భారతీయ సినిమా షహెన్‌షాగా ఎనలేని ఖ్యాతిని పొందిన అమితాబ్ బచ్చన్ మరియు దక్షిణ భారత సినిమా సంచలన నటి మరియు ప్రస్తుత జాతీయ క్రష్, రష్మిక మందన్న గుడ్‌బై అనే ఫ్యామిలీ కామెడీ డ్రామాలో కలిసి నటించారు. జాతీయ అవార్డు గ్రహీత దర్శకుడు వికాస్ బహ్ల్ ఈ ప్రతిభావంతులైన నటీనటులను ఓకే ఫ్రేమ్‌లో తీసుకువచ్చారు.

అయితే అమితాబ్ బచ్చన్ మరియు రష్మిక మందన్న ల ఆసక్తికరమైన కలయిక అయినప్పటికీ ప్రేక్షకుల దృష్టిని ఆకర్షించలేకపోయారు. గుడ్‌బై మూవీ థియేట్రికల్ రిలీజ్‌లో దారుణంగా విఫలమైంది మరియు ఇప్పుడు OTTలో విడుదలకి సిద్ధంగా ఉంది. డిసెంబర్ 2న ఈ చిత్రం నెట్‌ఫ్లిక్స్‌లో విడుదల కానుంది. హిందీలో మనోహరమైన రష్మిక అరంగేట్రం కోసం ఈ సినిమాని ప్రేక్షకులు చూడవచ్చు.

అక్టోబర్ 7న విడుదలైన ఈ చిత్రం పేలవమైన సమీక్షలకు తెరతీసింది మరియు ఈ సంవత్సరం పెద్ద హిందీ చిత్రాలలో ఓపెనింగ్స్ మరియు కలెక్షన్లు బలహీనంగా ఉన్న సంగతి తెలిసిందే. అదే కోవలో ఈ చిత్రానికి కూడా కనీస ప్రభావితమైన విధంగా కూడా కలెక్షన్లు రాలేదు.

ఈ చిత్రంలో నీనా గుప్తా సునీల్ గ్రోవర్, పావైల్ గులాటి, ఆశిష్ విద్యార్థి, ఎల్లి అవ్రామ్‌లు వంటి ప్రతిభావంతమైన నటీనటులు ఇతర సహాయక పాత్రల్లో నటించారు.

సమీక్షకుల అభిప్రాయం ప్రకారం, ఈ చిత్రంలో కామెడీ మరియు సెంటిమెంట్ వంటి రెండు జోనర్‌ల మిశ్రమంగా ప్రయత్నించిన, అవి బాగా మిళితం కాలేదు మరియు చిత్రం చివరిలో ఉండాల్సిన భావోద్వేగమైన అనుభూతిని కోల్పోయింది.

గుడ్‌బై సినిమా కథ విషయానికి వస్తే.. భల్లా కుటుంబం వారి ఇంట్లో అనుకొని విషాదం నెలకొంటుంది. మరి వారు ఆ సందర్భంగా ఎదురయ్య సవాళ్లతో పోరాడే శక్తిని తిరిగి ఎలా పొందారు అనేదే కథ. సినిమా కొన్నిసార్లు ఫన్నీగా ఉంటుంది మరియు సెంటిమెంట్ కూడా కొన్ని చోట్ల పని చేసింది, కానీ ఈ అంశాలు సినిమా విజయంలో కీలక పాత్ర పోషించే విధంగా మాత్రం సరిపోలేదు.

నాచురల్ స్టార్ నాని ప్రస్తుతం దసరా అనే పక్కా మాస్ ఎంటర్‌టైనర్ చేస్తున్న సంగతి తెలిసిందే. ఈ సినిమా సింగరేణి బొగ్గు గనుల నేపథ్యంలో సాగే యాక్షన్ థ్రిల్లర్ గా రూపొందనుంది. కాగా ఈ సినిమాలో బొగ్గు గనిలో పని చేసే కూలీగా కనిపించనున్నారు. ఈ సినిమాకి సంబందించిన టీజర్‌లు ఇప్పటికే సంచలనం సృష్టించి సినిమా పై అంచనాలను పెంచేశాయి.

కాగా దసరా చిత్ర నిర్మాత అయిన సుధాకర్ చెరుకూరి ఇప్పటి దాకా సినిమాకి వచ్చిన అవుట్పుట్ చూసి చాలా సంతోషపడ్డారట. ఈ సందర్భంగా ఆయన నటీనటులు మరియు సిబ్బందికి ఖరీదైన బహుమతులు ఇచ్చారని సమాచారం.

