తెలుగు చిత్ర పరిశ్రమ ఇటీవలి కాలంలో అనేక ల్యాండ్ మార్క్ పాన్ ఇండియా ప్రాజెక్టులను అందించింది మరియు ఇంకా అలాంటి భారీ ప్రాజెక్టుల రూపంలో మరిన్ని సినిమాలు రానున్నాయి. బాహుబలి ఫ్రాంచైజీ తన విజయంతో టాలీవుడ్ లో గ్రాండియర్ పరంగా, భారీ రిలీజ్ ల పరంగా ఒక బెంచ్ మార్క్ సెట్ చేసింది.

అయితే బాహుబలికి నిజంగానే భారీ బడ్జెట్ అవసరమయింది. కాగా విడుదలైన తర్వాత ప్రపంచవ్యాప్తంగా భారీ కలెక్షన్ల పరంగా ఆ సినిమా ఎంతటి ఫలితాన్ని ఇచ్చిందో ప్రత్యేకంగా చెప్పనక్కర్లేదు. అయితే పులిని చూసి నక్క వాతలు పెట్టుకున్నట్లు ఆ ఒక్క సినిమా వల్ల ప్రతీ సినిమాకు అవసరం ఉన్నా లేకపోయినా భారీతనం జోడించడం అలవాటు అయిపొయింది.

గత కొన్ని సంవత్సరాలుగా తెలుగు సినిమాల్లో భారీ బడ్జెట్ తో తెరకెక్కిన ఆర్ఆర్ఆర్, రాధేశ్యామ్, సాహో, సైరా నరసింహారెడ్డి, పుష్ప వంటి సినిమాలు ప్రేక్షకుల ముందుకు వచ్చాయి. అందులో కొన్ని సినిమాలు చక్కని విజయాలు సాధించగా.. మరికొన్ని అనుకున్న స్థాయిలో తమ ప్రభావం చూపలేకపోయాయి.

ఇండస్ట్రీలో సక్సెస్ రేషియో చాలా తక్కువగా ఉంటుంది. ఈ మధ్య కాలంలో చాలా వరకు టైర్ 2 హీరోలు బాక్సాఫీస్ వద్ద ఫెయిల్ అయ్యారు. అగ్ర హీరోల సినిమాలు కూడా ఇబ్బంది పడ్డాయి కానీ నిర్మాతలు నట్టం బడ్జెట్ విషయంలో రాజీ పడటం లేదు. మీడియం బడ్జెట్ సినిమాలు కూడా నాన్ థియేట్రికల్ రైట్స్ 40 కోట్లకు పైగా బిజినెస్ చేయడమే ఇందుకు ప్రధాన కారణం.

తెలుగు ఇండస్ట్రీలో 60 కోట్ల నుంచి 70 కోట్ల ఖర్చు అనేది ఇప్పుడు మీడియం బడ్జెట్ సినిమాకు సర్వ సాధారణంగా మారిపోయింది. ఇక అగ్ర హీరోల సినిమాలకు మినిమమ్ బడ్జెట్ 200 కోట్లు కాబట్టి హీరోలే దాదాపు 100 కోట్ల రెమ్యూనరేషన్ తీసుకుంటున్నారు. మొత్తంగా రోజురోజుకూ బడ్జెట్లు పెరుగుతున్నా సక్సెస్ రేట్ ఇంకా తక్కువగానే ఉండటంతో నిర్మాతలు ఇరకాటంలో పడ్డారు.

షారుఖ్ ఖాన్ పఠాన్ చిత్రం రోజురోజుకూ ఒకదాని తర్వాత మరో మైలురాయిని అందుకుంటూ బాక్సాఫీస్ వద్ద సంచలనం సృష్టిస్తూనే ఉంది. దీపికా పదుకొనె, జాన్ అబ్రహం ముఖ్య పాత్రల్లో నటించిన ఈ యాక్షన్ ఎంటర్టైనర్ ఇప్పటికే విడుదలైన అన్ని ఏరియాలలో రికార్డ్ కలెక్షన్లను నమోదు చేయడంతో పాటు బిగ్గెస్ట్ ఓపెనింగ్ డే, ఓపెనింగ్ వీకెండ్ కలెక్షన్లను సాధించింది.

ఇప్పుడు ఈ చిత్రం తన విజయగాథకు మరో మైలురాయిని జొడించింది. షారుఖ్ ఖాన్ నటించిన పఠాన్ ఇప్పుడు బాహుబలి 2 ను అధిగమించి ఆస్ట్రేలియాలో అత్యధిక వసూళ్లు సాధించిన భారతీయ చిత్రంగా నిలిచింది. షారూఖ్ ఖాన్ ఓవర్సీస్ లో ఎంత పెద్ద స్టార్ అనేది ఈ విషయంతో మరోసారి రుజువైంది.

