టాలీవుడ్ స్టార్ యాక్టర్ నందమూరి తారక రామారావు ఇటీవల కొరటాల శివ దర్శకత్వంలో రూపొందిన దేవర పార్ట్ 1 మూవీ ద్వారా ఆడియన్స్ ముందుకి వచ్చి పెద్ద విజయం అందుకున్నారు. ఇక ప్రస్తుతం తొలిసారిగా బాలీవుడ్ నటుడు హృతిక్ రోషన్ తో కలిసి వార్ 2 మూవీ చేస్తున్నారు ఎన్టీఆర్. 

ఈ మూవీ లో కియారా అద్వానీ హీరోయిన్ గా నటిస్తుండగా అయాన్ ముఖర్జీ తెరకెక్కిస్తున్నారు. అయితే దీని అనంతరం ఇప్పటికే కన్నడ స్టార్ దర్శకుడు ప్రశాంత్ నీల్ తో ఒక భారీ మాస్ యాక్షన్ ఎంటర్టైనర్ కి కమిట్ అయ్యారు ఎన్టీఆర్. ఈ మూవీలో అందాల నటి రుక్మిణి వసంత్ హీరోయిన్ గా నటించనుండగా మైత్రి మూవీ మేకర్స్, ఎన్టీఆర్ ఆర్ట్స్ సంస్థలు దీనిని గ్రాండ్ లెవెల్లో నిర్మించనున్నాయి. 

త్వరలో పట్టాలెక్కనున్న ఈ మూవీ అనంతరం తమిళ యువ డైరెక్టర్ నెల్సన్ తో జతకట్టనున్నారు ఎన్టీఆర్. ఇప్పటికే వీరిద్దరి మధ్య స్టోరీ సిట్టింగ్స్ జరగడంతో ప్రాజక్ట్ కొలిక్కి వచ్చిందని, త్వరలో దీనికి సంబంధించి పూర్తి వివరాలు అధికారికంగా వెల్లడి కానున్నాయని తెలుస్తోంది. ప్రస్తుతం రజినీకాంత్ తో జైలర్ 2 మూవీ చేస్తున్నారు నెల్సన్. మరి అందరిలో మంచి క్రేజ్ కలిగిన ఎన్టీఆర్, నెల్సన్ ప్రాజక్ట్ ఏ విధమైన స్టోరీ లైన్ తో తెరకెక్కుతుందో తెలియాలి అంటే మరికొన్నాళ్లు ఆగాల్సిందే

నటుడు కం దర్శకుడు అయిన రాఘవ లారెన్స్ ఓవైపు హీరోగా నటిస్తూ మరోవైపు దర్శకుడిగా కూడా ఆకట్టుకుంటూ కెరీర్ లో కొనసాగుతున్నారు. ఇటీవల జిగర్తాండ డబుల్ ఎక్స్, రుద్రుడు సినిమాల ద్వారా ఆడియన్స్ ముందుకి వచ్చిన లారెన్స్, తాజాగా లోకేష్ కనకరాజ్ నిర్మాణంలో రూపొందుతోన్న బులెట్ తో పాటు మరికొన్ని సినిమాలు చేస్తున్నారు. 

కాగా లారెన్స్ దర్శకత్వంలో రూపొందిన హర్రర్ సిరీస్ మూవీస్ అయిన కాంచన మూవీస్ కి ఆడియన్స్ లో మంచి క్రేజ్ ఉంది. తాజాగా ఆ సిరీస్ లో కాంచన 4 మూవీ తెరకెక్కిస్తున్నారు లారెన్స్, అందులో పూజా హెగ్డే హీరోయిన్ గా నటిస్తుండగా ఆయనే ప్రధాన పాత్ర చేస్తున్నారు. 

ఇటీవల ఈ మూవీ విషయమై నిర్మాత మాట్లాడుతూ, దీనిని పాన్ ఇండియన్ రేంజ్ లో గ్రాండ్ లెవెల్లో రూపొందించి రిలీజ్ చేయనున్నాం అని, అలానే కాంచన 4 ఓటిటి కూడా మూవీ రిలీజ్ అయిన 8 వారాల అనంతరమే వస్తుందని తెలిపారు. మరోవైపు ఈ మూవీ హిందీ లో కూడా రిలీజ్ కానుండడంతో అక్కడి ఆడియన్స్ నుండి కూడా మంచి క్రేజ్ లభిస్తుందని ఆయన ఆశాభావం వ్యక్తం చేసారు. నోరా ఫతేహి మరొక కీలక పాత్ర చేస్తున్న కాంచన 4 గురించిన పూర్తి వివరాలు త్వరలో అధికారికంగా వెల్లడి కానున్నాయి. 

