బాహుబలి ఘనవిజయం వెనుక ఆ చిత్ర నిర్మాత శోభు యార్లగడ్డ కీలక పాత్ర పోషించారు. తన గొప్ప విజన్, అభిరుచితో బాహుబలి ప్రపంచానికి జన్మనిచ్చినది రాజమౌళి అయితే, తన మార్కెటింగ్ చతురత, వినూత్న ఆలోచనలతో బాహుబలిని నలుదిశలా నడిపించింది శోభు యార్లగడ్డ గారే.

ప్రస్తుతం శోభు యార్లగడ్డ ఆర్ఆర్ఆర్ ఆస్కార్ ప్రచారంలో చురుకైన పాత్ర పోషిస్తూ తన ప్రియ మిత్రుడు రాజమౌళికి సపోర్ట్ చేస్తున్నట్లు సమాచారం. ఆర్ఆర్ఆర్ ప్రపంచ వేదిక పై అవార్డులను గెలుచుకుంటుండగా, ఈ సందర్భంలో బాహుబలిని కూడా మరింత దూకుడుగా ప్రచారం చేసి ఉండాల్సిందని పలువురు ప్రభాస్ అభిమానులతో పాటు ఇతర ప్రేక్షకులు కూడా తమ భావాలను వ్యక్తం చేస్తున్నారు.

ఆర్ఆర్ఆర్ లాంటి మార్కెటింగ్ ప్రచారం ప్రభాస్ నటించిన బాహుబలి సీరీస్ ను మరింత విస్తృతం చేయడానికి ఖచ్చితంగా దోహదపడి ఉండేదని సినీ విశ్లేషకులు అభిప్రాయ పడుతున్నారు.

ఇదిలా ఉంటే బాహుబలిని ఆస్కార్ కు పరిగణనలోకి తీసుకోవాలని తామెప్పుడూ దరఖాస్తు చేసుకోలేదని శోభు ఓ ఇంటర్వ్యూలో వెల్లడించారు. 2017లో బాహుబలిని ఇండియన్ సినిమా నుంచి అఫీషియల్ ఎంట్రీగా ఎంచుకోకపోయినప్పటికీ, ఆర్ఆర్ఆర్ విషయంలో జరిగినట్లుగా శోభు యార్లగడ్డ అండ్ కో స్వతంత్రంగా ముందుకు తీసుకెళ్లే అవకాశం ఉండింది.

2017లో బాహుబలి-2ను ఇండియా యొక్క అఫీషియల్ ఎంట్రీగా ఎంపిక చేయనప్పుడు రాజమౌళి కూడా పెద్దగా ఆసక్తి చూపలేదు. ”నేను సినిమా చేసేటప్పుడు అవార్డుల గురించి ఎప్పుడూ ఆలోచించను. అది నా లక్ష్యం కాదు. ముందుగా కథతో సంతృప్తి పరచడం, ఆ తర్వాత ఎక్కువ మంది ప్రేక్షకులకు చేరువయ్యేలా చూడటం, అందులో ప్రాణం పెట్టి పని చేసిన ప్రతి ఒక్కరికీ డబ్బు సంపాదించడం ఏ నా ముఖ్యోద్దేశం అని ఈ దిగ్గజ దర్శకుడు 2017లో చెప్పారు.

నటుడు సునీల్ ప్రస్తుతం కెరీర్ బెస్ట్ స్టేజ్ లో ఉన్నారు. కోలీవుడ్ నుంచి సునీల్ కు వైవిధ్యభరితమైన పాత్రలు వస్తున్నాయి. అయితే అందుకి పుష్ప సినిమా ప్రధాన కారణంగా చెప్పుకోవచ్చు. ప్రస్తుతం సునీల్ భారీ తమిళ చిత్రాల్లో కీలక పాత్రలు అందుకుంటున్నారు. పుష్పలో ఆయన నటనే ఈ అవకాశాలకు ఆయన అర్హులయ్యేలా చేసింది.

ఒకప్పుడు తెలుగు చిత్ర పరిశ్రమలో సునీల్ టాప్ కమెడియన్లలో ఒకరిగా వెలుగొందారు. 2010 వరకు దాదాపు ప్రతి తెలుగు సినిమాలోనూ ఆయన కనిపించారు. కమెడియన్ గా విపరీతమైన క్రేజ్ సంపాదించుకున్న ఆయన ఆ తర్వాత హీరోగా మారి సినిమాలు చేశారు.

