తెలుగు చలన చిత్ర పరిశ్రమ ఎప్పుడూ కొత్త టాలెంట్ గురించి ఆరా తీస్తుంటుంది, ముఖ్యంగా నిర్మాతలు మరియు హీరోలు అప్ కమింగ్ లేదా యంగ్ డైరెక్టర్లను గమనించడానికి ఆసక్తి చూపుతారు. తన మొదటి సినిమా విడుదలకు ముందే ఇప్పుడు అలా పరిశ్రమలో లైమ్ లైట్ లో ఉన్నారు దర్శకుడు శ్రీకాంత్ ఓదెల.

నేచురల్ స్టార్ నాని తన తదుపరి చిత్రం దసరాతో శ్రీకాంత్ ఓదెలను దర్శకుడిగా పరిచయం చేసిన సంగతి తెలిసిందే. కాగా ఈ సినిమా విడుదలకు ముందే శ్రీకాంత్ ఓదెల చాలా సామర్థ్యం గల వాడని.. అంతే కాకుండా ఆయన వద్ద అద్భుతమైన కథలు కూడా ఉన్నాయని నిర్మాతలు నేరుగా ఇతర హీరోలకు తెలియజేస్తున్నారని సమాచారం.

ఇప్పటికే మెగాస్టార్ చిరంజీవి, మాస్ మహారాజా రవితేజతో పాటు ఇతర హీరోలు శ్రీకాంత్ సంప్రదించినట్లు కూడా తెలుస్తోంది. అందరూ ఊహించినట్టుగా దసరా ఘనవిజయం సాధిస్తే తెలుగు చిత్ర పరిశ్రమలో స్టార్ డైరెక్టర్లకు చాలా కొరత ఉంది కాబట్టి ఈ దర్శకుడు ఖచ్చితంగా స్టార్ డైరెక్టర్స్ లీగ్ లో చేరిపోతారు అని అంటున్నారు.

ఇక దసరా టీజర్ విడుదల సందర్భంగా నాని కూడా దర్శకుడిని ఆకాశానికి ఎత్తేశారు. అయితే శ్రీకాంత్ ఓదెల మీద ఉన్న హైప్ అంతా నిజమో కాదో తెలియాలంటే మరికొన్ని రోజులు ఆగాల్సిందే.

హీరో నాని కెరీర్ లోనే బిగ్గెస్ట్ బడ్జెట్ ప్రాజెక్ట్ గా దసరా సినిమా తెరకెక్కింది. సినిమాకి 65 కోట్లకు పైగా ఖర్చు అవగా, నిర్మాత థియేట్రికల్, నాన్ థియేట్రికల్ బిజినెస్ ద్వారా మొత్తం మొత్తాన్ని రికవరీ చేసి దాదాపు 10 కోట్ల లాభాలు ఆర్జించారని అంటున్నారు.

శ్రీకాంత్ ఓదెల దర్శకత్వం వహించిన ఈ చిత్రంలో నాని, కీర్తి సురేష్, దీక్షిత్ శెట్టి, సముద్రఖని, జరీనా వహాబ్, సాయి కుమార్, షిన్ టామ్ చాకో, రాజశేఖర్ అనింగి తదితరులు నటించారు. తెలుగు, తమిళం, హిందీ, కన్నడ , మలయాళ భాష ల్లో మార్చి 30న ఈ చిత్రాన్ని విడుదల చేయడానికి సన్నాహాలు చేస్తున్నారు. తెలంగాణలోని రామగుండం గోదావరిఖని సమీపంలోని సింగరేణి బొగ్గు గనుల నేపథ్యంలో ఈ సినిమా రూపొందింది

షారుఖ్ ఖాన్ పఠాన్ సినిమా బాక్సాఫీస్ వద్ద రికార్డుల వర్షం కురిపిస్తుంది. బెస్ట్ డే 1 ఫిగర్ మరియు అసాధారణమైన ఓపెనింగ్ వీకెండ్ మరియు తరువాత సాధారణ వారం రోజుల్లో కూడా మంచి వసూళ్లను నమోదు చేసిన పఠాన్ ఇప్పుడు చాలా మంది ఊహించని విధంగా ప్రదర్శింపబడుతుంది.

కాగా ఈ యాక్షన్ థ్రిల్లర్ ఇప్పుడు భారతదేశంలో రూ .400 కోట్ల నెట్ క్లబ్ లో చేరిన మొదటి బాలీవుడ్ చిత్రంగా నిలిచి చరిత్ర సృష్టించింది. ఇంతకు ముందు బాలీవుడ్ సినిమాల్లో భారత దేశంలో అత్యధిక కలెక్షన్లు వసూలు చేసిన దంగల్ ను దాటేసి అనూహ్యంగా రెండు వారాల్లోపే ఈ ఘనతను పఠాన్ సినిమా సాధించింది.

టాలీవుడ్ నుండి బాహుబలి 2, శాండల్ వుడ్ నుండి కెజిఎఫ్ 2 ఈ మార్కును సాధించాయి మరియు మొత్తం మీద పఠాన్ ఇప్పుడు టాప్ 3 స్థానంలో నిలిచింది. మరో 3-4 రోజుల్లో కేజీఎఫ్ 2 నెట్ ను కూడా క్రాస్ చేసి ఆ పై బాహుబలి 2ను ఫుల్ రన్ లో వెంబడించి జాబితాలో రెండో స్థానంలో నిలుస్తుంది.

సిద్ధార్థ్ ఆనంద్ దర్శకత్వం వహించిన ఈ యాక్షన్ థ్రిల్లర్ పఠాన్ ఇప్పుడు ప్రపంచ వ్యాప్తంగా బాక్సాఫీస్ వద్ద 1000 కోట్ల క్లబ్ లో చేరే అంచున ఉంది. పఠాన్ 2023 గణతంత్ర దినోత్సవానికి ఒక రోజు ముందు అంటే జనవరి 25 న హిందీ, తమిళం మరియు తెలుగు భాషలలో విడుదలైంది. దీపికా పదుకొనె, జాన్ అబ్రహం ప్రధాన పాత్రలు పోషించిన ఈ చిత్రాన్ని యశ్ రాజ్ ఫిల్మ్స్ సంస్థ భారీ స్థాయిలో నిర్మించింది. విడుదలకు ముందే అదిరిపోయే అడ్వాన్స్ బుకింగ్స్ తో రికార్డులు బద్దలు కొట్టిన ఈ చిత్రం ఇప్పుడు అదే జోరును కొనసాగిస్తోంది.

ఈ బ్లాక్ బస్టర్ తో షారుఖ్ ఖాన్ మళ్లీ స్టార్ హీరోగా గుర్తింపు తెచ్చుకున్నారు. అంతే కాకుండా ఈ సినిమా ద్వారా ప్రేక్షకులని థియేటర్లకు రప్పించి బాలీవుడ్ డల్ స్టేజ్ కు ముగింపు పలికారని చెప్పక తప్పదు.