తెలుగు చిత్ర పరిశ్రమలో ఒక్కోసారి ఒక్కో ట్రెండ్ నడుస్తూ ఉంటుంది. గతంలో యూత్ లవ్ స్టోరీలు మాత్రమే హిట్ అయ్యేవి.. ఆ తరువాత ఫ్యాక్షన్ సినిమాల ట్రెండ్ నడిచింది. మరికొన్ని రోజులు ఓకే ఒంట్లో హీరో – విలన్ ఉండే కామెడీ యాక్షన్ ఎంటర్టైనర్ల ట్రెండ్ నడిచాయి. అయితే కరోనా వేవ్ ల వరుస దాడి తరువాత ప్రేక్షకుల అభిరుచిలో మార్పు వచ్చింది. ఓటిటి ప్లాట్‌ఫారమ్‌ల ఎదుగుదల కారణంగా, ప్రేక్షకులు తమ ఇంట్లోనే వినోదానికి అలవాటు పడ్డారు. అలాంటిది వారిని ఇళ్లలో నుండి బయటకు వచ్చి థియేటర్‌లకు రావాలి అంటే అందుకు తగిన ఆసక్తికరమైన అంశాలు ఉంటేనే అది సాధ్య పడుతుంది.

భారీ బడ్జెట్ చిత్రాలు లేదా స్టార్ హీరోల సినిమాలు భారీ హైప్ తో విడుదలవుతాయి కాబట్టి ఏదో ఒక విధంగా ఆయా సినిమాలు తమ పెట్టుబడిని కొంచెమైనా ఓపెనింగ్స్ రూపంలో రాబట్టుకుంటాయి. కానీ చిన్న సినిమాలు మీడియం బడ్జెట్ సినిమాలు అయితే సూపర్ డుపర్ హిట్ లేదా డిజాస్టర్లు అవుతున్నాయి. కొన్ని చిన్న బడ్జెట్ సినిమాలు మొదటి రోజునే అట్టర్ ఫ్లాప్ అవుతుంటే, మరి కొన్ని సినిమాలు మూడు రోజులకే బ్రేక్ ఈవెన్ సాధిస్తున్నాయి.

చిన్న సినిమాలకు బడ్జెట్ చాలా తక్కువ కాబట్టి, థియేట్రికల్ బిజినెస్ కూడా అందరికీ కాస్త అందుబాటులోనే ఉండేలా జరుపుకుంటారు. అందువల్ల సినిమాకు కాస్త పాజిటివ్ టాక్ వస్తే బాక్సాఫీస్ వద్ద బ్రేక్ ఈవెన్ మార్క్ సాధించడం సులువే. కానీ, అవే సినిమాలకు టాక్ సరిగా రాకపోతే మాత్రం మొదటి రోజునే చతికిలబడతాయి. ఎందుకంటే ఆ సినిమాల్లో స్టార్‌ హీరోలు ఉండరు కాబట్టి.. ఇలాంటి కారణాల వల్ల మీడియం బడ్జెట్ సినిమాలు ఖచ్చితమైన ఓపెనింగ్స్ ను సాధించడం అన్ని సార్లు జరగదు.

అందుకు ఇటీవల విడుదలైన బింబిసార మరియు సీతా రామం సినిమాల విజయాలను ఉదాహరణగా చెప్పుకోవచ్చు. 3వ రోజునే బింబిసార సినిమా బ్రేక్ ఈవెన్ కాగా.. సీతా రామం సినిమా తొలి రోజు కాస్త తక్కువ కలెక్షన్లు వచ్చినా.. తరువాత రోజు నుండి బాక్స్ ఆఫీసు వద్ద అలా ఎదుగుతూ ఇప్పుడు వారం రోజుల తరువాత కూడా తన హవాను కొనసాగిస్తోంది. ఇటీవ‌ల విడుద‌లైన కార్తికేయ 2 కూడా అద్భుతమైన వసూళ్లు వసూలు చేస్తోంది. 3 రోజులకే దాదాపు బ్రేక్ ఈవెన్ మార్క్ ను దాటేసిన ఈ సినిమా బాలీవుడ్ లోనూ బ్లాక్ బస్టర్ దిశగా దూసుకుపోతోంది.