అయితే సునీల్ హీరోగా తొలిదశలో కొన్ని హిట్స్ అందుకున్నా ఆ తర్వాత వరుసగా సక్సెస్ఫుల్ సినిమాలు అందించడంలో విఫలమయ్యారు. తన కామెడీ టైమింగ్ ను కోల్పోయారని, కమెడియన్ గా, క్యారెక్టర్ యాక్టర్ గా కూడా రాణించలేక కనుమరుగవుతారని చాలా మంది అనుకున్నారు.

కానీ ‘కలర్ ఫోటో’, ‘పుష్ప’ వంటి సినిమాల్లో విలన్ గా నటించిన సునీల్.. తన అద్భుతమైన నటనతో అందరినీ ఆకట్టుకున్నారు. నిజానికి అలాంటి ప్రతినాయక ఛాయలున్న పాత్రల్లో ఆయన అంత బాగా నటిస్తారని ఎవరూ ఊహించలేదు.

తాజాగా సూపర్ స్టార్ రజినీకాంత్ నటిస్తున్న ‘జైలర్’ సినిమాలో సునీల్ నటించనున్నారని ప్రకటించారు. అలాగే శివ కార్తికేయన్ ‘మావీరన్’లో కూడా ఓ కీలక పాత్రలో కనిపించనున్నారని ఇటీవల వార్తలు వచ్చాయి. ఈ రెండింటితో పాటు కార్తీ నటిస్తున్న ఆసక్తికరమైన చిత్రం ‘జపాన్’లో కూడా ఒక కీలక పాత్ర పోషిస్తున్నారు.

అంతే కాకుండా మరో తమిళ హీరో విశాల్ హీరోగా తెరకెక్కుతున్న ‘మార్క్ ఆంథోని’ సినిమాలో నటించబోతున్నట్లు తెలుస్తోంది. ఈ చిత్రానికి ఆదిక్ రవిచంద్రన్ దర్శకత్వం వహిస్తున్నారు. ఈ విషయాన్ని హీరో విశాల్ స్వయంగా సోషల్ మీడియాలో పంచుకున్నారు. మరో ప్రముఖ నటుడు/దర్శకుడు ఎస్.జె.సూర్య కూడా ఈ చిత్రంలో భాగం కానున్నారని సమాచారం.

సమంత నటించిన శాకుంతలం వచ్చే నెలలో విడుదలకు సిద్ధంగా ఉంది. ఈ ప్రతిష్టాత్మక ప్రాజెక్టుకు తుది మెరుగులు దిద్దే పనిలో దర్శకుడు గుణశేఖర్ మరియు చిత్ర బృందం బిజీగా ఉంది. ఇటీవల విడుదలైన శాకుంతలం ట్రైలర్ కు పేలవమైన ఫీడ్ బ్యాక్ వచ్చింది. ట్రైలర్ లో వీఎఫ్ఎక్స్ సరిగా లేదని, పేలవమైన డబ్బింగ్ ఉందని ప్రేక్షకులు అభిప్రాయ పడ్డారు.

అయినప్పటికీ డిజిటల్, శాటిలైట్ రైట్స్ విషయానికి వస్తే ఈ సినిమా మంచి క్రేజ్ నే సంపాదించుకుంది. తాజా సమాచారం ప్రకారం శాకుంతలం సినిమా ఓటీటీ హక్కులను అమెజాన్ భారీ ధరకు దక్కించుకుందని తెలుస్తోంది. అయితే దీని గురించి నిర్మాతల నుంచి అధికారిక ప్రకటన రావాల్సి ఉంది.

ఈ పౌరాణిక చిత్రం కాళిదాసు యొక్క అభిజ్ఞాన శాకుంతలం ఆధారంగా రూపొందించబడింది. మహాభారతంలోని దుష్యంత రాజు, శకుంతల ప్రేమకథ చుట్టూ ఈ కథ తిరుగుతుంది. శాకుంతలం 2023 ఫిబ్రవరి 17న తెలుగు, తమిళం, మలయాళం, కన్నడ భాషల్లో 3డిలో విడుదల కానుంది.

2015లో వచ్చిన పీరియాడిక్ డ్రామా ‘రుద్రమదేవి’ తర్వాత ఏడేళ్ల తర్వాత గుణశేఖర్ చేస్తున్న తొలి చిత్రమిది. సమంత స్టార్ పవర్, గుణశేఖర్ గ్రాండ్ ఎగ్జిక్యూషన్ పై చాలా మంది ఆశలు పెట్టుకున్నారు. ఇటీవల సమంత విడుదల చేసిన పోస్టర్స్ కు మంచి స్పందన వస్తుండటంతో విడుదల వరకు ఇదే జోరు కొనసాగుతుందని నిర్మాతలు భావిస్తున్నారు.