ఇటీవలే.. తెలుగు సినీ దిగ్గజ నటులలో ఒకరైన రెబల్ స్టార్ కృష్ణంరాజు గారు మరణించిన విషయం తెలిసిందే. ఆ బాధ లోంచి ప్రభాస్ కోలుకోవడానికి కొంత సమయం పడుతుంది కదా. అందుకే ఆయన తన సినిమాల షూటింగ్‌లకు కొంత విరామం తీసుకున్నారు. ఇక తాజాగా వినిపిస్తున్న వార్తల ప్రకారం ప్రభాస్ ఇప్పుడు సెట్స్‌పైకి వచ్చేందుకు సిద్ధంగా ఉన్నారట. అంతే కాకుండా రాబోయే రెండు నెలలు కూడా నిరంతర షెడ్యూల్స్ మరియు డెడ్‌లైన్‌లతో బిజీగా ఉండనున్నారట.

ముందుగా ప్యాన్ ఇండియా డైరెక్టర్ ప్రశాంత్ నీల్ తెరకెక్కించే సాలార్ చిత్రం తాలూకు షూటింగ్ ఇప్పటికే పునఃప్రారంభించారు. కాగా ఆ చిత్రం యొక్క యాక్షన్ సన్నివేశాలు కూడా త్వరలో ప్రారంభం కానున్నాయని తెలుస్తోంది. రాబోయే రెండు నెలలు యంగ్ రెబల్ స్టార్ చాలా తీవ్రమైన పనిలో మునిగి ఉండటమే కాకుండా చాలా సమయం కూడా వెచ్చించాల్సి ఉంటుంది.

సాలార్ సినిమా కోసం శారీరకంగా చాలా కష్టాన్ని ఇచ్చే పోరాట సన్నివేశాలను చిత్రీకరించిన తర్వాత ప్రభాస్ అటు నుంచి ప్రాజెక్ట్ కే సెట్స్‌కి వెళ్లనున్నారు. ప్రాజెక్ట్ కే చిత్రం సైన్స్ ఫిక్షన్ కధాంశంతో రూపొందుతున్న భారీ బడ్జెట్ చిత్రం, ఈ చిత్రంలో బాలీవుడ్ స్టార్ దీపికా పదుకొనే, అలాగే ఇండియన్ సినిమా లెజెండ్ అమితాబ్ బచ్చన్ ప్రధాన పాత్రల్లో నటించినున్నారు.

ఈ సినిమాల షూటింగ్ మాత్రమే కాకుండా.. ప్రభాస్ తన తదుపరి చిత్రం అయిన ఆదిపురుష్ సినిమా ప్రమోషన్స్‌లో కూడా విరివిగా పాల్గొనాల్సి ఉంటుంది. కొన్ని రోజుల క్రితమే షూటింగ్ పూర్తి చేసుకున్న ఈ సినిమా ఇటీవలే వీఎఫ్ఎక్స్ వర్క్ తాలూకు పనులను కూడా పూర్తి చేసుకుంది. ఈ చిత్రం నుండి ఫస్ట్ లుక్, టీజర్ మరియు ఇతర ప్రచార చిత్రాలు అతి త్వరలోనే ప్రేక్షకుల ముందుకు రానున్నాయి.

వీటన్నింటి తర్వాత కూడా ప్రభాస్ తీరిక తీసుకునే అవకాశం లేదు. ఎందుకంటే ఆ తర్వాత దర్శకుడు మారుతీతో హారర్ కామెడీని తెరకెక్కిస్తున్నట్లు సమాచారం అందుతోంది. నిజానికి ఈ సినిమా ఇంకా ఉందనే వార్తతో ప్రభాస్ అభిమానులు పెద్దగా సంతోషించరనేది నిజం. కానీ ఈ సినిమా భవిష్యత్తులో కార్యరూపం దాల్చేలానే కనిపిస్తోంది.

బాహుబలి ఫ్రాంచైజీ వంటి భారీ సినిమాలు చేసిన తర్వాత, ప్రభాస్ తర్వాతి అయిదు సంవత్సరాలు కాస్త నిరాశాజనకమైన సినిమాలను పొందారు. అయితే ఇప్పుడు వచ్చే తరువాతి అయిదు సంవత్సరాలలో తిరిగి తన స్థాయిలో ఉండే సినిమాలకు అందించాలని ఆశిస్తున్నారు. ఆయన ఆశలు నెరవేరాలని కోరుకుందాం.

