తమిళ సూపర్ స్టార్ రజినీకాంత్ మరో కొత్త సినిమాను లైన్‌లో పెట్టారు. నెల్సన్ దర్శకుడుగా భాధ్యత వహిస్తున్న ఈ సినిమా రజినీకాంత్ కెరీర్‌లో 169వ సినిమాగా వస్తోంది. తాజాగా ఈ సినిమా టైటిల్‌ను చిత్ర బృందం ఖరారు చేసింది. నెల్సన్-రజినీకాంత్ కాంబోలో తెరకెక్కుతున్న మూవీకి ‘జైలర్’ అనే టైటిల్‌ను ఫిక్స్ చేసింది.జైలులోని ఖైదీలు నేపథ్యంలో తెరకెక్కుతున్నట్లు సమాచారం. ఈ సినిమాని ప్రతిష్టాత్మక బ్యానర్ సన్ పిక్చర్స్ బ్యానర్‌పై కళానిధి మారన్ నిర్మిస్తున్నారు. అనిరుధ్ రవిచంద్రన్ సంగీతం అందిస్తున్నాడు.

కాగా ఈ చిత్రంలో రజినీకాంత్ సరసన అందాల భామ ఐశ్వర్యరాయ్‌ నటించనున్నట్లు ప్రచారం జరుగుతోంది. అదే నిజం అయితే రోబో సినిమా తర్వాత మరోసారి వీరి జంటను వెండితెరపై ప్రేక్షకులకు కనువిందు చేయనుందన్నమాట. నటి ప్రియాంక మోహన్‌ మరో పాత్రలో నటించనున్నట్లు సమాచారం. రమ్యకృష్ణ, దర్శకుడు కేఎస్‌ రవికుమార్, కన్నడ స్టార్‌ నటుడు శివరాజ్‌ కుమార్, హీరో శివకార్తికేయన్‌ కీలక పాత్రల్లో నటించబోతున్నట్లు గట్టి ప్రచారం జరుగుతుంది. జూలై నుంచి ఈ సినిమా రెగ్యులర్ షూటింగ్ ప్రారంభం కానుంది. మరో విశేషం ఏమిటంటే జూలై నాటికి రజనీకాంత్‌ నటుడిగా 47ఏళ్ల మైలురాయిని చేరుకోనున్నా రు. దీంతో జైలర్ చిత్రానికి సంబంధించి ప్రత్యేక టీజర్‌ ఆ రోజున విడుదలయ్యే అవకాశముంది.

గత కొన్నేళ్లుగా తన స్థాయికి తగ్గ హిట్ లేని సూపర్ స్టార్ రజినీకాంత్ కు ఈ సినిమాతో తిరిగి బాక్స్ ఆఫీస్ వద్ద దుమ్ము దులుపుతారు అని అభిమానులు ఆశగా ఎదురు చూస్తున్నారు.ఇటీవల సీనియర్ హీరో అయిన కమల్ హాసన్ విక్రమ్ తో బ్లాక్ బస్టర్ కొట్టిన సంగతి తెలిసిందే. అదే విధంగా రజినీకాంత్ కూడా పెద్ద హిట్ సినిమా అందిస్తాడేమో చూద్దాం.

నేచురల్ స్టార్ నాని నటించిన లేటెస్ట్ మూవీ ‘అంటే సుందరానికీ’ ఇటీవల రిలీజ్ అయ్యి బాక్సాఫీస్ వద్ద మంచి టాక్‌ను దక్కించుకుంది. ఈ సినిమాను దర్శకుడు వివేక్ ఆత్రేయ ఔట్ అండ్ ఔట్ కామెడీ ఎంటర్‌టైనర్ మూవీగా తెరకెక్కించగా, ఇందులో మలయాళ బ్యూటీ నజ్రియా నాజిమ్ హీరోయిన్‌గా తెలుగులో ఎంట్రీ ఇచ్చింది.

