జూనియర్ ఎన్టీఆర్ – కొరటాల శివల కాంబినేషన్లో ఎన్టీఆర్ తన 30వ సినిమా చేయబోతున్నట్లు ప్రకటించిన సంగతి తెలిసిందే. ఈ వార్త విన్న ఎన్టీఆర్ అభిమానులలో ఎంతో ఉత్సాహంతో నింపింది. సినిమా ఎప్పుడెప్పుడా అని వారు వెయ్యి కళ్ళతో ఎదురుచూడటం మొదలు పెట్టారు. ఈ సక్సెస్ ఫుల్ కాంబో త్వరలో తన మ్యాజిక్‌ను మరోసారి ప్రదర్శిస్తుంది అని అభిమానులు నమ్మకంతో ఉన్నారు. కాగా ఈ చిత్రాన్ని తారక్‌ హీరోగా కొరటాల శివ దర్శకత్వం వహిస్తారని గత సంవత్సరం ప్రకటించారు.

ఎన్టీఆర్ తన 30వ చిత్రానికి ఏ దర్శకుడిని ఎంచుకుంటారు అనే విషయం పై చాలా కాలంగా అనేక ఊహాగానాలు వినిపించాయి. నిజానికి ఎన్టీఆర్ తన 30వ సినిమాని మాటల మాంత్రికుడు త్రివిక్రమ్ తో చేయాల్సి ఉండగా, స్క్రిప్ట్ మరియు షూటింగ్ షెడ్యూల్ లలో మార్పుల కారణంగా ఆ సినిమా ప్రస్తుతానికి ఆగిపోయింది. ఉప్పెన లాంటి భారీ విజయం తర్వాత, కొత్త దర్శకుడు బుచ్చి బాబు సానా కూడా ఎన్టీఆర్ 30కి దర్శకత్వం వహించబోతున్నట్లు గతంలో వార్తలు వచ్చాయి.

అయితే అటువంటి పుకార్లు అన్నిటికీ ముగింపు పలుకుతూ ఎన్టీఆర్ – కొరటాల శివ సినిమా చక్కగా రూపుదిద్దుకుంటోంది. ఇటీవలే మేలో ఎన్టీఆర్ పుట్టినరోజు సందర్భంగా ఈ చిత్రానికి సంబంధించిన స్పెషల్ టీజర్ కూడా విడుదలైంది. ఆ టీజర్ అభిమానులను విపరీతంగా ఆకట్టుకుంది. కాగా ఈ చిత్రం పక్కా మాస్ యాక్షన్ ఎంటర్‌టైనర్ అని తెలుస్తోంది.

ఆచార్య పరాజయం తర్వాత, దర్శకుడు కొరటాల శివ ఎన్టీఆర్ 30 సినిమా విషయంలో చాలా జాగ్రత్తలు తీసుకుంటున్నారట. కొరటాల శివ ఈ చిత్రం కోసం ఇంతకు ముందు రాసుకున్న కథ కాకుండా మొత్తం కొత్త స్క్రిప్ట్‌ను తయారు చేసినట్లు తెలుస్తోంది. ఈ సినిమాతో భారీ విజయం సాధించి కమ్ బ్యాక్ ఇవ్వాలనే ఉద్దేశంతో ఆయన స్క్రిప్ట్ వర్క్ కోసం చాలా సమయం కేటాయిస్తున్నట్లు వినికిడి. అందువల్ల ఈ సినిమా షూటింగ్ ప్రారంభం కావడానికి ఎంత లేదన్నా మరో 2-3 నెలలు ఆలస్యం అయ్యే అవకాశం ఉందని సమాచారం. ఎన్టీఆర్ 30 సినిమా ప్యాన్ ఇండియా స్థాయిలో భారీ బడ్జెట్ తో తెరకెక్కబోతుంది.

సీతా రామం మరియు కార్తికేయ 2 సినిమాలు విడుదలై దాదాపు 2-3 వారాలైంది, అయినప్పటికీ ఈ రెండు చిత్రాల బాక్సాఫీస్ వద్ద తమ విజయ ఢంకాను మోగిస్తూనే ఉన్నాయి. ఇతర చిత్రాల విడుదలలు కూడా ఈ సినిమాల హవాను ఆపలేకపోయాయి. ఇప్పటికీ ఈ రెండు సినిమాలు బాక్స్ ఆఫీస్ వద్ద మంచి వసూళ్లను రాబడుతున్నాయి.

