దుల్కర్ సల్మాన్  కథానాయకుడిగా తెలుగు, తమిళ, మలయాళ భాషల్లో రూపొందుతోన్న సినిమా ‘సీతా రామం’  ‘యుద్ధంతో రాసిన ప్రేమకథ’..అనేది ఉపశీర్షిక. ‘అందాల రాక్షసి’, ‘పడి పడి లేచె మనసు’ చిత్రాలతో ప్రేమకథలను ఆవిష్కరించడంలో తనదైన శైలిని ఏర్పరచుకున్నహను రాఘవపూడి ఈ చిత్రానికి దర్శకుడు.

ఈ సినిమాను ఆగస్టు 5న ప్రేక్షకుల ముందుకు తీసుకు వస్తున్నట్టు ఇది వరకే ప్రకటించారు. తెలుగు, తమిళ, మలయాళ భాషల్లో ఏకకాలంలో విడుదల చేయనున్నారు.దుల్కర్ సల్మాన్ సరసన బాలీవుడ్ బ్యూటీ మృణాల్ ఠాకూర్ కథానాయికగా నటిస్తున్న ‘సీతా రామం’లో రష్మికా మందన్న కీలక పాత్రలో కనిపించనున్నారు. ఈ సినిమాలో తొలి పాట ‘హే సీతా… ఓ రామ’ను కొన్ని రోజుల క్రితం విడుదల చేశారు.ఆ పాటకు మంచి స్పందనే వచ్చింది.

ఇక ఈరోజు ఒక ప్రైవేట్ ఈవెంట్ లో ఈ సినిమా టీజర్ విడుదల చేయడం జరిగింది.ఆహ్లాదకరమైన దృశ్యాలతో పాటు చక్కని సంభాషణలతో మనసుకు హత్తుకునే ప్రేమకధ చూడబోతున్నాం అనే భావన కలుగుతుంది ఈ టీజర్ చూస్తుంటే. స్వతహాగా మంచి మ్యూజిక్ టేస్ట్ ఉన్న దర్శకుడు హను రాఘవపూడి ఈసారి కూడా మంచి సంగీతాన్ని రాబట్టినట్టు కనిపిస్తుంది టీజర్ లో విశాల్ చంద్రశేఖర్ అందించిన నేపథ్య సంగీతం చాలా బాగుంది.

వైజయంతీ మూవీస్ సమర్పణలో స్వప్న సినిమా పతాకంపై అశ్వినీదత్, ప్రియాంక దత్ నిర్మిస్తున్న ఈ చిత్రానికి పీఎస్ వినోద్ తో పాటు శ్రేయాస్ కృష్ణసినిమాటోగ్రాఫర్ గా వ్యవహరిస్తున్నారు.సుమంత్, గౌతమ్ మీనన్, ప్రకాష్ రాజ్ తదితరులు కీలక పాత్రల్లో నటిస్తున్నారు. దుల్కర్ సల్మాన్ నటిస్తున్న తొలి త్రిభాషా చిత్రమిదని చెప్పవచ్చు.

ఈ మధ్య ఫిల్మ్ ఇండస్ట్రీలో కొత్త ట్రెండ్ నడుస్తోంది.ఓ సినిమా వచ్చి అది హిట్ అయ్యిందంటే దానికి పక్కాగా సీక్వెల్ తయారు అయ్యే అవకాశాలు ఎక్కువగా ఉంటున్నాయి. ప్రస్తుతం ప్రేక్షకులు ఉన్న మైండ్సెట్ లో ఏదో ఒక ఆసక్తికర అంశం ఉంటే తప్ప థియేటర్లకు కదలట్లేదు. అందువల్ల సీక్వెల్ అంటే ఖచ్చితంగా వాళ్ళు ఆసక్తి చూపుతారు అని ఫిల్మ్ మేకర్స్ భావన.

ఈ ఏడాది మొదట్లో రిలీజ్ అయి యూత్ ప్రేక్షకులను ఆకట్టుకుని థియేటర్స్ వద్దసెన్సేషన్ క్రియేట్ చేసిన సినిమా ‘డీజే టిల్లు’. ఈ చిత్రాన్ని టాలీవుడ్ యంగ్ ప్రొడ్యూసర్ నాగ వంశీ రూపొందించారు. ఈ చిత్రంలో సిద్ధు జొన్నల గడ్డ ప్రధాన పాత్రలో నటించాడు. నేహ శెట్టి హీరోయిన్ గా నటించింది.

