మెగాస్టార్ చిరంజీవి నటించిన వాల్తేరు వీరయ్య సినిమా థియేటర్లలో ప్రేక్షకులను విశేష స్థాయిలో అలరించిన తర్వాత ఇక ఓటీటీ ప్రీమియర్ కు సిద్ధమవుతోంది. వాల్తేరు వీరయ్య ఓటీటీ విడుదల కోసం అత్యంత ఆసక్తిగా ఎదురు చూస్తున్న ప్రేక్షకులకు ఇది శుభవార్త అనే చెప్పాలి. ఈ సంక్రాంతి సీజన్ లో రిలీజైన ఈ సినిమా బ్లాక్ బస్టర్ కలెక్షన్స్ సాధించి అటు మెగా అభిమానులతో పాటు ప్రేక్షకులకు ఒక కంప్లీట్ ఎంటర్ టైన్ మెంట్ ప్యాకేజ్ అందించింది.

వాల్తేరు వీరయ్య ఫిబ్రవరి 27 నుంచి నెట్ ఫ్లిక్స్ లో స్ట్రీమింగ్ కానుంది. ఈ విషయాన్ని దిగ్గజ ఓటీటీ సంస్థ సోషల్ మీడియాలో అధికారికంగా ప్రకటించింది. బాబీ దర్శకత్వం వహించిన ఈ చిత్రం ఫెస్టివల్ రిలీజ్, మెగాస్టార్ బాక్సాఫీస్ పుల్ కారణంగా చాలా మంది ఊహించిన దానికంటే బాక్సాఫీస్ వద్ద బాగా ఆడింది. థియేటర్లలో ప్రేక్షకులను అలరించిన వాల్తేరు వీరయ్య ఓటీటీ విడుదల అయి నెట్ ఫ్లిక్స్ లో కూడా కొన్ని మైలురాళ్లను సృష్టిస్తుందని భావిస్తున్నారు.

ఈ చిత్రం థియేట్రికల్ రన్ అయిన 6 రోజుల్లోనే బ్రేక్ ఈవెన్ మార్క్ ను సాధించి అతి తక్కువ సమయంలోనే 100 కోట్ల షేర్ ను సాధించింది. వాల్తేరు వీరయ్య ఒకదాని తర్వాత మరొకటి అనేక రికార్డులు నెలకొల్పి కేవలం నైజాంలో 50 కోట్ల గ్రాస్ మార్కును అందుకోవడంతో పాటు బాక్సాఫీస్ కలెక్షన్లలో టాలీవుడ్ టాప్ 10 సినిమాల్లో 6వ స్థానంలో నిలవడం గమనార్హం.

చిరంజీవి అద్భుతమైన స్క్రీన్ ప్రెజెన్స్, రవితేజ ఎనర్జీ మరియు మాస్ అప్పీల్ తో నిండిన పెర్ఫార్మెన్స్ కలిసి భారీ డోస్ ఎంటర్టైన్మెంట్ ను అందించి వాల్తేరు వీరయ్య సినిమాని ప్రేక్షకుల ఫేవరెట్ గా నిలబెట్టాయి.

బాబీ దర్శకత్వం వహించిన ఈ చిత్రానికి దేవిశ్రీ ప్రసాద్ సంగీతం అందించగా, బాస్ పార్టీ, పూనకాలు లోడింగ్ వంటి పాటలు సూపర్ డూపర్ హిట్ కావడంతో పాటు మంచి బ్యాక్ గ్రౌండ్ స్కోర్ ఇచ్చి సినిమా విజయంలో ఆయన కూడా ఒక కీలక పాత్ర పోషించారు. ఈ చిత్రంలో శృతి హాసన్, ప్రకాష్ రాజ్, రాజేంద్ర ప్రసాద్ ముఖ్య పాత్రలు పోషించారు.

Megastar Chiranjeevi’s Waltair Veerayya is getting ready for its OTT premiere after successfully entertaining the audience in the theatres. Waltair Veerayya OTT release is one of the most anticipated ones. The movie was released during the Sankranti season and saw blockbuster collections and provided a complete entertainment package to movie lovers.

Waltair Veerayya will stream on Netflix from 27th February. Directed by Bobbt, this film performed better than many imagined thanks to the festive release and Megastar’s box-office pull. After enthralling audience in theatres, Waltair Veerayya OTT release is also expected to create some milestones on Netflix.

The film achieved the Breakeven mark within 6 days of its Theatrical run and went on to achieve 100 crores share in a pretty short span of time. Waltair Veerayya set several records one after another and achieved 50 crore mark in Just Nizam and also sits at the no.6 in top 10 movies in Tollywood in box-office collection.

Chiranjeeevi’s magnetic screen presence, Ravi Teja’s energetic and powerful performance along with a heavy dose of entertainment made Waltair Veerayya a heavy favorite among movie lovers.

Directed by Bobby, the film’s music was composed by Devi Sri Prasad who gave a couple of solid numbers which became quick chartbusters. The film also starred Shruti Haasan, Prakash Raj, and Rajendra Prasad in key roles.