పైన ఉదాహరించిన సినిమాల ఫలితాలకు పూర్తి భిన్నంగా థ్యాంక్యూ, రామారావు ఆన్ డ్యూటీ, మాచర్ల నియోజకవర్గం వంటి సినిమాలు తొలిరోజే డిజాస్టర్లుగా నిలిచాయి. మాచర్ల మరియు రామారావు ఆన్ డ్యూటీకి కనీసం ఓపెనింగ్ డే కలెక్షన్స్ అయినా కాస్త పరవాలేదు అనేలా వచ్చాయి కానీ థాంక్యూ సినిమా తొలి రోజునే దారుణంగా పరాజయం పాలైన సంగతి తెలిసిందే.

తెలుగు సినీ దర్శక ధీర రాజమౌళి దర్శకత్వంలో రూపొందిన ఆర్ ఆర్ ఆర్ సినిమా ఎంతటి ఘన విజయాన్ని మరోటి కీర్తిని దక్కించుకుందో ప్రత్యేకంగా చెప్పనక్కర్లేదు. ఇక థియేటర్, ఓటీటీలో విజయ ఢంకా మోగించిన తరువాత ఆస్కార్ అవార్డుల్లో కూడా ఆర్ ఆర్ ఆర్ సత్తా చాటడం ఖాయం అంటూ భారతీయ సినీ వర్గాలు, ప్రేక్షకులు మరియు మీడియా వర్గాల వారు ఎంతో నమ్మకంగా ఉన్నారు.

తాజాగా బాలీవుడ్ ప్రముఖ దర్శకుడు అనురాగ్ కశ్యప్ ఒక ఇంటర్వ్యూలో మాట్లాడుతూ ఆర్ ఆర్ ఆర్ సినిమా పై ఆసక్తికర వ్యాఖ్యలను చేశారు. ఆయన ఒక మీడియా ఇంటర్వ్యూలో భాగంగా మాట్లాడుతూ.. ఆర్ ఆర్ ఆర్ సినిమా తప్పకుండా ఈసారి ఆస్కార్ అవార్డుల నామినేషన్స్ లో చోటు దక్కించుకుంటుందని పేర్కొన్నారు. ఆస్కార్ అవార్డు దక్కడం నిజంగా గౌరవమే. అయితే అందుకు అర్హత ఉన్న సినిమాగా బాలీవుడ్ పరిశ్రమ నుంచి ప్రోత్సాహం రావడమే ఆర్ ఆర్ ఆర్ సాధించిన ఒక విజయంగా చెప్పవచ్చు.

ఇక అనురాగ్ కాశ్యప్ ఆర్ ఆర్ ఆర్ సినిమాని పోగొడుతూ.. ఆస్కార్ యందు పలు విభాగాల్లో సినిమాకు నామినేషన్స్ దక్కుతాయనే నమ్మకంను వ్యక్తం చేయడంతో పాటు 99% ఆస్కార్ బరిలో ఆర్ ఆర్ ఆర్ ఖచ్చితంగా ఉంటుందని పేర్కొనడం విశేషం.

ఇండియన్ సినిమాలు ఆస్కార్ అవార్డును గెలుచుకోవడం మాట పక్కన పడితే.. కనీసం పోటీదారుల లిస్ట్ లో ఎంపికైనా చాలు అని మన ప్రేక్షకులు మరియు సినీ వర్గాలు ఎదురు చూస్తున్నారు. ఇలాంటి సమయంలో ఆర్ ఆర్ ఆర్ సాధించిన అంతర్జాతీయ గుర్తింపు వల్ల ఈసారి ఆ పని కాస్త సులభంగా అవుతుందని పలువురు సినీ వర్గాల వారు అంచనా వేస్తున్నారు.

ఇప్పటికే ఆర్ ఆర్ ఆర్ సినిమాని నెట్ ఫ్లిక్స్ లో చూసిన హాలీవుడ్ ప్రముఖులు సినిమాని ఆకాశానికి ఎత్తేశారు. కొందరు రామ్ చరణ్ ను జేమ్స్ బాండ్ పాత్రలో చూడాలని ఆశ పడితే.. మరి కొందరు ఎన్టీఆర్ నటనకు గానూ ఉత్తమ నటుడి విభాగంలో చోటు దక్కాలని అభిప్రాయ పడ్డారు.