టాలీవుడ్ లో మంచి హృద్యమైన కథ, కథనాలతో సినిమాలు తీసే దర్శకుల్లో వంశీ పైడిపల్లి ఒకరు. తొలిసారిగా పాన్ ఇండియన్ స్టార్ ప్రభాస్ తో ఆయన తీసిన యాక్షన్ ఎంటర్టైనర్ మూవీ మున్నా. అప్పట్లో మంచి అంచనాలతో రిలీజ్ అయిన ఈమూవీ బాక్సాఫీస్ వద్ద పరాజయం పాలయింది. ఆ తరువాత యంగ్ టైగర్ ఎన్టీఆర్ హీరోగా ఆయన చేసిన ఫ్యామిలీ యాక్షన్ ఎమోషనల్ మూవీ బృందావనం మంచి విజయం అందుకుంది. 

ఆ తరువాత నాగార్జున, కార్తీ ల కలయికలో ఊపిరి, సూపర్ స్టార్ మహేష్ బాబుతో మహర్షి, ఇటీవల విజయ్ తో వారసుడు వంటి ఫ్యామిలీ ఎమోషనల్ ఎంటర్టైనర్స్ తీసి అందరినీ ఆకట్టుకున్నారు వంశీ పైడిపల్లి. ఇక త్వరలో బాలీవుడ్ స్టార్ యాక్టర్ అమీర్ ఖాన్ తో ఆయన ఒక మూవీ చేసేందు సిద్దమవుతున్నారు. ఇప్పటికే వీరిద్దరి కాంబో మూవీ పై టాలీవుడ్ లో వార్తలు వైరల్ అవుతున్నాయి. ప్రముఖ నిర్మాత దిల్ రాజు ఈ మూవీని నిర్మించనున్నట్లు తెలుస్తోంది. 

కాగా అమీర్ ఖాన్ ని కలిసి ఒక స్టోరీ లైన్ వినిపించిన వంశీ, త్వరలో పూర్తి స్క్రిప్ట్ వినిపించేందుకు సిద్దమవుతున్నారట. అయితే తన కెరీర్ లో మూవీస్ సెలక్షన్ విషయంలో ఎంతో జాగ్రత్తగా అలోచించి ఎంపిక చేసుకునే అమీర్ ఖాన్ ని వంశీ ఎంతవరకు మెప్పిస్తారో చూడాలి. అలానే వీరిద్దరి మూవీ సెట్ అయితే త్వరలో దీనికి సంబంధించి టీమ్ నుండి అఫీషియల్ కన్ఫర్మేషన్ రానుంది. మరోవైపు సూపర్ స్టార్ రజినీకాంత్ హీరోగా లోకేష్ కనకరాజ్ తీస్తున్న కూలీలో ఒక కీలక పాత్ర చేస్తున్నారు అమీర్ ఖాన్

టాలీవుడ్ సూపర్ స్టార్ మహేష్ బాబు అలానే దిగ్గజ దర్శకుడు ఎస్ ఎస్ రాజమౌళిల క్రేజీ కాంబినేషన్ లో రూపొందనున్న ప్రతిష్టాత్మక గ్లోబ్ ట్రాటింగ్ యాక్షన్ అడ్వెంచర్ మూవీ SSMB 29 అనౌన్స్ మెంట్ కోసం కేవలం సూపర్ స్టార్ ఫ్యాన్స్ మాత్రమే కాదు వరల్డ్ వైడ్ గా మూవీ లవర్స్ అందరూ కూడా ఎప్పటినుండో ఎంతో ఆసక్తికరంగా ఎదురు చూస్తున్న సంగతి తెల్సిందే. 

ఇక ఈ భారీ పాన్ వరల్డ్ మూవీ కోసం ఇప్పటికే ఫుల్ గా క్రాఫ్, గెడ్డంతో పాటు బాడీ కూడా పెంచుతూ బల్క్ గా సిద్ధమవుతున్నారు సూపర్ స్టార్. ఇప్పటికే ఈ మూవీ యొక్క ప్రీ ప్రొడక్షన్ వర్క్ తో పాటు టెస్ట్ షూట్ వేగంగా జరుగుతుండగా మరొకవైపు జక్కన్న అండ్ టీమ్ ఫస్ట్ షెడ్యూల్ కి సిద్దమవుతున్నట్లు తెలుస్తోంది. అయితే లేటెస్ట్ టాలీవుడ్ వర్గాల న్యూస్ ప్రకారం ఇటీవల ఈ మూవీ టీమ్ లో జాయిన్ అయిన ప్రియాంక చోప్రా మూవీలో నెగటివ్ రోల్ చేస్తున్నారని, అలానే పృథ్వీరాజ్ సుకుమారన్ కూడా నెగటివ్ రోల్ చేస్తున్నట్లు చెప్తున్నారు. 

అలానే ఇతర ముఖ్య పాత్రధారుల ఎంపిక విషయమై కూడా టీమ్ కసరత్తు చేస్తోందట. భారతీయ సినిమా పరిశ్రమతో పాటు హాలీవుడ్ కి చెందిన పలువురు ముఖ్య నటులు ఇందులో కీలక పాత్రల్లో కనిపించనున్నట్లు టాక్. అలానే ఈ మూవీకి సంబంధించి మూవీ టీమ్ నుండి అనౌన్స్ మెంట్ టీజర్ కూడా రానుందట. దీనిపై త్వరలో అధికారిక ప్రకటన రానున్నట్లు తెలుస్తోంది.