ఆచార్య సినిమా విడుదలై ఆరు నెలలు కావస్తున్నా.. ఇంకా ఆ సినిమా ఏదో ఒక రకంగా వార్తల్లో నిలుస్తూనే ఉంది. ఎందుకంటే వివాదాలు ఆ సినిమాని వదిలివెళ్ళే పరిస్థితి కనిపించట్లేదు. తాజాగా తెలుగు సినీ మెగాస్టార్ చిరంజీవి దర్శకుడు కొరటాల పై చేసిన వ్యాఖ్యల వల్ల మరోసారి ఆచార్య చిత్రం తెర పైకి వచ్చింది.

మెగాస్టార్ చిరంజీవి ప్రధాన పాత్రలో.. మెగా పవర్ స్టార్ రామ్ చరణ్ మరో ముఖ్య పాత్రలో నటించగా.. దర్శకుడు కొరటాల శివ తెరకెక్కించిన చిత్రం ఆచార్య. ఈ సినిమా కొరటాల కెరీర్ లోనే వరస్ట్ సినిమాగా నిలిచింది. చిరంజీవి పాత్ర కానీ, రామ్ చరణ్ పాత్ర కానీ ఏదీ ప్రేక్షకులని ఆకట్టుకోలేదు. జీవం లేని కదా, పాత్రల సమూహంలా ఉన్న ఆచార్య.. బాక్స్ ఆఫీస్ వద్ద భారీ డిజాస్టర్ అయ్యింది. రెండో రోజే థియేటర్స్ నుండి వెళ్ళిపోయిన ఈ సినిమా భారీ నష్టాలు మిగిల్చింది.

ఇక ఆ తరువాత “ఆచార్య నష్టాలు” అనే సినిమా తీసినట్లుగా ఆ సినిమాని కొన్న బయ్యర్లు వారి నష్టాల తాలూకు కథ నడిచింది. ఈ క్రమంలో నష్టాలు భర్తీ చేయాలని కొంత మందు ఆందోళనకు దిగడం. మెగాస్టార్ చిరంజీవి భాధ్యత తీసుకోవాలి అని కొంత మంది, ఆయనకు బిజినెస్ తో సంబంధం లేదు ఈ సినిమా ఆర్థిక లావాదేవిలలో తలదూర్చిన కొరటాలనే ఆ భాధ్యత తీసుకోవాలి అని మరి కొందరు వాదించారు.

మొత్తానికి నిజానిజాలు ఎవరికీ తెలియదు కానీ ఆ ఆచార్య సినిమా వల్ల కొరటాల అందరికంటే ఎక్కువ నష్టపోయారనే వార్త ఇప్పటికీ బాగా ప్రచారంలో ఉంది. ఇక చిరంజీవి ఆచార్య సినిమా ఫలితంతో బాగా నిరాశ చెందినట్లు ఆయన ఇటీవలే చేసిన, చేస్తున్న వ్యాఖ్యల ద్వారా అందరికీ అర్థం అవుతుంది.

గతంలో అమీర్ ఖాన్ నటించిన లాల్ సింగ్ చడ్డా సినిమాకి సంబందించిన ఫంక్షన్లో, అప్పుడప్పుడు పరిస్థితులు నా చేతిలో ఉండవు. వాటి గురించి అడగకండి అని ఆయన అన్న మాటలు పరోక్షంగా ఆచార్య గురించే అని అందరూ గ్రహించారు. అంతే కాకుండా సెట్స్ లో కొందరు దర్శకులు అప్పటికప్పుడు డైలాగ్స్ రాసి ఇస్తూ ఉంటారు. ఇడ్లీ వేడివేడిగా ఇవ్వాలి కానీ డైలాగ్స్ కాదు. ఈ విషయంలో టాలీవుడ్ దర్శకులు మారాలి అని కూడా అన్నారు.

ఇప్పుడు ఆయన తాజాగా నటించి విడుదలకు సిద్ధంగా ఉన్న గాడ్ ఫాదర్ సినిమా ప్రమోషన్స్ కోసం బాలీవుడ్ విమర్శకురాలు అనుపమ చోప్రాతో ఒక ఇంటర్వ్యూ ఇచ్చారు. ఆ ఇంటర్వ్యూలో ఆచార్య గురించి ప్రస్తావిస్తూ.. దర్శకుడు చెప్పింది మాత్రమే చేశామని, కానీ సినిమా పోయింది అన్నట్లు మాట్లాడారు. ఇది చిరంజీవికి ఏమాత్రం భావ్యం కాదు.