డీ జే టిల్లు తో బ్లాక్ బాస్ట‌ర్ హిట్టు కొట్టాడు సిద్ధు జొన్న‌ల‌గ‌డ్డ . సెకండ్ వేవ్ త‌ర్వాత బాక్సాపీస్‌ వద్ద హిట్ కొట్టిన అతి తక్కువ సినిమాల్లో ఒకటిగా చెప్పుకోవచ్చు.హీరో సిద్ధు ఈ సినిమాలో ప‌క్కా హైద‌రాబాదీ స్టైల్‌లో కామెడీ ట‌చ్‌తో చేసిన యాక్టింగ్ యూత్ కు పిచ్చెక్కించింది. కాలేజీపిల్లలు డీజే టిల్లు సినిమాను బాగా ఆదరించారు. ముఖ్యంగా ఈ చిత్రం టైటిల్ సాంగ్ మోతమోగింది. అలాగే టిల్లు మేనరిజం కూడా ఇంకా ట్రెండ్ లోనే ఉంది. చిత్రంలో సిద్ధు చెప్పిన ‘అట్లుంటది మనతోటి’ అనే డైలాగ్ ఆడియెన్స్ లో బాగా నాటుకుపోయింది.

అయితే డీజే టిల్లు ఫీవర్ తగ్గకముందే సెకండ్ పార్ట్ ను కూడా తీసుకు రావాలనే ఆలోచనలో ఉన్నారు మేకర్స్. ఫ‌స్ట్ పార్ట్ తెర‌కెక్కించిన సితార ఎంట‌ర్ టైన్ మెంట్స్ బ్యానర్ లోనే సెకండ్ పార్ట్ కూడా రానుందనే టాక్ నడుస్తోంది. ఇప్పటికే సిధ్దు అండ్ టీం స్క్రిప్టు ప‌నుల్లో బిజీ బిజీగా ఉన్నారంట. తాజాగా నాగ వంశీ కూడా అదిరిపోయే అనౌన్స్ చేశారు. ‘ఎంతో ఆసక్తిగా ఎదురుచూస్తున్న ఫ్రాంచైజీ… రౌండ్ 2 కోసం సిద్ధమవుతోంది.. ఆగస్ట్‌లో క్రేజీ అడ్వెంచర్ చిత్రీకరణ ప్రారంభమవుతుంది.’ అని అప్డేట్ అందించారు. ఇండస్ట్రీ టాక్ ప్రకారం.. ఆ ఫ్రాంచైజీ డీజే టిల్లునే అంటూ గట్టిగా ప్రచారం జరుగుతోంది. 

తెలుగు సినిమా బాక్స్ ఆఫీస్ జూన్ నెలలో నిజానికి ఘనంగానే ఆరంభమయింది. 3న విడుదల అయిన “మేజర్” మరియు “విక్రమ్” చక్కని ప్రశంసలతో పాటు కలెక్షన్లు కూడా గట్టిగా వసూలు చేసాయి.మేజర్ తొలి మూడు రోజుల తరువాత హవా కాస్త తగ్గినా, మొత్తానికి లాభసాటి వ్యాపారం జరుపుకుంది.ఇక విక్రమ్ సినిమా అద్భుతమైన టాక్ తో పాటు లాంగ్ రన్ లో బాక్స్ ఆఫీస్ దుమ్ము దులిపింది. తమిళనాడులో బాహుబలి 2 ను దాటేసి, దేశవ్యాప్తంగా కలెక్షన్లలో కూడా తమిళ ఇండస్ట్రీ హిట్ గా నిలిచింది. తెలుగు డబ్ వెర్షన్ కూడా 30 కోట్ల గ్రాస్ వరకూ కలెక్ట్ చేసి ట్రేడ్ వర్గాలను ఆశ్చర్యపరిచింది.

