టాలీవుడ్ సీనియర్ నటుడు కళాప్రపూర్ణ మంచు మోహన్ బాబు ని అరెస్ట్ చేసేందుకు పోలీసులు రంగం సిద్ధం చేస్తున్నట్లు తెలుస్తోంది. కొద్దిరోజలుగా ఆయన కుటుంబంలో గొడవలు జరుగుతున్న విషయం తెలిసిందే. తనను చంపుతాను అని చిన్న కొడుకు మంచు మనోజ్ బెదిరిస్తున్నాడని, తనకు పోలీసు రక్షణ కావాలని మోహన్ బాబు పోలీసులని ఆశ్రయించారు.

మరోవైపు తనని మరియు తన భార్య ని తండ్రి కావాలని ఇరికిస్తున్నారని మంచు మనోజ్ మాట్లాడుతూ ఆవేదన వ్యక్తం చేసారు, ఆపై తండ్రి పై కేసు పెట్టారు. అయితే ఈ విధంగా తండ్రి కొడుకులు ఇద్దరి వివాదం మూడు రోజులుగా విపరీతంగా సాగుతుండడంతో మీడియా కూడా దానిపై ఎక్కువగా ఫోకస్ పెట్టింది. అదే సమయంలో మోహన్ బాబు ఇంటికి వెళ్లిన కొందరు మీడియా వారిపై మోహన్ బాబు దాడి చేయడం జరిగింది. కాగా ఒక ప్రముఖ తెలుగు టివి ఛానల్ జర్నలిస్టుకి తీవ్ర గాయం అవడంతో ఆ ఛానెల్ ఉద్యోగి మోహన్ బాబు పై కేసు పెట్టారు.

అయితే ఈ హత్యయత్నం కేసులో ముందస్తు బెయిల్ కోసం మోహన్ బాబు వేసిన పిటిషన్ ను హైకోర్టు కొట్టి వేసింది. దీంతో ఆయన అరెస్టు ఖాయమన్న ప్రచారం ఊపందుకుంది. హత్యాయత్నం కేసు కావడంతో నోటీసులు జారీ చేయాల్సిన అవసరం కూడా కనిపించడం లేదని పోలీసు వర్గాలంటున్నాయి. ప్రస్తుతం ఈ న్యూస్ సోషల్ మీడియాలో సెన్సేషన్ అవుతోంది.

ఐకాన్ స్టార్ అల్లు అర్జున్ నటించిన లేటెస్ట్ మూవీ పుష్ప 2. మొదటి నుండి అందరిలో ఎన్నో అంచనాలు ఏర్పరిచిన ఈ మూవీ డిసెంబర్ 5న గ్రాండ్ గా ఆడియన్స్ ముందుకి రాగా దీనికి సంబందించిన ప్రీమియర్ ని ప్రత్యేకంగా ఫ్యామిలీతో కలిసి వీక్షించేందుకు అంతకముందు రోజూ రాత్రి హైదరాబాద్ సంధ్య థియేటర్ కి వెళ్లారు అల్లు అర్జున్. అయితే ఆ సమయంలో థియేటర్ ప్రాంతంలో పూర్తిగా తొక్కిసలాట జరిగి ఒక యువతీ మృతి చెందగా ఆమె కుమారుడు తీవ్ర గాయాలపాలయ్యాడు.

దానితో థియేటర్ యాజమాన్యం అలానే అల్లు అర్జున్ పై పోలీసులు కేసు నమోదు చేసారు. నేడు ఉదయం అల్లు అర్జున్ ఇంటికి వెళ్లి ఆయనని అరెస్ట్ చేసారు పోలీసులు. అనంతరం ఆయనని కోర్ట్ లో హాజరు పరచగా 14 రోజుల రిమాండ్ విధించింది కోర్టు.

కాగా దానిని సవాలు చేస్తూ నేడు అల్లు అర్జున్ తరపు లాయర్లు తెలంగాణ హై కోర్టులో బెయిల్ కోసం వాదనలు వినిపించి ఫైనల్ గా మధ్యంతర బెయిల్ అయితే సంపాదించారు. ఇంతవరకు అంతా బాగున్నప్పటికీ దానికి సంబంధించి కట్టాల్సిన రూ. 50000 పూచికత్తు బాండ్లు తీసుకుని లాయర్లు చంచల్గూడ జైలుకు వెళ్లి అధికారులతో మాట్లాడారు.

కాగా అంతకుముందు అల్లు అర్జున్ విడుదల ప్రక్రియ కొన్ని గంటల పాటు సాగింది. ఇక అల్లు అర్జున్ కోసం జైలు సిబ్బంది బ్యారక్ ని సిద్ధం చేసినట్టు తెలుస్తోంది. మరోవైపు అల్లు అర్జున్ విడుదల ప్రక్రియలో జాప్యంపై తీవ్ర అసహనం వ్యక్తం చేసిన అల్లు అరవింద్ చంచల్గూడ జైలు నుండి ఇంటికి వెళ్లిపోయారు.

ఇక జైలు వద్దకు భారీగా చేరుకున్న అభిమానులు తమ హీరో ఈ రోజే విడుదల అవుతారని ఆతృతంగా ఎదురుచూస్తున్నారు. అలానే అటు అల్లు అర్జున్ సన్నిహితులు, బంధువులు ఆయన ఇంటి వద్ద వేచి ఉన్నారు. కాగా రేపు ఉదయం అల్లు అర్జున్ జైలు నుంచి విడుదల కానున్నారని జైలు అధికారులు వెల్లడించారు.