యువ నటుడు విశ్వక్సేన్ ఇటీవల ఫలక్ నుమా దాస్ మూవీతో నటుడిగా దర్శకుడిగా మంచి క్రేజ్ సొంతం చేసుకున్నారు. ఆ తరువాత నుండి నటుడిగా వరుసగా పలు సినిమా అవకాశాలు అందుకుంటూ కొనసాగుతున్న విశ్వక్సేన్, ఇటీవల దాస్ కా ధమ్కీ, అశోకవనంలో అర్జున కళ్యాణం, గామీ, గ్యాంగ్స్ ఆఫ్ గోదావరి వంటి డిఫరెంట్ జానర్ సినిమాల ద్వారా ఆడియన్స్ ముందుకి వంచి మంచి విజయాలు, క్రేజ్ సొంతం చేసుకున్నారు.

ఇక తాజాగా సర్ప్రైజింగ్ గా లేడీ గెటప్ లో నటిస్తూ లైలా అనే మూవీ ద్వారా ఆడియన్స్ ముందుకి వచ్చేందుకు సిద్దమవుతున్నరు విశ్వక్. నేడు గ్రాండ్ లెవెల్లో ఈ మూవీ యొక్క పూజా కార్యక్రమాలు జరుగగా, తాజాగా రిలీజ్ అయిన విశ్వక్ లేడీ గెటప్ ఫోటో అందరినీ ఆకట్టుకుంటోంది.

షైన్ స్క్రీన్స్ బ్యానర్ పై సాహు గారపాటి గ్రాండ్ గా నిర్మిస్తున్న లైలా మూవీ రొమాంటిక్ యాక్షన్ ఎంటర్టైనర్ గా రూపొందుతుండగా ఆకాంక్ష శర్మ తొలిసారిగా హీరోయిన్ గా పరిచయం అవుతున్నారు. రామ్ నారాయణ్ దర్శకత్వం వహిస్తున్న ఈ మూవీకి వాసుదేవ మూర్తి కథని అందిస్తుండగా తనిష్క్ బాగ్చి, జీబ్రాన్ సంగీత దర్శకులుగా, రిచర్డ్ ప్రసాద్ ఫోటోగ్రాఫర్ గా, బ్రహ్మ కడలి ఆర్ట్ డైరెక్టర్ గా వర్క్ చేస్తున్నారు. ఫస్ట్ లుక్ తో అందరిలో మంచి అంచనాలు ఏర్పరిచిన ఈ మూవీకి సంబంధించి మరిన్ని అప్ డేట్స్ త్వరలో ఒక్కొక్కటిగా వెల్లడి కానున్నాయి.

దిగ్గజ దర్శకుడు శంకర్ దర్శకత్వంలో లోకనాయకుడు కమల్ హాసన్ హీరోగా తెరకెక్కిన ప్రతిష్టాత్మక మూవీ భారతీయుడు 1996లో రిలీజ్ అయి సెన్సేషనల్ సక్సెస్ సొంతం చేసుకుంది. ప్రస్తుతం దానికి సీక్వెల్ గా భారతీయుడు 2 రూపొందగా దానిని జులై 12న గ్రాండ్ గా ఆడియన్స్ ముందుకి తీసుకురానున్నారు.

ఇప్పటికే పోస్టర్స్, సాంగ్స్ టీజర్, ట్రైలర్ ఇలా అన్నిటితో ఆడియన్స్ లో మంచి అంచనాలు ఏర్పరిచిన భారతీయుడు 2 మూవీ ప్రమోషన్స్ లో భాగంగా హీరో కమల్ హాసన్ మాట్లాడుతూ, తాను భారతీయుడు 3 మూవీకి పెద్ద ఫ్యాన్ ని అని అన్నారు. శంకర్ తనకు భారతీయుడు 3 గురించి చెప్పినప్పుడు ఆ స్టోరీ, క్యారెక్టర్స్ కి ఫ్యాన్ అయిపోయానన్నారు.