రాజమౌళి తెరకెక్కించిన బాహుబలి 2 సినిమా ఆస్ట్రేలియాలో 4.5 మిలియన్ ఆస్ట్రేలియన్ డాలర్లు వసూలు చేసి ఇప్పటి వరకూ భారతీయ సినిమాల్లో అత్యధిక కలెక్షన్లు వసూలు చేసిన సినిమాగా రికార్డు సృష్టించింది. పఠాన్ ఈ మార్కును అధిగమించి ప్రస్తుతం 4,512,563 డాలర్ల వద్ద ఉంది.

ఆస్ట్రేలియాలో టాప్ 5 గ్రాసర్ల లిస్ట్ ఇదే..

• పఠాన్: 4.512 మిలియన్ డాలర్లు
• బాహుబలి 2: 4.50 మిలియన్ డాలర్లు
• ఆర్ఆర్ఆర్ : 3.6 మిలియన్ డాలర్లు
• కేజీఎఫ్ చాప్టర్ 2: 3.45 మిలియన్ డాలర్లు
• పద్మావత్: 3.16 మిలియన్ డాలర్లు

వచ్చే వారాంతంలో మహాశివరాత్రి కావడంతో ఈ సిద్ధార్థ్ ఆనంద్ ప్రాజెక్టుకు పండగ అడ్వాంటేజ్ కూడా ఉంటుంది. ఆ లాభంతోనే పఠాన్ సినిమా త్వరలోనే ప్రపంచ వ్యాప్తంగా 1000 కోట్ల గ్రాస్ మార్క్ అందుకునే దిశగా దూసుకెళ్తుంది. ఈ బ్లాక్ బస్టర్ తో షారుఖ్ ఖాన్ అద్భుతమైన పునరాగమనం చేసి ప్రేక్షకులను థియేటర్లకు రప్పించి బాలీవుడ్ డల్ స్టేజ్ కు ముగింపు పలికారు.

సల్మాన్ ఖాన్, పూజా హెగ్డే జంటగా నటించిన ‘కిసీ కా భాయ్ కిసీ కీ జాన్’ చిత్రంలోని ‘నైయో లగ్దా’ పాటను చిత్ర బృందం ఇటీవల విడుదల చేసింది. అయితే ఈ పాటను చూసిన తర్వాత సోషల్ మీడియాలో అటు సల్మాన్ ఖాన్ అభిమానులతో పాటు ఇతర నెటిజన్లకు కూడా ఈ పాట నచ్చకపోవడంతో ఈ పాటలో సల్మాన్ ఖాన్ డాన్స్ పై అనేక మీమ్స్, ట్రోల్స్ చేస్తున్నారు.

నిజానికి ఈ పాటలో సల్మాన్ ఖాన్ వేసిన స్టెప్స్ అసలు డాన్స్ లాంటిది కాదని, కొన్ని ఎక్సర్ సైజ్ మూమెంట్స్ కాగా ఉన్నాయని చాలా మంది ట్రోల్ చేస్తున్నారు. రెజ్లింగ్ నేపథ్యంలో అమీర్ ఖాన్ నటించిన దంగల్ (2016) చిత్రానికి ఈ పాటలోని స్టెప్పులు సరిగ్గా సరిపోతాయని కూడా కొందరు ట్రోల్ చేశారు.

‘నైయో లగ్డా సాంగ్ లో సల్మాన్ సాగదీత తరహా స్టెప్ వేయడం ‘లెగ్ వర్కవుట్’లా కనిపిస్తోందని ఓ వర్గం ఆన్ లైన్ యూజర్లు అంటున్నారు. పొడవాటి గోధుమ రంగు జుట్టు, సన్ గ్లాసెస్ లతో తన ప్రత్యేకమైన అవతారాన్ని ప్రదర్శిస్తూ సుందరమైన లడఖ్ లో సల్మాన్ ఈ పాటలో డ్యాన్స్ చేయడం మనం చూడవచ్చు. కాగా పాటలో బ్లూ జీన్స్, బ్రౌన్ టీషర్ట్ ధరించి మ్యాచింగ్ వేస్ట్ ధరించారు సల్మాన్.