ముందుగానే చెప్పుకున్నట్టు ఈ సినిమా తొలి మూడు రోజుల కలెక్షన్ లు పరవాలేదు అనిపించగా, సోమవారం నుండి బాక్స్ ఆఫీస్ రేస్ లో చాలా వెనుక పడిపోయింది.కలెక్షన్స్ దారుణంగా పడిపోవడంతో, ఈ సినిమా టోటల్ రన్‌లో ఎలాంటి ఫలితాన్ని మిగిలిస్తుందా అని చిత్ర యూనిట్ ఆందోళన చెందగా,అయితే ఇలాంటి సమయంలో ఒక్క దగ్గర మాత్రం అంటే సుందరానికీ కాస్త గౌరవప్రదమైన కలెక్షన్లు రాబడుతుంది. వన్ మిలియన్ మైల్ స్టోన్ మార్క్‌ను అందుకునేందుకు రెడీ అయ్యింది.  నాని సినిమాలంటే ఓవర్సీస్ ఆడియెన్స్‌కు ముందు నుంచే ప్రత్యేక అభిమానం.

అందులోనూ అంటే సుందరానికీ చిత్రం ప్యూర్ ఫ్యామిలీ ఎంటర్‌టైనర్ మూవీ అవడంతో ఈ సినిమాను చూసేందుకు అక్కడి ఆడియెన్స్ ఎంతో ఆసక్తిని కనబరిచారు. ఈ క్రమంలోనే ఈ సినిమాకు అక్కడ వసూళ్లు వచ్చాయి. అయితే ఇప్పటికే ఈ చిత్రం యూఎస్ బాక్సాఫీస్ వద్ద వన్ మిలియన్ డాలర్ మార్క్‌ను అందుకుంది, యూఎస్ బాక్సాఫీస్ వద్ద మిలియన్ మార్క్ క్లబ్‌లో నానికి ఇప్పటికే వన్ మిలియన్  సినిమాలు ఆరు ఉన్నాయి. ఈ చిత్రంతో ఏడో సినిమా అవుతుంది. ఇతర హీరోలలో మహేష్ బాబు కి పదకొండు సినిమాలు ఈ ఘనత సాధించగా,ఎన్టీఆర్ కు కూడా ఏడు సినిమాలు ఉన్నాయి.

ఇప్పుడు అంటే సుందరానికీ చిత్రం కూడా ఈ మార్క్‌ను అందుకుంటే, ఇది అతడి కెరీర్‌లో ఏడవ మిలియన్ డాలర్ సినిమాగా మిగలడం ఖాయం.

మొత్తానికి మంచి టాక్ లభించినా కలెక్షన్ లు సరిగా రాలేదు అనే పరిస్తితి నుండి కనీసం ఒక్క ఏరియాలో అయినా సినిమా బ్రేక్ ఈవెన్ మార్క్ అందుకోవడం కాస్త మంచి విషయమే అని చెప్పాలి. ఇక నాని నటించే తదుపరి సినిమాలైనా అన్ని వర్గాల ప్రేక్షకులను అలరించి సూపర్ హిట్ గా నిలుస్తాయి అని ఆశిద్దాం.

విరాట ప‌ర్వం మూవీ ప్ర‌మోష‌న్ల‌లో భాగంగా సాయి ప‌ల్ల‌వి చేసిన అనుచిత వ్యాఖ్య‌ల‌ను ఖండిస్తూ భ‌జ‌రంగ్ ద‌ళ్ రంగంలో దిగింది. హైద్రాబాద్, సుల్తాన్ బ‌జార్ పోలీస్ స్టేష‌న్లో కేసు న‌మోదు చేసింది. అదే విధంగా ఈ సినిమా ద‌ర్శ‌కులు వేణు ఊడుగుల పై కూడా కేసు న‌మోదు చేయాల‌ని భావిస్తోంది. విరాట ప‌ర్వం టైటిల్ కూడా అభ్యంత‌రంగానే ఉంద‌ని, మ‌హాభారతంలో ఓ కీల‌క ఘ‌ట్టానికి సంబంధించిన పేరును, న‌క్స‌ల్ మూమెంట్ బ్యాక్ డ్రాప్ లో తీసిన సినిమాకు ఎలా పెడ‌తార‌ని ప్ర‌శ్నిస్తూ పోలీసుల‌ను ఆశ్రయించే ఆలోచనలో ఉన్నట్టు తెలుస్తుంది.

