స్టైలిష్ స్టార్ అల్లు అర్జున్ తాజాగా ‘పుష్ప 2’ చిత్రం ‘ వేర్ ఈజ్ పుష్ప’ చిత్రంతో మరోసారి దేశాన్ని ఉర్రూతలూగించారు. ఈ గ్లింప్స్ ను ఒకేసారి పలు భాషల్లో విడుదల చేశారు. మూడు నిమిషాల నిడివి ఉన్న ఈ వీడియోతో మిగతా సినిమా ఎలా ఉంటుందో దర్శకుడు సుకుమార్ తెలియజేశారు.

పైగా గ్లింప్స్ ను పరిశీలిస్తే సుకుమార్ ఈ కథకు అండర్ గ్రౌండ్ క్లూ ఇచ్చినట్లు తెలుస్తోంది. గ్లింప్స్ లో టైటిల్ కార్డ్స్ అన్నీ రెడ్ కలర్ నుంచి గోల్డ్ కలర్ లోకి మారడం మామూలు విషయం కాదని, బహుశా సుకుమార్ సినిమాలో దీన్ని లింక్ చేసే కాన్సెప్ట్ ఉంటుందేమోనని సోషల్ మీడియాలో ప్రేక్షకులు అంటున్నారు. సుకుమార్ సినిమాల్లో టైటిల్స్ కి కూడా ఇంపార్టెన్స్ ఉంటుంది. ఆయన అలాంటి క్రియేటివ్ స్టయిల్ కి పెట్టింది పేరు.

ఇదిలా ఉంటే పుష్ప టీజర్ కు సోషల్ మీడియాలో సెన్సేషనల్ రెస్పాన్స్ వచ్చింది. ఇంకా ఆశ్చర్యకరమైన విషయం ఏంటంటే టీ-సిరీస్ యూట్యూబ్ ఛానెల్ లో విడుదలైన ఈ వీడియో హిందీ వెర్షన్ కు తెలుగు వెర్షన్ కంటే ఎక్కువ వ్యూస్ వచ్చాయి. తెలుగు వీడియోకు 2.2 కోట్ల వ్యూస్ రాగా, హిందీ వెర్షన్ కు 3.6 కోట్ల వ్యూస్ వచ్చాయి.

దీన్ని బట్టి నార్త్ ఏరియాలో అల్లు అర్జున్ కు ఉన్న క్రేజ్, హైప్ తెలుస్తుంది. ఆయన పై ప్రేక్షకులకు ఉన్న అపారమైన ప్రేమకు నిదర్శనంగా ఈ వ్యూస్ ను చెప్పుకోవచ్చు. ఈ ట్రెండ్ చూస్తుంటే పుష్ప ది రూల్ హిందీ వెర్షన్ హిందీ బాక్సాఫీస్ వద్ద అదిరిపోయే ఓపెనింగ్స్ సాధిస్తుందని, ఆల్ టైమ్ బ్లాక్ బస్టర్ కూడా అయ్యే అవకాశం ఎంతైనా చెప్పొచ్చు.

పుష్ప 2 లో రష్మిక మందన్న, ఫహద్ ఫాజిల్ మొదటి భాగం లోని తమ పాత్రలలో కొనసాగనున్నారు. అనసూయ భరద్వాజ్, సునీల్ మరియు జగదీష్ కూడా ఈ సినిమాలో మొదటి భాగం నుండి అవే పాత్రలలో కనిపిస్తారు, జగపతి బాబు కొత్తగా చేరారు. దేవిశ్రీ ప్రసాద్ ఈ చిత్రానికి సంగీతం అందిస్తున్నారు.

ప్రకాష్ రాజ్, రమ్యకృష్ణ, బ్రహ్మానందం నటించిన రంగమార్తాండ సినిమా రెండు రోజుల క్రితం అమెజాన్ ప్రైమ్ వీడియోలో విడుదలైంది. కృష్ణవంశీ దర్శకత్వం వహించిన ఈ సినిమాకు ఇప్పుడు ఓటీటీలో ఎక్స్ ట్రార్డినరీ రెస్పాన్స్ వస్తోంది.

తాజాగా ఈ సినిమా ఇండియాలో అమెజాన్ ప్రైమ్ వీడియోలో టాప్ 10 విభాగంలో మొదటి స్థానంలో ట్రెండింగ్ లో ఉంది. థియేటర్లలో విడుదలకు ముందే స్పెషల్ ప్రీమియర్స్ ద్వారా ఈ సినిమాకు ఇండస్ట్రీ వర్గాల నుంచి మంచి స్పందన వచ్చింది. రిలీజ్ రోజున క్రిటిక్స్ కూడా ఈ సినిమాను మెచ్చుకున్నప్పటికీ బాక్సాఫీస్ వద్ద మాత్రం అంతగా వర్కవుట్ కాలేదు. అయితే అమెజాన్ ప్రైమ్ వీడియో ద్వారా ఓటీటీలో ఈ చిత్రానికి తగిన గౌరవం లభిస్తోంది.

