తాజా సమాచారం ప్రకారం తమిళ దర్శకుడు వెట్రిమారన్ జూనియర్ ఎన్టీఆర్, ధనుష్ లతో సినిమా చేయబోతున్నారని తెలుస్తోంది. రెండు భాగాలుగా తెరకెక్కనున్న ఈ సినిమాలో ఎన్టీఆర్ ఒక భాగంలో నటిస్తుండగా, ధనుష్ మరో భాగంలో నటించనున్నట్లు సమాచారం. మైత్రీ మూవీ మేకర్స్ ఈ చిత్రాన్ని నిర్మించనుంది.

వెట్రిమారన్ ప్రస్తుతం సూర్య హీరోగా వాడివసల్ సినిమా చేస్తున్నారు. ఈ సినిమా పూర్తయిన తర్వాత తారక్, ధనుష్ లతో చేసే ప్రాజెక్ట్ స్టార్ట్ అవుతుంది. ఎన్టీఆర్, ధనుష్ లతో చేస్తున్న ఈ ప్రాజెక్ట్ నిజంగా కార్యరూపం దాలిస్తే నిజంగా ఉత్కంఠభరితంగా ఉంటుంది. 5 సార్లు నేషనల్ అవార్డ్ విన్నింగ్ డైరెక్టర్ అయిన వెట్రిమారన్ సహజత్వంతో పాటు బలమైన కథలు, పాత్రలు మరియు స్క్రీన్ ప్లేకు ప్రసిద్ది చెందారు.

కాగా హీరో ధనుష్ తో ఆయనకు మంచి ట్రాక్ రికార్డ్ ఉంది. ధనుష్ హీరోగా వెట్రిమారన్ దర్శకత్వంలో వడ చెన్నై, అసురన్ వంటి బ్లాక్ బస్టర్స్ తో పాటు 4 సినిమాల్లో నటించారు. ఈ దర్శకుడితో ఎన్టీఆర్ చేస్తున్న సినిమా నిజంగానే తన నటనా చాతుర్యానికి నిదర్శనంగా నిలుస్తుంది అనడంలో ఎలాంటి సందేహం లేదు.

ప్రస్తుతం తారక్ కొరటాల శివ దర్శకత్వంలో ఎన్టీఆర్ 30 సినిమాలో నటిస్తున్నారు. ఈ సినిమా ఇంకా పట్టాలెక్కకపోయినా ఈ ప్రాజెక్ట్ పై అందరిలోనూ భారీ అంచనాలు నెలకొన్నాయి. 2024లో ఎప్రిల్ లో ఎన్టీఆర్ 30 విడుదల కానుంది.

గత కొన్ని రోజులుగా తన వ్యాఖ్యల కారణంగా వార్తల్లో ఉంటున్న హీరో నంద‌మూరి బాల‌కృష్ణ ఇప్పుడు మ‌రో వివాదంలో చిక్కుకున్నారు. ఈ మ‌ధ్య బాల‌కృష్ణ మాట్లాడుతున్న మాట‌లు వివాదాల‌కు దారి తీస్తున్నాయి. తాజాగా న‌ర్సుల సంఘం బాల‌కృష్ణ మాటతీరుని త‌ప్పు పట్టింది.

అసలు జరిగింది ఏమిటంటే .. ఇటీవ‌ల బాల‌కృష్ణ హోస్ట్‌గా వ్య‌వ‌హ‌రిస్తోన్న టాక్ షో అన్‌స్టాప‌బుల్ కు పవర్ స్టార్ పవన్ కళ్యాణ్ ముఖ్య అతిథిగా హాజరయ్యారు. ఈ కార్యక్రమంలో నర్సుల‌పై బాల‌కృష్ణ అనుచిత వ్యాఖ్య‌లు చేశార‌ని, ఆ వ్యాఖ్య‌ల‌ను వెన‌క్కి తీసుకోవాల‌ని ఆంధ్ర ప్ర‌దేశ్ న‌ర్సింగ్ సంక్షేమ సంఘం రాష్ట్ర అధ్య‌క్షుడు స్వ‌చ్చంద ప్ర‌సాద్ తెలిపారు. ఇదే సంద‌ర్భంలో బాల‌కృష్ణ బ‌హిరంగ క్ష‌మాప‌ణ‌లు చెప్పాలంటూ ఆయ‌న డిమాండ్ కూడా చేశారు.