సాధారణంగా, ఇలాంటి బహుమతులు సినిమా పూర్తయిన తర్వాత లేదా సినిమా విజయవంతమైన ఫలితం వచ్చిన తర్వాత ఆయా సిబ్బందికి ఇవ్వబడతాయి.

భరత్ అనే నేను సమయంలో మహేష్ బాబు నుండి అలాంటి ఉదంతాలు మనం చూశాము లేదా ఆ విషయానికొస్తే, తమిళ స్టార్ హీరో విజయ్ ఎక్కువగా తన చిత్ర బృందానికి గోల్డ్ కాయిన్స్ ఇచ్చేవారు. ఇప్పుడు దసరా సినిమా నిర్మాత సుధాకర్ చిత్ర బృందం లోని ప్రతి ఒక్కరికీ ఐఫోన్‌లను బహుమతిగా అందించారట.

సినిమా పరిశ్రమ కమర్షియల్‌గా ఉంటుందని, ఇక్కడి మనుషులు కేవలం డబ్బును మాత్రమే ఇష్టపడతారని చాలా మంది అనుకుంటారు..ఆ మాట నిజమే కానీ.. సుధాకర్ లాంటి నిర్మాతలు కూడా ఒక మెట్టు దాటి తమకు అనిపించినట్టే సంతోషాన్ని ఇచ్చే ఇలాంటి పనులు చేస్తుంటారు.

మంచి పనిని మెచ్చుకోవడం ఎవరికైనా ఉత్సాహాన్ని మరియు ఆనందాన్ని ఇస్తుంది. ఇంద్ర కాలంలో, పరుచూరి గోపాలకృష్ణ ఒక పేజీ నిడివి గల స్క్రిప్ట్‌కి బదులుగా మంచి వన్ లైనర్ డైలాగ్‌ని సూచించినప్పుడు, చిరంజీవి గోపాలకృష్ణను మెచ్చుకుని ఆయనకు కొత్త ఎరిక్ సన్ మొబైల్ ఫోన్‌ను బహుమతిగా ఇచ్చారట. పరుచూరి ఇప్పటికీ ఆ జ్ఞాపకాన్ని నెమరువేసుకుంటునే ఉన్నారు.

అందువల్ల, ఇటువంటి బహుమతులు ఇవ్వడం అనేది సినిమా తారాగణం మరియు సిబ్బందికి ఎంతో ప్రత్యేకమైన గుర్తింపులా.. ప్రోత్సాహకరంగా ఉంటుంది అనడంలో ఎలాంటి సందేహం లేదు.

దసరా సినిమాని నూతన దర్శకుడు శ్రీకాంత్ ఓడెల తెరకెక్కిస్తున్నారు. కాగా ఈ చిత్రానికి తమిళ సంగీత సంచలనం సంతోష్ నారాయణన్ సంగీతం అందిస్తున్నారు. అలాగే మహనటి ఫేం కీర్తి సురేష్ కథానాయికగా నటిస్తున్నారు.

యానిమల్ సినిమా కోసం రణబీర్ కపూర్ సందీప్ రెడ్డి వంగాతో జతకట్టినట్లు ప్రకటించినప్పటి నుండి, అభిమానులు ఆ సినిమా విడుదల కోసం ఆసక్తిగా ఎదురుచూస్తున్నారు. ఒక హింసాత్మకమైన గ్యాంగ్‌స్టర్ కథ కోసం వారిద్దరూ చేతులు కలిపినట్లు సమాచారం.

ఇటీవల, యానిమల్ సినిమాలోని రణబీర్ కొత్త లుక్ వెబ్‌లో లీక్ అయింది. లీకైన పిక్స్‌లో, నటుడు తెల్లటి కుర్తా ధరించి రక్తపు మరకలతో కనిపించారు. రణబీర్ పొడవాటి జుట్టు, బరువైన గడ్డం మరియు అతని రక్తంతో నిండిన ముఖంపై తీవ్రమైన రూపాన్ని కలిగి ఉన్నారు. ఈ లీకైన పిక్స్ సోషల్ మీడియాలో చర్చనీయాంశంగా మారాయి మరియు రణబీర్ అభిమానులు అతని కొత్త లుక్‌ను చూసి ఆశ్చర్యపోతున్నారు.

