తమిళ స్టార్ హీరో సూర్య, దర్శకుడు సిరుతై శివ కాంబినేషన్ లో రూపొందుతున్న చిత్రం ‘సూర్య 42’. ఇప్పటికే ఈ సినిమా బడ్జెట్, బిజినెస్ తాలూకు వివరాలతో వార్తల్లో నిలిచింది. ఇక తాజాగా నిర్మాత జ్ఞానవేల్ రాజా మీడియాకు ఇచ్చిన సమాచారం ఇంటర్నెట్ లో విస్తృతంగా చక్కర్లు కొడుతోంది.

ఈ సినిమా భారీ స్థాయిలో తెరకెక్కుతోందని, సూర్య గత చిత్రాల కంటే దీని బడ్జెట్ 3 రెట్లు ఎక్కువని ఆయన అన్నారు. బాహుబలి, కేజీఎఫ్ సిరీస్ లకు తమిళ పరిశ్రమ నుంచి వచ్చే సమాధానంగా ఈ సినిమా ఉంటుందని కూడా ఆయన అన్నారు.

సూర్య 42 సినిమా యొక్క షూటింగ్ 50 శాతం వరకు పూర్తయిందని, ఏప్రిల్ లో విడుదల తేదీని ప్రకటించి, మేలో టీజర్ ను విడుదల చేస్తామని ఆయన తెలిపారు. జ్ఞానవేల్ రాజా పంచుకున్న మరో ఆసక్తికరమైన విషయం ఏమిటంటే ఈ సినిమా ప్రచారానికి ఖర్చు అయ్యే బడ్జెట్ మొత్తం సినిమా కంటే ఎక్కువగా.. అలాగే ఇతర నటీనటుల సినిమా బడ్జెట్ తో సమానంగా ఉంటుందట.

విక్రమ్, లియో సినిమాల తరహాలో ‘సూర్య 42’ టైటిల్ అనౌన్స్మెంట్ ప్రోమో కూడా విడుదల కానుందని సమాచారం అందుతోంది. ఈ విషయం విన్న సూర్య అభిమానులు ఈ సినిమా పై విపరీతమైన అంచనాలు పెంచేసుకున్నారు.

‘సూర్య 42’ షూటింగ్ భారీ స్థాయిలో ప్రారంభమైంది. స్టూడియో గ్రీన్ పతాకం పై జ్ఞానవేల్ రాజా నిర్మిస్తున్న ఈ చిత్రానికి దేవిశ్రీప్రసాద్ సంగీతం సమకూరుస్తున్నారు. ప్రముఖ బాలీవుడ్ నటి దిశా పటానీ సూర్య సరసన నటిస్తున్న ఈ చిత్రం శరవేగంగా షూటింగ్ జరుపుకుంటోంది.

దాదాపు పది భాషల్లో పాన్ ఇండియా చిత్రంగా సూర్య 42 రూపొందుతోంది. షూటింగ్ సమయంలోనే ఈ సినిమా భారీ బిజినెస్ చేసిందని పలు వార్తలు వచ్చాయి. ఇక ఇప్పటికే ఈ సినిమా యొక్క హిందీ రైట్స్, శాటిలైట్, డిజిటల్, డిస్ట్రిబ్యూషన్ రైట్స్ భారీ మొత్తానికి అమ్ముడుపోయినట్లు కూడా సమాచారం అందింది.

ఐకాన్ స్టార్ అల్లు అర్జున్ తన తరం క్రేజీ స్టార్లలో ఒకడు, మరియు తనదైన పనితనంతో భారతీయ చలన చిత్ర పరిశ్రమలో తన స్థానాన్ని పదిలం చేసుకున్నారు. ఆయన గత థియేట్రికల్ రిలీజ్ పుష్ప: ది రైజ్ బాక్సాఫీస్ వద్ద బ్లాక్ బస్టర్ గా నిలవడంతో ఆ సినిమా యొక్క సీక్వెల్ కోసం అభిమానులు సిద్ధమవుతున్నారు.

