ప్రస్తుతం టాలీవుడ్ తో పాటు అటు కోలీవుడ్ లో కూడా యువ నటిగా మంచి అవకాశాలతో కొనసాగుతున్నారు సాయి పల్లవి. కెరీర్ పరంగా మంచి సక్సెస్ లతో కొనసాగుతున్న సాయి పల్లవి తాజాగా శివ కార్తికేయన్ హీరోగా చేస్తున్న సినిమా అమరన్. ఈ సినిమాపై అందరిలో కూడా మంచి అంచనాలు ఉన్నాయి. ఇప్పటికే రిలీజ్ అయిన అమరన్ టీజర్, ట్రైలర్ అలానే సాంగ్స్ తో పాటు ఇతర ప్రమోషన్లన్నీ కూడా సినిమాపై మరింతగా అంచనాలు ఏర్పరిచాయి.

మరోవైపు తెలుగు ప్రమోషన్స్ లో కూడా అమరన్ టీం సందడి చేస్తోంది. ఇక ఈ సినిమా అక్టోబర్ 31న గ్రాండ్ గా ఆడియన్స్ ముందుకు రానుంది. అసలు విషయం ఏమిటంటే సాయి పల్లవిని బ్యాన్ చేయాలంటూ ఒక హ్యాష్ ట్యాగ్ అయితే ప్రస్తుతం సోషల్ మీడియాలో ట్రెండ్ అవుతుంది. పాకిస్థాన్ సైనికులు భారత సైన్యాన్ని ఉగ్రవాద గ్రూపుగా భావిస్తున్నారని, మన వైపు కూడా అదే జరుగుతుందని సాయి పల్లవి ఓ ఇంటర్వ్యూలో మాట్లాడుతూ అన్నారు. అయితే ఇది వారి అవగాహనపై ఆధారపడి ఉంటుందని తెలిపారు. ఈ వ్యాఖ్యలు ఇప్పుడు నెటిజన్లకు ఆగ్రహం తెప్పిస్తున్నాయి.

సాయి పల్లవి భారత సైన్యాన్ని కించపరిచారని అందుకు ఆమె క్షమాపణలు చెప్పాలని డిమాండ్ చేస్తున్నారు. అయితే ఆమె ఎవరినీ అవమానించలేదని, సైన్యం ఎలా పనిచేస్తుందో తెలియజేస్తోందని భావించిన వారు కూడా ఉన్నారు. మరి దీనిపై రాబోయే రోజుల్లో ఏవిధంగా చర్చ నడుస్తుందో చూడాలి. ఇక అమరన్ తప్పకుండా విజయవంతం అవుతుందని ఇప్పటికే ఇటు తెలుగులో కూడా ప్రమోషన్స్ చేస్తూ ఉండటంతో ఇక్కడ కూడా ఈ సినిమా మంచి అవకాశం అందుకున్న అవకాశం అందుకుని టీమ్ ఆశాభావం వ్యక్తం చేస్తోంది.

తమిళ స్టార్ హీరోల్లో ఒకరైన ఇలయదళపతి విజయ్ హీరోగా ఇటీవల వెంకట్ ప్రభు దర్శకత్వంలో తరకెక్కిన తాజా సినిమా గ్రేటెస్ట్ ఆఫ్ ఆల్ టైం. ఈ సినిమాలో స్నేహ మరియు మీనాక్షి చౌదరి హీరోయిన్స్ గా నటించగా కీలకపాత్రల్లో ప్రభుదేవా, ప్రశాంత్, లైలా, మోహన్ నటించారు. మొత్తంగా అందరి అంచనాలు అందుకున్న ఈ సినిమా బాక్సాఫీస్ వద్ద మంచి విజయం అందుకుంది. ఇక దీని అనంతరం ఇప్పటికే తన కెరీర్ ఆఖరి సినిమా అనగా 69వ సినిమాని యువ దర్శకుడు హెచ్ వినోద్ దర్శకత్వంలో అనౌన్స్ చేశారు విజయ్.

ఈ సినిమాపై అందరిలో భారీస్థాయి అంచనాలు ఉండగా దీనిని వచ్చే ఏడాది ద్వితీయార్థంలో విడుదల చేయనున్నారు. ఇకపోతే అసలు విషయం ఏమిటంటే ఇప్పటికే తన రాజకీయ పార్టీ తమిళగ వెట్రి కళగం ని అనౌన్స్ చేశారు విజయ్. నిన్నటి ఆ పార్టీ భారీ బహిరంగ సభకు దాదాపుగా కొన్ని లక్షల మంది విచ్చేసి విజయ్ ఆశీర్వదించారు. ఇక విజయ్ కూడా తన అభిమానులు అందర్నీ ఆకట్టుకునే అద్భుతమైన ప్రసంగం చేశారు.