ఇక ఆ తరువాత వారం రిలీజ్ అయిన నాని నటించిన “అంటే సుందరానికీ” టాక్ వరకూ డిసెంట్ అనిపించుకున్నా కలెక్షన్లు మాత్రం అనుకున్న స్థాయిలో రాలేదు. నాని స్టార్డం పైనే అనుమానాలు వచ్చెలా ఉండింది ఆ సినిమా బాక్స్ ఆఫీస్ రన్. పోయిన వారం రిలీజ్ అయిన “విరాట పర్వం” కూడా తొలి రోజు వరకు మంచి రివ్యూలు దక్కించుకున్నా కలెక్షన్లు మాత్రం తీసికట్టుగ ఉండి నిరాశపరిచాయి. ఇక నటుడుగా మంచి పేరున్న సత్యదేవ్ నటించిన “గాడ్సే” తొలి ఆట నుంచే పూర్తిగా ప్రేక్షకుల తిరస్కరణకు గురయింది.

24న అంటే ఈ వారం చాలా చిన్న సినిమాలు రిలీజ్ అవగా, అందులో లేటెస్ట్ యూత్ హీరో కిరణ్ అబ్బవరం నటించిన “సమ్మతమే” రిలీజ్ లు ముందు కాస్త క్రేజ్ తో వచ్చింది. ఈ చిత్రానికి రివ్యూల వరకు ఓకే అనిపించినా కలెక్షన్లు పెద్దగా రావట్లేదు, మరి వారాంతం వసూళ్లు ఏమైనా పెరుగుతాయా లేదా చూడాలి. పూరి జగన్నాద్ కొడుకు ఆకాష్ పూరీ నటించిన “చోర్ బజార్” కూడా ఏమాత్రం ప్రభావం చూపించలేదు. ఒకప్పుడు వరుస హిట్లతో దూసుకుపోయిన నిర్మాత ఎం ఎస్ రాజు దర్శకుడుగా ఆయన కొడుకు సుమంత్ అశ్విన్ హీరోగా నటించిన ” 7 డేస్ 6 నైట్స్” తో పాటు మరో రెండు మూడు సినిమాలు రిలీజ్ అయినా చాలా చోట్ల తొలి రోజేథియేటర్ల నుండి తీసివేయబడ్డాయి.

మొత్తానికి తెలుగు సినిమాకి ఈ నెల ఆరంభం బాగున్నా కొనసాగింపు మాత్రం సంతృప్తికరంగా లేదు. వరుసపెట్టి సినిమాలు వస్తుండటంతో ప్రేక్షకులు తమకు అంతో ఇంతో ఆసక్తిని కలిగించే సినిమాలనే చూడటానికి ఇష్టపడుతున్నారు. ఇక వచ్చే నెలలో వస్తున్న చిత్రాలైనా విజయవంతం అయి బాక్స్ ఆఫీస్ కు ఊపిరి పోయాలి అని కోరుకుందాం.

బాహుబలి సినిమాతో ప్రభాస్ ఎలా పాన్ ఇండియా స్టార్ అయిపోయాడో, కేజీఎఫ్ సినిమాతో యశ్ కూడా సూపర్ స్టార్ అయిపోయాడు. మ‌రీ ముఖ్యంగా ఇటీవ‌ల విడుద‌లైన‌ కేజీఎఫ్ రెండవ భాగానికి దేశవ్యాప్తంగాఅద్భుత‌మైన స్పందన వచ్చింది.అసలు కన్నడ సినిమా ఇండస్ట్రీని రెండేళ్ల కిందటి వరకు ఎవరూ పట్టించుకోలేదు. అలాంటి ఇండస్ట్రీ నుంచి వచ్చిన హీరో ఏకంగా మొదటిరోజే 170 కోట్ల వసూళ్లు కొల్లగొట్టడం అందరికీ ఆశ్చర్యాన్ని కలిగించింది.హిందీ బాక్స్ ఆఫీస్ వద్దకేజీఎఫ్ చాప్టర్ 2 బద్దలు కొడుతున్న రికార్డులు చూసి ట్రేడ్ పండితులు సైతం అవాక్కయ్యారు అంటే అది అతిశయోక్తి కాదు. హిందీ వెర్షన్ లోబాహుబలి2 తరువాత ఇండియా బాక్స్ ఆఫీస్ వద్ద అత్యధిక కలెక్షన్లను నమోదు చేసిన చిత్రంగా కేజీఫ్ 2 నిలిచింది.

