టాలీవుడ్ స్టార్ యాక్టర్ అల్లు అర్జున్ తాజాగా పుష్ప 2 మూవీ ద్వారా ఆడియన్స్ ముందుకి వచ్చారు. ఈ మూవీలో రష్మిక మందన్న హీరోయిన్ గా నటించగా సుకుమార్ తెరకెక్కించారు. మొదటి నుండి అందరిలో మంచి అంచనాలు ఏర్పరిచిన ఈమూవీ మొత్తంగా బాక్సాఫీస్ వద్ద ప్రస్తుతం మంచి టాక్ తో కొనసాగుతోంది.

అయితే ఈ మూవీ యొక్క ప్రీమియర్ సందర్భంగా డిసెంబర్ 4న రాత్రి హైదరాబాద్ సంధ్య థియేటర్ కి ఫామిలీ తో కలిసి వెళ్లి మూవీ చూసారు అల్లు అర్జున్. దానితో ఒక్కసారిగా అక్కడికి విపరీతంగా జనం రావడం తొక్కిసలాట జరగడం జరిగింది. ఆ ఘటనతో రేవతి అనే యువతి మరణించగా ఆమె కుమారుడు తేజ పరిస్థితి విషంగా మారింది. కాగా ఆ విషయమై సంధ్య థియేటర్ యాజమాన్యంతో పాటు అల్లు అర్జున్ పై కూడా కేసు నమోదయింది.

కాగా ఆ దుర్ఘటనతో తమ పుష్ప 2 మూవీ టీమ్ మొత్తం ఎంతో బాధపడ్డాం అని, రేవతి కుటుంబానికి తక్షణం రూ. 25 లక్షలు సాయం అందిస్తున్నట్లు ప్రకటించారు అల్లు అర్జున్. విషయం ఏమిటంటే, కొద్దిసేపటి క్రితం ఆ కేసు విషయమై ఎంక్వరీ కోసం అల్లు అర్జున్ ని చిక్కడపల్లి పోలీస్ స్టేషన్ కు తీసుకెళ్లారు. అయితే అది ప్రత్యేకంగా అరెస్ట్ కాదని అంటున్నాయి ఆయన పిఆర్ టీమ్ వర్గాలు. ప్రస్తుతం ఈ న్యూస్ సోషల్ మీడియాలో వైరల్ అవుతోంది.

టాలీవుడ్ స్టార్ కథానాయికల్లో ఒకరైన కీర్తి సురేష్ కెరీర్ పరంగా ఎన్నో సక్సెస్ఫుల్ సినిమాల్లో నటించారు. తన ఆకట్టుకునే అందం, అభినయంతో అందరినీ మెప్పించి ఎందరో ఫ్యాన్స్ ని సంపాదించిన కీర్తి సురేష్ తెలుగుతో పాటు ప్రస్తుతం హిందీ సహా పలు భాషల్లో హీరోయిన్ గా దూసుకెళ్తున్నారు.

ఇక తన చిరకాల స్నేహితుడు ఆంటోనీ ని డిసెంబర్ 12న గ్రాండ్ గా వివాహం చేసుకున్నారు కీర్తి సురేష్. వీరిద్దరి మధ్య ప్రేమ దాదాపుగా 15 ఏళ్లుగా కొనసాగుతోంది. వృత్తిరీత్యా పెద్ద వ్యాపారవేత్త అయిన ఆంటోనీ తట్టిల్ కుటుంబానికి, కీర్తి కుటుంబానికి ఎన్నో ఏళ్ళ నుండి మంచి అనుబంధం ఉంది. ఇక వీరిద్దరి వివాహ వేడుకలు మూడు రోజుల ముందు అనగా డిసెంబర్ 9 నుండి గోవాలో ఆరంభం అయ్యాయి.

కాగా రెండు కుటుంబాల సన్నిహితులు, బంధువులు మాత్రమే కీర్తి, ఆంటోనీ ల వివాహానికి హాజరయ్యారు. అలానే పలువురు సినీ ప్రముఖులు ప్రత్యేకంగా ఈ నూతన జంటకు తమ సోషల్ మీడియా అకౌంట్స్ ద్వారా ప్రత్యేకంగా వివాహ శుభాకాంక్షలు తెలియచేసారు. కాగా తమ అభిమాన కథయికకు గ్రాండ్ గా వివాహం జరుగడంతో పలువురు కీర్తి ఫ్యాన్స్ ఆమెకు శుభాకాంక్షలు తెలుపుతున్నారు.

