షారుఖ్ ఖాన్ నటించిన పఠాన్ చిత్రం భారతదేశం మరియు ప్రపంచవ్యాప్తంగా హిందీ సినిమాలోనే అతిపెద్ద ఓపెనింగ్స్ నమోదు చేసింది, మరియు ఈ చిత్రం యొక్క రెండవ రోజు కలెక్షన్లు కొత్త రికార్డును నెలకొల్పినట్లు తెలుస్తోంది. నిన్న రిపబ్లిక్ డే కారణంగా సెలవు దినమైన గురువారం ఈ సినిమా వసూళ్లు రూ.70 కోట్ల నెట్ వసూలు చేసిందని బాక్సాఫీస్ నిపుణులు అంచనా వేస్తున్నారు.

ఇక ట్రేడ్ రిపోర్టుల ప్రకారం ఇంతవరకూ ఒక్కరోజులో 60 కోట్లు వసూలు చేసిన సినిమానే లేదు. అయితే వారి అంచనా ప్రకారం పఠాన్ రెండో రోజు ఏకంగా70 కోట్లు వసూలు చేసే అవకాశం ఉంది అని అంటున్నారు. అదే గనక నిజం అయితే .. పఠాన్ ఒక్క రోజులో 60-65-70 కోట్ల నెట్ సాధించిన తొలి బాలీవుడ్ సినిమా అవుతుంది.

షారుఖ్ ఖాన్ గత 3 సినిమాలు ఇండియాలో ఫుల్ రన్ లో కూడా 100 కోట్ల నెట్ వసూలు చేయడంలో విఫలమయ్యాయి. అయితే పఠాన్ కేవలం 2 రోజుల్లోనే 120 కోట్లకు పైగా వసూలు చేసి చరిత్ర సృష్టించే దిశగా అడుగులు వేస్తుంది. బాక్సాఫీస్ వద్ద ఇదే జోరును కొనసాగిస్తే పఠాన్ తొలి వారాంతంలోనే రూ.200 కోట్ల క్లబ్ లో చేరే అవకాశం ఉంది.

దాదాపు నాలుగేళ్ల తర్వాత షారుఖ్ ఖాన్ వెండితెర పైకి రీఎంట్రీ ఇవ్వడంతో అభిమానులు, ప్రేక్షకులు ఈ సినిమాను ఎంతగానో ఆదరిస్తున్నట్లు తెలుస్తోంది. ఈ చిత్రం బాక్సాఫీస్ వద్ద మంచి వసూళ్లు సాధిస్తుందని ఇండస్ట్రీ వర్గాలు, ప్రేక్షకులు ఆశించారు కానీ ఇంత భారీ రికార్డులు సృష్టిస్తుందని ఎవరూ ఊహించి ఉండరు.

పఠాన్ తన కలెక్షన్లతో అందరినీ ఆశ్చర్యపరిచి బాలీవుడ్ బాక్సాఫీస్ ను నెక్ట్స్ లెవల్ కు తీసుకెళ్లింది. సిద్ధార్థ్ ఆనంద్ దర్శకత్వం వహించిన పఠాన్ చిత్రంలో దీపికా పదుకొనె, జాన్ అబ్రహం, డింపుల్ కపాడియా, అశుతోష్ రాణా ఇతర కీలక పాత్రల్లో నటించారు.

షారుఖ్ ఖాన్ నటించిన పఠాన్ చిత్రం తొలి రోజే బాక్సాఫీస్ వద్ద చరిత్ర సృష్టించింది. ఈ చిత్రం బాక్సాఫీస్ వద్ద మొదటి రోజు అద్భుతమైన విజయాన్ని సాధించింది మరియు మొదటి రోజు 100 కోట్ల గ్రాస్ మార్కును దాటింది. తద్వారా ఓవరాల్ గా ఈ ఘనత సాధించిన ఐదో చిత్రంగా, తొలి బాలీవుడ్ చిత్రంగా నిలిచింది.

ఇప్పటివరకు బాహుబలి 2, సాహో, ఆర్ఆర్ఆర్, కేజీఎఫ్ 2 సినిమాలు తొలి రోజే 100 కోట్ల క్లబ్ లో చేరాయి. ఈ సినిమాలన్నీ తెలుగు, కన్నడ ఇండస్ట్రీలకు చెందినవి కాగా ఇప్పుడు పఠాన్ సినిమాతో బాలీవుడ్ కూడా ఈ అరుదైన క్లబ్ లోకి చేరిపోయింది.