ఇంతటి ఘవిజయం సాధించిన యష్ తరువాత చిత్రం స్ట్రెయిట్ తెలుగు సినిమా అని ఇది వరకు ప్రచారం జరిగినా, అధికారికంగా ప్రకటన ఏదీ రాలేదు. రాకీ భాయ్ బాక్సాఫీస్ దగ్గర సృష్టిస్తున్న సంచలనాలు చూసిన తర్వాత ఆయనతో నేరుగా తెలుగు సినిమా చేయాలని నిర్మాతలు ఆశపడటంలో తప్పు లేదు.ఈ క్రమంలోనే ఒకరిద్దరు అగ్ర దర్శకులు యష్ ను కలిసి తమ ఐడియాలను వినిపించినట్లు వార్తలు వచ్చాయి.ఆ మధ్య ఒకసారి పూరి జగన్నాథ్ జనగణమన సినిమా యశ్ తోనే అనే ప్రచారం కూడా గట్టిగా జరిగింది. కానీ అది కుదరలేదు. ప్రస్తుతం విజయ్ దేవరకొండ హీరోగా ఆ సినిమా రాబోతుంది.

అయితే ఈ ఊహాగానాల్లో భాగంగా మరో భారీ కాంబినేషన్ తెర పైకి వచ్చింది. సౌత్ ఇండియన్ స్టార్ డైరెక్టర్ శంకర్ తో యశ్ సినిమా చేయబోతున్నాడని ఇండస్ట్రీ వర్గాల సమాచారం. కేజీఫ్2 తరువాత ఈ కాంబో అంటే ఇంక పాన్ ఇండియా స్థాయిలో క్రేజ్ రావడం పక్కా. ఇదే గనక నిజం అయితే యశ్ పాన్ ఇండియా స్టార్ గా సెటిల్ అయిపోవడం ఖాయం.మరి ఈ అరుదైన కలయిక నిజం అవుతుందో లేదో చూద్దాం.

తెలుగుతో పాటు అటు తమిళంలో కూడా ప్రస్తుతం మంచి అవకాశాలతో దూసుకెళ్తున్న కథానాయిక సాయి పల్లవి. శేఖర్ కమ్ముల దర్శకత్వంలో వరుణ్ తేజ్ తో చేసినతొలి చిత్రం ఫిదా సినిమాతో తెలుగులో హీరోయిన్ గా తెరంగేట్రం చేసిన సాయి పల్లవి, ఆ సినిమాలో భానుమతి పాత్రతో అందరినీ ఆకట్టుకుంది. ఇక ఆ తరువాత నుండి వచ్చిన ప్రతి అవకాశాన్ని అందిపుచ్చుకుని వాటిని సద్వినియగపరుచుకుని నటిగా చక్కని ఇమేజ్ తో పాటు క్రేజ్ సొంతం చేసుకున్న సాయి పల్లవి, ఇటీవల రానా హీరోగా తెరకెక్కిన విరాట పర్వంతో మరోసారి తన నటనకు గాను ప్రశంసలు అందుకుంది.

అయితే లేటెస్ట్ గా ఆమె తమిళంలోచేస్తున్న మూవీ “గర్గి”. డిఫరెంట్ యాక్షన్ డ్రామాగా తెరెక్కుతున్న ఈ సినిమాని2డి ఎంటర్టైన్మెంట్స్ బ్యానర్ పై సూర్య, జ్యోతిక సమర్పిస్తున్నారు.గౌతమ్ రామచంద్రన్ దీనికి దర్శకత్వం వహిస్తున్నారు.కాళీ వెంకట్ ప్రధాన పాత్ర చేస్తున్న ఈ సినిమా ఫస్ట్ లుక్ పోస్టర్ ని కొద్దిసేపటి క్రితం గర్గి మూవీ యూనిట్ సభ్యుల సమక్షంలో సూర్య, జ్యోతిక దంపతులు తమ చేతుల మీదుగా రిలీజ్ చేసారు. సాయి పల్లవితో కలిసి చేస్తున్న ఈ ప్రాజక్ట్ తనకు ఎంతో నచ్చిందని, తప్పకుండా ఈ చిత్రం విజయవంతం అవుతుందని అన్నారు సూర్య,జ్యోతిక.    సూర్య,జ్యోతిక నిర్మాతలుగా ప్రత్యేకమైన అభిరుచి కలవారు అని వాళ్ళు నిర్మించిన సినిమాలు చూస్తేనే అర్ధం అవుతుంది. మంచి ఉద్దేశంతో తీసే సినిమాలకు వారి ప్రోత్సాహం ఎప్పుడూ ఉంటుంది.