ఒక సినిమా విజయం సాధించినా, లేదా అపజయం పాలైనా అందులో అందరికీ భాగం ఉంటుంది. చిరంజీవి అనవసరంగా ప్రతిసారీ కొరటాల శివ పై నిందలు వేయడం ఏమాత్రం సరి కాదు.

ఆచార్య ఫలితం వల్ల చిరంజీవి బాధ పడి ఉండచ్చు, కానీ అపజయాన్ని కూడా స్వీకరించి ముందుకు వెళ్లాలి కానీ ఇలా మరొకరి మీద భారం వేయడం మాత్రం ఆయన స్థాయికి తగ్గ పని కాదు. ఇకనైనా చిరంజీవి ఆచార్య సినిమా విషయంలో ఆత్మ వంచన మాని ఆత్మ పరిశీలన చేసుకుని, కొరటాల శివ పై నిందలు వేయకుండా ఉంటే మంచిది.

దర్శకుడు మణిరత్నం తెరకెక్కించిన భారీ చరిత్రాత్మక చిత్రం పొన్నియిన్ సెల్వన్ పార్ట్ 1 భారీ అంచనాల మధ్య సెప్టెంబర్ 30న థియేటర్లలోకి వచ్చింది. ఈ చిత్రాన్ని తీసిన దర్శకుడు కావచ్చు, నటించిన నటీనటులు, ఇతర తమిళ పరిశ్రమ వర్గాలు, ప్రముఖ విశ్లేషకులు అలాగే తమిళ ప్రేక్షకులు అందరూ పొన్నియిన్ సెల్వన్‌ని తమిళ సినిమా గర్వకారణంగా ప్రచారం చేసి భారీ స్థాయిలో ఈ సినిమా పై అంచనాలు పెట్టుకున్నారు. ఈరోజు ఉదయం విడుదలైన దగ్గరనుంచి ప్రపంచ వ్యాప్తంగా ఉన్న తమిళ ప్రేక్షకులు మరియు అభిమానులు ఈ చిత్రాన్ని ఆకాశానికి ఎత్తేశారు. ఇది ఒక అద్భుతమైన సినిమాగా పేర్కొన్నారు. నిజం చెప్పాలంటే సినిమా చూసి ఎలా ఉంది అని చెప్పే కంటే పొన్నియిన్ సెల్వన్‌ని ఒక పండగలా జరుపుకోవాలి అనే లక్ష్యంతో ఉన్నారు. వారి అభిమానికి ఈ చిత్ర బృందం నిజంగా సంతోషిస్తుంది అనడంలో ఎలాంటి సందేహం లేదు.

అయితే ఈ చిత్రాన్ని చూసిన ఒక వర్గం తెలుగు ప్రేక్షకులు మాత్రం పొన్నియిన్ సెల్వన్‌ని ప్రభాస్ మరియు రానా దగ్గుబాటి నటించగా.. ఎస్ ఎస్ రాజమౌళి తెరకెక్కించిన బాహుబలితో పోల్చారు. ఇది చాలా మంది తమిళ ప్రేక్షకులకు కోపం తెప్పించింది, దీంతో ట్విట్టర్‌లో PS-1ని బాహుబలితో పోల్చిన వ్యక్తుల పై వారు ట్వీట్ల ద్వారా యుద్ధం చేశారనే చెప్పాలి.

బాహుబలి ఒక ఫాంటసీ చిత్రం అని, పొన్నియిన్ సెల్వన్ చారిత్రక కల్పన అని, అలాంటపుడు ఈ రెండు చిత్రాలను ఎలా పోల్చి చూస్తారని వారు తీవ్రంగా వ్యాఖ్యలు చేశారు. ఈ క్రమంలో ఇరువర్గాలు రకరకాల ట్రోల్స్ కూడా చేసుకున్నారు.

తమిళ ప్రేక్షకుల తర్కించే విధానంలోనూ న్యాయం ఉంది. మణిరత్నం శైలి, రాజమౌళి శైలి పూర్తిగా వేరుగా ఉంటాయి. అలాంటప్పుడు మణిరత్నం సినిమాల్లో ఉన్నట్లు నెమ్మదిగా, చాలా సాధారణంగా డైలాగులు రాజమౌళి సినిమాల్లో కనిపించవు. అలాగే రాజమౌళి సినిమాల్లో ఉండే ఉర్రూతలూగించే సన్నివేశాలు మణిరత్నం సినిమాల్లో ఉండవు.