ఇక ఆ మూవీలో తాను సేనాపతికి తండ్రిగా కనిపించనుండగా స్వాతంత్రోద్యమానికి సంబంధించి ఆ మూవీలో భారీ ఫ్లాష్ బ్యాక్ ఎపిసోడ్ ఉందని, అది ఎంతో అద్భుతంగా వచ్చిందన్నారు. అలానే భారతీయుడు 3 లో తాను కూడా కనిపించనున్నట్లు ఇప్పటికే హీరోయిన్ కాజల్ కూడా తెలిపారు.

భారతీయుడు 2, భారతీయుడు 3 రెండు ప్రాజక్ట్స్ కోసం టీమ్ మొత్తం ఎంతో శ్రమపడిందని, తప్పకుండా ఆ మూవీస్ రెండూ కూడా ఆడియన్స్ ని ఆకట్టుకుంటాయనే ఆశాభావం వ్యక్తం చేసారు కమల్. కాగా భారతీయుడు 3 మూవీకి సంబంధించి ఇప్పటికే మేజర్ పార్ట్ షూట్ పూర్తి కాగా మిగతాది కూడా త్వరలో పూర్తి చేసి 2025 ప్రథమార్ధంలో దానిని ఆడియన్స్ ముందుకి తీసుకువచ్చేందుకు యూనిట్ సన్నాహాలు చేస్తోంది.

టాలీవుడ్ స్టార్ హీరోల్లో ఒకరైన పాన్ ఇండియన్ స్టార్ ప్రభాస్ లేటెస్ట్ మూవీ కల్కి 2898 ఏడి ఇటీవల ఆడియన్స్ ముందుకి వచ్చి మంచి సక్సెస్ దిశగా కొనసాగుతున్న విషయం తెలిసిందే. వైజయంతి మూవీస్ సంస్థ పై అత్యంత ప్రతిష్టాత్మకంగా సి. అశ్వినీదత్ గ్రాండ్ లెవెల్లో నిర్మించిన ఈ మైథలాజికల్ సైన్స్ ఫిక్షన్ జానర్ మూవీలో దీపికా పదుకొనె హీరోయిన్ గా నటించగా కీలక పాత్రల్లో అమితాబ్ బచ్చన్, కమల్ హాసన్, దిశా పటాని, సస్వత ఛటర్జీ, బ్రహ్మానందం, శోభన తదితరులు నటించారు.

నాగ అశ్విన్ తెరకెక్కించిన ఈ మూవీ ఇప్పటికే అన్ని ఏరియాల్లో, రిలీజ్ అయిన అన్ని భాషల్లో మంచి కలెక్షన్ రాబడుతోంది. ఇక తెలుగు తెలుగు ఆడియన్స్ కూడా కల్కి కి బ్రహ్మరథం పడుతున్నారు. తాజా అప్ డేట్ ప్రకారం కల్కి 2898 ఏడి మూవీ తెలుగు వర్షన్లో రూ. 200 కోట్ల మార్క్ గ్రాస్ కలెక్షన్ ని దాటేసింది.

ఇప్పటికే ఐదు రోజులు పూర్తి అయినప్పటికీ కూడా కల్కి తన జోరు చూపిస్తూనే ఉంది. ఈ విధంగా బ్యాక్ టూ బ్యాక్ సలార్, కల్కి 2898 మూవీస్ తో తెలుగులో రూ. 200 కోట్ల షేర్ ని దక్కించుకున్నారు ప్రభాస్. అలానే దీనిని బట్టి సలార్ టోటల్ తెలుగు వర్షన్ కలెక్షన్ ని కల్కి కేవలం మొదటి వారంలోనే దాటేసే అవకాశం గట్టిగా కనబడుతోందని, ఇక ఓవరాల్ గా ఇది రూ. 250 కోట్ల మార్క్ కూడా అందుకునే అవకాశం లేకపోలేదని అంటున్నారు ట్రేడ్ అనలిస్టులు. మొత్తంగా కల్కి 2898 ఏడి వంటి భారీ మూవీ గ్రాండ్ సక్సెస్ తో టాలీవుడ్ ఖ్యాతి మరింత పెరిగిందని చెప్పాలి.

