బాక్సాఫీస్ వద్ద పొన్నియిన్ సెల్వన్-1 ప్రభంజనం ఇప్పటిలో ఆగేలా లేదు. ఈ చిత్రం ఇటీవలే ప్రపంచ వ్యాప్తంగా 400 కోట్ల గ్రాస్ మార్క్‌ను దాటింది. ఇక ట్రేడ్ వర్గాల ప్రకారం, ఈ చిత్రం బాక్సాఫీస్ వద్ద రెండవ వారం ముగిసే సమయానికి దాదాపు రూ.450 (ప్రపంచవ్యాప్తంగా కలెక్షన్లు) కోట్లను రాబట్టే అవకాశం ఉంది. ఈ చిత్రం దీపావళి వరకు బాక్సాఫీస్ వద్ద తన ఆధిపత్యాన్ని కొనసాగించడానికి సిద్ధంగా ఉంది.

ఇక తమిళనాడు ఏరియా విషయానికి వస్తే ఇటీవల విక్రమ్ 190 కోట్లకు పైగా గ్రాస్ వసూలు చేసి ఆల్ టైమ్ రికార్డ్ క్రియేట్ చేసిన సంగతి తెలిసిందే. దసరా పండగ తర్వాత కూడా అద్భుతమైన వసూళ్లను నమోదు చేస్తున్న పొన్నియిన్ సెల్వన్-1 చిత్రం, విక్రమ్ సినిమా ఫైనల్ కలెక్షన్‌లను కూడా బ్రేక్ చేసి 200 కోట్ల మార్కు వైపు దూసుకుపోతుంది. మరికొన్ని రోజుల్లో విక్రమ్ ను క్రాస్ చేస్తుందని ట్రేడ్ వర్గాల అంచనా. అదే గనక చేస్తే తమిళనాడులో 200 కోట్ల వసూళ్లు సాధించిన మొట్టమొదటి చిత్రం అవుతుంది.

ట్రేడ్ వర్గాల ప్రకారం, ఈ చిత్రం దీపావళి వరకు మంచి రన్ కొనసాగిస్తుందని అంటున్నారు. కొత్త సినిమాల విడుదల తర్వాత కూడా ఈ చిత్రం అధిక సంఖ్యల థియేటర్లలో రన్ అయ్యే అవకాశం ఉంది. పోన్నియిన్ సెల్వన్-1 ప్రస్తుతం తమిళనాడుతో పాటు ఓవర్సీస్ మార్కెట్లలో కూడా మంచి వసూళ్లు రాబడుతోంది. థియేట్రికల్ రన్ ముగిసే సమయానికి ఈ చిత్రం రూ. 500 కోట్లకు పైగా (ప్రపంచవ్యాప్త కలెక్షన్లు) రాబడుతుందని అంచనా వేస్తున్నారు.

పెట్టుబడి వారీగా చూసుకుంటే ఈ చిత్రం నిర్మాతలక చాలా లాభదాయకమైన సినిమాగా నిలిచింది అనడంలో ఎలాంటి సందేహం లేదు. కాగా ఈ చిత్రం మొదటి భాగం కలెక్షన్ల తోటే రెండు భాగాల బడ్జెట్ కంటే ఎక్కువ వసూళ్లు రాబట్టిందని అంటున్నారు.

దిగ్గజ దర్శకుడు మణిరత్నం డ్రీమ్ ప్రాజెక్ట్‌గా పేర్కొనబడిన ‘పొన్నియిన్ సెల్వన్-1’ అదే పేరుతో అమరర్ కల్కి కృష్ణమూర్తి రచించిన నవల ఆధారంగా రూపొందించబడింది. ఈ చిత్రంలో సమిష్టి తారాగణం అయిన – ఐశ్వర్య రాయ్ బచ్చన్, విక్రమ్, జయం రవి, కార్తీ, త్రిష, శరత్‌కుమార్, విక్రమ్ ప్రభు, ఐశ్వర్య లక్ష్మి మరియు శోభితా ధూళిపాళ తదితరులు ఉన్నారు.PS-2 మొదటి భాగం విడుదల నుండి ఏడు నెలల గ్యాప్ లోపే 2023లో విడుదల కానుంది.