సీతా రామం చిత్రం దేశ వ్యాప్తంగానే కాకుండా ఓవర్సీస్‌లో కూడా చాలా మంచి విజయాన్ని సాధించింది. కార్తికేయ 2 హిందీ బెల్ట్‌లో అందరినీ ఆశ్చర్యానికి గురి చేస్తూ 20 కోట్లకు పైగా నెట్ కలెక్షన్‌లను వసూలు చేసింది. సీతా రామం సినిమా మొత్తంగా 60 కోట్లకు పైగా గ్రాస్ వసూలు చేసింది. అయితే కార్తికేయ 2 గ్రాస్‌లో 100 కోట్లకు పైగా సాధించే దిశగా దూసుకుపోతోంది. ఇది నిజంగానే అపూర్వమైన, అసాధారణమైన విజయం అని చెప్పాలి.

దానికి తోడు, ఈ వారం భారీ హైప్ తో విడుదలైన విజయ్ దేవరకొండ లైగర్ చిత్రం అత్యంత పేలవమైన సమీక్షలకు తోడు చాలా బ్యాడ్ టాక్ తెచ్చుకోవడంతో .. సీతా రామం, కార్తీకేయ 2 చిత్రాలకు కలిసి వచ్చి వాటి కలెక్షన్స్ లో భారీ పెరుగుదల సాధ్య పడింది. వీకెండ్‌లో హౌస్‌ఫుల్ బోర్డులను నమోదు చేస్తూ ఈ రెండు సినిమాలు తమ జోరును కొనసాగిస్తున్నాయి.

చాలా ఏరియాలలో లైగర్ సినిమా స్థానంలో కార్తికేయ 2 మరియు సీతా రామం చిత్రాల కోసం అదనపు షోలు జోడించబడుతున్నాయి. లైగర్ సినిమా భారీ ప్రమోషన్స్ తో భారతదేశాన్ని షేక్ చేయడానికి బయలుదేరి అనూహ్యంగా చతికిల పడింది. కానీ సీతా రామం మరియు కార్తికేయ 2 సినిమాలు మాత్రం ప్రి రిలీజ్ పెద్దగా హడావిడి చేయకుండానే బాక్సాఫీస్ వద్ద బ్లాక్ బస్టర్ లుగా ఉన్నాయి. సరైన కంటెంట్ ఉంటే ఎప్పుడూ ప్రేక్షకులు ఆ చిత్రాన్ని ఆదరిస్తారు అనే విషయం మరోసారి ఈ రెండు సినిమాలు నిరూపించాయి. సినిమాలో స్టార్ హీరో ఉన్నాడా లేదా అన్నది ముఖ్యం కాదు, సినిమాను ఎంత చక్కగా తీసి అది ప్రేక్షకులలో వెళ్లేలా చేశారన్నది ముఖ్యం. ముందు సినిమాలో సరైన విషయం ఉంటే మిగతావి వాటంతట అవే దక్కుతాయి.

సీతారామం… ఆగస్టు 5న విడుదలైన ఈ చిత్రం ఎంత పెద్ద విజయం సాధించిందో ప్రత్యేకంగా వివరించి చెప్పక్కర్లేదు. యుద్ధం రాసిన ప్రేమకథ అంటూ ఒక మిలిటరీ అధికారికి.. యువరాణికి మధ్య సాగే ఓ అద్భుతమైన ప్రేమ కావ్యంగా తెరకెక్కిన ఈ చిత్రం విశేషంగా ప్రేక్షకులను ఆకట్టుకుంది. హను రాఘవపూడి దర్శకత్వంలో రూపొందిన ఈ చిత్రంలో మలయాళ స్టార్ హీరో దుల్కర్ సల్మాన్ రామ్ గా బాలీవుడ్ నటి/మోడల్ మృణాల్ ఠాకూర్ సీతగా నటించారు. వారి నటనకు మరియు జోడీకి అద్భుతమైన స్పందన వచ్చింది. ఈ సినిమాలో వారి పాత్రలకు వారు తప్ప మరే నటీనటుల్ని ఊహించుకొలేని స్థాయిలో దుల్కర్ మృణాల్ ప్రేక్షకులను మెప్పించారు.