తెలంగాణ రాష్ట్ర ముఖ్యమంత్రి రేవంత్ రెడ్డి తాజాగా టాలీవుడ్ స్టార్స్ కి కొన్ని కీలక సూచనలు చేసారు. సినిమా టికెట్ రేట్స్ పెంపుదల పై ఆయన స్పందిస్తూ నటులు అందరూ కూడా ఇటీవల పరిశ్రమలో కలకలం రేపిన డ్రగ్స్ అంశంపై చిన్న అవేర్నెస్ వీడియో చేయాలని కోరారు.

ఇటీవల డ్రగ్స్ వలన అనేకమంది యువత చెడుదారి పడుతూ తమ ఆరోగ్యాన్ని జీవితాల్ని నాశనం చేసుకుంటున్నారని, సమాజంలో సినిమాతో పాటు సినిమా స్టార్స్ కూడా అందరిలో మంచి పేరు కలిగి ఉంటారని, అటువంటి వారు మంచి విషయాల గురించి చిన్న వీడియోలు పెడితే అది మరింతమందికి స్ఫూర్తినిచ్చి చెడు వైపు అడుగులు వేయకుండా చేస్తుందన్నారు. ఇక ఇటీవల మెగాస్టార్ చిరంజీవి కూడా ఈ విషయమై ముఖ్యమంత్రి రేవంత్ రెడ్డి పై అభినందనలు కురిపించారు.

మరోవైపు థియేటర్స్ యజమానులు కూడా మూవీ ప్రదర్శనకు ముందు డ్రగ్స్, సైబర్ క్రైమ్స్ కి సంబంధించి చిన్న షార్ట్ వీడియోలు ప్రసారం చేస్తే బాగుంటుందని, ఇక టాలీవుడ్ లో టికెట్ రేట్స్ పెంపుదలకు తాము ఎప్పుడూ సుముఖమే అని తెలిపారు రేవంత్ రెడ్డి. మొత్తంగా రేవంత్ రెడ్డి చేసిన ఈ వ్యాఖ్యలపై సర్వత్రా ప్రశంసలు కురుస్తున్నాయి.

తెలుగు సినిమా పరిశ్రమలో ఇప్పటివరకు అనేక బెంచ్ మార్క్ సినిమాలు సరికొత్త కలెక్షన్ ఒరవడిని సృష్టించాయి. అయితే ఇటీవల వచ్చిన భారీ పాన్ ఇండియన్ మూవీస్ అయిన బాహుబలి 1, బాహుబలి 2 రిలీజ్ తరువాత తెలుగుతో పాటు ఏకంగా సౌత్ లోనే సీనిమాల రేంజ్, కలెక్షన్ రూపురేఖలు పూర్తిగా మారిపోయాయాయి.

ఇక ఆ రెండు మూవీస్ అనంతరం ఇటీవల రిలీజ్ అయిన తెలుగు సినిమాల్లో టాప్ 5 గ్రాసింగ్ తెలుగు మూవీస్ లిస్ట్ లో ప్రభాస్, రాజమౌళి ల సినిమాలు మాత్రమే నిలిచాయి. ఆ విధంగా తెలుగులో ఆర్ఆర్ఆర్ మూవీ రూ. 365 కోట్ల గ్రాస్ తో ప్రథమ స్థానంలో నిలవగా రెండవ స్థానంలో బాబుబలి 2 రూ. 310 కోట్లు, మూడవ స్థానంలో సలార్ రూ. 213 కోట్లు, నాలుగవ స్థానంలో కల్కి 2898 ఏడి రూ. 200 కోట్లు (స్టిల్ రన్నింగ్), ఇక బాహుబలి 1 రూ. 184.34 కోట్లతో ఐదవ స్థానంలో నిలిచింది.