మొదటి భాగం యొక్క భారీ విజయంతో, సీక్వెల్ సినిమాలకు ప్రేక్షకుల నుండి భారీ స్పందన లభిస్తున్న ట్రెండ్ ప్రకారం సీక్వెల్ కూడా ఖచ్చితంగా మరింత డబ్బును ఆర్జిస్తుంది అని అన్ని వర్గాల వారు కూడా ఆశిస్తున్నారు.

పుష్ప స్టార్ అల్లు అర్జున్ ఇటీవల ఢిల్లీలో జరిగిన ఒక కార్యక్రమంలో సత్కరించబడ్డారు. మరియు 20 సంవత్సరాల సినిమా పరిశ్రమలో ఉన్న తర్వాత, ఉత్తరాదిలో తనకు అవార్డు రావడం ఇదే తొలిసారి అని ఆయన వ్యాఖ్యానించారు. ప్రపంచ వ్యాప్తంగా రూ. 350 కోట్లకు పైగా సంపాదించి అందరి చేతా ఏకగ్రీవంగా బ్లాక్‌బస్టర్ హిట్ అనిపించుకున్న పుష్ప చిత్రానికి ముందే, అల్లు అర్జున్ యూట్యూబ్ ఛానెల్‌లలో తన తెలుగు హిట్ చిత్రాల హిందీ డబ్బింగ్ వెర్షన్‌ల ద్వారా చాలా మంచి ఇమేజ్‌ను సృష్టించుకున్నారు, అందువల్ల ఆయనకు దేశవ్యాప్తంగా బాగా ప్రాచుర్యం రావడం జరిగింది.

అయితే 2021లో అతిపెద్ద భారతీయ హిట్‌గా నిలిచిన పుష్ప బాక్సాఫీస్ విజయం వల్ల అల్లు అర్జున్ నిస్సందేహంగా పాన్-ఇండియన్ స్టార్‌గా స్థిరపడ్డారు.

CNN-News18 Indian of the Year 2022 అవార్డ్స్‌లో అల్లు అర్జున్ తన ప్రసంగంలో, పాన్-ఇండియన్ చిత్రాల యొక్క కొత్త పోకడ గురించి మాట్లాడుతూ, “ఇండియా సినిమా, ఇండియా కభీ ఝుకేగా నహిన్ (భారతీయ సినిమా, భారతదేశం ఎప్పటికీ తలవంచదు).” అంటూ సరదాగా పుష్ప: ది రైజ్ సినిమాలోని అత్యంత ప్రజాదరణ పొందిన డైలాగ్‌ ను అనువదించారు.

పుష్ప సినిమాతో ఐకాన్ స్టార్ గా అవతరించిన అల్లు అర్జున్ ఇండియన్ ఆఫ్ ది ఇయర్ అవార్డును అందుకున్నారు. కాగా ఆ అవార్డు అందుకున్న మొట్ట మొదటి దక్షిణ భారత నటుడు అయ్యారు. CNN News18 హోస్ట్ చేసిన ఈ అవార్డును గౌరవ మంత్రి స్మృతి ఇరానీ అల్లు అర్జున్ కు అందించారు. తన అవార్డును కోవిడ్ యోధులకు అంకితం చేస్తూ, ఇది భారతీయ సినిమా విజయం అని పేర్కొన్నారు.

అల్లు అర్జున్ 20 ఏళ్లుగా చిత్ర పరిశ్రమలో పనిచేస్తున్నట్లు తెలిపారు. తను దక్షిణాదిలో చాలా అవార్డులను అందుకున్నానని, కానీ ఉత్తరాది నుండి అవార్డును అందుకోవడం ఇదే మొదటిసారి కాబట్టి ఇది అతనికి చాలా ప్రత్యేకమైనదని ఆయన అన్నారు. అలాగే నార్త్ సౌత్ విభజనపై కూడా వ్యాఖ్యానించారు. పుష్ప సినిమాని యావత్ భారతదేశం ఒక పండగలా జరుపుకుందని అల్లు అర్జున్ చెప్పారు. ఆ సినిమాతో అందరినీ అలరించినందుకు మరియు భారత సినీ పరిశ్రమకు సేవ చేసినందుకు ఆనందంగా ఉందని అన్నారు.

ఇక అల్లు అర్జున్ తదుపరి పుష్ప: ది రూల్ కోసం దర్శకుడు సుకుమార్ తో పాటు నేషనల్ క్రష్ రష్మిక మందన్నతో కలిసి పని చేయనున్నారు. పుష్ప 2 సినిమా భారీ స్థాయిలో రూపొందనుంది. మరియు ప్రేక్షకులలో ఉన్న అత్యధిక అంచనాలను అందుకోవటానికి చిత్ర బృందం ఎలాంటి పొరపాట్లు దొర్లకుండా జాగర్త పడుతున్నారు.