ఈ విషయమై సాయి పల్లవి తన ఇన్స్టాగ్రామ్ లోఅనంతరం వారిద్దరికీ ప్రత్యేకంగా కృతజ్ఞతలు తెలుపుతూ పోస్ట్ చేయటం జరిగింది.సాయి పల్లవి చేస్తున్న ప్రయత్నం సఫలమై మరిన్ని మంచి సినిమాలు తను చేయడానికి ఉపయోగపడాలి అని కోరుకుందాం.

నిఖిల్  సిద్ధార్థ్, అనుపమా పరమేశ్వరన్ జంటగా నటించిన సినిమా ‘కార్తికేయ 2’. దీనికి చందు మొండేటి దర్శకుడు. ఈ చిత్రానికి సంబంధించిన ట్రైలర్ ను ఈరోజు విడుదల చేశారు.యువ కథానాయకుడు నిఖిల్ మరియు దర్శకుడు చందు మొండేటి ది హిట్ కాంబినేషన్. వీళ్ళిద్దరి కలయికలో వచ్చిన ‘కార్తికేయ’ సినిమా ప్రేక్షకులతో పాటు విమర్శకులను ఆకట్టుకుంది. ఇప్పుడు ఆ సినిమాకు సీక్వెల్ వస్తోంది. అదే ‘కార్తికేయ 2’. ఇందులో అనుపమా పరమేశ్వరన్ కథానాయిక. 

‘కార్తికేయ 2’ ట్రైలర్ విషయానికి వస్తే… ‘శాంతను! ఇది నువ్వు ఆపలేని యాగం. నేను సమిధను మాత్రమే, ఆజ్యం మళ్ళీ అక్కడ మొదలైంది. ప్రాణ త్యాగం చేసే తెగింపు ఉంటేనే దానిని పొందగలం’ అని ఒక నటుడు చెప్పే డైలాగుతో ప్రారంభం అయ్యింది. ఆ యాగం ఎంటి ఎవరు ప్రారంభించారు? దాంతో హీరో నిఖిల్ కు ఉన్న సంబంధం ఎంటి? అనే ప్రశ్నలకు సినిమా చూస్తేనే సమాధానం దొరుకుతుంది.భక్తి, సైన్స్ నేపథ్యంలో చందూ మొండేటి ఇది వరకే కార్తికేయ మొదటి భాగాన్ని తీసి ఆకట్టుకున్నారు. ఇప్పుడు రెండో భాగానికి ద్వారక నగరం,కృష్ణుడు కు సంబంధించిన నేపథ్యం అనడం ప్రేక్షకుల్లో మరింత ఆసక్తిని పెంచింది అనడంలో ఎలాంటి అనుమానం లేదు.మరి ఆ అంచనాలను కార్తికేయ 2 అందుకుంటుందా లేదా చూద్దాం.

‘సముద్రం దాచుకున్న అతి పెద్ద రహస్యం ఈ ద్వారకా నగరం’ అంటూ నిఖిల్ డైలాగ్‌తో కూడిన ‘కార్తికేయ 2’ మోషన్ పోస్టర్ తోనే ఈ సినిమా పై ప్రేక్షకులు ఆసక్తి కనబర్చారు. ఈ సినిమాని పీపుల్స్ మీడియా ఫ్యాక్ట‌రీ, అభిషేక్ అగ‌ర్వాల్ ఆర్ట్స్ పతాకాలపై టీజీ విశ్వ‌ప్ర‌సాద్, అభిషేక్ అగ‌ర్వాల్ సంయుక్తంగా నిర్మిస్తున్నారు. బాలీవుడ్ నటుడు అనుపమ్ ఖేర్, టాలీవుడ్ ఫేమస్ కమెడియన్ కమ్ హీరో శ్రీనివాస రెడ్డి కీలక పాత్రల్లో కనిపించనున్నారు. జూలై 22న ప్ర‌పంచ‌ వ్యాప్తంగా తెలుగు, తమిళ, కన్నడ, మలయాళ, హిందీ భాషల్లో సినిమాను విడుదల చేయనున్నారు.