అయితే వీటిలో కల్కి ఫైనల్ గా ఫుల్ రన్ లో ఎంత రాబడుతుందో చూడాలి. ఇక అసలు మ్యాటర్ ఏమిటంటే, ఈ విధంగా టాలీవుడ్ టాప్ 5 గ్రాసింగ్ మూవీస్ లిస్ట్ లో రాజమౌళివి మూడు సినిమాలు ఉండగా టాప్ 5లో నిలిచిన నాలుగు సినిమాలు కలిగిన ఏకైక హీరోగా ప్రభాస్ నిలవడం గమనార్హం.

సూపర్ స్టార్ మహేష్ బాబు ఇటీవల మాటల మాంత్రికుడు త్రివిక్రమ్ శ్రీనివాస్ తెరకెక్కించిన గుంటూరు కారం మూవీ ద్వారా ఆడియన్స్ ముందుకి వచ్చారు. అయితే ఫస్ట్ డే నెగటివ్ టాక్ సంపాదించిన ఈ మూవీ ఆ తరువాత మహేష్ స్టార్డంతో మంచి కలెక్షన్ రాబట్టి థియేటర్స్ లో బాగా కొనసాగి పలు ప్రాంతాల్లో బ్రేక్ ఈవెన్ కూడా అందుకుంది. ఇక దాని అనంతరం టాలీవుడ్ దర్శకధీరుడు ఎస్ ఎస్ రాజమౌళి తీయనున్న ప్రతిష్టాత్మక పాన్ వరల్డ్ గ్లోబ్ ట్రాటింగ్ యాక్షన్ అడ్వెంచర్ మూవీ SSMB29 లో హీరోగా నటించనున్నారు సూపర్ స్టార్ మహేష్. 

ఇప్పటికే ఈ మూవీ కోసం బల్క్ గా బాడీని పెంచడంతో పాటు పలు యుద్ధ విద్యల్లో కూడా ప్రత్యేకంగా శిక్షణ తీసుకుంటున్నారు మహేష్ బాబు. ఈ మూవీని శ్రీ దుర్గా ఆర్ట్స్ బ్యానర్ పై కేఎల్ నారాయణ అత్యంత భారీ వ్యయంతో నిర్మించనుండగా ఆస్కార్ సంగీత దర్శకుడు ఎం ఎం కీరవాణి సంగీతం అందించనున్నారు. ఇక ఈ ప్రతిష్టాత్మక మూవీ ఎప్పుడెప్పుడు అనౌన్స్ అవుతుందా అని కేవలం సూపర్ స్టార్ మహేష్ ఫ్యాన్స్ మాత్రమే కాదు అటు నార్మల్ ఆడియన్స్ సైతం ఎంతో ఉత్సాహంగా ఎదురు చూస్తున్నారు. 

విషయం ఏమిటంటే, ఈ మూవీలో మహేష్ పాత్రని హనుమంతుని ఇన్స్పిరేషన్ తో సిద్ధం చేస్తున్నారని ఇటీవల సోషల్ మీడియాలో వార్తలు వచ్చాయి. ఇక మూవీలో భారీ యాక్షన్ అడ్వెంచర్ సన్నివేశాలు ఆడియన్స్ ని థ్రిల్ చేసేలా పక్కాగా స్టోరీ స్క్రిప్ట్ సిద్ధం చేస్తున్నట్లు తెలుస్తోంది. అలానే ఈ మూవీలో కూడా ఇటీవల రిలీజ్ అయి మంచి సక్సెస్ సాధించిన కల్కి 2898 ఏడి మాదిరిగా మైథాలజీ అంశాన్ని జక్కన్న టచ్ చేయనున్నారనేది లేటెస్ట్ టాలీవుడ్ బజ్. అదే కనుక నిజం అయితే జక్కన్న వాటిని ఎలా తెరకెక్కిస్తారో చూడాలి. కాగా SSMB29 మూవీ గురించిన మరిన్ని అప్ డేట్స్ త్వరలో ఒక్కొక్కటిగా రానున్నాయి.