టాలీవుడ్ నందమూరి నటసింహం బాలకృష్ణ హీరోగా బోయపాటి శ్రీను దర్శకత్వంలో 14 రిల్స్ ఎంటర్టైన్మెంట్స్ సంస్థ పై గ్రాండ్ లెవెల్లో నిర్మితమవుతున్న తాజా మాస్ యాక్షన్ ఎమోషనల్ మూవీ అఖండ 2. బాలకృష్ణ పవర్ఫుల్ పాత్రలో కనిపించనున్న ఈ మూవీలో ప్రగ్య జైస్వాల్ హీరోయిన్ గా నటించనుంది

సరిగ్గా మూడేళ్ల క్రితం బోయపాటి, బాలకృష్ణ కాంబినేషన్లో వచ్చిన అఖండ మూవీ బాక్సాఫీస్ వద్ద ఎంతో పెద్ద ప్రభంజనం సృష్టించి బాలకృష్ణ కెరిర్ పరంగా అత్యధిక కలెక్షన్ అందుకున్న మూవీగా నిల్చిన విషయం తెలిసిందే. దానితో ప్రస్తుతం వీరిద్దరి క్రేజీ కాంబినేషన్ లో తెరకెక్కుతోన్న అఖండ 2 పై అందరిలో కూడా భారీ స్థాయి అంచనాలు ఏర్పడ్డాయి.

తాజాగా ఈ మూవీ యొక్క రిలీజ్ డేట్ ని అనౌన్స్ చేశారు మేకర్స్. పవర్ఫుల్ డైలాగ్స్ తో అదిరిపోయే బ్యాక్ స్కోర్ తో రూపొందిన ఈ మూవీ యొక్క రిలీజ్ డేట్ అనౌన్స్మెంట్ గ్లింప్స్ అందరిని ఆకట్టుకుంటుంది. ఇక అఖండ 2 మూవీని వచ్చే ఏడాది సెప్టెంబర్ 25న రిలీజ్ చేస్తున్నట్లు ఆ గ్లింప్స్ ద్వారా మేకర్స్ ప్రకటించారు. మరి మొత్తంగా అందరిలో ఎన్నో అంచనాలు ఏర్పరిచిన ఈ క్రేజీ మూవీ రిలీజ్ అనంతరం ఏ స్థాయి సక్సెస్ అందుకుంటుందో చూడాలి.

ఐకాన్ స్టార్ అల్లు అర్జున్ హీరోగా రష్మిక మందన్న హీరోయిన్ గా సుకుమార్ దర్శకత్వంలో మైత్రి మూవీ మేకర్స్ సంస్థ గ్రాండ్ లెవెల్ లో నిర్మించిన తాజా సినిమా పుష్ప 2. ఇటీవల డిసెంబర్ 5న భారీ స్థాయిలో అత్యధిక థియేటర్స్ లో రిలీజ్ అయిన ఈ మూవీ ఫస్ట్ డే నుండి మంచి టాక్ సొంతం చేసుకుని ప్రస్తుతం అన్ని వర్గాలు ఆడియన్స్ ని ఆకట్టుకుంటూ బాగానే కలెక్షన్ తో కొనసాగుతుంది.

అయితే తెలుగు రాష్ట్రాల్లో ఆశించిన స్థాయి కలెక్షన్ అందుకోని ఈ సినిమా అటు నార్త్ లో మాత్రం అదరగొడుతుంది. మరోవైపు తమిళనాడులో తాజాగా పుష్ప 2 మూవీ ఒక పెద్ద రికార్డును అయితే నెలకొల్పింది. ఇప్పటికే అక్కడ బాహుబలి 2 మూవీ నెలకొల్పిన రూ. 150 కోట్ల గ్రాస్ ని పుష్ప 2 బీట్ చేసే అవకాశం లేనప్పటికీ తాజాగా అక్కడ రూ. 50 కోట్ల గ్రాస్ ని అందుకుంది పుష్ప 2.

ఈ విధంగా తమిళనాడులో ఫస్ట్ నాన్ రాజమౌళి సినిమాగా రికార్డును సొంతం చేసుకుంది పుష్ప 2. బాహుబలి 2 తో పాటు ఆర్ఆర్ఆర్ మూవీ మాత్రమే అక్కడ రూ. 50 కోట్లు అందుకున్నాయి. ఇక ప్రస్తుత పరిస్థితుల్లో పుష్ప 2 కి తమిళనాడులో పెద్దగా కాంపిటీషన్ ఇచ్చే సినిమాలు లేకపోవడంతో మొత్తంగా ఈ సినిమా ఓవరాల్ గా అక్కడ ఎంతమేర రాబడుతుందో చూడాలి మరి.