యాక్షన్ థ్రిల్లర్ గా తెరకెక్కిన ఈ సినిమాలో షారుఖ్ ఖాన్ నాలుగేళ్ల తర్వాత మళ్లీ తెరపైకి వచ్చారు. ఆయన చివరిసారిగా ఆనంద్ ఎల్ రాయ్ దర్శకత్వం వహించిన జీరో చిత్రంలో ప్రధాన పాత్రలో కనిపించారు. పఠాన్ సినిమా అడ్వాన్స్ బుకింగ్స్ లలో కొత్త రికార్డులు క్రియేట్ చేయడంతో మొదటి రోజు కలెక్షన్లు భారీగా వస్తాయని అందరూ భావించారు. కానీ ఇన్ని రికార్డులని తిరగరాస్తుంది అని ఎవరూ అనుకుని ఉండరు.

షారుఖ్ ఖాన్ ప్రధాన పాత్రలో నటించిన పఠాన్ లో దీపికా పదుకొనె, జాన్ అబ్రహం కీలక పాత్రలను పోషించారు. ఈ చిత్రంలో వినోదానికి కొదవ లేదు పైగా షారుక్ ఖాన్ స్క్రీన్ ప్రెజెన్స్ మరియు యాక్షన్ ఎపిసోడ్స్ కి మంచి ప్రశంసలు దక్కాయి.

మిడ్ వీక్ రిలీజైనప్పటికీ ఈ షారుక్ ఖాన్ స్టార్టర్ అందరి అంచనాలను మించిపోయింది. హృతిక్ రోషన్ నటించిన వార్ సినిమా తర్వాత బాలీవుడ్ లో భారీ బడ్జెట్ తో తెరకెక్కిన చిత్రం పఠాన్. చివరకు 3 సంవత్సరాల తరువాత పఠాన్ మునుపటి బాలీవుడ్ సినిమాల ఓపెనింగ్ రికార్డులన్నింటినీ అధిగమించింది.

తాజాగా నందమూరి – అక్కినేని వివాదం సోషల్ మీడియాలో హాట్ టాపిక్ గా మారింది. తాజాగా వీరసింహారెడ్డి ఫంక్షన్ లో తాను చేసిన వ్యాఖ్యల పై నందమూరి బాలకృష్ణ ఎట్టకేలకు స్పందించారు. ఈ సందర్భంగా తనకు లెజెండరీ అక్కినేని నాగేశ్వరరావుకు గొప్ప అనుబంధం ఉందని.. ఆయనను కించపరిచే ఉద్దేశం తనకు ఏమాత్రం లేదని బాలకృష్ణ అన్నారు.

అలాగే తాను చేసిన వ్యాఖ్యలు ఉద్దేశపూర్వకంగా చేయలేదని, ఎవరినీ కించపరిచేలానీ తనకు లేదని బాలయ్య అన్నారు. “నేను ఆయన్ని బాబాయి అని పిలుస్తాను. ఆయన నా పట్ల ఎంతో ఆప్యాయంగా ఉంటారు. నిజానికి ఆయన తన పిల్లల కంటే నన్ను ఎక్కువగా ప్రేమిస్తారు'” అని అక్కినేని నాగేశ్వరరావు గురించి బాలకృష్ణ వ్యాఖ్యానించారు.

పొగడ్తలకు మోసపోవద్దని తాను అక్కినేని నుంచి నేర్చుకున్నానని ఆయన అన్నారు. ఎన్టీఆర్ ను కూడా కొందరు అభిమానులు ప్రేమగా ఎంటివోడు అని సంబోధిస్తుంటారని బాలయ్య వివరించారు. ఒక్కో ప్రాంతంలో ఒక్కో భాషను, మాండలికాన్ని ఉపయోగించి తమకు ఇష్టమైన వారిని ఆప్యాయంగా పిలుచుకుంటారని ఆయన చెప్పారు.

అదంతా ప్రేమ, ఆప్యాయత అని బాలయ్య అన్నారు. నేను కూడా అదే అర్థంలో మాట్లాడాను. అక్కినేని బాబాయిని కించపరిచే ఉద్దేశం నాకు లేదు అని అన్నారు.

దీంతో ప్రస్తుతం కొనసాగుతున్న వివాదానికి బాలయ్య ఫుల్ స్టాప్ పెట్టారని అందరూ భావించారు. అయితే తన కుమారుల కంటే ఏఎన్నార్ కు తనపై ఎక్కువ ప్రేమ ఉందని ఆయన పరోక్షంగా వ్యాఖ్యానించడం మరో దుమారం రేపే అవకాశం ఉంది.

ఇదిలా ఉంటే బాలయ్య వ్యాఖ్యలను విమర్శిస్తూ వైసీపీ సోషల్ మీడియా కార్యకర్తలు రాజకీయ లబ్ది పొందేందుకు ప్రయత్నించడంతో ఈ మొత్తం వ్యవహారం రాజకీయ మలుపు తిరిగింది. ఇక బాలయ్య తాజా వివరణ పై అక్కినేని నాగార్జున కానీ, ఆయన కుటుంబం కానీ ఇంకా స్పందించలేదు.