అన్‌స్టాప‌బుల్ సీజ‌న్‌లో ప్ర‌సారమైన ప‌వ‌న్ క‌ళ్యాణ్ ఎపిసోడ్‌లో త‌నకు యాక్సిడెంట్ జ‌రిగిన విష‌యం గురించి బాల‌కృష్ణ‌.. ప‌వ‌న్ క‌ళ్యాణ్‌కి వివ‌రిస్తున్న సందర్భంలో న‌ర్సు ప్ర‌స్తావ‌న వ‌చ్చింది. ఆ సందర్భంగా బాల‌కృష్ణ మాట్లాడిన మాట‌లు అభ్యంత‌ర‌క‌రంగా ఉన్నాయ‌ని న‌ర్సుల సంఘం అభ్యంతరం వ్యక్తం చేశారు.

తనకు ట్రీట్‌మెంట్ ఇచ్చిన నర్సు పై ఇలాంటి వ్యాఖ్య‌లు చేయ‌టం ఎంత వ‌ర‌కు స‌బ‌బు అని వారు ప్ర‌శ్నిస్తున్నారు. బాలకృష్ణ గనక బ‌హిరంగ క్ష‌మాప‌ణ చెప్ప‌క‌పోతే ప‌రిణామాలు తీవ్రంగా ఉంటాయని వారు హెచ్చరించారు.

ఈ మ‌ధ్య కాలంలో బాల‌కృష్ణ మాట్లాడుతున్న మాట‌లు వివాదాలకు దారి తీస్తున్నాయి. కొన్ని రోజుల ముందు దేవ బ్రాహ్మణుల విషయంలోనూ ఆయన మాట్లాడిన మాటలు వివాదాస్పదం అయ్యాయి. తర్వాత అక్కినేని నాగేశ్వరరావు గారి గురించి ఆయన మాట్లాడిన మాటల విషయంలోనూ బాల‌కృష్ణ పై అక్కినేని అభిమానులు ఆగ్రహం వ్య‌క్తం చేశారు. ఇప్పుడు న‌ర్సుల పై బాల‌య్య వ్యాఖ్యలతో మరో దుమారం చెలరేగింది.

అఖిల్ అక్కినేని ‘ఏజెంట్’ విడుదల తేదీ విషయంలో ఎన్నో వాయిదాలు పడుతూ ఎట్టకేలకు ఈ వేసవి 2023 ఏప్రిల్ 28న విడుదల కానుంది. భారీ బడ్జెట్ తో తెరకెక్కిన ఏజెంట్ చిత్రం అఖిల్ లుక్ తో పాటు సురేందర్ రెడ్డి బ్రాండ్ తో ప్రేక్షకులలో కొంత క్యూరియాసిటీ క్రియేట్ చేసింది. అయితే సినిమాకు కొన్ని పాజిటివ్స్ వస్తున్నప్పటికీ ప్రమోషనల్ కంటెంట్ మాత్రం అందుకు విరుద్ధంగా పని చేస్తున్నట్లు కనిపిస్తోంది.

నిజానికి ఏ సినిమాకి అయినా సరేనిర్మాతలు ప్రమోషనల్ కంటెంట్ విషయంలో చాలా జాగ్రత్తగా ఉండాలి, ఎందుకంటే ఆ కంటెంట్ ఎల్లప్పుడూ అంచనాలను పెంచేలా ఉండాలి మరియు బజ్ ను చంపకుండా ఉండాలి. కానీ అఖిల్ ఎజెంట్ విషయంలో అలా జరగడం లేదు.

ఈ చిత్రానికి ఇటీవలే విడుదల తేదీని ఖరారు చేస్తూ వచ్చిన టీజర్ ఎవరినీ ఆకట్టుకోలేదు సరి కదా.. అక్కినేని అభిమానులకు కూడా నచ్చడం లేదు. ఈ సినిమా రెగ్యులర్ రన్ ఆఫ్ ది మిల్ కమర్షియల్ ఎంటర్టైనర్ కాదు కాబట్టి చిత్ర బృందం చాలా ఆసక్తికరమైన ప్రమోషనల్ కంటెంట్ తో ప్రేక్షకుల ముందుకు రావాలి.