హౌస్ ఫుల్ మూవీస్, రాజశ్యామల ఎంటర్టైన్మెంట్స్ సంయుక్తంగా నిర్మించిన ఈ చిత్రంలో శివాత్మిక రాజశేఖర్, రాహుల్ సిప్లిగంజ్, ఆదర్శ్ బాలకృష్ణ, అనసూయ భరద్వాజ్ కీలక పాత్రలు పోషించారు. కాగా ఈ చిత్రానికి ఇళయరాజా సంగీతం అందించారు.

ఈ చిత్రం మరాఠీ చిత్రం “నటసామ్రాట్” కు అధికారిక రీమేక్. రంగమార్తాండ అనే బిరుదు పొందిన ప్రముఖ రంగస్థల నటుడు రాఘవరావు కథే ఈ రంగమార్తాండ. రిటైర్ అయ్యాక చిన్న కూతురికి పెళ్లి చేసి తన ఆస్తిని పెద్ద కొడుకు భార్యకు ఇచ్చి ప్రశాంతంగా విశ్రాంత జీవితం గడపాలనుకుంటాడు. అయితే పరిస్థితులు అందుకు అనుగుణంగా జరగక పోవడంతో కుటుంబంలో ఇబ్బందులు ఎదురవుతాయి. ఆ తర్వాత రాఘవరావు, అతని భార్య ఎలాంటి సమస్యలు ఎదుర్కొన్నారు అనేది మిగతా కథ.

మాస్ మహారాజా రవితేజ నటించిన రావణాసుర చిత్రం ఈ వారం విడుదలై తొలి రోజు మిశ్రమ స్పందనను రాబట్టినప్పటికీ బాక్సాఫీస్ వద్ద మంచి వసూళ్లను రాబట్టింది. అయితే ఈ సినిమా రెండో రోజు మాత్రం బాక్సాఫీస్ వద్ద భారీ పతనాన్ని చవిచూసింది.

తొలి రోజు డీసెంట్ ఓపెనింగ్స్ రాబట్టిన ఈ సినిమా తెలుగు రాష్ట్రాల్లో దాదాపు 4.4 కోట్ల షేర్ వసూలు చేయగా, ప్రపంచ వ్యాప్తంగా 5 కోట్లకు చేరువలో రాబట్టింది. అయితే రెండో రోజు వసూళ్లు తగ్గుముఖం పట్టి తెలుగు రాష్ట్రాల్లో కేవలం 2.2 కోట్లు మాత్రమే కలెక్ట్ చేసింది. రావణాసుర థియేట్రికల్ బిజినెస్ విలువ 23.5 కోట్లు కాగా, ఈ సినిమా బ్రేకప్ స్టేటస్ అందుకోవాలంటే కలెక్షన్లలో పెద్ద జంప్ కావాలి.

రవితేజ విలక్షణమైన క్యారెక్టరైజేషన్ తో పాటు సుధీర్ వర్మ ఆసక్తికరమైన కథాంశం ప్రేక్షకులను రావణాసుర సినిమా వైపు ఆకర్షించింది. మాస్ మహారాజా అద్భుతమైన ఫామ్ లో ఉండటంతో ధమాకా, వాల్తేరు వీరయ్య తర్వాత ఈ సినిమాతో హ్యాట్రిక్ సాధిస్తారని అందరూ భావించారు.

రవితేజ ఆర్టీ టీమ్ వర్క్స్, అభిషేక్ నామా సంయుక్తంగా నిర్మించిన చిత్రం ‘రావణాసుర’. హర్షవర్ధన్ రామేశ్వర్, భీమ్స్ సిసిరోలియో సంగీతం అందించిన ఈ యాక్షన్ థ్రిల్లర్లో దక్షా నగార్కర్, ఫరియా అబ్దుల్లా, సుశాంత్, మేఘా ఆకాష్, పూజిత పొన్నాడ తదితరులు నటించారు.

క్రిమినల్ లాయర్ అయిన రవి (రవితేజ) కథే ఈ సినిమా. హారిక (మేఘా ఆకాష్) కేసు వాదించేందుకు ఒప్పుకుని దాని పై చాలా ఇంట్రెస్ట్ చూపిస్తాడు. అదే సమయంలో నగరంలో వరుస హత్యలు జరుగుతుంటాయి. ఈ హత్యలతో రవికి సంబంధం ఏమిటనే విషయమే రావణాసుర సినిమా మిగతా కథ.