తమిళ సూపర్ స్టార్ అజిత్ కుమార్ నటించిన హెయిస్ట్ థ్రిల్లర్ ‘తునివు’ సినిమా నెట్ ఫ్లిక్స్ లో స్ట్రీమింగ్ కానుంది. తెలుగు, తమిళం, మలయాళం, కన్నడ , హిందీ భాషల్లో ఈ చిత్రం ప్రేక్షకుల ముందుకు రానుంది. ఈ సినిమా ఫిబ్రవరి 8న అర్ధరాత్రి (భారత కాలమానం ప్రకారం అర్ధరాత్రి 12 గంటలకు) దిగ్గజ ఓటీటీ ప్లాట్ఫామ్ లో విడుదల కానుంది.

యువర్ బ్యాంక్ ను దోచుకోవడానికి, దోచుకున్న డబ్బును పంచుకోవడానికి కుట్ర పన్నిన దుండగుల బృందంతో ఒక పోలీసు ఒప్పందం కుదుర్చుకోవడంతో తునివు చిత్రం ప్రారంభమవుతుంది. ఈ ముఠా తమ ప్రణాళికను ప్రారంభించి బ్యాంకులోకి ప్రవేశిస్తుంది, అయితే అప్పటికే బ్యాంక్ లోపల డార్క్ డెవిల్ (అజిత్ కుమార్) అనే మరో వ్యక్తి కూడా బ్యాంక్ ను దోచుకోవడానికి వచ్చాడని తెలుసుకుంటారు.

ఆ డార్క్ డెవిల్ కొంతమంది దుండగులను హతమార్చి కస్టమర్లు, ఉద్యోగులు, ఇతర దుండగులను కూడా బందీలుగా చేసుకుంటాడు. అతను ఎవరు? బ్యాంకులో దోపిడీకి ఎందుకు ప్లాన్ చేశాడు? అతనికి ఎవరు సహాయం చేస్తున్నారు? ఈ ప్రశ్నలకు సమాధానాలే మిగతా కథ.

తునివు మొదటి రోజు ప్రారంభ షోల నుండి మిశ్రమ స్పందనను అందుకుంది. ఇక ఈ సినిమా రెగ్యులర్ కమర్షియల్ లేదా ఫ్యామిలీ ఎంటర్టైనర్ కూడా కాకపోవడంతో ప్రేక్షకులు, ట్రేడ్ వర్గాల నుంచి అందరూ గత అజిత్ సినిమా వలిమై మాదిరిగానే ఈ సినిమా కూడా నష్టాల బాట పడుతుందని అనుకున్నారు. కానీ ఈ సినిమా అందరి అంచనాలను మించిపోయి బ్లాక్ బస్టర్ హిట్టయ్యింది.

‘తునివు’లో అజిత్ నటనకు అద్భుతమైన ప్రశంసలు దక్కాయి. అయితే అజిత్ లాంటి స్టార్ హీరోతో సినిమాను హ్యాండిల్ చేయడంలో దర్శకుడు హెచ్.వినోద్ ఇంకాస్త జాగర్తగా ఉంటే బాగుండేదని ప్రేక్షకులు మరియు విమర్శకులు అన్నారు. మంజు వారియర్, మోహన సుందరం, సముద్రఖని, జాన్ కొక్కెన్, వీర ఈ చిత్రంలో కీలక పాత్రలు పోషించారు. జీ స్టూడియోస్ తో కలిసి బోనీ కపూర్ ఈ చిత్రాన్ని నిర్మించారు. తునివు జనవరి 11న ప్రపంచ వ్యాప్తంగా థియేటర్లలో విడుదలైంది.

షారుఖ్ ఖాన్ ప్రధాన పాత్రలో నటించగా జనవరి 25 న విడుదల అయిన పఠాన్ చిత్రం బాక్సాఫీస్ వద్ద భారీ వసూళ్లను రాబడుతోంది. హిందీ సినిమాల విషయానికొస్తే 100, 200, 300 కోట్ల క్లబ్ లలో అత్యంత వేగంగా వసూళ్లు రాబట్టిన ఈ వీకెండ్ తో 400 కోట్ల క్లబ్ లోకి కూడా ఎంట్రీ ఇచ్చింది.

పఠాన్ 13వ రోజు (రెండో సోమవారం) టికెట్ ధరల తగ్గింపుతో నిలకడగా సాగింది. సోమవారం ఈ సినిమాకి ప్రేక్షకుల తాకిడి రెండో శుక్రవారంతో సమానంగా ఉండటం నిలకడైన బాక్సాఫీస్ రన్ కు సంకేతంగా చెప్పుకోవచ్చు. ఇప్పుడు బాహుబలి 2 హిందీ వరల్డ్ వైడ్ గ్రాస్ (810 కోట్లు)ను బద్దలు కొట్టి దాదాపు 850 కోట్ల గ్రాస్ వసూలు చేసి హిందీ సినిమాలో ఆల్ టైమ్ హయ్యెస్ట్ గ్రాసర్ గా నిలిచింది.