యువ నటుడు దుల్కర్ సల్మాన్ హీరోగా మీనాక్షి చౌదరి హీరోయిన్ గా వెంకి అట్లూరి దర్శకత్వంలో తెరకెక్కిన తాజా థ్రిల్లింగ్ యాక్షన్ మూవీ లక్కీ భాస్కర్. జివి ప్రకాష్ సంగీతం అందించిన ఈ మూవీలో సర్వధమన్ బెనర్జీ, సుధ, రామ్ కీ, టిన్ను ఆనంద్ కీలక పాత్రల్లో నటించారు. మంచి అంచనాలతో ఇటీవల రిలీజ్ అయిన ఈ మూవీ భారీ బ్లాక్ బస్టర్ కొట్టింది.

ఓవరాల్ గా రూ. 100 కోట్లకు పైగా కలెక్షన్స్ సొంతం చేసుకున్న ఈ సినిమాని సితార ఎంటర్టైన్మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ సంస్థలపై సాయి సౌజన్య, నాగ వంశీ భారీ స్థాయిలో నిర్మించారు.

కాగా ఇటీవల ప్రముఖ ఓటిటి మాధ్యమం నెట్ ఫ్లిక్స్ ద్వారా ఓటిటి ఆడియన్స్ ముందుకు వచ్చిన లక్కీ భాస్కర్ మూవీ ప్రస్తుతం దాదాపుగా 18 బిలియన్ నిమిషాల వ్యూస్ తో రెండు వారాలుగా రెండవ స్థానంలో కొనసాగుతోంది. ఆకట్టుకునే కథకథనాలతో రూపొందిన ఈ సినిమా అన్ని భాషల ఓటిటి ఆడియన్స్ ని అలరిస్తుండడంతో మూవీ టీం ఆనందం వ్యక్తం చేస్తుంది. మరి రాబోయే రోజుల్లో లక్కీ భాస్కర్ మూవీ ఓటిటిలో ఇంకెంతమేర వ్యూస్ రాబడుతుందో చూడాలి.

కోలీవుడ్ వెర్సటైల్ యాక్టర్ కార్తీక్ ప్రస్తుతం తమిళ్ లో ఒక సినిమా చేస్తున్నారు. అనంతరం ఆయన మరికొన్ని సినిమాలను కూడా లైన్లో పెట్టారు. ఇక లేటెస్ట్ టాలీవుడ్ వర్గాల సమాచారం ప్రకారం తెలుగు యువ దర్శకుడు ప్రశాంత్ వర్మ త్వరలో తీయనున్న ప్రశాంత్ వర్మ సినిమాటిక్ యూనివర్స్ సినిమాలో భాగంగా ఒక సినిమా చేయనున్నారని అంటున్నారు. ఇప్పటికే రిషబ్ శెట్టితో జై హనుమాన్ మూవీ, అలానే మహాకాళి మూవీస్ ని కమిట్ అయ్యారు ప్రశాంత్ వర్మ. 

అందులో ముందుగా జై హనుమాన్ మూవీ రూపొందనుండగా దాని అనంతరం కార్తీతో ఆయన సినిమా ప్రారంభమవుతుందని అంటున్నారు. కాగా ప్రస్తుతం దానికి సంబంధించి వారిద్దరి మధ్య కథాచర్చలు జరుగుతున్నాయనేది లేటెస్ట్ టాలీవుడ్ వర్గాల టాక్. అన్ని వర్గాల ఆడియన్స్ ని అలరించేలా ఆకట్టుకునే కథనాలతో దీనిని తెరకెక్కించేందుకు ప్రశాంత్ వర్మ ప్లాన్ చేస్తున్నారట.

కాగా అన్ని అనుకున్నట్లు జరిగితే అటు లోకేష్ కనకరాజ్ సినిమాటిక్ యూనివర్స్ తో పాటు ఇటు ప్రశాంతవర్మ సినిమాటిక్ యూనివర్స్ లో కూడా కార్తీక భాగం కానున్నట్లు తెలుస్తోంది. మరి ఈ క్రేజీ కాంబినేషన్ మూవీ ఎప్పుడు అనౌన్స్ అవుతుందో తెలియాలి అంటే మరికొన్నాళ్లు ఆగాల్సిందే.