సుధీర్ బాబు నటించిన తాజా చిత్రం హంట్ బాక్సాఫీస్ వద్ద తొలి రోజే పూర్తిగా క్రాష్ అయి ప్రపంచవ్యాప్తంగా కోటి కంటే తక్కువ షేర్ వసూలు చేసింది. ఇక అంతటి పరాజయం తర్వాత ఈ సినిమా థియేట్రికల్ రిలీజ్ అయిన రెండు వారాల్లోనే ఓటీటీలో రాబోతోంది. ఫిబ్రవరి 10 నుంచి అమెజాన్ ప్రైమ్ లో ఈ సినిమా స్ట్రీమింగ్ కానుంది.

నిజానికి కెరీర్ ఆరంభం నుంచి సుధీర్ బాబు వినూత్న కాన్సెప్ట్ లతో సినిమాలు చేస్తూ ఇండస్ట్రీలో మంచి ఇమేజ్ సంపాదించుకున్నారు. సమ్మోహనం, నన్ను దోచుకుందువటే వంటి చిత్రాల్లో ఆయన నటనకు ప్రేక్షకుల నుంచి ప్రశంసలు లభించాయి.

ఇటీవల మంచి అంచనాలతో విడుదలైన ‘హంట్’ సుధీర్ సినిమా విజయం పై పెట్టుకున్న ఆశలను నిజం చేయలేక పోయింది. రిపబ్లిక్ డే సందర్భంగా విడుదలైనా ఈ చిత్రం ప్రేక్షకుల దృష్టిని ఏమాత్రం ఆకర్షించలేకపోయింది.

పదేళ్ల క్రితం విడుదలైన మలయాళ చిత్రం ‘ముంబై పోలీస్’కు రీమేక్ గా ఈ చిత్రాన్ని రూపొందించారు. అయితే ఈ సినిమాను ముందు నుంచి రీమేక్ గా ప్రచారం చేయలేదు. అయితే ప్రోమోల ద్వారా అది స్పష్టమైపోవడంతో నెటిజన్లు ఇది ముంబై పోలీస్ రీమేక్ అని గుర్తించారు.

మహేష్ దర్శకత్వం వహించిన ఈ చిత్రంలో సుధీర్ బాబు పవర్ ఫుల్ పోలీస్ పాత్రలో నటించారు. శ్రీకాంత్, భరత్ కీలక పాత్రల్లో నటించారు. భవ్య క్రియేషన్స్ పతాకం పై వి.ఆనందప్రసాద్ ఈ చిత్రాన్ని నిర్మించారు.

ఆర్ఆర్ఆర్, కేజీఎఫ్ 2.. ఈ రెండు సినిమాలు గత ఏడాది బిగ్గెస్ట్ బ్లాక్ బస్టర్లుగా నిలిచి ప్రపంచవ్యాప్తంగా భారీ కలెక్షన్లు రాబట్టాయి. థియేట్రికల్ రన్ ముగిసే సమయానికి ఆర్ఆర్ఆర్ కంటే కేజీఎఫ్ 2కు కాస్త ఆధిక్యం లభించింది.

ఆర్ఆర్ఆర్ వరల్డ్ వైడ్ గ్రాస్ 1150 కోట్లు కాగా, కేజీఎఫ్ 2 1200 కోట్ల గ్రాస్ రాబట్టింది. ఈ రెండు సినిమాల మధ్య దాదాపు 50 కోట్ల వ్యత్యాసం ఉంది. ఆర్ ఆర్ ఆర్ జపాన్ లో విడుదలైన రోజుల్లోని ప్రారంభ దశలో, ఈ చిత్రం జపనీస్ బాక్సాఫీస్ వద్ద పెద్ద విజయం సాధిస్తుందని ఎవరూ ఊహించలేదు మరియు కొంతమంది ఆర్ ఆర్ ఆర్ ను జపాన్ లో విడుదల చేయడం సమయం వృధా అని కూడా వ్యాఖ్యానించారు.

అయితే జపాన్ లో సెన్సేషనల్ హిట్ గా నిలిచిన ఆర్ ఆర్ ఆర్ జపాన్ లో విడుదలైన భారతీయ చిత్రాల్లో నెంబర్ వన్ స్థానాన్ని దక్కించుకొని బాక్సాఫీస్ రికార్డులను తిరగరాసింది. తక్కువ వసూళ్లతో మొదలైన ఈ సినిమా ఆ తర్వాత స్ట్రాంగ్ గా కొనసాగింది. ఈ రాజమౌళి బ్లాక్ బస్టర్ ఇప్పుడు జపాన్ లో 45 కోట్ల గ్రాస్ వసూలు చేసింది.