ఇలా పొన్నియిన్ సెల్వన్ విడుదలైన రోజే బాహుబలి ట్విట్టర్‌లో ట్రెండ్ అవడానికి కారణం ఒక రకంగా తెలుగు, తమిళ ఇరు వర్గాల ప్రేక్షకుల అత్యుత్సాహం ఒక కారణం అయితే మరో రకంగా చూసుకుంటే ఇలాంటి సినిమాలను తెరకెక్కించాలంటే రాజమౌళి మాత్రమే తీయగలడు అనేలా ఆయన బాహుబలి సీరీస్ తో ప్రేక్షకుల పై ముద్ర వేసిన విషయం స్పష్టం అవుతుంది.

ఇక ఈరోజు విడుదలైన పొన్నియిన్ సెల్వన్ బాక్స్ ఆఫీస్ వద్ద భారీ ఓపెనింగ్స్ ను సాధించింది. ట్రేడ్ వర్గాల అంచనాల ప్రకారం ఈ చిత్రం అన్ని భాషలకు కలిపి ప్రపంచవ్యాప్తంగా 80 కోట్లకు పైగా గ్రాస్ వసూలు చేస్తుందని అంటున్నారు.

విక్టరీ వెంకటేష్, మెగా ప్రిన్స్ వరుణ్ తేజ్ లు హీరోలుగా, తమన్నా భాటియా, మెహ్రిన్ కౌర్ లు హీరోయిన్లుగా అనిల్ రావిపూడి దర్శకత్వం లో తెరకెక్కిన ఔట్ అండ్ ఔట్ ఫన్ ఎంటర్ టైనర్ ఎఫ్3. ఈ చిత్రం థియేటర్లలో విడుదలయి కాస్త నెగటివ్ టాక్ తెచ్చుకున్నా, బాక్స్ ఆఫీస్ వద్ద ఏబొవ్ యావరేజ్ గా నిలిచింది.

వీరి కాంబినేషన్లో ఈ ఫ్రాంచైజీలో వచ్చిన మొదటి చిత్రం ఎఫ్‌2 ఎంతటి ఘన విజయం సాధించిందో తెలిసిందే. 2019 సంక్రాంతికి విడుదలైన ఈ చిత్రం బాక్సాఫీస్‌ వద్ద కాసుల వర్షాన్ని కురిపించి ఆ సీజన్ లో బిగ్గెస్ట్ హిట్ అవడంతో పాటు ఆ సంవత్సరంలో కూడా భారీ విజయం సాధించిన సినిమాలలో ఒకటిగా నిలిచింది.

కానీ ఎఫ్3 సినిమా మాత్రం ప్రేక్షకులను అదే స్థాయిలో ఆకట్టుకోవడంలో విఫలం అయింది. కేవలం కొన్ని చోట్ల కామెడీ సన్నివేశాలు తప్ప సినిమాలో సరైన విషయం లేదని ప్రేక్షకులు పెదవి విరిచారు. అయితే సీక్వెల్ క్రేజ్ మరియు సమ్మర్ రిలీజ్ అవడం వల్ల కలెక్షన్ల విషయంలో మాత్రం పరవాలేదు అనిపించుకుంది.

ఇక తాజాగా ఫ్3 చిత్రం వరల్డ్ టెలివిజన్ ప్రీమియర్ ప్రసారం అయిన సంగతి తెలిసిందే. గత ఆదివారం సాయంత్రం 6 గంటలకు జీ తెలుగులో ప్రసారం కాగా.. బుల్లితెర పై ఈ చిత్రం ప్రేక్షకులని అలరించ లేకపోయింది. గమ్మత్తైన విషయం ఏమిటంటే, F2 చిత్రం తన మొదటి టెలివిజన్ ప్రీమియర్ lo 17.2 రేటింగ్ ను పొందగా F3 చిత్రం అందులో సగం రేటింగ్ సాధించింది. కాగా అర్బన్ టీఆర్పీ రేటింగ్లో 8.26, అర్బన్ + రూరల్ రేటింగ్లో 6.62 రేటింగ్ వచ్చింది.

సినిమాలకు టీఆర్పీ రేటింగ్లు తక్కువ రావడం ఈ మధ్య ఎక్కువ సినిమాలకు జరుగుతుంది. ఎందుకంటే ఒకప్పుడు ప్రేక్షకుడు కేవలం ధియేటర్ లేదా టివిలో సినిమాలను చూసే అవకాశం ఉండేది. కానీ గత కొన్నేళ్లలో వచ్చిన ఓటిటి విప్లవం వల్ల ఇప్పుడు మొబైల్ ఫోన్లలోనే సినిమాలు వీక్షించే అవకాశం ఉండడం వల్ల టివిలో సినిమాలు చూసేందుకు ప్రేక్షకులు అంతగా ఆసక్తి చూపించడం లేదు.

