టాలీవుడ్ స్టార్ నటీమణుల్లో సమంత రూత్ ప్రభు ఒకరు. తొలిసారిగా అక్కినేని నాగ చైతన్యతో కలిసి నటించిన ఏ మాయ చేసావె మూవీ ద్వారా టాలీవుడ్ కి హీరోయిన్ గా పరిచయం అయిన సమంత ఫస్ట్ మూవీతోనే పెద్ద విజయం అందుకున్నారు. ఇక ఆ మూవీలో జెస్సి గా సమంత అందం, అభినయం అందరినీ ఎంతో ఆకట్టుకుంది. అక్కడి నుండి వరుసగా తెలుగు, తమిళ భాషల్లో అనేక అవకాశాలు అందుకున్నారు సమంత. అలానే వచ్చిన అవకాశాలు సద్వినియోగం చేసుకోవడంతో పాటు పలు సక్సెస్ లతో టాలీవుడ్ లో గోల్డెన్ లెగ్ భామగా ఆమె మంచి క్రేజ్ అందుకున్నారు. 

ఇక తెలుగుతో పాటు దేశవ్యాప్తంగా అన్ని భాషల్లో కూడా సమంతకు ఎంతో మంచి పేరు ఉంది. ఆ విధంగా నటిగా దూసుకెళ్తున్నారు సమంత. ఇక నేడు జరిగిన అలియా భట్ ప్రధాన పాత్రధారి అయిన జిగ్రా మూవీ తెలుగు ప్రీ రిలీజ్ ఈవెంట్ లో భాగంగా ప్రత్యేక అతిథిగా సమంత విచ్చేసారు. ఈ సందర్భంగా టాలీవుడ్ స్టార్ డైరెక్టర్ త్రివిక్రమ్ శ్రీనివాస్ ఆమె పై ఇంట్రెస్టింగ్ కామెంట్స్ చేసారు. 

అప్పట్లో ఏ మాయ చేసావే సినిమా ద్వారా సమంత అనే అద్భుత నటి పరిచయం అయ్యారు, ఆమెని ఆ సినిమాని మీరు చూసారా అని అల్లు అర్జున్ తనతో చెప్పారని అన్నారు త్రివిక్రమ్. అలానే సూపర్ స్టార్ రజినీకాంత్ మాదిరిగా అన్ని భాషల ఆడియన్స్ లో సమంతకు ఎంతో పెద్ద క్రేజ్ ఉందని ఆమెను ఆకాశానికెత్తేశారు త్రివిక్రమ్. మొత్తంగా త్రివిక్రమ్ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. 

మెగాపవర్ స్టార్ గ్లోబల్ ఐకాన్ రామ్ చరణ్ హీరోగా కియారా అద్వానీ హీరోయిన్ గా శంకర్ దర్శకత్వంలో తెరకెక్కుతున్న లేటెస్ట్ క్రేజీ పొలిటికల్ యాక్షన్ ఎంటర్టైనర్ మూవీ గేమ్ ఛేంజర్. ఈ మూవీని శ్రీ వెంకటేశ్వర క్రియేషన్స్ బ్యానర్ పై దిల్ రాజు గ్రాండ్ లెవెల్లో నిర్మిస్తుండగా ఎస్ థమన్ సంగీతం అందిస్తున్నారు. ఇప్పటికే గేమ్ ఛేంజర్ నుండి రిలీజ్ అయిన రెండు సాంగ్స్ అందరినీ ఆకట్టుకుని మూవీ పై మంచి అంచనాలు ఏర్పరిచాయి. 

వాస్తవానికి ఈ మూవీని డిసెంబర్ 20న గ్రాండ్ గా ఆడియన్స్ ముందుకి తీసుకురావాలని యూనిట్ ఆలోచన చేస్తోంది, అయితే దీని పై పక్కాగా కన్ఫర్మేషన్ రావాల్సి ఉంది. ఇక గేమ్ ఛేంజర్ మూవీ నుండి మూడవ సాంగ్ ని ఈ నెల 30వ తేదీన రిలీజ్ చేయనున్నాం అని, అది అందరినీ అలరించే మెలోడియస్ సాంగ్ అని తాజాగా తన ట్విట్టర్ ద్వారా తెలిపారు థమన్. 

అలానే ఈ నెలలో దసరా పండుగ రోజున గేమ్ ఛేంజర్ నుండి టీజర్ వస్తుందని ఇప్పటికే వార్తలు రాగా, దానికి సంబంధించి ప్రస్తుతం టీమ్ పనిచేస్తోందని, అయితే పక్కాగా ఆ రోజున టీజర్ రిలీజ్ అవుతుందా లేదా అనేది చెప్పలేము అంటూ కూడా థమన్ ట్వీట్ చేసారు. దాంతో చరణ్ ఫ్యాన్స్ లో కొంత డిజప్పాయింట్మెంట్ కనపడుతోంది. అయితే నెలాఖరులో మూడవ సాంగ్ రిలీజ్ ఉండడంతో వారు ఆనందం వ్యక్తం చేస్తున్నారు.