ప్రస్తుతం సీతకి అదే మృణాల్ కు తెలుగులో వరుస ఆఫర్లు పలకరిస్తున్నాయి. మరి దీపం ఉన్నప్పుడే ఇల్లు చక్క బెట్టుకోవాలి అనే సామెత చెప్పినట్లు.. హీరోయిన్ మృణాల్ తన రెమ్యునరేషన్ ను భారీగా పెంచేసారని సమాచారం. సాధారణంగానే తెలుగులో హీరోయిన్లకు డిమాండ్ అధిక స్థాయిలో ఉంటుంది.. అందువల్లే ఏదైనా కొత్త సినిమా భారీ హిట్ సాధిస్తే, ఆ హీరోయిన్ కు మంచి పేరు వస్తే దాన్ని సద్వినియోగం చేసుకుని ఆయా హీరోయిన్లు తమ పారితోషికాన్ని పెంచేస్తుంటారు. ఎందుకంటే ఇండస్ట్రీలో హీరోయిన్లకి కెరీర్ వ్యవధి తక్కువ కాబట్టి.. ఎన్ని రోజులు వాళ్ళు కొనసాగుతారో తెలియదు కాబట్టి హీరోయిన్లు తమ పారితోషికాన్ని క్రేజ్ ఉన్నప్పుడు పెంచుతూ ఉంటారు.

ఈ నేపథ్యంలోనే ‘సీతారామం’ వంటి హిట్ తర్వాత హీరోయిన్ మృణాల్ సైతం తన రెమ్యునరేషన్ ను పెంచేసారని తెలుస్తుంది.. ప్రస్తుతం ఒక సినిమాలో తను నటించాలి అంటే కోటి రూపాయలు కావాల్సిందే అని మృణాల్ డిమాండ్ చేస్తున్నట్లు పుకార్లు షికార్లు చేస్తున్నాయి. ఆమె అలా అడిగింది నిజమే అయితే.. నిర్మాతలకు కళ్ళు తిరగడం ఖాయం అనే చెప్పాలి.ప్రస్తుతం సీతా రామం సక్సెస్ ను ఎంజాయ్ చేస్తున్న మృణాల్ .. అధికారికంగా మరే తెలుగు సినిమాలో నటిస్తున్నట్లు ప్రకటించలేదు.. అయితే తనకు తొలి చిత్రంతోనే అద్భుతమైన సినిమాని నిర్మించిన వైజయంతి బ్యానర్ లోనే ఆమె మరో సినిమా చేయబోతున్నారని సమాచారం. ఆ సినిమాకు నందిని దర్శకత్వం వహించనున్నట్లు వార్తలు వస్తున్నాయి.

తెలుగు చలనచిత్ర పరిశ్రమ గర్వించ దగ్గ నటులలో జూనియర్ ఎన్టీఆర్ ఒకరు. అలాగే ఆయన అభిమాన గణం కూడా అత్యంత ప్రభావితం చేయగల అభిమాన వర్గాల్లో ఒకరు. తమ హీరోకు జరిగే మంచైనా చెడైనా ఎలాంటి ప్రతికూల సమయాలు ఎదురైనా ఎన్టీఆర్ అభిమానుల ఆయనకు అన్నివేళలా మద్దతు ఇచ్చారు అనేది వాస్తవం. అయితే ప్రస్తుతం ఎన్టీఆర్ తదుపరి చేయబోయే సినిమా విషయంలో మాత్రం .. ఎన్టీఆర్ తీసుకున్న నిర్ణయంపై అభిమానులు అసంతృప్తితో ఉన్నారని తెలుస్తోంది.

