాలిటీ వీఎఫ్ ఎక్స్ ను రాబట్టలేకపోయారు. మొత్తానికి కంగువ టైటిల్ టీజర్ మంచి వీఎఫ్ఎక్స్ వర్క్ చూపించగా అన్ని వైపుల నుంచీ పాజిటివ్ రెస్పాన్స్ వస్తోంది.