ల‌వ్ స్టోరి, బంగార్రాజు హిట్ చిత్రాలతో వరుస హిట్స్‌తో దూకుడు మీదున్న అక్కినేని హీరో నాగ చైతన్య హ్యాట్రిక్ హిట్‌పై కన్నేశాడు. విక్రమ్ కె.కుమార్‌ డైరెక్షన్‌ లో దిల్ రాజు నిర్మించిన తాజా చిత్రం ‘థ్యాంక్ యూ’. రాశీఖన్నా, అవికా గోర్‌, మాళవిక నాయర్‌ హీరోయిన్లుగా నటిస్తున్నారు. ఈ సినిమా టీజర్‌ను మూవీ మేకర్స్ ఇటివలే విడుదల చేయగా మంచి స్పందనను రాబట్టింది.

ఇందులో నాగ చైతన్య మూడు డిఫరెంట్ రోల్స్‌లో కనిపించబోతున్నాడు. యువసామ్రాట్ గా రొమాన్స్ లో మంచి ఇమేజ్ ఉన్న నాగ చైతన్య ఈ సినిమాలోముగ్గురు హీరోయిన్లతో రొమాన్స్ చేయనున్నాడు. స్కూల్,కాలేజీ లుక్ లతో పాటు వ్యాపారవేత్తగా నాగ చైతన్య అలరించబోతున్నాడు. గడ్డం గెటప్‌లో చూస్తే, మజిలీ మూవీలో లుక్ గుర్తుకువచ్చింది అని టీజర్ చూసిన ప్రేక్షకులు అభిప్రాయ పడ్డారు.

కరోనా వేవ్ ల వల్ల ఇతర సినిమాల లాగే థ్యాంక్ యూ కూడా షూటింగ్ తో పాటు రిలీజ్ డేట్ వాయిదా వేయాల్సి వచ్చింది. ఎట్టకేలకు జూలై 8న ఈ సినిమా విడుదలకు అన్ని సన్నాహాలు చేసినా, తాజాగా అందిన వార్తల ప్రకారం మళ్ళీ రిలీజ్ పోస్ట్ పోన్ అయింది.ముందుగా అనుకున్నట్టు జూలై 8న కాకుండా రెండు వారాల తరువాత అంటే జూలై 22న ప్రేక్షకుల ముందుకు రానుంది. 

కారణాలు ఎంటి అనేది తెలియరాలేదు కానీ “థ్యాంక్ యూ” వాయిదా వేయడం మంచి నిర్ణయం అనే చెప్పాలి. ఎందుకంటే వారం ముందు “పక్కా కమర్షియల్” వారం తరువాత “ది వారియర్” సినిమాలు ఉండటం వల్ల అంత తక్కువ గ్యాప్ లో మరో సినిమా చూడటానికి ప్రేక్షకులు ముందుకు రాకపోవచ్చు. 

మనం’ సినిమా హిట్ తరువాత నాగ చైతన్య-విక్రమ్ కాంబినేషన్‌లో వస్తున్న సినిమా ఇదే. ‘థ్యాంక్ యూ’ మూవీ టీజర్ తరువాత ప్రేక్షకుల్లో అంచనాలు భారీగా పెరిగాయి. డిఫరెంట్ గెటప్ లలో నాగ చైతన్య కనిపించడం, అంతే డిఫరెంట్‌గా స్టోరీ ఉంటుంది అనేలా టీజర్ ఉండటంతో సినిమా సూపర్ హిట్ అవుతుందని అక్కినేని ఫ్యాన్స్ ఆశలు పెట్టుకున్న నేపథ్యంలో సినిమా ఇలా పోస్ట్ పోన్ చేయడం వాళ్ళకి కాస్త నిరాశ కలిగించినా,ఈ నిర్ణయం వల్ల సినిమాకి మంచి జరిగి మంచి విజయం సాధించాలని కోరుకుందాం.