వెంకటేష్, రానా దగ్గుబాటి నటించిన నెట్ ఫ్లిక్స్ వెబ్ సిరీస్ రానా నాయుడు ఈ నెల ప్రారంభంలో విడుదలై చాలా పేలవమైన సమీక్షలను అందుకుంది. అయితే ఈ క్రైమ్ డ్రామాలో వెంకటేష్, రానా ఉండటం ప్రేక్షకుల్లో విపరీతమైన క్యూరియాసిటీని క్రియేట్ చేసి రికార్డు స్థాయిలో ఈ షోను వీక్షించేలా చేసింది. ఈ నెట్ ఫ్లిక్స్ వెబ్ సిరీస్ వీక్షణ సమయాల పరంగా రికార్డు సృష్టించింది. మరియు ప్రపంచ వ్యాప్తంగా అత్యధికంగా వీక్షించిన ఆంగ్లేతర వెబ్ సిరీస్ లలో 10వ స్థానంలో నిలిచింది.

నెట్ ఫ్లిక్స్ లో అసాధారణ ఆదరణ, అధిక వ్యూయర్ షిప్ ను సొంతం చేసుకోవడం ద్వారా రానా నాయుడు అరుదైన ఘనతను సాధించింది. గ్లోబల్ టాప్ 10 సిరీస్ ల జాబితాలో స్థానం సంపాదించడమే దీనికి నిదర్శనం. ఖాకీ: ది బీహార్ చాప్టర్ మరియు యంగ్ అడల్ట్ షో క్లాస్ వంటి ఇతర భారతీయ వెబ్ సీరీస్ లు ఉన్న జాబితాలో రానా నాయుడు తన మార్గాన్ని అధిరోహించి ప్రేక్షకులపై చెరగని ముద్ర వేసింది.

ఈ సిరీస్ గణనీయమైన సంఖ్యలో వీక్షణ సమయాలను సంపాదించింది, ఇది తప్పక చూడవలసినదిగా దాని స్థానాన్ని స్థిరపరిచింది. తెలుగు మార్కెట్ నుంచి ఇద్దరు ప్రముఖ నటులు నటించిన తొలి నెట్ ఫ్లిక్స్ వెబ్ సిరీస్ ఇదే కావడం మరో విశేషం.

మొదటి వారంలో, రానా నాయుడు 8,070,000 గంటల వీక్షణలను సంపాదించింది. ఆ రకంగా అత్యధికంగా వీక్షించబడిన ఆంగ్లేతర సిరీస్ లలో పదో స్థానంలో నిలిచింది – మరియు ఈ సంఖ్యలు సీరీస్ ప్రారంభించిన కొద్ది రోజుల్లోనే నమోదు కావడం విశేషం.

కరణ్ అన్షుమన్ రూపొందించిన ఈ సిరీస్ లో రానా తండ్రి నాగా పాత్రలో వెంకటేష్ నటించారు అమెజాన్ ప్రైమ్ వీడియో షోలు ఇన్సైడ్ ఎడ్జ్, మీర్జాపూర్లను రూపొందించినందుకు గానూ కరణ్ కి మంచి పేరుంది. సుర్వీన్ చావ్లా, సుశాంత్ సింగ్, అభిషేక్ బెనర్జీ, గౌరవ్ చోప్రా, ఆశిష్ విద్యార్థి, రాజేష్ జైస్ తదితరులు రానా నాయుడు వెబ్ సిరీస్ లో కీలక పాత్రల్లో నటించారు.

గత కొన్ని నెలలుగా వాయిదా పడుతూ వచ్చిన ఎన్టీఆర్ 30 సినిమా ఎట్టకేలకు ఈ నెలాఖరున సెట్స్ పైకి వెళ్లనుంది. మార్చి 23న పూజా కార్యక్రమాలు జరుపుకుని, మార్చి 30 నుంచి రెగ్యులర్ షూటింగ్ ప్రారంభం కానుంది. ఈ వార్త విని ఎన్టీఆర్ అభిమానులు ఎంతో సంతోషం వ్యక్తం చేస్తారు అనడంలో ఎలాంటి సందేహం లేదు.

