ఇంటర్నెట్ అనేది ఎన్ని రకాలుగా మంచికి ఉపయోగపడుతుందో అన్నే విధాలుగా చెడు కూడా జరుగుతుంది. అక్కడ మనం ఏం మాట్లాడినా ఆచి తూచి వ్యవహారించాల్సి ఉంటుంది. ఎందుకంటే, నెటిజన్లు ప్రతి విషయాన్ని గుర్తుంచుకుంటారు. మరియు అవసరమైనప్పుడు గుర్తు చేసుకుంటారు. అందువల్ల పరస్పర విరుద్ధమైన ప్రకటనలు మరియు వ్యాఖ్యలు విమర్శల నుండి ఎప్పటికీ తప్పించుకోలేవు.
ముఖ్యంగా సినిమా పరిశ్రమలోని వ్యక్తులు ఈ విషయం పట్ల చాలా జాగర్తగా ఉండాలి. ఎందుకంటే వారి మాటలని, చేతకలని ఎంతో మంది గమనిస్తూ ఉంటారు. ప్రముఖ తెలుగు సినీ అగ్ర నిర్మాత దిల్ రాజు ఇప్పుడు అలాంటి పరిస్థితిలోనే ఉన్నారు.
ఆయన గతంలో చేసిన వ్యాఖ్యలకి విరుద్ధంగా నడుచుకోవడం పై నెటిజన్ల నుండి విమర్శలు, ట్రోలింగ్లను ప్రస్తుతం ఎదుర్కొంటున్నారు. 2019 సంక్రాంతి సమయంలో, సూపర్ స్టార్ రజినీకాంత్ నటించిన పెట్టా తెలుగు వెర్షన్ సంక్రాంతి రేసులో పోటీదారుల్లో ఒకటిగా ఉండింది. రజినీకాంత్ లాంటి లెజెండ్కి కూడా థియేటర్లు ఇవ్వడం లేదని దిల్ రాజుపై ‘పేట’ తెలుగు డబ్బింగ్ డిస్ట్రిబ్యూటర్ ఘాటైన వ్యాఖ్యలు చేశారు.
అయితే ఆ ఆరోపణలకు బదులుగా దిల్ రాజు స్పందిస్తూ, సంక్రాంతి సమయంలో డబ్బింగ్ సినిమాలకు తగినంత థియేటర్లు లభించవు, ఎందుకంటే స్ట్రెయిట్ తెలుగు చిత్రాలకు ఎక్కువ థియేటర్లు కల్పించాలి. తన సొంత సినిమాలు కూడా డబ్బింగ్ అయితే సంక్రాంతికి పెద్ద సంఖ్యలో థియేటర్లు వచ్చేవి కావని ఆయన అన్నారు.
అయితే, కాలం ఎప్పుడూ ఒకేలా ఉండదు. ఎప్పటికప్పుడు మారుతూ ఉంటుంది. దిల్ రాజు అప్పట్లో తాను చెప్పిన మాటలకి విరుద్ధంగా వ్యవహరించడమే ఇప్పుడు చర్చనీయాంశంగా మారింది. ఆయన ప్రస్తుతం తమిళ సూపర్ స్టార్ దళపతి విజయ్ నటించిన వారిసు (తెలుగులో వారసుడు) అనే సినిమాని నిర్మిస్తున్నాతు. వాల్తేరు వీరయ్య, వీరసింహారెడ్డి వంటి భారీ తెలుగు చిత్రాలు ఉన్నప్పటికీ దిల్ రాజు తన సొంత సినిమా అయిన వారసుడు కోసం సంక్రాంతి రేసులో మంచి సంఖ్యలో ఆకర్షనీయమైన స్క్రీన్లను పెట్టుకుంటారన్న విషయం తెలిసిందే.
పెట్టా రిలీజ్ సందర్భంగా దిల్ రాజు చేసిన వ్యాఖ్యలకు ఇప్పుడు ఎదురుదెబ్బ తగిలింది. నెటిజన్లు దిల్ రాజు ద్వంద్వ ప్రమాణాలను ఎత్తిచూపారు. మరియు స్టార్ ప్రొడ్యూసర్ అయి ఉండి ఇతరుల సినిమాల పట్ల వివక్ష చూపుతున్నారని, కేవలం తన స్వంత సినిమాలకు ప్రాధాన్యం ఇస్తున్నారని నిందలు వేస్తున్నారు.
తమ మార్కెట్ సామర్థ్యాలను బట్టి వేర్వేరు సినిమాలకు వేర్వేరు నిబంధనలు వర్తిస్తాయి కావచ్చు అని వారు వ్యంగ్యంగా వ్యాఖ్యలు చేస్తున్నారు. యుద్ధంలోనే కాదు తెలుగు ఇండస్ట్రీలో కూడా ఎప్పుడూ బలమైన వారిదే పైచేయి అవుతుంది అన్నట్లుగా ఇప్పుడు పరిస్థితి నెలకొంది.
థియేటర్ల సంఖ్య ఎక్కువగా తమ వద్ద ఉంచుకుని ఆర్థికంగా బలంగా ఉన్నవారు తమ ఇష్టానుసారంగా నిబంధనలను నిర్దేశిస్తారు. మరియు ఇతరులు మాత్రమే అనుసరించడానికి కొన్ని నియమాలను వ్రాస్తారు. ఇలాంటి ఏకపక్ష నిబంధనల వల్ల చిన్న నిర్మాతలు, పంపిణీదారులు నష్టపోవాల్సి వస్తోంది.