ఏకే ఎంటర్టైన్మెంట్, సురేందర్ 2 సినిమా సంయుక్తంగా ఈ ప్రతిష్టాత్మక పాన్ ఇండియా చిత్రాన్ని నిర్మిస్తున్నాయి. మేకర్స్ ఏమాత్రం ఖర్చుకి వెనుకాడకుండా యాక్షన్ సీక్వెన్స్ ల కోసం భారీగా ఖర్చు పెడుతున్నారు. తన గత చిత్రం మోస్ట్ ఎలిజిబుల్ బ్యాచ్లర్ యావరేజ్ పర్ఫార్మెన్స్ తర్వాత అఖిల్ ఈ ప్రాజెక్ట్ పై భారీ ఆశలు పెట్టుకున్నారు.

కాగా ఈ చిత్రంలో మలయాళ స్టార్ మమ్ముట్టి కీలక పాత్రలో నటిస్తున్నారు. ఈ సినిమాలో మమ్ముట్టి పాత్ర అఖిల్ అక్కినేని ఏజెంట్ కి గురువుగా ఉంటుంది అని సమాచారం. సురేందర్ రెడ్డి స్టైలిష్ టేకింగ్ సినిమాకు మేజర్ హైలైట్ గా నిలవనుంది.

అల్లు అర్జున్ – సుకుమార్ ల పుష్ప 2 సినిమా సెట్స్ పైకి వెళ్లకముందే భారీ హైప్ తెచ్చుకుంది. హిందీ మార్కెట్ లో పుష్ప మొదటి భాగం ఘనవిజయం సాధించిన సంగతి తెలిసిందే. ఆ రకంగా సుకుమార్ తెరకెక్కించిన పుష్ప సినిమా హిందీలో మంచి విజయాన్ని అందుకోవడంతో పాటు హిందీ మార్కెట్ నుంచి నమ్మశక్యం కాని వసూళ్లను రాబట్టింది. ఈ సినిమా అల్లు అర్జున్ కు ఉత్తరాది మార్కెట్ లో భారీ స్టార్ డమ్ ను కూడా తెచ్చిపెట్టింది.

అందుకే తెలుగుతో సహా మరే ఇతర భాష కంటే హిందీలోనే పుష్ప 2 ఎక్కువ బజ్ క్రియేట్ చేస్తోంది. దీనికి తోడు మార్కెట్ పరంగా హిందీకి ఎక్కువ అవకాశాలు ఉన్నాయి. అందువల్లే ప్రతి సన్నివేశానికి సుకుమార్ పలుమార్లు జాగ్రత్త వహిస్తున్నారని , ఇది ఉత్తరాది ప్రేక్షకులను ఆకర్షిస్తుందా లేదా అనే అంశం గురించి ఎక్కువగా ఆలోచిస్తున్నారని అంటున్నారు. పుష్ప-2కు హిందీ బెల్ట్ ల నుంచి అనూహ్యమైన వసూళ్లు వస్తాయని చిత్ర బృందం అంచనా వేస్తోంది.

సుకుమార్ ఈ ప్రాజెక్టును పూర్తి చేయడానికి ఎటువంటి తొందరపడటం లేదని, ప్రతి విషయంలో సంతృప్తి చెందిన తర్వాతనే షాట్స్ ఓకే చేయాలనుకుంటున్నారని అంటున్నారు. అందుకే ఈ సినిమాను తనదైన వేగంతో సెట్స్ పైకి తీసుకెళ్లాలని నిర్ణయించుకున్నారట. ఇక సినిమా కథ విషయానికి వస్తే టైటిల్ కు తగ్గట్టుగానే పుష్ప అధిరోహణను మరింత ఎత్తుకు తీసుకెళ్లే ఈ సినిమాలో ఫహద్ ఫాజిల్, అల్లు అర్జున్ ల పాత్రలు మరో స్థాయిలో తలపడతాయి అని అంటున్నారు.

రష్మిక మందన్న, ఫహద్ ఫాజిల్ తాము మొదటి భాగంలో పోషించిన పాత్రల్లోనే పుష్ప ది రూల్ లో కనిపిస్తారు. మైత్రీ మూవీస్ భారీ స్థాయిలో నిర్మిస్తున్న ఈ చిత్రానికి దేవీ శ్రీ ప్రసాద్ సంగీతం అందిస్తున్నారు.