మొదట 2022 వేసవిలో ఈ సినిమా షూటింగ్ ప్రారంభించాలని అనుకున్నారు, అక్కడి నుండి వరుసగా వాయిదాలు పడుతున్నాయి. ఈ ఫిబ్రవరిలో షూటింగ్ ప్రారంభించి 2024 ఏప్రిల్ లో విడుదల చేస్తామని ఇటీవలే చిత్ర బృందం ప్రకటించింది. కానీ ఇప్పుడు కొరటాల శివ అండ్ కో ఎట్టకేలకు మార్చిలో టైమ్ ఫిక్స్ చేశారు.

ఇక ఈ సినిమాకి తెలుగుతో పాటు హిందీలో కూడా బజ్ క్రియేట్ చేయాలని చూస్తున్నారు నిర్మాతలు. తెలుగులో ఈ సినిమా పై భారీ అంచనాలు ఉన్నాయి. హిందీ సర్కిల్స్ లో కూడా అంతే స్థాయిలో హైప్ క్రియేట్ చేయడానికి నిర్మాతలు ఇటీవలే మొదట జాహ్నవి కపూర్ ను హీరోయిన్లా తీసుకున్నారు. ఇక ఇప్పుడు సైఫ్ అలీ ఖాన్ మెయిన్ విలన్ రోల్ లో ఖరారు చేసుకున్నట్లు తెలుస్తోంది.

గత ఏడాది విడుదలైన ఈ ప్రాజెక్ట్ అనౌన్స్ మెంట్ వీడియో విడుదలయినప్పటి నుండే ఎన్టీఆర్ 30 అందరి దృష్టిని ఆకర్షించింది. శ్రీదేవి కూతురు జాన్వీ కపూర్ హీరోయిన్ గా నటిస్తున్నారు. ఈ చిత్రానికి అనిరుధ్ సంగీతం అందిస్తుండగా, సాబు సిరిల్ ప్రొడక్షన్ డిజైనర్ గా వ్యవహరించనున్నారు.

తన రాజకీయ పార్టీ జనసేన 10వ వార్షికోత్సవం సందర్భంగా పవన్ కళ్యాణ్ నిన్న రాత్రి ఆంధ్రప్రదేశ్ లో భారీ బహిరంగ సభను నిర్వహించారు. ఈ సందర్భంగా పవన్ తన పారితోషికం గురించి కొన్ని ఆసక్తికర వ్యాఖ్యలు చేశారు.

నా రాబోయే సినిమాకు రోజుకు రూ.2 కోట్లు తీసుకుంటున్నానని పవన్ చెప్పుకొచ్చారు. అభిమానులకు తన మీద ఉన్న ప్రేమతోనే ఇది సాధ్యమైందని ఆయన అన్నారు. అయితే ప్రతి సినిమాకు ఇంత భారీ రెమ్యునరేషన్ వస్తుందన్న గ్యారంటీ ఇవ్వలేనని కూడా ఆయన అన్నారు.

వినోదయ సీతం రీమేక్ పవన్ కళ్యాణ్ తదుపరి చిత్రం అన్న విషయం తెలిసిందే. ఈ సినిమా కోసం తాను 22 రోజులు పని చేస్తున్నానని, ప్రతి రోజు తనకు 2 కోట్ల భారీ రెమ్యునరేషన్ ఇస్తున్నట్లు ఆయనే స్వయంగా బహిరంగంగా ధృవీకరించారు. మొత్తం మీద ఈ సినిమా కోసం పవన్ కళ్యాణ్ దాదాపు 45 కోట్ల రెమ్యునరేషన్ తీసుకుంటున్నారట. ఈ సినిమాలో పవన్ షూటింగ్ పార్ట్ ను ఏప్రిల్ లోనే పూర్తి చేయాలని భావిస్తున్నారు అని తెలుస్తోంది.

కాగా సముద్రఖని దర్శకత్వంలో తెరకెక్కనున్న ఈ సినిమాలో పవన్ కళ్యాణ్, సాయి ధరమ్ తేజ్ లతో పాటు కేతిక శర్మ, బ్రహ్మానందం, రోహిణి, తనికెళ్ల భరణి, సుబ్బరాజు, ప్రియా ప్రకాష్ వారియర్, రాజా చెంబోలు ఇతర కీలక పాత్రల్లో నటిస్తున్నారు.