కాగా ఇండస్ట్రీ వర్గాలు మరియు మీడియా వర్గాలు అందించిన సమాచారం ప్రకారం ఏప్రిల్ 8న అల్లు అర్జున్ పుట్టిన రోజు సందర్భంగా పుష్ప 2 టీజర్ ను నిర్మాతలు విడుదల చేయనున్నారట. ఈ వార్త ఆయన అభిమానులను, ప్రేక్షకులను ఎంతగానో ఉత్సాహపరిచింది. వారంతా ఇప్పుడు టీజర్ కోసం ఆసక్తిగా ఎదురు చూస్తున్నారు.

పుష్ప 2 చిత్రం అన్ని భాషల్లో బాక్సాఫీస్ రికార్డులను బద్దలు కొడుతుందని భావిస్తున్న నేపథ్యంలో తెలుగు ప్రేక్షకులే కాదు యావత్ భారతీయ సినీ ప్రేక్షకులు కూడా పుష్ప 2 కోసం ఎదురుచూస్తున్నారు. అల్లు అర్జున్ పుట్టిన సందర్భంగా పుష్ప 2 టీజర్ ను విడుదల చేసేందుకు చిత్ర యూనిట్ సిద్ధం అవుతోందనే వార్త అందరి దృష్టిని ఆకర్షించింది. టీజర్ తో ప్రేక్షకులను మెస్మరైజ్ చేయడానికి సుకుమార్ అండ్ టీం అంతా తమ ప్రయత్నాలన్నీ చేస్తున్నారు.

ఇలా పుష్ప 2 చూసేందుకు అందరూ ఆసక్తిగా ఉన్నారు. హద్దులు దాటి ఇంటర్నేషనల్ బ్యాక్ డ్రాప్ లో తెరకెక్కనున్న ఈ సినిమాలో అల్లు అర్జున్ పాత్ర ఎన్నో రకాల అడ్డంకులను ఎదుర్కొంటుంది. శ్రీ వల్లి పాత్రలో రష్మిక మందన్న, పుష్ప 2లో భన్వర్ సింగ్ షెకావత్ పాత్రలో ఫహద్ ఫాజిల్ కనిపించనుండగా, ఆయన పాత్ర అందరినీ ఆశ్చర్యపరుస్తుందట. ఈ పాన్ ఇండియా సినిమాలో ఒక ముఖ్య పాత్ర కోసం జగపతిబాబును కూడా తీసుకున్నారు.

సౌత్ సూపర్ స్టార్ రజినీకాంత్ కుమార్తె, దర్శకురాలు ఐశ్వర్య రజినీకాంత్ తన ఇంట్లో బంగారం చోరీకి గురైందని చెన్నై పోలీసులకు ఫిర్యాదు చేశారు. చెన్నైలోని తన ఇంట్లో రూ.3.64 లక్షల విలువైన బంగారు, వజ్రాభరణాలు చోరీకి గురయ్యాయనీ.. ఆమె ఫిర్యాదులో ఇద్దరు ఇంటి సభ్యులను, ఒక డ్రైవర్ ను అనుమానితులుగా పేర్కొన్నారు.

తన నగలను లాకర్లో భద్రపరిచానని, ఈ విషయం ఇంటిలో పని చేసే సిబ్బందికి తెలుసని తేనాంపేట పోలీసులకు ఇచ్చిన ఎఫ్ఐఆర్లో ఐశ్వర్య రజినీకాంత్ పేర్కొన్నారు.2019లో తన సోదరి పెళ్లి రోజున చివరిసారిగా తన నగలను ధరించానని ఆమె గుర్తు చేసుకున్నారు. అప్పటి నుంచి నగలను లాకర్ లో భద్రపరిచినట్లు దర్శకురాలు వెల్లడించారు.

లాకర్ ను మొదట ఆ సమయంలో ఆమె భర్త ధనుష్ ఇంట్లో ఉంచారు, కానీ తరువాత చెన్నైలోని ఆమె అపార్ట్ మెంట్ కు బదిలీ చేశారు. ప్రస్తుతం లాకర్ తన తండ్రి రజినీకాంత్ ఇంట్లో ఉందని ఆమె చెప్పారు. తాళాలు మొత్తం తన వద్దే ఉన్నాయని కూడా ఆమె వెల్లడించారు. దొంగిలించిన వస్తువుల్లో 60 బంగారు నగలు, పురాతన బంగారు నాణేలు ఉన్నట్లు సమాచారం.