ఫుల్ రన్ లో ఆర్ఆర్ఆర్ కంటే కేజీఎఫ్ 2 50 కోట్లకు పైగా ఆధిక్యం సాధించింది మరియు పైన చెప్పినట్టు ఆర్ ఆర్ ఆర్ జపాన్ లో విజయవంతంగా ప్రదర్శితమైంది, ఆస్కార్ కు నామినేట్ అయిన తరువాత ఈ చిత్రం చాలా బాగా ఆడుతోంది, ఆ తర్వాత నుంచి మరింతగా వసూళ్లు పెరిగాయి.

ఇప్పుడు ఆర్ఆర్ఆర్ జపాన్ గ్రాస్ 45 కోట్లు వద్ద ఉంది, ఫుల్ రన్ లో ఎంత లేదన్నా కనీసం మరో 15-20 కోట్లు చేస్తుంది, కాబట్టి ఆర్ ఆర్ ఆర్ చిత్రం కెజిఎఫ్ 2 కలెక్షన్లను సులభంగా దాటగలదు. ఆ పని చేస్తే దంగల్, బాహుబలి 2 తరువాత ఆల్ టైమ్ టాప్ 3 గ్రాసర్ గా మారుతుంది.

షారుఖ్ ఖాన్ నటించిన పఠాన్ చిత్రం బాక్సాఫీస్ వద్ద ఒకదాని తర్వాత మరొకటి రికార్డులు సృష్టిస్తోంది. ఇప్పటికే ఇండియన్ సినిమా హిస్టరీలోనే హయ్యెస్ట్ డే 1 కలెక్షన్స్ సాధించిన ఈ యాక్షన్ థ్రిల్లర్ రాబోయే రోజుల్లో పలు పాన్ ఇండియా హీరోల లైఫ్ టైమ్ కలెక్షన్స్ ను బద్దలు కొట్టే దిశగా దూసుకెళ్తోంది.

ఈ బ్లాక్ బస్టర్ తో ఘనమైన రీఎంట్రీ ఇచ్చిన షారుక్ ఖాన్ జనాలను థియేటర్లకు రప్పించి బాలీవుడ్ లో నడుస్తున్న డల్ స్టేజ్ కు తెరదించారనే చెప్పాలి. పఠాన్ విజయం పై బాలీవుడ్ బాద్షా మాట్లాడుతూ తన సహనటులు దీపికా పదుకొనె, జాన్ అబ్రహాం లపై ప్రశంసలు కురిపించారు మరియు ఈ చిత్రాన్ని ఇంత ఘన విజయం సాధించేలా చేసిన తన అభిమానులు మరియు సినీ ప్రేమికులకు తన ప్రేమను తెలియజేశారు.

ఈ సందర్భంగా పఠాన్ సినిమాని లక్ష్యంగా చేసుకున్న బాయ్ కాట్ ఉద్యమం పై అడిగిన ప్రశ్నకు కింగ్ ఖాన్ చాలా అనర్గళంగా మాట్లాడగా, ఆయన ఇచ్చిన సమాధానం పలువురిని విస్మయానికి గురిచేసింది.

మేము ఒకరినొకరు ప్రేమిస్తాము, ఒకరి పై ఒకరు జోక్ చేసుకుంటాము. మేము ఒకరితో ఒకరు సరదాగా ఉంటాము. సరదా, వినోదాన్ని అక్కడే వదిలేయాలి. దీన్ని మరింత సీరియస్ గా తీసుకోవద్దు. మనమంతా ఒక్కటే. మేమందరం ఒకరినొకరం ప్రేమించుకుంటున్నాం, ఆ ప్రేమను చాలా సింపుల్ గా చెప్పే ప్రయత్నం చేస్తున్నాం… ఈమె దీపికా పదుకొనె, ఆమె అమర్. నా పేరు షారుఖ్ ఖాన్, నేను అక్బర్, ఇతను జాన్, అతను ఆంథోనీ. అదే సినిమాని తయారు చేస్తుంది అని ఆయన అన్నారు.

ఆయన తన మాటల్లో బాలీవుడ్ క్లాసిక్ బ్లాక్ బస్టర్ ‘అమర్ అక్బర్ ఆంటోని’ను ఉదాహరణగా తీసుకున్నారు. ఆ చిత్రంలో కథానాయకులు అన్నదమ్ములైనా.. పరిస్థితుల వల్ల ఆ మూడు పాత్రలు మూడు మతాలకు ప్రాతినిధ్యం వహించాల్సి వస్తుంది. మనలో ఎవరికీ, ఏ సంస్కృతికి, జీవితంలోని ఏ అంశానికి తేడాలు ఉండవు. మేం మిమ్మల్ని ప్రేమిస్తున్నాం, అందుకే సినిమాలు చేస్తున్నామని షారుక్ పేర్కొన్నారు.