చాక్లెట్ బాయ్‌గా పేరు తెచ్చుకున్న రణ్‌బీర్‌లో భారీ మార్పు వచ్చింది. యానిమల్‌తో తాను చాలా హింసాత్మక చిత్రం చేస్తానని సందీప్ వంగా ఇప్పటికే నొక్కిచెప్పారు. అదే విషయాన్ని ధృవీకరిస్తూ, లీక్ అయిన పిక్స్ హింసకు అద్దం పడుతున్నాయి.

మొదట్లో, ఈ చిత్రంలో రణబీర్ సరసన నటించేందుకు పరిణీతి చోప్రా ఎంపికైయ్యారు, కానీ ఆమె ప్రాజెక్ట్ నుండి తప్పుకున్న తర్వాత, ఆ స్థానంలో నేషనల్ క్రష్ రష్మిక మందన్నను ఎంపిక చేసుకున్నారు…

ఈ చిత్రం రణబీర్ కపూర్ యొక్క బలమైన మరియు హింసాత్మకమైన పాత్రతో నడిచే పాత్ర అని చెప్పబడుతోంది. అయితే, తన తొలి చిత్రం అర్జున్ రెడ్డికీ ఈ చిత్రానికీ పెద్దగా సారూప్యతలు ఉండవని దర్శకుడు సందీప్ రెడ్డి వంగా ముందే ధృవీకరించారు.

గతంలో ఒక ఇంటర్వ్యూలో, రణబీర్ సందీప్ రెడ్డి వంగాతో కలిసి పని చేయటం గూర్చి, అలాగే యానిమల్ సినిమా గురించి వివరించారు. నటుడిగా తనకు ఈ పాత్ర చేయడం గొప్ప అవకాశం అని, తాను ఇలాంటి పాత్ర చేస్తానని ఎవరూ ఊహించరని అన్నారు. తనను ఊహించని పాత్రలో చూసేందుకు ప్రేక్షకులు కూడా సిద్ధంగా ఉన్నారని చాలా ఆశాభావం వ్యక్తం చేశారు.

ఇక ఈ నెల ప్రారంభంలో, రణబీర్ కపూర్ మరియు ఆలియా భట్ తల్లిదండ్రులయిన సంగతి తెలిసిందే. వారికి మొదటి బిడ్డగా ఆడపిల్ల జన్మించింది. ఇక తల్లి అయక ఆలియా భట్ ప్రసూతి విరామంలో ఉన్నారు మరియు తన బిడ్డని అపురూపంగా చూసుకుంటున్నారు. అయితే, తండ్రిగా మారినా కూడా రణబీర్ కపూర్ తన కమిట్‌మెంట్‌లను పాటిస్తూ, తన రాబోయే చిత్రం యానిమల్ షూటింగ్‌లో బిజీగా ఉన్నారు.

ప్రేక్షకుల సుదీర్ఘ నిరీక్షణ తర్వాత సూపర్ హిట్ సినిమా కాంతార ఓటిటిలో విడుదల అయింది. కాంతార స్ట్రీమింగ్ రైట్స్‌ని అమెజాన్ ప్రైమ్ సొంతం చేసుకున్న సంగతి తెలిసిందే. నిజానికి ఈ సినిమా నవంబర్ మొదటి వారంలోనే స్ట్రీమింగ్‌కి అందుబాటులోకి రావడానికి సిద్ధంగా ఉన్నా.. థియేటర్లలో అనూహ్యంగా రన్ అవడంతో అది వాయిదా వేయవలసి వచ్చింది.

పైన చెప్పినట్లుగా, కాంతార యొక్క OTT విడుదల కోసం ప్రేక్షకులు ఆసక్తిగా ఎదురుచూస్తున్నారు. కానీ తీరా సినిమా చూసిన తర్వాత నిరాశ చెందారు. వారు అలా నిరాశ చెందడానికి సరైన కారణం ఉండనే ఉంది.

కాంతార క్లైమాక్స్‌లో వరాహ రూపం పాట అత్యంత ప్రసిద్ధి చెందిన పాట మరియు సినిమాకే ఉత్తమ పాయింట్ అని మనందరికీ తెలుసు. చిత్రం చివరలో ఉత్కంఠభరితమైన యాక్షన్ ఎపిసోడ్ తర్వాత, వరాహ రూపం పాట ప్రేక్షకులకు సంతృప్తికరమైన దివ్య అనుభూతిని ఇస్తుంది.