త్రివిక్రమ్ స్క్రీన్ ప్లేను హ్యాండిల్ చేస్తారని, తెలుగు నేటివిటీకి తగ్గట్టుగా ఒరిజినల్ వెర్షన్ నుంచి పలు మార్పులు చేర్పులు జరిగేలా చూసుకుంటారని సమాచారం. పవన్ కళ్యాణ్- సాయి ధరమ్ తేజ్ ల తోలి కలయికగా రానున్న ఈ సినిమాను పీపుల్ మీడియా ఫ్యాక్టరీ బ్యానర్ నిర్మిస్తోంది. కాగా ఈ చిత్రంలో 2015లో వచ్చిన గోపాల గోపాల సినిమా తర్వాత పవర్ స్టార్ రెండోసారి ‘దేవుడు’ పాత్రలో నటిస్తున్నారు.

గత కొన్ని రోజులుగా రంగమార్తాండ సినిమా టాక్ ఆఫ్ ది ఇండస్ట్రీగా మారింది. తెలుగు చిత్ర పరిశ్రమకు చెందిన చాలా మంది ఈ సినిమాను చూశారని, వారు ఈ సినిమా అవుట్ పుట్ చూసి ఆశ్చర్యపోయారని అంటున్నారు. ఈ సినిమాకు మెయిన్ ప్లస్ పాయింట్ ఎమోషన్స్ అని, అవి చాలా బాగా వర్కవుట్ అయ్యాయని కూడా అంటున్నారు.

క్రియేటివ్ డైరెక్టర్ కృష్ణవంశీ ఆరేళ్ల తర్వాత రంగమార్తాండ సినిమాతో వెండితెర పైకి మళ్ళీ వస్తున్నారు. ఎమోషనల్ ఫ్యామిలీ డ్రామాగా ఈ సినిమా తెరకెక్కింది. ప్రకాష్ రాజ్, రమ్యకృష్ణ, బ్రహ్మానందం ప్రధాన పాత్రల్లో నటించిన ఈ చిత్రం 2023 మార్చి 22న ప్రేక్షకుల ముందుకు రానుంది.

అనసూయ భరద్వాజ్, శివాత్మిక రాజశేఖర్, రాహుల్ సిప్లిగంజ్ ఇతర కీలక పాత్రలలో కనిపించనున్నారు. హౌస్ ఫుల్ మూవీస్, రాజశ్యామల ఎంటర్ టైన్ మెంట్స్ సంయుక్తంగా నిర్మిస్తున్న ఈ చిత్రానికి ఇళయరాజా సంగీతం అందించారు. ప్రముఖ నటుడు మహేష్ మంజ్రేకర్ దర్శకత్వం వహించిన మరాఠీ బ్లాక్ బస్టర్ నటసామ్రాట్ కు అధికారిక రీమేక్ గా రంగ మార్తాండ సినిమా తెరకెక్కింది. నానా పటేకర్ టైటిల్ పాత్రలో నటించిన ఈ హృదయానికి హత్తుకునే డ్రామా, నటన నుండి రిటైర్ అయినా నాటకరంగం యొక్క మధుర జ్ఞాపకాలను మరచిపోలేని ఒక రంగస్థల నటుడి విషాద కుటుంబ జీవితాన్ని చిత్రిస్తుంది.

కాగా రంగమార్తాండ సినిమా థియేట్రికల్ రైట్స్ మొత్తం మైత్రీ మూవీ మేకర్స్ వారు సొంతం చేసుకున్నారు. స్పెషల్ ప్రీమియర్ షోల నుంచి పాజిటివ్ టాక్ రావడంతో ఈ సినిమా రిలీజ్ తర్వాత సెన్సేషన్ క్రియేట్ చేస్తుందని భావిస్తున్నారు. దర్శకుడు కృష్ణవంశీకి, రంగమార్తాండ టీంకు ఆల్ ది బెస్ట్ చెబుతున్నాం.