మొదట ఆర్ ఆర్ ఆర్ సినిమాను తెలుగు ప్రేక్షకులు అక్కున చేర్చుకోగా, అటు పైన ఇతర దక్షిణాది ప్రేక్షకులు, మరియు హిందీ ప్రేక్షకులు ప్రశంసలతో ముంచెత్తారు. ఇక ఓటీటీలో విడుదలైన తరువాత ఏకంగా హాలీవుడ్ ప్రేక్షకులు మరియు సెలబ్రిటీల వద్ద నుంచి అత్యంత ప్రజాదరణ పొందడం వల్ల ఆస్కార్ నామినేషన్స్ లో చోటు దక్కించుకోవడం కూడా దాదాపు ఖరారు అన్నట్లుగా ఎన్టీఆర్, రామ్ చరణ్ అభిమానులతో పాటు సినీ ప్రేమికులు కూడా ఆశావహ దృక్పథంతో ఉన్నారు.

నిఖిల్ నటించిన కార్తికేయ 2 సినిమా ప్రస్తుతం బాక్సాఫీస్ వద్ద అద్భుతమైన కలెక్షన్లు సంపాదిస్తూ..ప్రేక్షకుల చేత విశేషమైన స్పందనను సొంతం చేసుకుంటుంది. ఆగష్టు 13న థియేటర్లలో విడుదలైన ఈ చిత్రం మొదటి రోజు నుంచే సూపర్ పాజిటివ్ టాక్ ను దక్కించుకునిప్రేక్షకులను థియేటర్లకు రప్పించడంలో విజయవంతం అయింది.ఇక ఆగస్టు పదిహేను లాంగ్ వీకెండ్ కూడా సినిమా కలెక్షన్లకు సహాయపడింది అనే మాట కూడా వాస్తవమే.

కార్తికేయ-2 కలెక్షన్లు మొదటి రోజు కంటే, రెండో రోజు, మూడవ రోజున ఎక్కువ కలెక్షన్లను నమోదు చేసింది. స్వాతంత్ర్య దినోత్సవ సెలవుదినం అవడం వల్ల సోమవారం కూడా సినిమా హాళ్లకు ప్రేక్షకులు భారీ స్థాయిలో తరలి వచ్చారు. కార్తికేయ 2 తెలుగుతో పాటు హిందీలోనూ మంచి వసూళ్లు రాబడుతోంది. నిజానికి ఉత్తరాదిన ఈ సినిమాకి తక్కువ ధియేటర్లు దొరికినా, ప్రేక్షకుల నుంచి అద్భుతమైన టాక్ పెరుగుతూ ఉండటంతో, పైగా హీరో నిఖిల్ తో సహా ఎంతో మంది సోషల్ మీడియా యూజర్లు సినిమాకి ధియేటర్లు పెంచాలని మల్టిప్లేక్స్ హ్యాండిల్ లను ట్యాగ్ చేసి మరీ డిమాండ్ చేయడంతో అలా రోజూ పెంచుకుంటూ పోతున్నారు. కార్తికేయ 2 సినిమా తొలి మూడు రోజుల్లో బాక్సాఫీస్ వద్ద 15 కోట్లు వసూలు చేసింది. హిందీ వెర్షన్‌ వరకూ నిన్న ఒక్క రోజే కోటి రూపాయలకు పైగా నెట్ కలెక్షన్లు సాధించడం విశేషం. ఈ సినిమా ఇప్పటికే చాలా ఏరియాల్లో బ్రేక్ ఈవెన్ సాధించింది. ఇక రేపటితో లాభాల్లోకి అడుగు పెడుతుందని ట్రేడ్ వర్గాల అంచనా.

ఇక గత వారం విడుదలైన సీతా రామం, బింబిసార చిత్రాలు కూడా ఇంకా బాక్స్ ఆఫీస్ వద్ద మంచి వసూళ్లను రాబడుతున్నాయి. సీతా రామం తొలి వారాంతంలో మంచి నంబర్స్ రాబట్టడం మాత్రమే కాకుండా తరువాత సాధారణ రోజులలో కూడా ప్రేక్షకులను థియేటర్లకు వచ్చేలా చేస్తుంది. సినిమాలో లీడ్ పెయిర్ అయిన దుల్కర్ సల్మాన్ మరియు మృణాల్ ఠాకూర్ కెమిస్ట్రీకి ప్రేక్షకులు మంత్ర ముగ్ధులయ్యారు వారి ఆన్-స్క్రీన్ రొమాన్స్ ప్రేక్షకులకి కన్నుల పండగగా అనిపించింది అంటే అది అతిశయోక్తి కాదు.

