సూపర్ స్టార్ మహేష్ బాబు – మాటల మాంత్రికుడు త్రివిక్రమ్ కాంబినేషన్లో వస్తున్న SSMB28 ఈ నెల ప్రారంభంలో సెట్స్ మీదకి వెళ్లిన సంగతి తెలిసిందే. కాగా ఈ సినిమా కథాంశానికి చాలా కీలకమైన యాక్షన్ సీక్వెన్స్‌ తాలూకు షూటింగ్ తో తొలి షెడ్యూల్ ప్రారంభమైంది. ఈ చిత్రంలో మహేష్ సరసన కథానాయికగా పూజా హెగ్డే నటిస్తుండగా, ఈ క్రేజీ ప్రాజెక్ట్ కోసం ఎస్ఎస్ థమన్ అద్భుతమైన బాణీలను అందించే భాద్యతను నిర్వర్తిస్తున్నారు.

తాజా నివేదికల ప్రకారం, 2022 దసరా సందర్భంగా.. రచయిత – దర్శకుడు త్రివిక్రమ్ ఈ సినిమాకి సంభందించిన ఫస్ట్ లుక్ మరియు పోస్టర్‌ను విడుదల చేయడానికి సన్నాహాలు చేస్తున్నారని సమాచారం. ఈ చిత్రం పై కేవలం మహేష్ అభిమానులు మాత్రమే కాకుండా సాధారణ సినీ ప్రేమికులు కూడా భారీ అంచనాలు పెట్టుకున్నారు.

కాగా ఈ సినిమా కోసం మహేష్ కొత్త లుక్ మరియు మేకోవర్ ను షూటింగ్ మొదలయిన రోజున చిన్న విడియో గ్లింప్స్ లో విడుదల చేయగా.. దానికి విశేషమైన స్పందన లభించింది. కేవలం చిన్న విడియో లోనే అలా ఉంటే ఇక పూర్తి సినిమాలో ఇంకెంత బాగుంటుంది అన్న అంచనాతో అటు మహేష్ అభిమానులు ఇటు ప్రేక్షకులు ఎదురుచూస్తున్నారు.

ఇక ఈ చిత్ర నిర్మాతలైన హారిక అండ్ హాసిని క్రియేషన్స్ వారు గత సంవత్సరం ఈ ప్రాజెక్ట్‌ను ప్రకటించి అభిమానులను ఆనందపరిచారు. 2023 సమ్మర్లో ఈ సినిమాని విడుదల చేయడానికి సన్నాహాలు చేస్తున్నారు.

మరో విశేషం ఏమిటంటే.. 2006 లో విడుదలై ఇండస్ట్రీ హిట్ గా నిలిచి బాక్స్ ఆఫీస్ వద్ద ఎన్నో రికార్డులని తిరగరాసిన పోకిరి సినిమా విడుదలైన ఏప్రిల్ 28న ఈ సినిమా విడుదల కానుంది. ఈ భారీ ప్రాజెక్ట్‌కి సంబంధించిన ఎడిటింగ్ బాధ్యతలను నవీన్ నూలి నిర్వహిస్తారు.

SSMB28 12 సంవత్సరాల తర్వాత ఈ మహేష్ – త్రివిక్రమ్ ల కలయికలో రాబోతున్న చిత్రం. కాగా అతడు, ఖలేజా వంటి సినిమాల తర్వాత మహేష్‌బాబు, త్రివిక్రమ్‌లకు ఇది మూడో సినిమా కావడం మరో విశేషం. హ్యాట్రిక్ సినిమాతో మహేష్ – త్రివిక్రమ్ లు మరో బ్లాక్ బస్టర్ సినిమా అందిస్తారని ఆశిద్దాం.

ప్రస్తుతం టాలీవుడ్లో స్టార్ హీరోల పాత బ్లాక్ బస్టర్ సినిమాల స్పెషల్ షోలు నిర్వహించే ట్రెండ్ నడుస్తున్న సంగతి తెలిసిందే. ఇక ప్రస్తుతం అభిమానులు ఉన్న జోరు.. వారు చూపుతున్న ఉత్సాహం చూస్తుంటే ఈ ప్రవాహం ఇప్పట్లో ఆగేలా లేదు. భవిష్యత్తులో మరిన్ని సినిమాలను ఇలానే ప్రత్యేక ప్రదర్శనలు జరిపించే అవకాశం ఎంతైనా ఉంది.