కాశ్మీర్ ఫైల్స్ లాంటి తీవ్ర కిరాతకమైన జెనో సైడ్ ను, గో రక్షక్ ఉదంతం లాంటి సంఘటనలను పోల్చి, సాయి పల్లవి ఇటీవల ఒక ఇంటర్వ్యూ లోమాట్లాడారు. ఏదో ఒక మతం చేసేది ఒప్పు అని ఇంకో మతాన్ని తప్పు అని మనం చెప్పలేం అని ఆమె అభిప్రాయ పడ్డారు.

ఇప్పుడు ఈ వివాదం సినిమా పై ఎలాంటి ఇబ్బందులను తీసుకు వస్తాయి అనేది చూడాలి, ఈ కేసు విషయం పై సినిమా టీమ్ ఇంకా ఎలాంటి స్పందన ఇవ్వలేదు. ఇదిలా ఉండగా సాయి పల్లవి మాట్లాడిన దాంట్లో తప్పేమీ లేదని, సోషల్ రెస్పాన్సిబిలిటీ ఉన్న నటులు చాలా తక్కువ అని ఒక వర్గం ప్రేక్షకులు అభిప్రాయ పడుతుంటే, మరో వర్గం ప్రేక్షకులు మాత్రం ఆమె మీద కోపంతో ఉన్నారు.ఇలా ఒకరు లెఫ్ట్ వింగ్, ఇంకొకరు రైట్ వింగ్ లాగా విడిపోయి వాదించుకుంటున్నారు.

ఈరోజే విడుదలైన ఈ సినిమా మీద ఈ వివాదాల ప్రభావం ఎలా ఉంటుందో కానీ, ఈ సినిమా కేవలం నేపథ్యం వరకు నక్సల్ – పోలీస్ ల మధ్య పోరాటాలు ఉంటాయి తప్ప ఇదొక కవితాత్మక ప్రేమకధ అని రచయిత మరియు దర్శకుడు అయిన వేణు ఉడుగుల తెలిపారు. ఆయన చెప్పిన విధంగానే ట్రైలర్ లో ఒక యుద్ధం ఎన్నో ప్రాణాలు తీస్తుంది, కానీ అదే యుద్ధం నా ప్రాణాలు పోసింది అని హీరోయిన్ క్యారెక్టర్ డైలాగ్ కూడా ఉంది. మరి ఈ తాజా వివాదం సినిమాకి ఉపయోగపడుతుందా లేక పరాజయానికి కారణంగా మారుతుందా అనేది చూడాలి.

ఆంధ్రప్రదేశ్‌లో సినిమా టిక్కెట్ల విక్రయాలకు సంబంధించిన మార్గదర్శకాలను ప్రభుత్వం విడుదల చేసింది. ఆన్‌లైన్‌లో సినిమా టిక్కెట్ల వ్యవహారంలో మరింత స్పష్టతనిస్తూ ప్రభుత్వం గైడ్‌లైన్స్‌ రూపొందించింది. ప్రస్తుతం ఆన్‌లైన్‌ సినిమా టిక్కెట్లను విక్రయిస్తున్న సంస్థలు కూడా ఇకపై ప్రభుత్వ నోడల్ ఏజెన్సీతో ఒప్పందం చేసుకోవాల్సి ఉంటుంది.

గత సంవత్సరం ‘ వకీల్ సాబ్’ విడుదలకు ముందు రోజు థియేటర్ లో టికెట్ ధరలు మారుస్తూ ఆంధ్రప్రదేశ్ ప్రభుత్వం జారీ చేసిన జీఓ, ఆ పైన కొంత కాలం దాని మీద జరిగిన వివాదం తెలిసిందే.

అయితే ఈ ఏడాది మార్చిలో మొత్తానికి ఆ విషయం ఒక కొలిక్కి వచ్చింది. సినిమా ఇండస్ట్రీ నుంచి పెద్ద హీరోలు,దర్శక నిర్మాతలు వెళ్లి సీఎం జగన్మోహన్ రెడ్డి గారిని కలిసి వాళ్ళ ఇబ్బందులు చెప్పుకుని తమకు కావాల్సిన అనుమతులు మంజూరు చేయించుకున్నారు. అయితే కథ అక్కడితో ఆగలేదు.