హీరోయిన్ శ్రుతిహాసన్ ఇటీవల మెగాస్టార్ చిరంజీవి యొక్క వాల్తేరు వీరయ్య సినిమాలో హీరోయిన్ గా నటించిన విషయం తెలిసిందే. కాగా మంచు లొకేషన్లలో పాటల చిత్రీకరణ సమయంలో తాను ఎదుర్కొన్న సమస్యలను ఆమె ఇటీవల ఓ ఇంటర్వ్యూలో వివరించారు. అయితే ఆమె చేసిన వ్యాఖ్యలు చిన్న వివాదానికి దారితీశాయి.

పాటల కోసం మంచులో డ్యాన్స్ చేయడం తనకు నచ్చదని, ఇలాంటి పాటల చిత్రీకరణ సమయంలో హీరోలకు కోటులు, శాలువాలు వేస్తారని, కానీ హీరోయిన్లు బ్లౌజులు, చీరలు ధరించి డ్యాన్స్ చేయాల్సి వస్తోందని శ్రుతి తెలిపారు. అలాంటి పాట ఏదైనా చేశారా అని యాంకర్ అడగ్గా దానికి శ్రుతి ఇటీవలే ఓ పాటలో నటించాను అని చెప్పారు. అలా శృతి చెప్పగానే వాల్తేరు వీరయ్య సినిమాలోని శ్రీదేవి చిరంజీవి పాటకు సంబంధించిన వీడియో బైట్ కనిపించింది.

శ్రుతి చేసిన వ్యాఖ్యలు చిరంజీవి అభిమానులకు రుచించకపోగా, సోషల్ మీడియాలో ఇతర తటస్థ ప్రేక్షకులు కూడా ఆమెను తప్పుబట్టారు. ఈ పాటలో నటించడానికి ముందు ఆమె అంగీకారం తెలిపి, ఇప్పుడు ఇలా ఫిర్యాదు చేస్తోన్నారని విమర్శిస్తున్నారు. ఫారిన్/స్నో లోకేషన్స్ లో మరో పాట చిత్రీకరణ సమయంలో షాట్ గ్యాప్ లో ఆమెకు జాకెట్ ఇచ్చారని కూడా కొందరు పేర్కొన్నారు. అయితే శృతి చెప్పిన దాంట్లో తప్పు ఏమీ లేదని, ఆమె అన్న మాటలు ఎవరినో నొప్పించడానికి కాదని, కేవలం తనకి ఆరోగ్యపరమైన సమస్యతో పాటు స్వతహాగా ఉదాహరించారు తప్ప ఆమెకు మరో ఉద్దేశ్యం లేదని కొందరు ఆమెను సమర్థించారు.

కేవలం చీర కట్టుకుని మంచులో సినిమాలు షూట్ చేయడం శారీరకంగా అసౌకర్యంగా ఉంటుందని, కానీ ప్రేక్షకులు చూడాలనుకుంటున్నారు కాబట్టి ఈ ట్రెండ్ కొనసాగుతుందని సినిమా విడుదలకు ముందే శ్రుతిహాసన్ ఒక ఇంటర్వ్యూలో ఆన్నారు. ఆమె చెప్పిన విధానం వల్ల నెటిజన్లు చిరంజీవి, శ్రుతిహాసన్ ల మధ్య ఏమైనా సమస్యలు ఉన్నాయా అని కథనాలు కూడా రాసేస్తున్నారు.

ఎందుకంటే వాల్తేరు వీరయ్య సినిమా విడుదలకు ముందు శ్రుతి ప్రీ రిలీజ్ ఈవెంట్ తో సహా సినిమాకి సంభందించిన ఈ ప్రమోషన్ ఈవెంట్ కు కూడా హాజరు కాకపోవడం, వీరసింహారెడ్డి సినిమా ప్రీరిలీజ్ ఈవెంట్ కు ఆమె హాజరుకావడంతో శ్రుతి, చిరంజీవిల మధ్య విభేదాలు వచ్చాయనే టాక్ మొదలైంది. తాజాగా పైన చెప్పిన ఇంటర్వ్యూలో ఆమె వాల్తేరు వీరయ్య సినిమా గురించి ఇలా మాట్లాడడం బట్టి.. చిరంజీవి, శ్రుతిహాసన్ ల మధ్య ఏమైనా సమస్యలున్నాయా అనే ప్రశ్న ప్రస్తుతం అందరి మదిలో మెదులుతుంది.