అసలు విషయం ఏమిటంటే కొద్దిసేపటికి టాలీవుడ్ పవర్ స్టార్ మరియు ఆంధ్రప్రదేశ్ డిప్యూటీ సీఎం అయిన పవన్ కళ్యాణ్ ప్రత్యేకంగా తన ట్విట్టర్ వేదికగా విజయ్ పొలిటికల్ ఎంట్రీ పై శుభాభినందనలు తెలియజేశారు. విజయ్ రాజకీయాల్లో మరింతగా ఎదిగి ఉన్నత స్థాయికి చేరుకోవాలని పవన్ అభినందనలు తెలిపిన ట్విట్టర్ పోస్ట్ ప్రస్తుతం సోషల్ మీడియాలో వైరల్ అవుతుంది. మరి విజయ్ రాబోయే తమిళనాడు ఎన్నికల్లో ఎంతమేరకు విజయ బావుటా ఎగురవేస్తారో చూడాలి.

ఈ ఏడాది సంక్రాంతి కానుకగా రిలీజ్ అయిన సినిమాల్లో హనుమాన్ పెద్ద విజయం అందుకున్న విషయం తెలిసిందే. యువ నటుడు తేజ సజ్జ హీరోగా ప్రశాంత్ వర్మ దర్శకత్వంలో తలకెక్కిన హనుమాన్ మూవీలో వరలక్ష్మి శరత్ కుమార్ కీలకపాత్ర పోషించగా అమృత అయ్యర్ హీరోయిన్ గా నటించారు. కోలీవుడ్ నటుడు వినయ్ రాయ్ విలన్ గా కనిపించిన హనుమాన్ మూవీ బాక్సాఫీస్ వద్ద పెద్ద సెన్సేషన్ అయితే క్రియేట్ చేసింది.

ఇక దీనికి సీక్వెల్ గా త్వరలో జై హనుమాన్ మూవీ సెట్స్ మీదకు వెళ్లనున్న విషయం తెలిసిందే. దీనిపై కూడా అందరిలో మరింత భారీ స్థానాలు ఉన్నాయి. ఇప్పటికే ఈ సినిమాలో కీలకమైన హనుమంతుని పాత్రలో నటించేందుకు కన్నడ స్టార్ నటుడు రిషబ్ శెట్టి ఒప్పుకున్నట్టు తెలుస్తోంది. త్వరలో దీనికి సంబంధించిన కన్ఫర్మేషన్ రానుంది. మరోవైపు లేటెస్ట్ టాలీవుడ్ క్రేజీ అప్డేట్ ప్రకారం జై హనుమాన్ మూవీలో రాముడు పాత్రధారి యొక్క అనౌన్స్ మెంట్ ని రానున్న దీపావళి రోజున ప్రకటించనున్నారట.

ఇక ఈ సినిమాను కూడా గ్రాండియర్ గా ఎక్కడా కాంప్రమైజ్ కాకుండా భారీ స్థాయిలో మైథాలజీ యాక్షన్ మూవీగా దర్శకుడు ప్రశాంత్ వర్మ తెరకెక్కించనున్నారు. కాగా త్వరలో ఈ మూవీకి సంబంధించినటువంటి పూర్తి వివరాలు కూడా టీమ్ నుండి అధికారికంగా వెల్లడి కానున్నాయి.

కోలీవుడ్ వెర్సటైల్ యాక్టర్ సూర్య హీరోగా దిశాపటాని హీరోయిన్ గా బాబీ డియోల్ విలన్ గా సిరుతై శివ దర్శకత్వంలో తెరకెక్కుతున్న తాజా ఫాంటసీ యాక్షన్ సినిమా కంగువ. ఈ సినిమాపై కోలీవుడ్ తో పాటు తెలుగు ఆడియోస్ లో కూడా విశేషమైన అంచనాలున్నాయి. అనేక భాషల్లో నవంబర్ 14న ప్రేక్షకులు ముందుకు రానున్న కంగువ మూవీకి సంబంధించి అటు తమిళతో పాటు తెలుగులో కూడా భారీ స్థాయిలో ప్రమోషన్స్ చేస్తున్నారు టీమ్.

అలానే తమిళ్ తో పాటు తెలుగులో కూడా ప్రీ రిలీజ్ ఈవెంట్ గ్రాండ్ లెవెల్లో జరిగింది. హీరో సూర్యకి తెలుగులో కూడా విపరీతమైన ఫ్యాన్ ఫాలోయింగ్ ఉండటంతో ఈ సినిమా భారీ స్థాయి ఫ్రీ రిలీజ్ బిజినెస్ కూడా జరుపుకుంది. ఇక ప్రీ రిలీజ్ ఈవెంట్లో భాగంగా సూర్య మాట్లాడుతూ కంగువ అనేది యుద్ధాలు మరియు కత్తుల గురించి మాత్రమే కాకుండా ప్రాథమికంగా క్షమాపణ ఇతివృత్తాలపై కేంద్రీకృతమై ఉన్న కథని సూర్య చెప్పారు. ఒకరిని క్షమించడం అనేది ప్రేమ యొక్క అత్యున్నత రూపాన్ని సూచిస్తుందని, కథనాన్ని అండర్లైన్ చేసే పదునైన సందేశం ఈ కథ అని తెలిపారు సూర్య.

