కోలీవుడ్ స్టార్ నటుడు ఇళయదళపతి విజయ్ కి తమిళనాడులో ఎంత క్రేజ్ ఉంటుందో ప్రత్యేకంగా చెప్పనక్కర్లేదు. తన ఫ్లాప్ మూవీస్ కూడా అక్కడ భారీ స్థాయిలో కలెక్షన్ సొంతం చేసుకుంటూ ఉంటాయి. ఇక మన తెలుగు తో పాటు ఇతర భాషల్లో కూడా విజయ్ కి పర్వాలేదనిపించే క్రేజ్ ఉంది.

ఇక ఆయన నుండి మూవీ వస్తుంది అంటే ఫ్యాన్స్ లో విప్రేతమైన జోష్ నెలకొని ఉంటుంది. ఇక తాజాగా వెంకట్ ప్రభు తో విజయ్ చేస్తోన్న సైన్స్ ఫిక్షన్ యాక్షన్ ఎంటర్టైనర్ మూవీ ది గోట్. దీనిని ఏజిఎస్ ఎంటర్టైన్మెంట్స్ సంస్థ భారీగా నిర్మిస్తుండగా మీనాక్షి చౌదరి హీరోయిన్ గా నటిస్తున్నారు. ఇప్పటికే అందరిలో మంచి అంచనాలు కలిగిన ఈ మూవీ సెప్టెంబర్ 5న గ్రాండ్ గా పలు భాషల ఆడియన్సు ముందుకి రానుంది. ఈ మూవీలో విజయ్ డ్యూయల్ రోల్ చేస్తున్నారు.

ఇక తాజాగా ఈ మూవీ గురించి నిర్మాత అర్చన కలపతి మాట్లాడుతూ, ఈ తమ మూవీ యొక్క బడ్జెట్ రూ. 400 కోట్లు కాగా అందులో రూ. 200 కోట్లు విజయ్ రెమ్యునరేషన్ అని అన్నారు. దీనితో ఒక్కసారిగా ఈ న్యూస్ సోషల్ మీడియాలో వైరల్ అవుతోంది. హీరో విజయ్ ఈ స్థాయిలో రెమ్యునరేషన్ తీసుకుంటుండడం నిజంగా షాకింగ్ అని అంటున్నాయి సినీ వర్గాలు. మరి ది గోట్ మూవీతో విజయ్ ఏ స్థాయి సక్సెస్ సొంతం చేసుకుంటారో చూడాలి.

యంగ్ టైగర్ ఎన్టీఆర్ హీరోగా బాలీవుడ్ అందాల నటి జాన్వీ కపూర్ హీరోయిన్ గా కొరటాల శివ తెరకెక్కిస్తున్న లేటెస్ట్ పాన్ ఇండియన్ మూవీ దేవర పార్ట్ 1. ఈ మూవీ మాస్ యాక్షన్ ఎంటర్టైనర్ గా రూపొందుతుండగా దీనిని గ్రాండ్ లెవెల్లో యువ సుధా ఆర్ట్స్, ఎన్టీఆర్ ఆర్ట్స్ సంస్థలు నిర్మిస్తున్నాయి.

అనిరుద్ ఈ మూవీకి ఇప్పటికే అందించిన రెండు సాంగ్స్ చార్ట్ బస్టర్స్ గా నిలవగా అతి త్వరలో మూడవ సాంగ్ ని కూడా రిలీజ్ చేసేందుకు సిద్దమయింది టీమ్. ఎన్టీఆర్ పవర్ఫుల్ పాత్ర చేస్తున్న ఈ మూవీలో బాలీవుడ్ నటుడు సైఫ్ ఆలీ ఖాన్ విలన్ గా నటిస్తున్నారు. అందరిలో మంచి అంచనాలు కలిగిన దేవర పార్ట్ 1 మూవీ సెప్టెంబర్ 27 న ఆడియన్స్ ముందుకి రానుంది. విషయం ఏమిటంటే, ఇప్పటికే ఈ మూవీ యొక్క ప్రీ బుకింగ్స్ అమెరికాలో ఓపెన్ చేయగా అక్కడ టికెట్స్ హాట్ కేకుల్లా అమ్ముడవుతున్నాయి.

ఇప్పటికే అక్కడ 120కె డాలర్స్ ని దేవర కొల్లగొట్టగా ఓపెనింగ్ పరంగా డే 1 రెండు తెలుగు రాష్ట్రాల్లో ఈ మూవీ రూ. 70 కోట్ల గ్రాస్ అందుకునే అవకాశం లేకపోలీదంటున్నారు ట్రేడ్ అనలిస్టులు. ఇక అటు హిందీ, కర్ణాటక, తమిళనాడు, కేరళ, సహా ఇతర ఇతర ప్రాంతాలు అన్ని కలుపుకుని దేవర పార్ట్ 1 మూవీ డే 1 రూ. 150 కోట్ల గ్రాస్ రాబట్టే అవకాశం గట్టిగా కనపడుతోంది.