కోలీవుడ్ స్టార్ హీరో శింబు తాజాగా నటించిన వెండు తనింధతు కాడు (VTK) సినిమా ఘన విజయం సాధించింది. కాగా మానాడు సినిమా తర్వాత అతనికి ఇది వరుసగా రెండవ విజయం కావడం విశేషం. గౌతమ్ మీనన్ దర్శకత్వం వహించిన VTK చిత్రాన్ని తెలుగులో లైఫ్ ఆఫ్ ముత్తు పేరుతో విడుదల చేశారు. పల్లెటూరు నుంచి వచ్చిన ఒక సాధారణ యువకుడు అనుకోని పరిస్థితుల్లో మాఫియా గ్యాంగ్ ల గొడవల్లో ఎలా ఇరుక్కున్నాడు, ఆ తరువాత ఒక డాన్ గా ఎలా ఎదిగాడు అనే అంశాలతో ఈ చిత్రం రూపొందింది.

ప్రేక్షకులను విపరీతంగా ఆకట్టుకున్న ఈ సినిమా బాక్సాఫీస్ వద్ద భారీ విజయాన్ని సాధించింది. కాగా ఈ గ్యాంగ్‌స్టర్ డ్రామాకి ఆస్కార్ అవార్డు గ్రహీత ఎ ఆర్ రెహమాన్ సంగీతం అందించారు. ఆయన అందించిన పాటలు, నేపథ్య సంగీతం చిత్ర విజయానికి ఎంతో దోహదపడ్డాయి అనడంలో ఎలాంటి సందేహం లేదు.

థియేటర్లలో విజయవంతంగా ప్రదర్శించబడిన తర్వాత, వెండు తనింధతు కాడు చిత్రం OTT ప్లాట్‌ఫారమ్‌కు విడుదలకు సిద్ధమయింది. ఈ చిత్రం ప్రస్తుతం అమెజాన్ ప్రైమ్ వీడియోలో ప్రసారం చేయబడుతోంది. మరియు ఇప్పటికే ఈ చిత్రానికి నెటిజన్ల నుండి కూడా అద్భుతమైన స్పందన వస్తుంది.

శింబు ప్రధాన పాత్రలో నటించిన ఈ చిత్రంలో సిద్ధి ఇదానీ హీరోయిన్ గా నటించగా, రాధిక శరత్‌కుమార్ మరియు సిద్ధిక్ ఇతర కీలక పాత్రల్లో నటించారు.

ధనుష్ నటించిన గత చిత్రం ఎనై నొక్కి పాయుం తూటా ( తెలుగులో తూటా) చిత్రంతో తన పై ప్రేక్షకులు ఏర్పరచుకునే భారీ అంచనాలను చేరుకోవడంలో విఫలమైన గౌతమ్ మీనన్‌.. ఈ చిత్రంతో మాత్రం ఆ అంచనాలను అందుకుని ఘనవిజయంతో బలమైన పునరాగమనాన్ని అందుకున్నారు.

ఇక గతేడాది విడుదలైన ‘మానాడు’ తర్వాత శింబుకి ఈ చిత్రంతో భారీ ఓపెనింగ్స్ దక్కాయి. వెంకట్ ప్రభు దర్శకత్వం వహించిన మానాడు చిత్రం బ్లాక్ బస్టర్ విజయాన్ని అందుకుంది. అంతే కాక భారతదేశం నలుమూలల నుండి ఇతర సినీ పరిశ్రమల నిర్మాతలు మానాడు రీమేక్ హక్కుల కోసం ఎగబడ్డారు.

ఇక వెండు తనింధతు కాడు చిత్రం రెండు భాగాలుగా తెరకెక్కనున్న సంగతి తెలిసిందే. ఇషారి.కె. వెల్స్ ఫిల్మ్ ఇంటర్నేషనల్ బ్యానర్‌పై గణేష్ ఈ భారీ ఫ్రాన్చైజీ చిత్రాన్ని నిర్మిస్తున్నారు. కాగా రెండో భాగం వచ్చే ఏడాది విడుదలయ్యే అవకాశం ఉంది.