యంగ్ టైగర్ గ్లోబల్ స్టార్ ఎన్టీఆర్ హీరోగా కొరటాల శివ తీస్తున్న లేటెస్ట్ మాస్ యాక్షన్ పాన్ ఇండియన్ మూవీ దేవర పార్ట్ 1. ఈ మూవీలో జాన్వీ కపూర్ హీరోయిన్ గా నటిస్తుండగా బాలీవుడ్ నటుడు సైఫ్ ఆలీ ఖాన్ విలన్ పాత్ర చేస్తున్నారు. 

మొదటి భాగం మూవీ సెప్టెంబర్ 27న గ్రాండ్ గా పలు భాషల ఆడియన్స్ ముందుకు రానుంది. ఇప్పటికే రిలీజ్ అయిన పోస్టర్స్, సాంగ్స్, ట్రైలర్ తో అంచనాలు మరింతగా పెంచేసిన దేవర మూవీ తప్పకుండా సక్సెస్ సాదిస్తుందని ఎన్టీఆర్ ఫ్యాన్స్ అంటున్నారు. మరోవైపు టీమ్ కూడా ప్రమోషన్స్ పై గట్టిగా దృష్టి పెట్టింది. ఇప్పటికే ముంబైలో ట్రైలర్ లాంచ్ ఈవెంట్ చేయడంతో పాటు ఆనిమల్ డైరెక్టర్ సందీప్ రెడ్డి వంగాతో దేవర టీమ్ స్పెషల్ ఇంటర్వ్యూ కూడా నిర్వహించారు. 

విషయం ఏమిటంటే, లేటెస్ట్ టాలీవుడ్ బజ్ ప్రకారం ఈ మూవీ హెవీ యాక్షన్ డ్రామా మూవీ అని అంటున్నారు. ఎన్టీఆర్ పవర్ఫుల్ యాక్టింగ్ తో పాటు కథ లో పలు యాక్షన్, ఎమోషనల్ సీన్స్ ఆకట్టుకుంటాయని, అలానే విజువల్ ఎఫెక్ట్స్, ఫైట్స్ కూడా అద్భుతంగా వచ్చినట్లు చెప్తున్నారు. మొత్తంగా అయితే దేవర ఆడియన్స్ ని ఆకట్టుకుంటుందనేది ఈ వార్త యొక్క సారాంశం.

యువ నటుడు శ్రీసింహా కోడూరి, ఫరియా అబ్దుల్లా, సత్య ప్రధాన పాత్రల్లో యువ దర్శకుడు రితేష్ రానా దర్శకత్వంలో తెరకెక్కిన లేటెస్ట్ కామెడీ యాక్షన్ ఎంటర్టైనర్ మూవీ మత్తువదలరా 2. ఇటీవల రిలీజ్ అయి ఆడియన్స్ ని మెప్పించిన మత్తువదలరా 1కి సీక్వెల్ గా రూపొందిన ఈ మూవీని క్లాప్ ఎంటర్టైన్మెంట్స్, మైత్రి మూవీ మేకర్స్ సంస్థల పై చిరంజీవి చెర్రీ, హేమలత గ్రాండ్ గా నిర్మించగా కాల భైరవ సంగీతం అందించారు. 

తాజాగా మంచి అంచనాలతో రిలీజ్ అయిన ఈ మూవీ బాక్సాఫీస్ వద్ద సక్సెస్ టాక్ తో కొనసాగుతోంది. ముఖ్యంగా ఈ హిలేరియస్ ఫన్ రైడ్ ని ఆడియన్స్ ఎంతో ఎంజాయ్ చేస్తున్నారు. విషయం ఏమిటంటే, తాజాగా ఈ మూవీ పై టాలీవుడ్ సూపర్ స్టార్ మహేష్ బాబు ప్రసంశలు కురిపించారు. 

నేడు తన కుటుంబంతో కలిసి మత్తువదలరా 2 మూవీ చూశానని, మూవీ అంతా ఎంతో బాగుందని, ముఖ్యంగా కమెడియన్ సత్య కామెడీకి తనతో పాటు కూతురు సితార కూడా ఎంజాయ్ చేసిందని సూపర్ స్టార్ మహేష్ బాబు ప్రముఖ సోషల్ మీడియా మాధ్యమం ట్విట్టర్ ద్వారా అభిప్రాయం వ్యక్తం చేసారు. కాగా సూపర్ స్టార్ పాజిటివ్ ట్వీట్ అనంతరం ఈ మూవీకి మరింత క్రేజ్ పెరిగింది.