కానీ OTTలో, చిత్ర బృందం ఈ పాటను తీసివేసి, దాని స్థానంలో మరొక పాటను చేర్చింది. ఈ మార్పుతో ప్రేక్షకులు పూర్తిగా నిరాశ చెందారు. సినిమా తాలూకు ప్రభావం పూర్తిగా తగ్గిపోయిందని వారు ఆవేదన వ్యక్తం చేస్తున్నారు.

గతంలో తైక్కుడం బ్రిడ్జ్‌ ‘వరాహ రూపం…’ పాట ఆర్కెస్ట్రా ఏర్పాటులో కాపీరైట్ నిబంధనలను ఉల్లంఘిస్తూ తమ పాత ‘నవరసం’ ను కాపీ కొట్టారని ఆరోపణలు చేశారు. ‘కాంతార’ సంగీత దర్శకుడు దీనిని తిరస్కరించారు మరియు తాము ‘నవరసం’ నుండి కేవలం ప్రేరణ మాత్రమే పొందామని తెలియజేసినప్పటికీ, తైక్కుడం బ్రిడ్జ్ ఆ వాదనలను తిరస్కరించింది.

ఆ తర్వాత కన్నడ హిట్ ‘కాంతార’పై మ్యూజిక్ బ్యాండ్ తైక్కుడం బ్రిడ్జ్ లేవనెత్తిన కాపీరైట్ ఉల్లంఘన ఆరోపణలపై కోజికోడ్ ప్రిన్సిపల్ జిల్లా సెషన్స్ కోర్టు జోక్యం చేసుకుంది. ‘కాంతార’ సినిమాలోని ‘వరాహ రూపం…’ పాటను ఫిర్యాదుదారుని అనుమతి లేకుండా ఉపయోగించరాదని కోర్టు ఆదేశించింది.

కాంతార దర్శకుడు, నిర్మాత, సంగీత దర్శకుడులను ఉద్దేశిస్తూ.. ఆన్‌లైన్ ప్లాట్‌ఫారమ్‌లైన Amazon, YouTube, Spotify, JioSaavn మరియు Wynk లలో వరాహ రూపం పాటను ఉపయోగించకుండా కోర్టు నిషేధించింది.

కాంతార థియేటర్లలో బ్లాక్ బస్టర్ గా నిలిచింది. అంతే కాక ప్రపంచ వ్యాప్తంగా 400 కోట్ల రూపాయల వసూళ్లు సాధించింది. మరో వైపు ఈ సినిమా థియేటర్లలో సక్సెస్‌ఫుల్‌గా రన్ అవుతున్న తరుణంలో.. ఈ సినిమాను అంత తొందరగా ప్రైమ్‌కి తీసుకొచ్చే అవకాశం లేదని చాలా మంది భావించారు. అందుకే అమెజాన్ కూడా ముందుగా OTT విడుదల తేదీ నుండి 3 వారాల పాటు వేచి ఉంది.

ఈ సినిమా నేరుగా ప్రసారం అవుతుందా లేక అద్దె ప్రాతిపదికన ప్రసారం అవుతుందా అనే సందేహం ప్రేక్షకుల్లో నెలకొని ఉండింది. కానీ కాంతార ఎటువంటి పరిమితులు లేకుండా చందాదారులందరికీ నేరుగా అందుబాటులోకి వచ్చింది. నాలుగేళ్ళ కిందట ఒక హిట్ సినిమాని నేరుగా ప్రసారం చేయకుండా కొంత మొత్తంలో అద్దె వసూలు చేసే పద్ధతిని అమెజాన్ ప్రారంభించిన సంగతి తెలిసిందే.

కాగా కర్ణాటకలో అత్యధిక వసూళ్లు సాధించిన చిత్రంగా కాంతార నిలిచింది. కేజీఎఫ్-2 సృష్టించిన కొన్ని రికార్డులను కూడా క్రాస్ చేసింది. ఆ తర్వాత అల్లు అరవింద్ ఈ చిత్రాన్ని తెలుగులో విడుదల చేశారు. ఇక్కడ కూడా 60 కోట్ల రూపాయల గ్రాస్ వసూలు చేసి అందరినీ ఆశ్చర్యపరిచింది.