వీటితో పాటు డైమండ్ నెక్లెస్ లు, బ్రాస్ లెట్ లు, నవరత్నాల సెట్లు కూడా చోరీకి గురయ్యాయట. బంగారు ఆభరణాల విలువ రూ.3.62 లక్షల వరకు ఉంటుందని, అయితే మొత్తంగా చోరీకి గురైన నగల విలువ చాలా ఎక్కువగా ఉంటుందని ఆమె తెలిపారు.

ఇక కెరీర్ విషయానికి వస్తే ఏడేళ్ల తర్వాత ఐశ్వర్య రజినీకాంత్ తన దర్శకత్వం వహించిన లాల్ సలామ్ సినిమాతో మళ్లీ సినిమాల్లోకి రీఎంట్రీ ఇవ్వనున్నారు. కమ్యూనిజం, క్రికెట్ నేపథ్యంలో తెరకెక్కుతున్న ఈ చిత్రంలో ఆమె తండ్రి రజినీకాంత్ ఒక అతిథి పాత్రలో కనిపించనున్నారు. ఐశ్వర్య రజినీకాంత్ దర్శకత్వం వహిస్తున్న లాల్ సలాం చిత్రంలో విష్ణు విశాల్, విక్రాంత్ హీరోలుగా నటిస్తున్నారు. కాగా ఈ ఏడాది ఏప్రిల్ లో ఈ సినిమాను విడుదల చేసే అవకాశం ఉంది.

సూపర్ స్టార్ రజినీకాంత్, నెల్సన్ దిలీప్ కుమార్ కలయికలో ‘తలైవర్ 169’ అనే వర్కింగ్ టైటిల్ తో ఓ చిత్రం ప్రారంభమైన సంగతి తెలిసిందే. ఆ తర్వాత ఈ చిత్రానికి ‘జైలర్’ అనే టైటిల్ ను ఖరారు చేసి రజినీకాంత్ ఫస్ట్ లుక్ ను విడుదల చేశారు నిర్మాతలు.

ఇటీవలే 100 రోజుల షూటింగ్ పూర్తి చేసుకున్న ‘జైలర్’ షూటింగ్ చివరి దశకు చేరుకుంది. రజినీకాంత్, మోహన్ లాల్, జాకీ ష్రాఫ్ ల పై ఇటీవల కొన్ని సన్నివేశాలను చిత్రీకరించగా, మరి కొందరు ప్రముఖ నటులు కూడా ప్రస్తుత షూటింగ్ లో పాల్గొంటారని సమాచారం.

ఏప్రిల్ రెండో వారం నాటికి ఈ సినిమా షూటింగ్ పార్ట్ మొత్తం పూర్తవుతుందని అంటున్నారు. ఆ తర్వాత పోస్ట్ ప్రొడక్షన్, పబ్లిసిటీ పనులు చిత్ర బృందం చేపట్టనుంది. రజినీకాంత్, నెల్సన్ ఇద్దరి గత చిత్రాలు బాక్సాఫీస్ వద్ద భారీ పరాజయాలు చవిచూడటంతో ఈ సినిమా ఫలితం ఇద్దరికీ కీలకంగా మారింది.

భారీ బడ్జెట్ తో తెరకెక్కనున్న ఈ చిత్రంలో రజినీకాంత్ తో పాటు మోహన్ లాల్ , శివరాజ్ కుమార్ , రమ్య కృష్ణ, సునీల్ , తమన్నా మొదలగు భారీ తారాగణం నటిస్తున్నారు.

రిటైర్డ్ జైల్ వార్డెన్ ముత్తువేల్ పాండియన్ పాత్రలో రజినీకాంత్ నటిస్తుండగా, నెల్సన్ దిలీప్ కుమార్ దర్శకత్వం వహిస్తున్న ఈ చిత్రం డార్క్ కామెడీ ఫార్ములాతో కూడిన సస్పెన్స్ థ్రిల్లర్ అని సమాచారం. అనిరుధ్ రవిచందర్ సంగీతం అందిస్తున్న ఈ సినిమా సూపర్ స్టార్ రజినీకాంత్ తో తన మూడో చిత్రం కావడంతో ఆయన పనితనం అద్భుతంగా ఉంటుందని అందరూ అంచనా వేస్తున్నారు.