మొదట మహేష్ బాబు నటించిన ఇండస్ట్రీ హిట్ పోకిరి స్పెషల్ షోలతో ఈ ట్రెండ్ మొదలైంది మహేష్ అభిమానులు ఆ స్పెషల్ షోలను భారీ స్థాయిలో జరుపుకున్నారు. ఆ తర్వాత మెగా అభిమానులు చిరంజీవి ఘరానా మొగుడు ప్రత్యేక షోలను ప్రదర్శించారు.

ఆ తర్వాత జల్సా స్పెషల్ షోలతో.. పవర్ స్టార్ పవన్ కళ్యాణ్ మహేష్ బాబు పోకిరి నెలకొల్పిన రికార్డును బ్రేక్ చేసి కొత్త రికార్డులను నమోదు చేశారు. ఇప్పుడు బాలకృష్ణ చెన్న కేశవ రెడ్డి సినిమా భారీ హైప్ మధ్య మళ్లీ విడుదలైంది. అయితే పవన్ కళ్యాణ్ నెలకొల్పిన రికార్డును బద్దలు కొట్టడంలో మాత్రం విఫలమైంది. స్పెషల్ షోలకు చాలా మంచి స్పందన వచ్చినప్పటికీ, వాటి ప్రభావం పవన్ కళ్యాణ్ క్రేజ్ మరియు స్టార్‌డమ్‌కు సరిపోలేదు.

ఇక చెన్నకేశవ రెడ్డి స్పెషల్ షోలు ఓవర్సీస్‌లో దుమారం రేపిన సంగతి తెలిసిందే. ప్రత్యేకించి USAలో అల్ టైం రికార్డులు సృష్టించినా.. తెలుగు రాష్ట్రాల్లో మాత్రం ఆ స్థాయిలో హవా చూపించలేక పోయింది.

ఆ రకంగా ఓవర్సీస్ లో అద్భుతమైన సంఖ్యలు నమోదు చేసిన చెన్నకేశవరెడ్డి మన దగ్గర మటుకు చాలా సాధారణంగా ఉన్నాయి. ఈ చిత్రం జల్సా మరియు పోకిరి చూపిన ప్రభావానికి చాలా దూరంలో ఆగిపోయింది అని చెప్పాలి. మరియు ఆంధ్రా మరియు తెలంగాణ రాష్ట్రాలలో.. సూపర్ స్టార్ మహేష్ బాబు, పవర్ స్టార్ పవన్ కళ్యాణ్‌ల క్రేజ్ కు నిజంగా సాటిలేనిదని ఈ రకంగా మరోసారి రుజువయింది.

మొత్తంగా స్పెషల్ షోలలో జల్సా సినిమా ఇప్పటికీ అత్యధిక షోలు మరియు రీ-రిలీజ్‌కు సంబంధించిన రికార్డులను తన పేరిటే ఉంచుకుంది. మరి ఈ రికార్డు బ్రేక్ చేసేది ఏ స్టార్ సినిమానో తెలియాలంటే మరి కొంత కాలం ఆగాల్సిందే.

ఇక అక్టోబర్ నెలలో యంగ్ రెబల్ స్టార్ ప్రభాస్ పుట్టినరోజు సంధర్భంగా.. వర్షం, బిల్లా, చత్రపతి సినిమాలను ప్రత్యేక ప్రదర్శనలు జరిపించనున్నారు. మరి ఆ స్పెషల్ షోలు ఏ రికార్డులు బద్దలు కొడతాయో చూడాలి.

పవర్ స్టార్ పవన్ కళ్యాణ్ నటిస్తున్న హరి హర వీర మల్లు చిత్రం ఆయన కెరీర్లోనే అత్యంత ప్రతిష్టాత్మకంగా మరియు అత్యంత ఖరీదైన ప్రాజెక్ట్ గా తెరకెక్కుతుంది. కాగా ఈ సినిమా షూటింగ్ ఆలస్యం అవడం, స్క్రిప్ట్ లో మార్పులు వంటి అనేక అడ్డంకులకు గురవుతూ వస్తుంది.