కొన్నేళ్లుగా దక్షిణాది సినిమాల డబ్బింగ్ వెర్షన్లు కొన్ని అసాధారణ సంఖ్యలతో హిందీ సినిమాలను డామినేట్ చేశాయి. దీనికి తొలి అడుగు వేసింది ఎస్ ఎస్ రాజమౌళి. 2017లో రాజమౌళి తెరకెక్కించిన ‘బాహుబలి 2: ది కంక్లూజన్’ హిందీ వెర్షన్ లో ఘనవిజయం సాధించింది. 500 కోట్లకు పైగా నెట్ వసూళ్లతో ఇండియాలో ఇప్పటికీ టాప్ పొజిషన్ లో కొనసాగుతోంది.

ఇక ప్రస్తుతం బాక్సాఫీస్ వద్ద నిలకడగా రాణిస్తున్న పఠాన్ ఖచ్చితంగా బాహుబలి 2 లైఫ్ టైమ్ నెట్ ఫిగర్ కు సవాలు విసురుతుంది అని ట్రేడ్ వర్గాల వారు అంచనా వేస్తున్నారు. మరి ఈ అరుదైన ఘనతను పఠాన్ సాధిస్తుందో లేదో తెలియాలంటే మరి కొన్ని రోజులు ఆగాల్సిందే.

పఠాన్ సినిమా కేవలం షారుక్ ఖాన్ కే కాదు, బాలీవుడ్ కు కూడా అత్యంత అవసరమైన బ్లాక్ బస్టర్ గా నిలిచింది. ఇక ఈ చిత్ర విజయాన్ని ప్రపంచ వ్యాప్తంగా షారుక్ అభిమానులు సంబరాలు జరుపుకుంటున్నారు. షారుఖ్ ఖాన్, దీపికా పదుకొనె, జాన్ అబ్రహం నటించిన పఠాన్ ఆదిత్య చోప్రా యొక్క ప్రతిష్టాత్మక స్పై యూనివర్స్ లో భాగం కాగా.. భవిష్యత్తులో ఈ యూనివర్స్ లో మరిన్ని చిత్రాలను నిర్మించే ఆలోచనలో ఉన్నారు.

యంగ్ హీరో సుహాస్ నటించిన ‘ రైటర్ పద్మభూషణ్’ చిత్ర నిర్మాతలు తమ సినిమాను ప్రమోట్ చేసుకునేందుకు ప్రత్యేక వ్యూహాలతో ముందుకొస్తున్నారు. గత వారం రిలీజైన ఈ సినిమా ఇప్పటికే చిన్న సినిమాలలో బిగ్గెస్ట్ బ్లాక్ బస్టర్ గా నిలిచింది. తమ సినిమాను, దాని సందేశాన్ని మరింత మందికి చేరవేసేందుకు చిత్ర యూనిట్ శతవిధాలా ప్రయత్నిస్తోంది.

రేపు రైటర్ పద్మభూషణ్ సినిమాని మహిళల కోసం ఉచిత షోలు ప్రదర్శితం చేయనున్నారు. తెలుగు రాష్ట్రాల్లో మొత్తం 38 థియేటర్లలో ఈ ఫ్రీ షోలను ప్రదర్శించనున్నారు. ఇది చిత్ర బృందం యొక్క మరొక అద్భుతమైన మరియు తెలివైన వ్యూహం అని చెప్పవచ్చు.

ఇంతకుముందు ఈ సినిమా విడుదల తేదీకి ఒక రోజు ముందే పెయిడ్ ప్రీమియర్స్ ప్రదర్శించారు. నూతన దర్శకుడు షణ్ముఖ ప్రశాంత్ దర్శకత్వం వహించిన ఈ ఫ్యామిలీ ఎంటర్ టైనర్ ను లహరి ఫిలింస్ తో కలిసి చాయ్ బిస్కెట్ నిర్మించారు. ఈ సినిమా పాజిటివ్ టాక్ తెచ్చుకోవడంతో పాటు బాక్సాఫీస్ వద్ద కూడా లాభాలను రాబట్టింది.

ఇక ఈ సినిమా కథ విషయానికి వస్తే లైబ్రేరియన్ గా పనిచేస్తూ ఔత్సాహిక రచయిత అయిన పద్మభూషణ్ (సుహాస్). అప్పు చేసి తన మొదటి నవల ‘తొలి అడుగు’ను ప్రచురించగా దాన్ని ఎవరూ గుర్తించరు. అయితే అకస్మాత్తుగా అతను మంచి రచయితగా పేరు పొంది అందరి చేతా మెచ్చుకోబడతాడు.

ట్విస్ట్ ఏంటంటే నిజానికి ఆ పుస్తకం పద్మభూషణ్ రాయలేదు. పద్మభూషణ్ తన కలంపేరుతో పుస్తకం ఎవరు రాశారో తెలుసుకోవాలని ప్రయత్నిస్తాడు. ఇంతకీ ఆ రచయిత ఎవరు? పద్మభూషణ్ కు రచయిత దొరికాడా? పద్మభూషణ్ పేరును ఆ రచయిత ఎందుకు వాడాడు? ఈ ప్రశ్నలకు సమాధానాలే మిగతా కథ.