అప్పట్లో ఈ వివాదం జోరుగా ఉన్న రోజుల్లోనే మరి అంశం తెర మీదకి వచ్చింది.అదేంటంటే ఆన్లైన్ లో టికెట్ లు అమ్మే వెబ్ సైట్ ను ప్రభుత్వం తమ పరిధి లోకి తీసుకోవటం. ఆ విషయం పై ఆంధ్ర ప్రదేశ్ ప్రభుత్వం అధికారికంగా ఆదేశాలు జారీ చేసింది.

ఆంధ్రప్రదేశ్‌ హైకోర్టు ఉత్తర్వుల నేపథ్యంలో రాష్ట్ర ప్రభుత్వం సినిమా టిక్కెట్ల విషయంలో మార్గదర్శకాలు జారీ చేసింది. ఆంధ్రప్రదేశ్‌ ఫిలిం డెవలప్‌మెంట్‌ కార్పొరేషన్‌ నోడల్‌ ఏజెన్సీగా వ్యవహరించనుంది. ఏపీఎఫ్‌డిసి‌కి సర్వీస్‌ ప్రొవైడర్‌ బాధ్యతలు అప్పగించడంతో ఇకపై రాష్ట్రంలోని సినిమా థియేటర్లు ఏపీ ఫిలిం డెవలప్‌మెంట్ కార్పొరేషన్‌తో అగ్రిమెంట్ చేసుకోవాల్సి ఉంటుంది. ఇకపై అన్ని థియేటర్లు, ప్రైవేట్ సంస్థలు నోడల్ ఏజెన్సీ ఏర్పాటు చేసే సర్వీస్‌ ప్రొవైడర్ గేట్‌ వే నుంచి టిక్కెట్లను విక్రయించాల్సి ఉంటుంది. ప్రతి టిక్కెట్‌పై 2శాతం మాత్రమే సర్వీస్ ఛార్జీ అమలు చేయాల్సి ఉంటుంది. థియేటర్లలో ఎలాంటి అవకతవకలు లేకుండా ఆన్‌లైన్‌ టిక్కెట్ల విక్రయాలను జరపాల్సి ఉంటుంది. కొత్త సినిమాల విడుదల సమయంలో వారం ముందు మాత్రమే అడ్వాన్స్‌ బుకింగ్ చేయాలని ఆదేశించింది.

ఈ ప్రక్రియ మొదలై అమలు అయ్యేసరికి మరెన్ని సమస్యలు,వివాదాలు తలెత్తుతాయి అనేది చూడాలి. అసలు టికెట్ ల అమ్మకం ద్వారా వచ్చే వసూళ్ళ నేరుగా ప్రభుత్వం తమ ఖాతాలో జమ చేసుకుని తిరిగి మళ్లీ థియేటర్ ల యాజమాన్యానికి ఇవ్వటం ఏమిటో అసలు అర్థం కాకుండా ఉంది. దీని పై పెద్ద నిర్మాతలు, డిస్త్రీ బ్యుటర్ ల స్పందన రావాల్సి ఉంది. మరి ఏపీ ప్రభుత్వం తలపెట్టిన ఈ కొత్త కార్యాచరణ ఎటువైపు దారి తీస్తుందో చూడాలి.

అఖండ సక్సెస్ తో మంచి ఊపు మీదున్న బాలకృష్ణ , గోపీచంద్ మలినేని దర్శకత్వంలో తదుపరి చిత్రం చేస్తున్న విషయం తెలిసిందే. ఇటీవల విడుదలైన టీజర్‌లో బాలయ్య మాస్ డైలాగ్స్‌తో మరోసారి అదరగొట్టాడు. గోపిచంద్ మ‌లినేని బాలయ్యను పవర్‌‌ఫుల్‌ గా చూపించారు. బాలయ్య చెప్పిన డైలాగ్స్‌ ఆయనకు ఓ రేంజ్‌లో సెట్ అయ్యాయి. బాల‌య్య ఇమేజ్‌కు త‌గ్గట్లు మాస్ క‌మ‌ర్షియ‌ల్ ఎలిమెంట్స్‌తో మూవీ డిజైన్ చేస్తున్నట్లు తెలుస్తోంది. టీజర్ ను విపరీతంగా ఎంజాయ్ చేసిన బాలయ్య అభిమానులు సినిమా ఎప్పుడు విడుదల అవుతుందా అని ఎదురు చూస్తున్నారు.