అన్ని సమస్యలు తీరిపోయి తాజాగా ఈ సినిమా షూటింగ్ మళ్ళీ సజావుగా సాగుతుందని ఇటీవలే వార్తలు వచ్చాయి. అయితే తాజాగా మళ్లీ ఈ సినిమా షూటింగ్ విషయంలో మరో సమస్య తలెత్తినట్లు తెలుస్తోంది. హరి హర వీర మల్లు చిత్రానికి పవన్ కళ్యాణ్ కేవలం 40 రోజుల కాల్ షీట్లు మాత్రమే కేటాయించారని తెలుస్తోంది. కాగా తాను ఇచ్చిన ఈ నలభై రోజుల వ్యవధిలోనే తనకు సంభందించిన షెడ్యూల్ మొత్తం పూర్తి చేయాలని కోరుకుంటున్నట్లు ఆయన స్పష్టం చేశారట.

అయితే, ఒక పీరియాడిక్ బ్యాక్ డ్రాప్ లో రూపొందిస్తున్న సినిమా పూర్తి కావడానికి అంత తక్కువ వ్యవధి సరిపోదని.. మరింత సమయం పడుతుందని భావించిన దర్శకుడు క్రిష్.. పవన్ కళ్యాణ్ పాత్ర తాలూకు షూటింగ్ కోసం దాదాపు 65 రోజులు కావాలని అభ్యర్థించారట. కానీ 65 రోజుల కాల్ షీట్లు ఇవ్వడం కుదరదని, కేవలం 40 రోజుల్లోనే షూటింగ్ పూర్తి చేయాలని పవన్ కళ్యాణ్ క్రిష్ కు స్ట్రిక్ట్ గా చెప్పారట.

అంతే కాకుండా ప్రస్తుతం జరుగుతున్న షెడ్యూల్‌లో పవన్ కళ్యాణ్ కు సంభందించిన క్లోజప్ షాట్స్ మరియు కొన్ని ముఖ్యమైన సన్నివేశాలను పూర్తి చేయడానికి క్రిష్ సన్నాహాలు చేస్తున్నారట. ఆ తర్వాత సినిమాలోని మిగతా పోర్షన్స్‌ని డూప్ ఆర్టిస్టుతో మేనేజ్ చేయనున్నారని తెలుస్తోంది.

పవన్ కళ్యాణ్ కేవలం హీరోగా ఒకేసారి రెండు మూడు చిత్రాలు ఒప్పుకోవడంతో పాటు జనసేన పార్టీ వ్యవహారాల్లో కూడా నిమగ్నమై ఉంటారు కాబట్టి ఆయన షెడ్యుల్ చాలా బిజీగా ఉంటుంది అని మనందరికీ తెలుసు. కానీ ఒక్కసారి సినిమా చేస్తానని కమిట్ అయిన తర్వాత సదరు సినిమా పట్ల చాలా నిజాయతీగా వ్యవహరించడం ముఖ్యం కదా. మరియు అది ఆయన భాధ్యత కూడా.

అలాంటిది కేవలం ఒక డూప్ ఆర్టిస్టుతో షూటింగ్ చేయిస్తే.. ఆ సినిమా అందించాల్సిన పూర్తి అనుభవం అందకుండా ప్రేక్షకుడు గందరగోళానికి గురయ్యే ప్రమాదం కూడా ఉంటుంది. అయితే అలా జరగకూడదని ఆశించడం మాత్రమే మనం చేయగలిగింది. ఇలాంటి భారీ బడ్జెట్ సినిమా రూపొందించడంలో ఏవైనా పొరపాట్లు జరిగితే నిర్మాతలకు చాలా డబ్బు ఖర్చుతో పాటు అనవసరమైన ఆందోళన కూడా కలిగిస్తుంది అనడంలో ఎలాంటి సందేహం లేదు.