రెండో వారంలో అడుగు పెట్టిన సీతా రామం తెలుగు వెర్షన్‌కే 25 కోట్ల షేర్ వసూలు చేసింది. బ్రేక్ ఈవెన్‌ను మార్కును దాటేసి లాభాల్లోకి ప్రవేశించి లాంగ్ రన్ ద్వారా భారీ బ్లాక్ బస్టర్ గా నిలిచింది.

ఇక నందమూరి కళ్యాణ్ రామ్ నటించిన బింబిసార చిత్రం కూడా బాక్సాఫీస్ వద్ద దిగ్విజయంగా వసూళ్లను రాబడుతోంది. ఈ చిత్రం మొదటి రోజు నుంచి మంచి రివ్యూలతో అద్భుతమైన కలెక్షన్లను సంపాదించడమే కాకుండా కేవలం మూడు రోజుల్లోనే బ్రేక్‌ ఈవెన్ మార్క్‌ ను సాధించి ఆ పైన కూడా బాక్స్ ఆఫీసు వద్ద నిలకడగా రాణిస్తుంది. ప్రపంచ వ్యాప్తంగా ఈ చిత్రం 30 కోట్ల షేర్ ను అందుకునే దిశగా దూసుకు పోతుంది. ఫాంటసీ యాక్షన్ డ్రామాగా తెరకెక్కిన ఈ చిత్రంలో కళ్యాణ్ రామ్ నటనతో పాటు కీరవాణి నేపథ్య సంగీతం, చిరంతన్ భట్, కీరవాణి సంయుక్తంగా అందించిన పాటలు, చైల్డ్ సెంటిమెంట్ ప్రేక్షకులను విపరీతంగా ఆకట్టుకున్నాయి.

మొత్తానికి కొన్ని నెలలుగా సరైన విజయం లేక సతమతమయిన తెలుగు సినిమా పరిశ్రమకు ఈ ఆగస్టు నెలలో వరుసగా మూడు సినిమాలు బింబిసార, సీతా రామం, కార్తీకేయ 2 ఘన విజయం సాధించి మళ్ళీ పూర్వ వైభవం తీసుకువచ్చాయి.

తెలుగు టీవి ప్రేక్షకులకు బిగ్ బాస్ షో గురించి ప్రత్యేకంగా పరిచయం చేయాల్సిన అవసరం లేదు. గత ఆరేళ్లుగా బుల్లితెర పై టిఆర్పీ రేటింగ్ల రేసులో నంబర్ వన్ స్థానంలో ఉన్న రియాలిటీ షో ఏది అంటే గుర్తుకు వచ్చే పేరు బిగ్ బాస్. వివిధ భాషల్లో విజయవంతంగా ప్రదర్శింపబడిన బిగ్ బాస్ షో తెలుగులో కూడా టాప్ రేటింగ్ తెచ్చుకున్న విషయం తెలిసిందే.ఇక ఇప్పటికే విజయవంతంగా 5 సీజన్లను పూర్తి చేసుకున్న బిగ్ బాస్.. త్వరలోనే ఆరో సీజన్ తో వీక్షకుల ముందుకు రానుంది.

ఇటీవలే బిగ్ బాస్ సీజన్ 6 ను అధికారికంగా ప్రకటించారు బిగ్ బాస్ టీమ్. ఇక బిగ్ బాస్ మూడో సీజన్ నుంచి హోస్ట్ గా అలరిస్తున్న కింగ్ నాగార్జున మరోసారి బిగ్ బాస్ 6ను కూడా హోస్ట్ చేయనున్నారు.ఇదిలా ఉండగా బిగ్ బాస్ 6 ను ప్రకటించిన దగ్గర నుంచి ఈ సారి బిగ్ బాస్ హౌజ్ లోపలికి వెళ్లే పోటీదారులు ఎవరై ఉంటారని ప్రేక్షకులలో ఆసక్తికర చర్చలు జరుగుతూనే ఉన్నాయి. కాగా పలు రకాల యూట్యూబ్, మరియు ఇన్స్తాగ్రామ్ సెలబ్రిటీల పేర్లు ఇప్పటికే సోషల్ మీడియాలో ట్రెండ్ గా మారాయి. ఆ పేర్లలో ఒక పేరు మాత్రం చాలా గట్టిగా వినిపించింది.