‘కిసీ కా భాయ్ కిసీ కి జాన్’ చిత్రంలో సల్మాన్ ఖాన్, పూజా హెగ్డే జంటగా నటించిన రొమాంటిక్ సాంగ్ ‘నైయో లగ్దా’. ఈ పాటను కమల్ ఖాన్, పాలక్ ముచ్చల్ పాడగా, హిమేష్ రేషమియా స్వరాలు సమకూర్చారు. ఆదివారం జరిగిన బిగ్ బాస్ 16 ఫినాలే సందర్భంగా ఈ పాటను విడుదల చేశారు.

కిసీ కా భాయ్ కిసీ కి జాన్ చిత్రంలో సల్మాన్ ఖాన్ ప్రధాన పాత్రలో నటిస్తుండగా.. వెంకటేష్ దగ్గుబాటి, పూజా హెగ్డే, షెహనాజ్ గిల్, భాగ్యశ్రీ, భూమిక చావ్లా తదితరులు ఇతర ముఖ్య పాత్రల్లో నటించారు. ఇందులో రామ్ చరణ్ అతిథి పాత్రలో కనిపించనున్నట్లు సమాచారం. ఈ చిత్రానికి దర్శకత్వం వహిస్తున్న ఫర్హాద్ సామ్జీ గతంలో బచ్చన్ పాండే, హౌస్ఫుల్ 4 చిత్రాలకు దర్శకత్వం వహించారు.

ధనుష్ హీరోగా నటించిన తాజా చిత్రం సార్ (వాతి) చిత్ర యూనిట్ తమ సినిమా పై చాలా నమ్మకంగా ఉన్నట్లు తెలుస్తోంది. ఇటీవలే ఇండస్ట్రీ వర్గాల కోసం ఏర్పాటు చేసిన స్పెషల్ షో నుండి సినిమాకి అద్భుతమైన స్పందన వచ్చిందని అంటున్నారు. కాగా ఈ చిత్రానికి రేపు రాత్రి పెయిడ్ ప్రీమియర్స్ వేయడానికి సన్నాహాలు చేస్తున్నారట.

ఒకవేళ ఈ ప్లాన్ గనక అనుకున్నట్టు విజయం సాధిస్తే ఈ సినిమాకు మంచి ఓపెనింగ్స్ రావడానికి ఆ ప్రీమియర్ టాక్ ఉపయోగపడుతుంది అనడంలో ఎలాంటి సందేహం లేదు. ఈ రోజు సాయంత్రం లోగా దీనికి సంభందించిన అధికారిక ప్రకటన వచ్చే అవకాశం ఉంది.

తమిళ స్టార్ హీరో ధనుష్ తన తదుపరి చిత్రం వాతి/సార్ పై ఆయనతో పాటు అభిమానులు కూడా భారీ ఆశలు పెట్టుకున్నారు. ఈ ఏడాది ప్రేక్షకులు ఎంతో ఆసక్తిగా ఎదురు చూస్తున్న సినిమాల్లో ఒకటైన ఈ సినిమా 2023 ఫిబ్రవరి 17న థియేటర్లలో విడుదల కానుంది. ఈ సినిమా ప్రేక్షకుల ముందుకు రావడానికి ఇంకా మూడు రోజుల సమయం ఉంది. పైన చెప్పినట్టుగా సినిమాకి ఇండస్ట్రీ వర్గాల నుంచి పాజిటివ్ రివ్యూలు వినబడుతున్నాయి.

వాతి/సార్ లో ధనుష్ ప్రభుత్వ పాఠశాలలో టీచర్ అయిన బాలా పాత్రలో కనిపిస్తారు. బాలా మరియు అతని సహోద్యోగి మీనాక్షి (సంయుక్త) మధ్య రొమాన్స్ కూడా ఈ చిత్రంలో ముఖ్యమైన భాగంగా ఉంటుందని ట్రైలర్ సూచించింది. విలన్ పాత్రలో విద్యను వ్యాపారంగా చూసే సముద్రఖని కనిపించనున్నారు. స్కూల్ ఎడ్యుకేషన్ నేపథ్యంలో తెరకెక్కుతున్న ఈ సినిమాలో ఓ ముఖ్యమైన సమస్యను ప్రస్తావించనున్నట్లు సమాచారం.

ధనుష్ తో పాటు తెలుగులో బింబిసార, భీమ్లా నాయక్, మలయాళంలో కడువా వంటి విజయవంతమైన చిత్రాల్లో నటించిన సంయుక్త కూడా ఈ సినిమాలో నటించారు. సముద్రఖని, తనికెళ్ల భరణి, పి.సాయికుమార్ కీలక పాత్రలు పోషిస్తున్నారు. జీవీ ప్రకాశ్ సంగీతం అందిస్తున్నారు.