టాలీవుడ్ లో ప్రస్తుతం ఒక్కో సినిమాతో మంచి క్రేజ్ ని సక్సెస్ లని అందుకుంటూ కొనసాగుతున్న హీరోయిన్స్ లో రష్మిక మందన్న ఒకరు. తొలిసారిగా నాగ శౌర్య హీరోగా వెంకీ కుడుముల తెరకెక్కించిన ఛలో మూవీ ద్వారా ఆడియన్స్ ముందుకి వచ్చి మంచి పేరు అందుకున్న రష్మిక, ఆ తర్వాత పలు విజయాలు తన ఖాతాలో వేసుకున్నారు. ప్రస్తతం తెలుగు, తమిళ్, హిందీ, కన్నడ భాషల్లో ఆమె సినిమాలు చేస్తున్నారు.

ముఖ్యంగా సూపర్ స్టార్ మహేష్ తో సరిలేరు నీకెవ్వరు, అల్లు అర్జున్ తో పుష్ప, విజయ్ దేవరకొండ తో గీతా గోవిందం వంటి సినిమాలు తెలుగులో ఆమెకు బాగా పేరు తీసుకువచ్చాయి. ఇక ప్రస్తుతం పుష్ప 2 లో కూడా హీరోయిన్ గా నటిస్తున్న రష్మిక చేతిలో మరికొన్ని సినిమాలు ఉన్నాయి. అయితే విషయం ఏమిటంటే తాజాగా హిందీలో ఒక హర్రర్ కామెడీ జానర్ మూవీ వ్యాంపైర్డ్ ఆఫ్ ది విజయనగర అనే మూవీ చేసేందుకు సిద్ధమయ్యారు రష్మిక.

ఈమూవీ యొక్క ప్రీ ప్రొడక్షన్ వర్క్ ప్రస్తుతం జరుగుతుండగా దీనిని అక్టోబర్ లో సెట్స్ మీదకు తీసుకెళ్లనున్నారు. కాగా తాజాగా బాలీవుడ్ నటి శ్రద్ధ కపూర్ నటించిన హర్రర్ కామెడీ మూవీ స్త్రీ 2 హిట్ కావడంతో రష్మిక కూడా బాలీవుడ్ లో అదే జానర్ మూవీతో సక్సెస్ అందుకునేందుకు సిద్ధమవుతున్నట్టు చెప్తున్నాయి సినీ వర్గాలు. మరి ఈ మూవీతో రష్మిక ఏ స్థాయి విజయం అందుకుంటారో చూడాలి.

సినిమా పరిశ్రమలో ఎప్పటికప్పుడు పలు సినిమాలు రిలీజ్ అవుతూ ఉండడం వాటిలో కొన్ని పరాజయం పాలైతే మరికొన్ని విజయవంతం అవ్వడం చూస్తుంటాం. అలానే అందులో కొన్ని భారీ విజయాలు అందుకుని ఆడియన్స్ ని మరింతగా అలరిస్తూ ఉంటాయి. అటువంటి సినిమాలు ఆడియన్స్ మదిలో నిలిచిపోతాయి కూడా. ఆ విధంగా నిలిచిపోయేవాటిలో 2012లో పవర్ స్టార్ పవన్ కళ్యాణ్ హీరోగా మాస్ కమర్షియల్ సినిమాల దర్శకుడు హరీష్ శంకర్ తెరకెక్కించిన గబ్బర్ సింగ్ మూవీ ఒకటి.

అంతకముందు పదేళ్లుగా సరైన సక్సెస్ లేని పవన్ ఫ్యాన్స్ కి ఇది ఫుల్ మీల్స్ ని అందించింది. అటు ఆడియన్స్ కూడా ఈ మూవీకి బ్రహ్మరథం పట్టారు. అయితే అది అక్కడివరకు బాగానే ఉంది. తాజాగా పవన్ బర్త్ డే సందర్భంగా ఈ మూవీని థియేటర్స్ లో రీ రిలీజ్ చేస్తున్నారు. ఈ సందదర్భంగా ఏర్పాటు చేసిన ప్రెస్ మీట్ లో దర్శకనిర్మాతలు బండ్ల, హరీష్ మాట్లాడారు. ముఖ్యంగా ఈ మూవీని అలానే పవన్ ని ఆకాశానికి ఎత్తేసారు.

నిజానికి తమ సినిమాని, తమకు నచ్చిన హీరోని వారు పొగుడుకోవడం బాగానే ఉందని, అయితే అది మరింతగా శృతిమించి పవన్ కు ప్రత్యేకంగా భజన చేస్తున్నట్లు అనిపిస్తోందని పలువురు విమర్శలు చేస్తున్నారు. నిజం చెప్పాలి అంటే గబ్బర్ సింగ్ మూవీ ఇండస్ట్రీ హిట్ కాదు, మంచి బ్లాక్ బస్టర్ అంతే. అలానే పవన్ స్థాయిలో మహేష్ బాబు, ప్రభాస్ వంటి హీరోలు భారీ క్రేజ్ భారీ బ్లాక్ బస్టర్స్, ఇండస్ట్రీ హిట్స్ కొట్టడంతో వారిని, వాళ్ళ అభిమానులని ఒకింత పరోక్షంగా విమర్శించేలా హరీష్, బండ్ల గణేష్ ల మాటలు ఉన్నాయని మరికొందరు అంటున్నారు. ప్రస్తుతం వారిద్దరి భజన మాటలు సోషల్ మీడియాలో విపరీతంగా సెటైరికల్ గా ట్రెండ్ అవుతున్నాయి.