సినీ ప్రేమికులు అందరూ ఎప్పుడెప్పుడా అని ఎదురుచూస్తున్న ప్యాన్ ఇండియా సినిమా పొన్నియిన్ సెల్వ‌న్. మ‌ణిర‌త్నం ద‌ర్శ‌క‌త్వం వ‌హిస్తున్న ఈ చిత్రం రెండు భాగాలుగా తెర‌కెక్కుతుండ‌గా.. పొన్నియిన్ సెల్వ‌న్-1 సెప్టెంబ‌ర్ 30న అంటే నేడు ప్ర‌పంచ‌వ్యాప్తంగా భారీ స్థాయిలో రిలీజ్‌ అయింది. ఇప్పటికే ఈ సినిమా టికెట్స్ బుకింగ్ అన్ని చోట్లా అద్భుతంగా ఉండగా ప్రీమియర్ షోల నుండి స్పందన ఎలా ఉందో చూద్దాం.

అంతా ఊహించినట్టుగానే పోన్నియిన్ సెల్వన్ చిత్రానికి తమిళ ప్రేక్షకుల నుండి అద్భుతమైన టాక్ వచ్చింది. అక్కడ పొన్నియిన్ సెల్వన్ నవల అనేది ఎన్నో ఏళ్లుగా ప్రసిద్ధి గాంచింది. ఆ నవల మీద సినిమా అనగానే వాళ్ళు ఎంతో ఆసక్తిగా ఎదురు చూస్తు వచ్చారు. పైగా మణిరత్నం డ్రీమ్ ప్రాజెక్ట్ గా తెరకెక్కడంతో తమిళ నాట ఈ సినిమాని అక్కున చేర్చుకున్నారు. అందుకే అక్కడి విమర్శకులు, మరియు సోషల్ మీడియాలో నెటిజన్ల నుండి ఈ సినిమాకి చాలా మంచి స్పందన వస్తోంది. అక్కడ ఈ చిత్రం బాక్స్ ఆఫీసు వద్ద భారీ రికార్డులు సృష్టించే అవకాశాలు చాలానే ఉన్నాయి.

ఇక తెలుగు ప్రేక్షకుల నుండి మాత్రం కాస్త మిశ్రమ స్పందన వస్తోంది. ఎందుకంటే బేసిక్ గా ఈ చిత్రం తమిళ రాజుల నేపథ్యంలో రూపొందినది కావడంతో అక్కడి ప్రేక్షకులు ఎక్కువ కనెక్ట్ అయ్యే అవకాశాలే ఎక్కువ. మన తెలుగు ప్రేక్షకుల నుంచి మాత్రం సినిమా కాస్త నిదానంగా సాగుతుంది అనే టాక్ వస్తుంది. మరి ఈ టాక్ ఇతర రెగ్యులర్ షోల తర్వాత మారుతుందో లేదో చూడాలి.

బాక్సాఫీస్ వద్ద ట్రేడ్ వర్గాల అంచనాల ప్రకారం ఈ చిత్రం అన్ని భాషలకు కలిపి ప్రపంచవ్యాప్తంగా 80 కోట్లకు పైగా గ్రాస్ వసూలు చేస్తుందని అంటున్నారు.

పీరియాడిక్ యాక్ష‌న్ డ్రామా బ్యాక్ డ్రాప్‌లో భారీ మ‌ల్టీస్టార‌ర్ ప్రాజెక్టుగా తెలుగు, త‌మిళం, హిందీ, క‌న్న‌డ‌, మ‌ల‌యాళం భాష‌ల్లో తెరకెక్కిన ఈ ప్రాజెక్టులో విక్ర‌మ్‌, కార్తీ, జ‌యం ర‌వి, శ‌ర‌త్‌కుమార్‌, జ‌య‌రామ్‌, విక్ర‌మ్ ప్ర‌భు, పార్థీబన్‌, ప్ర‌కాశ్ రాజ్‌, అర‌వింద్ స్వామి, ఐశ్వ‌ర్యా రాయ్‌, త్రిష‌, శోభితా ధూళిపాళ, కీల‌క పాత్ర‌ల్లో న‌టిస్తున్నారు.

ఈ చిత్రాన్ని మ‌ద్రాస్ టాకీస్‌, లైకా ప్రొడ‌క్ష‌న్స్ బ్యాన‌ర్లు సంయుక్తంగా నిర్మిస్తున్నాయి. ఆస్కార్ అవార్డు గ్రహీత ఏఆర్ రెహ‌మాన్ సంగీతం అందించారు. ఇప్ప‌టికే విడుద‌లైన పాట‌ల‌కు అద్బుత‌మైన స్పంద‌న వచ్చింది.