ఆ పేరు మరెవరిదో కాదు. గతంలో చాలా తెలుగు సినిమాల్లో చైల్డ్ ఆర్టిస్ట్ గా నటించిన సుధీప పింకీ. సుదీపా చాలా సినిమాల్లో చైల్డ్ ఆర్టిస్ట్ గా నటించి ప్రేక్షకులను మెప్పించారు. వెంకటేష్ నటించిన సూపర్ హిట్ చిత్రం నువ్వు నాకు నచ్చావ్ లో ఆర్తి అగర్వాల్ చెల్లెలిగా అల్లరి పాత్రలో నటించి భలేగా ఆకట్టుకున్నారు. ఆ తర్వాత పలు సినిమాల్లో సహాయక పాత్రల్లో కనిపించిన తరువాత సినిమాలకు దూరం అయ్యారు సుధీప.

ఐతే తాజాగా అందిన సమాచారం ప్రకారం ఇప్పుడు సుధీప బిగ్ బాస్ 6 సీజన్ తో మళ్లీ ప్రేక్షకుల ముందుకు రానుందని వార్తలు వస్తున్నాయి. ఈ మేరకు ఆమెను ఒప్పించేందుకు బిగ్ బాస్ యాజమాన్యం ఆమెతో సంప్రదింపులు జరపగా.. అందుకు ఆమె కూడా అంగీకరించారట. మరి ఈ వార్తలు నిజమా కాదా అన్నది తెలియాలంటే అధికారిక ప్రకటన వస్తే గానీ తెలియదు.

సుధీపతో పాటు మరో 14 పోటీదారుల పేర్లు కూడా వినిపించాయి. శ్రిహాన్, ఆదిరెడ్డి, గీతూ రాయల్, యాంకర్ ప్రత్యూష, నేహా చౌదరి, జబర్దస్త్ అప్పారావు, శ్రీ సత్య, చలాకి చంటి, దీపిక పిల్లి, ఆర్ జే సూర్య, అమర్దీప్, జబర్దస్త్ తన్మయ్, ఉదట భాను మరిషు ఇనాయా సుల్తానా. ఇందులో ఇన్స్తా సెలబ్రిటీలతో పాటు న్యూస్ యాంకర్ లు మరియు టివి ఆర్టిస్టులు, మాజీ యాంకర్ల పేర్లు ఉన్నాయి. ఇక ఈ లిస్ట్ లో ఉన్న వాళ్ళు అందరూ బిగ్ బాస్ సీజన్ 6 లో ఉంటారా లేదా అనేది త్వరలోనే తెలుస్తుంది. మిగతా ఇద్దరు పోటీదారులను సామాన్య ప్రజల నుంచి ఎంపిక చేసుకుంటారు.

ఆర్ ఆర్ ఆర్ వంటి భారీ ప్యాన్ ఇండియా విజయం యంగ్ టైగ‌ర్ ఎన్టీఆర్ కూడాప్యాన్ ఇండియా స్టార్ లలో ఒకరయ్యారు. ప్ర‌పంచ వ్యాప్తంగా ఆర్ ఆర్ ఆర్ ఎన్నో రికార్డులు సృష్టించిం అద్వితీయమైన విజ‌యాన్ని సొంతం చేసుకుంది. కేవలం ధియేటర్లలోనే కాకుండా ప్రాచుర్యం పొందిన ఓటీటీ సంస్థలైన జీ5, నెట్ ఫ్లిక్స్ లో స్ట్రీమింగ్ అయినప్పుడు కూడా ఎన్నో ప్రశంసలు అందుకుంది. ముఖ్యంగా నెట్ ఫ్లిక్స్ లో ఆర్ ఆర్ ఆర్ సినిమాని హాలీవుడ్ వీక్షకులతో పాటు సెలబ్రిటీలతో కూడా విశేషమైన స్పందనను రానట్టుకుంది. అక్కడితో ఆగకుండా హాలీవుడ్ ప్రఖ్యాత అవార్డులకు ఎంపికై తెలుగు సినిమా ఖ్యాతిని విశ్వమంతటా వ్యాపించేలా చేసింది. అలాంటి భారీ విజయం త‌రువాత ఎన్టీఆర్ చేయ‌బోయే సినిమాల పై ప్రేక్ష‌కుల్లో, అభిమానుల్లో ప్ర‌త్యేక ఆస‌క్తి ఉండటం సహజమే కదా.