తొలిప్రేమ, మిస్టర్ మజ్ను చిత్రాల ఫేమ్ వెంకీ అట్లూరి ఈ చిత్రానికి దర్శకత్వం వహిస్తున్నారు. ధనుష్ సరసన సంయుక్తా మీనన్ హీరోయిన్ గా నటిస్తుండగా.. ఈ సినిమాలో తనకు ఓ ముఖ్యమైన పాత్ర దక్కిందని ఆవిడ తెలిపారు. ఫిబ్రవరి 16, 2023న జరగబోయే సార్/వాతి ప్రీమియర్ షోలలో సినిమాకు పాజిటివ్ గా టాక్ రావాలని కోరుకుందాం.

నేచురల్ స్టార్ నాని తెలిసో తెలియకో తరచూ ఓకే తప్పును పునరావృతం చేస్తున్నారు. నాని నటించిన తాజా చిత్రం దసరాకు విడుదలకు సిద్ధం కాగా ప్రస్తుతం ఆ సినిమా ప్రచార కార్యక్రమాల్లో బిజీగా ఉన్నారు. సాధారణంగా తెలుగు చిత్ర పరిశ్రమలో విభిన్నమైన కథలను ఎంచుకోవడం, కొత్త దర్శకులను ప్రోత్సహించడంలో ఆయన దిట్ట. తన సినిమాల పట్ల చాలా పాజిటివ్ గా ఉండే నాని సాధారణంగా ప్రచార కార్యక్రమాల్లో ఆ సినిమాల గురించి కాస్త ఎక్కువగా మాట్లాడతారు.

ఇటీవల వచ్చిన శ్యామ్ సింఘా రాయ్, అంటే సుందరానికీ వంటి సినిమాలు విడుదలకు ముందే అతివిశ్వాసంతో కనిపించి అవి సూపర్ హిట్ అవుతాయని ధీమా వ్యక్తం చేశారు. అయితే ఈ రెండు సినిమాల ఫలితాలు ఆయనని నిరాశ పరిచాయి అనే చెప్పాలి.

శ్యామ్ సింఘా రాయ్ కనీసం విజయవంతమైన చిత్రంగా నిలిచింది. కానీ అది కేవలం బ్రేక్ ఈవెన్ మార్క్ ను అందుకుంది. ఇక నాని విడుదల చేసిన చివరి చిత్రం అంటే సుందరానికీ ఘోరంగా విఫలమైంది. సోషల్ మీడియాలో కూడా నాని విడుదలకు ముందు చాలా మాట్లాడారని, కానీ సినిమాలో చెప్పుకోదగ్గ అంశాలు లేవని నెటిజన్లు నాని చేసిన కామెంట్స్ పై ట్రోల్ చేస్తున్నారు.

అంటే సుందరానికీ సినిమాకి వచ్చిన స్పందన,ముఖ్యంగా బాక్సాఫీస్ పర్ఫామెన్స్ చూసి నాని మరింత నిరాశకు గురయ్యారు. అయితే ఇప్పుడు తన తాజా చిత్రం దసరాకు కూడా ఆయన అదే తప్పు చేస్తున్నారు. ఇప్పటికే సినిమా ఘనవిజయం సాధించిందని, ఆల్ ది బెస్ట్ అవసరం లేదని, ప్రేక్షకులు తనను అభినందించవచ్చని భరోసా ఇస్తున్నారు. ఈసారి దసరా సినిమాతో బాక్సాఫీస్ వద్ద కూడా ఆయన నమ్మకం నిజం అవుతుందని ఆశిస్తున్నాం.

కాగా ఇటీవలే ఇక ప్రమోషనల్ ఈవెంట్ లో నాని.. ట్రైలర్ లోని అభ్యంతరకరమైన పదం గురించి అడిగినప్పుడు, ‘బంచత్’ అనే పదం గురించి మాట్లాడారు. అందరూ అనుకున్నట్టు ఆ పదం అనుకున్న దానికంటే భిన్నమైన ఉద్దేశ్యం మరియు అర్థాన్ని కలిగి ఉందని ఆయన పేర్కొన్నారు. ‘ఆర్ఆర్ఆర్’, ‘కేజీఎఫ్ 2’, ‘పుష్ప’ చిత్రాల లాగే దసరా కూడా సంచలనం ఈ సృష్టిస్తుందా అని అడగ్గా, సబ్జెక్ట్ పరంగా, ఇమాజినేషన్ పరంగా వాటితో పోల్చవచ్చు కానీ వాటికైన ఖర్చు, ఇతర అంశాలతో పోల్చలేమని నాని సూచించారు.