అలానే రెండు కాలాల్లో సాగె ఆకట్టుకునే కధ కథనాలతో దర్శకుడు శివ ఈ సినిమాని అత్యద్భుతంగా తెరకెక్కించారని చెప్పుకొచ్చారు సూర్య. ముఖ్యంగా నిర్మాతలతో పాటు సంగీత దర్శకుడు దేవిశ్రీప్రసాద్ ఈ సినిమాకి బ్యాక్ బోన్ గా నిలిచారని అన్నారు. అతడు అందించిన సంగీతంతో పాటు బ్యాక్ గ్రౌండ్ స్కోర్ కూడా రేపు థియేటర్స్ లో అదిరిపోతుందని అన్నారు. తెలుగు ఆడియన్స్ కూడా కంగువ ని ఎంతో బాగా ఆదరిస్తారనే నమ్మకాన్ని వ్యక్తం చేశారు సూర్య. మరి అందరిలో ఎన్నో అంచనాలు ఏర్పరిచిన ఈ మూవీ రిలీజ్ అనంతరం ఏ స్థాయి సక్సెస్ అందుకుంటుందో చూడాలి.

మన టాలీవుడ్ స్టార్ యాక్టర్స్ లో ఒకరైన పాన్ ఇండియన్ స్టార్ ప్రభాస్ ప్రస్తుతం మారుతి దర్శకత్వంలో చేస్తున్న హర్రర్ కామెడీ యాక్షన్ ఎంటర్టైనర్ మూవీ ది రాజా సాబ్. ఈ సినిమాపై ప్రభాస్ గారి అభిమానులతో పాటు సాధారణ ఆడియన్స్ లో కూడా భారీ స్థాయి అంచనాలు ఉన్నాయి. ఈ సినిమాని పీపుల్ మీడియా ఫ్యాక్టరీ సంస్థ పై టీజీ విశ్వప్రసాద్ అలానే వివేక్ కూచిబొట్ల గ్రాండ్ లెవెల్ లో నిర్మిస్తున్నారు. నిధి అగర్వాల్, రిద్ది కుమార్, మాళవిక మోహన్ హీరోయిన్స్ గా నటిస్తున్న ఈ సినిమాకి ఎస్ థమన్ సంగీతం అందిస్తున్నారు.

ఇటీవల ప్రభాస్ బర్త్ డే సందర్భంగా రిలీజ్ అయిన ది రాజా సాబ్ ఓల్డ్ లుక్ మోషన్ పోస్టర్ మిక్స్డ్ రెస్పాన్స్ ని అందుకుంది. ఇక ఈ మూవీని 2025 ఏప్రిల్ 10న రిలీజ్ చేయనున్నారు. మరోవైపు మణిరత్నం దర్శకత్వంలో లోకనాయకుడు కమలహాసన్ హీరోగా రూపొందుతోన్న భారీ మూవీ థగ్ లైఫ్. దీనిపై కూడా అందరిలో మంచి అంచనాలు ఉన్నాయి. కెరీర్ పరంగా చాలా ఏళ్ల తర్వాత మణిరత్నంతో కలిసి కమల్ చేస్తున్న మూవీ కావటంతో ఇది కూడా బ్లాక్ బస్టర్ కొడుతుందని కోలీవుడ్ తో పాటు టాలీవుడ్ ఆడియన్స్ కూడా భావిస్తున్నారు.

రాజ్ కమల్ ఫిల్మ్స్ ఇంటర్నేషనల్, మద్రాస్ టాకీస్, రెడ్ జెయింట్ ఫిలిమ్స్ సంయుక్తంగా ఈ మూవీని గ్రాండ్ లెవెల్లో నిర్మిస్తున్నాయి. లేటెస్ట్ టాలీవుడ్ బజ్ ప్రకారం థగ్ లైఫ్ మూవీ కూడా ఏప్రిల్ 10న రిలీజ్ కానుందని అంటున్నారు. మరి ఇదే కనక నిజమైతే బాక్సాఫీస్ వద్ద ప్రభాస్ తో పాటు కమలహాసన్ మధ్య భారీ పోరు జరిగే అవకాశం ఉంది. మరి పక్కాగా కమల్ హాసన్ నటిస్తున్న థగ్ లైఫ్ మూవీ ఏప్రిల్ 10న రిలీజ్ అవుతుందో లేదో తెలియాలి అంటే మేకర్స్ అఫీషియల్ గా అనౌన్స్ మెంట్ అందించే వరకు ఆగాలి.