ముందు నుంచీ ఈ సినిమా దసరా కానుకగా విడుదల అవుతుందని ప్రచారం జరిగింది. అయితే తాజాగా వినిపిస్తున్న వార్తల ప్రకారం సినిమా రిలీజ్ డేట్ పోస్ట్ పోన్ కావచ్చు అని తెలుస్తుంది. అయితే షూటింగ్ సమస్యల వల్ల ఆలస్యం అవుతుందా లేదా ఇతర కారణాల వల్లా అనేది తెలియరాలేదు. ఈ చిత్రంలో బాలయ్యకు జోడీగా శృతి హాసన్ నటిస్తుండగా, ముఖ్య పాత్రలో కన్నడ నటుడు దునియా విజయ్ కనిపించబోతున్నాడు. వరుస సినిమాలతో దూసుకుపోతున్న మైత్రీ మూవీ మేకర్స్ నిర్మాతలుగా వ్యవహరిస్తున్నారు.

దసరాకు బాలయ్య సినిమా రాని పక్షంలో మెగాస్టార్ చిరంజీవి నటిస్తున్న గాడ్ ఫాదర్ ( మలయాళం లూసిఫర్ కి రీమేక్) తో పాటు అఖిల్ అక్కినేని నటించిన ఏజెంట్ విడుదల అయ్యే అవకాశం ఉంది. ఇక బాలయ్య సినిమా దసరా రేస్ నుంచి తప్పుకున్నాక దీపావళి లేదా అఖండ చిత్రం విడుదల అయిన రోజునే రిలీజ్ అయ్యే అవకాశాలు ఎక్కువ ఉన్నాయి అని తెలుస్తుంది. ఈ విషయం అభిమానులకు కాస్త నిరాశ కలిగించేదే అయినా, సినిమా మరింత నాణ్యంగారావడం కోసం కాస్త ఆలస్యం అయినా తప్పు లేదు.

ముందు నుంచీ అనుమాన పడ్డట్టే జరిగింది. అంటే సుందరానికీ చిత్రం ట్రేడ్ వర్గాలు అనుకున్నట్టు డిజాస్టర్ గా నిలిచింది. ఈ సినిమాకి రిలీజ్ ముందు నుంచి ఉండాల్సినంత క్రేజ్ లేకపోయినా తొలిరోజు వచ్చిన రివ్యూలు, ప్రేక్షకుల స్పందన చూసి కలెక్షన్ లు పెరుగుతాయి అని అందరూ ఆశించారు.

అయితే తొలి వారాంతం తరువాత ఈ చిత్రం ఒక్కసారిగా బాక్స్ ఆఫీస్ వద్ద చతికిలపడింది. ఏమాత్రం నిలకడ లేకుండా సాగిన ఈ సినిమా రన్ ట్రేడ్ వర్గాలతో పాటు ప్రేక్షకులను సైతం అవాక్కయ్యేలా చేసింది. ఒకప్పుడు పరవాలేదు అని టాక్ వస్తే చాలు నాని సినిమా ఆడేస్తుంది అనే పరిస్తితి ఉండేది. ఇప్పుడు చిత్రంగా సినిమా బాగుండీ, డీసెంట్ టాక్ ఉండి కూడా ఇలాంటి ఫలితం రావటం ఎవ్వరికీ అంతుబట్టటం లేదు.

ముందుగానే చెప్పుకున్నట్టు, ఓపెనింగ్స్ సాధారణ స్థాయిలో వచ్చిన ఈ సినిమాకు కలెక్షన్ లు తరువాత పెరగక పోగా రోజు రోజుకూ తగ్గుతూ వచ్చాయి. ముఖ్యంగా తొలి మూడు రోజుల తరువాత మరీ దారుణంగా ఉన్న కలెక్షన్ ల వల్ల చాలా ధియేటర్ లు డే డెఫిసిట్ లు (అంటే కనీసం ధియేటర్ రెంట్ కూడా వసూలు అవ్వక పోవడం) చవి చూశాయి. ఇక ఈ గురువారం చాలా థియేటర్ ల నుండి అంటే సుందరానికీ సినిమాను తీసేస్తున్నారు అంటే ఏ స్థాయిలో డిజాస్టర్ అయ్యింది అనేది అర్థం అవుతుంది.