ఎన్టీఆర్ తన తదుపరి చిత్రాన్ని కొరటాల శివతో చేస్తున్న సంగతి తెలిసిందే. కొరటాల ఇటీవల ఆచార్య సినిమా ఫలితం, తద్వారా ఉద్భవించిన సమస్యల కారణంగా చాలా ఇబ్బందుల్లో పడ్డారు. కాగా ఆచార్య సినిమా తాలూకు నష్టాలను భర్తీ చేయడానికి ఆయన చాలా కాలం శ్రమ పడాల్సి వచ్చింది . దీంతో ఎన్టీఆర్‌తో ఆయన చేయాల్సిన సినిమా ప్రారంభం అలా వాయిదా పడుతూ వచ్చింది. ఈ క్రమంలో కొరటాల శివ స్క్రిప్ట్‌లో కొన్ని మార్పులు చేసేందుకు అదనపు సమయం కోరడంతో సినిమా మరింత ఆలస్యమైంది. తాజాగా అభిమానులను నిరాశ పరుస్తూ మరో వార్త బయటకు వచ్చింది.

అదేంటంటే ఇప్పుడు ఎన్టీఆర్ 30 సినిమాకు సంబందించిన మొత్తం స్క్రిప్ట్‌ను మార్చేస్తున్నారని సమాచారం. కొరటాల శివ ఎన్టీఆర్ సినిమా కోసం కొత్త స్క్రిప్ట్‌ని ఎంచుకోవాలని నిర్ణయించుకున్నారట. అంతే కాకుండా స్క్రిప్ట్ వర్క్ లో ఎటువంటి పొరపాట్లు జరగకుండా ఉండేందుకు, మొత్తం కథను సమకూర్చుకునే వరకు దాదాపు 3 నెలలు సమయం కావాలని అభ్యర్థిస్తున్నారట.

ఇలా సినిమా అనౌన్స్ చేసిన దగ్గర నుంచి రకరకాల కారణాల వల్ల ఈ ప్రాజెక్ట్ ఆలస్యమవుతుండటంతో ఎన్టీఆర్ అభిమానులు ఏమాత్రం సంతోషించలేకపోతున్నారు. ఆచార్య సినిమాకి కూడా ఇలాగే షూటింగ్ మొదలయ్యే దగ్గర నుంచి పూర్తయ్యే వరకూ ఇలానే చాలా సార్లు ఆగడం లేదా వాయిదా పడటం స్క్రిప్ట్ మార్చటం వంటి విషయాలు జరిగాయి. అందువల్లే ఆ సినిమా తలా తోకా లేకుండా తయారయింది. ఇక ఆ చిత్ర ఫలితం కూడా మనందరికీ తెలుసు. అలాంటిది అసలు సినిమా అనుకున్నప్పుడు ముందుగా పూర్తి స్క్రిప్ట్ వినకుండా ఎన్టీఆర్ ఎందుకు ఈ సినిమాని ఎందుకు ఒప్పుకున్నారు అన్న విషయాన్ని అభిమానులు అర్ధం చేసుకోలేకపోతున్నారు.

ప్రస్తుతం తెలుగు సినీ పరిశ్రమలో ఉన్న అద్భుత నటులలో శర్వానంద్ ఒకరు. చిన్న పాత్రలతో తన సినీ ప్రయాణం మొదలుపెట్టి తరువాత ప్రధాన పాత్రల వరకూ ఎదిగి నటుడిగా తనకంటూ ఒక ప్రత్యేక గుర్తింపును పొందారు. కేవలం హీరోగా సాప్ట్ లేదా రొటీన్ లవ్ స్టోరీలు కాకుండా వెన్నెల సినిమాలో విలన్ రోల్.. అలాగే అమ్మ చెప్పింది చిత్రంలో మానసిక ఎదుగుదల పెరగని కుర్రాడి పాత్ర పోషించి ప్రేక్షకుల చేత శభాష్ అనిపించుకున్నారు.