గత కొన్ని నెలలుగా, రాజమౌళి ఆయన తెరకెక్కించిన తాజా భారీ చిత్రం RRR విజయం తర్వాత కెరీర్ లోనే ఉత్తమ దశలో ఉన్నారు. కానీ ఒక దర్శకుడికి ఎన్ని భారీ విజయాలు వచ్చినా.. మునుపటి సినిమా సాధించిన విజయం కంటే ఆ తర్వాత కొత్త సినిమా ప్రారంభం తాలూకు ఉత్సాహం ఎల్లప్పుడూ ప్రత్యేకంగా ఉంటుంది. చాలా కాలం గ్యాప్ తర్వాత, రాజమౌళి ఇక RRR ను వదిలి తన దృష్టిని మహేష్ బాబుతో తీయబోయే తదుపరి చిత్రంపై మళ్లించారు.

రాజమౌళి ఇటీవలే మహేష్ బాబుతో తను తెరకెక్కించే తదుపరి చిత్రం కోసం హాలీవుడ్ ఏజెన్సీ CAAతో అధికారికంగా సంతకం చేశారు. ఈ చిత్రం ఒక ఎపిక్ అడ్వెంచర్ గా తెరకెక్కిస్తారని చెప్పబడింది. కాగా ఈ చిత్రాన్ని రాజమౌళి ప్రపంచాన్ని చుట్టే (Globe trotting) చిత్రంగా అభివర్ణించారు.

RRR తర్వాత USలో రాజమౌళి బ్రాండ్ విలువ భారీగా పెరిగిందని చెప్పాలి. ప్రస్తుతం ఆయన హాలీవుడ్ ప్రేక్షకులలో భారీ అభిమానులను సంపాదించుకున్నారు. దీని ఫలితంగానే క్రియేటివ్ ఆర్టిస్ట్స్ ఏజెన్సీ అనే హాలీవుడ్ ఏజెన్సీ అయిన CAA వారు రాజమౌళితో ఒప్పందం కుదుర్చుకున్నారు. హాలీవుడ్లో సంగీతం, టీవీ మరియు క్రీడా పరిశ్రమకు చెందిన కొందరు అగ్ర తారలు మరియు ప్రముఖులు ఈ ఏజెన్సీతో ఇదివరకే జతకట్టారు.

CAAతో జరిగిన ఈ ఒప్పందం వల్ల.. రాజమౌళి తదుపరి మహేష్ బాబుతో చేసే సినిమా భారీ ప్రయోజనాలను పొందుతుంది అనడంలో సందేహం లేదు. ఓవర్సీస్‌లో, ప్రత్యేకించి యూఎస్ లో తప్పకుండా ఈ చిత్రం భారీ ఓపెనింగ్స్ పొందుతుంది. అంతే కాకుండా తొలిసారిగా ఓ భారతీయ దర్శకుడికి అంతర్జాతీయ సినిమా అందించే వీలు ఉంటుంది. రాజమౌళి తొలిసారిగా ప్యాన్-ఇండియన్ సినిమా తీయడమే కాకుండా అంతర్జాతీయ సినిమా తీసిన మొదటి వ్యక్తిగా కీర్తిని సంపాదిస్తారు. ఈ చిత్రం అంతర్జాతీయ మార్కెట్‌లో భారీ స్థాయిలో విడుదల కానుంది. మరియు ఇంగ్లీష్‌తో పాటు ఇతర అంతర్జాతీయ భాషలలో కూడా ఈ సినిమా డబ్ చేయబడుతుందట. ఇది నిజంగా తెలుగు సినీ ప్రేక్షకులకు గర్వించే విషయం అవుతుంది.

మరి తెలుగు ప్రేక్షకులతో పాటు యావత్ భారతదేశ సినీ అభిమానులను అమితంగా అలరించేలా రాజమౌళి – మహేష్ సినిమా ప్యాన్ వరల్డ్ బ్లాక్ బస్టర్ హిట్ అవ్వాలని ఆశిద్దాం.