ఈ నేప‌థ్యంలో ఎన్టీఆర్ తదుపరి చేయబోయే సినిమాలను ప్ర‌క‌టించిన సంగతి తెలిసిందే. అందులో ఎన్టీఆర్ 30 సినిమాని కొర‌టాల శివ‌తో చేయనున్నారు. ఈ విషయాన్ని ఎన్టీఆర్ పుట్టిన రోజు సందర్భంగా చిన్న టీజర్ విడుదల ద్వారా ప్రకటించారు. అయితే స్క్రిప్ట్ వర్క్ లో జాప్యం మరియు పలు రకాల అనుకోని కారణాల వల్ల ఆలస్యం అవుతూ వస్తుంది.ఇక ఆ చిత్రం షూటింగ్ ప్రారంభం కావ‌డానికి మ‌రో నెల సమయం పడుతుందని సమాచారం.

ఇక ఎన్టీఆర్ 31వ సినిమా ‘కేజీఎఫ్‌’ సీరీస్ దర్శకుడు ప్ర‌శాంత్ నీల్ తో చేస్తున్న విష‌యం తెలిసిందే.మైత్రీ మూవీ మేక‌ర్స్‌, ఎన్టీఆర్ ఆర్ట్స్ బ్యాన‌ర్ ల‌పై ఈ చిత్రాన్ని నిర్మించ‌బోతున్నారు. ఈ సినిమా ఫ‌స్ట్ లుక్ పోస్ట‌ర్ ని కూడా ఎన్టీఆర్ పుట్టిన రోజు సంద‌ర్భంగానే అధికారికంగా విడుద‌ల చేసారు. ఈ సినిమా ఎప్పుడు మొదలవుతుందని ఎన్టీఆర్ అభిమానులు చాలా ఆస‌క్తిగా ఎదురు చూస్తున్నారు. తాజాగా ఈ సినిమాకి సంబంధించిన ఆసక్తికర విషయాన్ని ద‌ర్శ‌కుడు ఎన్టీఆర్ అభిమానులకి చెప్పారు.

ఎన్టీఆర్ తో సినిమా ఎప్పుడు మొదలు పెడతారో అనే విషయం మీద వివరణ ఇచ్చారు. ఆంధ్ర ప్రదేశ్ లో నీల‌కంఠాపురానికి వ్య‌క్తిగ‌త ప‌ని మీద వెళ్లిన ప్ర‌శాంత్ నీల్ ని అక్క‌డి మీడియా ప్రతినిధులు క‌లిసి ఎన్టీఆర్ సినిమా గురించి ప్రశ్నలు అడిగారు.

అందుకు బదులుగా ” ఏం చెప్పాలి.. కథ చెప్పాల్నా” అంటూ చిత్తూరు యాస తరహాలో మాట్లాడి ఆశ్చర్య పరిచారు. ఇక ప్ర‌శాంత్ నీల్ ఆ త‌రువాత ఎన్టీఆర్ సినిమాకి సంభందించిన రెగ్యుల‌ర్ షూటింగ్ ని వ‌చ్చే ఏడాది ఏప్రిల్ లేదా మేలో ప్రారంభిస్తున్నట్లు వెల్ల‌డించారు. అంతే కాకుండా ఎన్టీఆర్ కు తాను దాదాపు పాతికేళ్ళ నుంచి అభిమాననినని, ఎన్టీఆర్ తో సినిమా ఖరారు కాక మునుపే ఆయనని చాలా సార్లు క‌లిశాన‌ని చెప్పారు.