టాలీవుడ్ స్టార్ నటుడు నందమూరి నటసింహం బాలకృష్ణ హీరోగా ప్రస్తుతం యువ దర్శకుడు బాబీ దర్శకత్వంలో తెరకెక్కుతోన్న లేటెస్ట్ మాస్ యాక్షన్ ఎంటర్టైనర్ మూవీ NBK 109. త్వరలో అఫీషియల్ టైటిల్ అనౌన్స్ కానున్న ఈ మూవీ పై నందమూరి ఫ్యాన్స్ తో పాటు నార్మల్ ఆడియన్స్ లో కూడా మంచి అంచనాలు ఉన్నాయి. 

సితార ఎంటర్టైన్మెంట్స్, శ్రీకర స్టూడియోస్, ఫార్చూన్ ఫోర్ సినిమాస్ సంస్థల పై గ్రాండ్ లెవెల్లో నిర్మితం కానున్న ఈ మూవీలో ఊర్వశి రౌటేలా హీరోయిన్ గా నటిస్తుండగా ఎస్ థమన్ సంగీతం అందిస్తున్నారు. ఇటీవల రిలీజ్ అయిన ఫస్ట్ లుక్ పోస్టర్స్, గ్లింప్స్ తో అంచనాలు మరింత పెంచిన ఈ మూవీ యొక్క రిలీజ్ డేట్ తాజాగా లాక్ అయినట్లు తెలుస్తోంది. 

తొలుత ఈ మూవీని డిసెంబర్ మొదటి వారంలో రిలీజ్ చేద్దాం అని భావించారు, అయితే పుష్ప 2 కోసం ఆ డేట్ లాక్ చేయడంతో వద్దనుకున్నారు. అనంతరం క్రిస్మస్ కి రిలీజ్ అనుకోవడంతో అప్పటికే రామ్ చరణ్ గేమ్ ఛేంజర్ లాక్ అవడంతో ఇక సంక్రాంతికి ఫిక్స్ చేసారు. కాగా ఈ క్రేజీ ప్రాజక్ట్ ని సంక్రాంతి కానుకగా 2025 జనవరి 9న రిలీజ్ చేయనున్నారట మేకర్స్. దీనికి సంబంధించి త్వరలో అఫీషియల్ అనౌన్స్ మెంట్ రానుంది.

ప్రముఖ దిగ్గజ నటుడు దివంగత రావుగోపాలరావు తనయుడిగా తెలుగు చిత్ర రంగ ప్రవేశం చేసిన రావు రమేష్, మొదటి నుండి ఒక్కో సినిమాతో ఆడియన్స్ లో మంచి క్రేజ్ అందుకుంటూ కొనసాగుతున్నారు. ఇక మొదట క్యారెక్టర్ ఆర్టిస్ట్ గా మెల్లగా కెరీర్ లో కొనసాగిన రావు రమేష్ ఇటీవల పలువురు పెద్ద స్టార్స్ సరసన అనేక సినిమాల్లో నటించి మెప్పించారు.

ఇక తాజాగా ఆయన ప్రధాన పాత్రలో రూపొందిన మూవీ మారుతినగర్ సుబ్రహ్మణ్యం. ఈ మూవీకి లక్ష్మణ్ కార్య దర్శకత్వం వహించారు మరియు బుజ్జి రాయుడు పెంట్యాల మరియు మోహన్ కార్య నిర్మించిన ఈ చిత్రం మైత్రీ మూవీ మేకర్స్ ద్వారా​ తెలుగు రాష్ట్రాల్లో పంపిణీ చేయబడింది.​ ఇక రిలీజ్ అనంతరం అన్ని వర్గాల ఆడియన్స్ ని మెప్పించిన మారుతినగర్ సుబ్రహ్మణ్యం సక్సెస్ సాధించి అందరి నుండి మంచి క్రేజ్ సొంతం చేసుకుంది.

విషయం ఏమిటంటే, తాజాగా ఈ మూవీ యొక్క ఓటిటి రిలీజ్ డేట్ లాక్ అయింది. ప్రముఖ తెలుగు ఓటిటి మాధ్యమం ఆహా వారు ఈ మూవీని సెప్టెంబర్ 20న తమ ప్లాట్ ఫామ్ లో రిలీజ్ చేయనున్నట్లు నేడు ట్విట్టర్ ద్వారా అనౌన్స్ చేసారు. మరి మారుతీనగర్ సుబ్రహ్మణ్యం ఓటిటి ఆడియన్స్ ని ఎంత మేర మెప్పిస్తుందో చూడాలి.