అయితే 2017 లో వచ్చిన ‘ మహానుభావుడు’ చిత్రం తరువాత శర్వానంద్ కు సరైన విజయం లభించలేదు. హను రాఘవపూడి దర్శకత్వంలో, శర్వానంద్, సాయి పల్లవి జంటగా నటించినపడి పడి లెచే మనసు చిత్రంలో ఆయన నటనకు ప్రశంసలు లభించినా ఆ చిత్రం బాక్స్ ఆఫీసు వద్ద హిట్ అనిపించుకోవడంలో విఫలం అయింది. అలాగే సుధీర్ వర్మ తో చేసిన రణరంగం కూడా అట్టర్ ఫ్లాప్ గా నిలిచింది. ఇక కరోనా వెవ్ ల మధ్య విడుదలైన శ్రీకారం చిత్రం కంటెంట్ పరంగా పరవాలేదు అనిపించుకున్నా, ఆ చిత్రం కూడా కలెక్షన్ల వర్షం కురిపించ లేకపోయింది. గత ఏడాది దసరాకి విడుదలైన మహా సముద్రం హోదా ఘోరంగా పరాజయం పొందింది.

కాస్త గ్యాప్ తరువాత శర్వానంద్ హీరోగా ‘ఒకే ఒక జీవితం’ సినిమా చేస్తున్నారు. రీతూ వర్మ కథానాయికగా నటించిన ఈ సినిమాలో అమల అక్కినేని కీలకమైన పాత్రలో కనుపించనున్నారు. ఇతర ముఖ్యమైన పాత్రలను వెన్నెల కిశోర్ .. ప్రియదర్శి పోషించారు. వచ్చే నెల 9వ తేదీన ఈ సినిమా రిలీజ్ ఉండటంతో ప్రమోషన్స్ లో శర్వానంద్ పాలు పంచుకున్నారు.

ఆ కార్యక్రమాలలో భాగంగా ఆయన మాట్లాడుతూ .. ‘జాను’ సినిమా సమయంలో జరిగిన ప్రమాదం వలన గ్యాప్ తీసుకోవడం వలన నేను లావు కావడం జరిగింది. వరుసగా ఎదురవుతున్న ఫ్లాపుల కారణంగా ఒక ఆరు నెలల గ్యాప్ తరువాత సినిమా చేయాలని నిర్ణయించుకున్నాను అని చెప్పారు.కాగా గతంలో నేను మాత్రమే కథలు వినేవాడిని. కానీ ఇప్పుడు నా స్నేహితులు లేదా ఇతర సన్నిహితులకు వినిపించిన తరువాత అన్ని రకాల అభిప్రాయాలు విని అప్పుడు సినిమా చేస్తున్నాను అని శర్వానంద్ చెప్పుకొచ్చారు. అలాగే తన సినిమాలు ఫ్లాప్ అయితే వేరే ఎవరినైనా నిందించటం లాంటి పనులు చేయనని, తన నిర్ణయం వల్లే జయాపజయాలు ఉంటాయని ఆయన అన్నారు.

ఇక ఆయన పారితోషికం పై వచ్చిన కొన్ని పుకార్లకు కూడా శర్వానంద్ స్పందించారు. ఈ మేరకు శర్వా మాట్లాడుతూ.. నా మార్కెట్‌ను బట్టి నేను నా రెమ్యునరేషన్ డిమాండ్ చేస్తాను, నాకు మార్కెట్ లేకపోతే నిర్మాతలు నాకు ఎందుకు రెమ్యునరేషన్ ఇస్తారని శర్వానంద్ చెప్పారు. రెమ్యునరేషన్ పూర్తిగా ఇవ్వకపోతే డబ్బింగ్ చెప్పని హీరోలు చాలా మంది ఉన్నారు.. కానీ నేను మాత్రం నా పని మొత్తం పూర్తి చేసిన తర్వాత రెమ్యూనరేషన్ అడుగుతాను అని అన్నారు. అలాగే ఒకవేళ ఎవరైనా తనకు ఇవ్వవలసిన పారితోషికంలో తేడా చేస్తే మటుకు ఎంత దూరం అయినా వెళ్తాను అని కూడా చెప్పారు. శర్వానంద్ చెప్పిన మాటల్లో తప్పు లేదు కదా. ఈ వివాదాలు ఏవీ లేకుండా ఆయన నటించిన తాజా చిత్రం “ఓకే ఒక జీవితం” చక్కని విజయం సాధించాలని కోరుకుందాం