ఇటీవల మగిల్ తిరుమేణి దర్శకత్వంలో తెరకెక్కిన యాక్షన్ ఎంటర్టైనర్ మూవీ విడాముయార్చి ద్వారా ఆడియన్స్ ముందుకు వచ్చారు కోలీవుడ్ స్టార్ యాక్టర్ అజిత్ కుమార్. అయితే రిలీజ్ అనంతరం ఈ మూవీ ఏమాత్రం ఆడియన్స్ ని ఫ్యాన్స్ ని మెప్పించలేక బాక్సాఫీస్ వద్ద పెద్ద డిజాస్టర్ గా నిలిచింది. 

దాని అనంతరం తాజాగా అజిత్ చేస్తున్న మూవీ గుడ్ బ్యాడ్ అగ్లీ. ఈ మూవీలో త్రిష హీరోయిన్ గా నటిస్తుండగా దీనిని మైత్రి మూవీ మేకర్స్ సంస్థ గ్రాండ్ గా నిర్మిస్తోంది. ఇప్పటికే రిలీజ్ అయిన పోస్టర్స్, తాజాగా వచ్చిన గ్లింప్స్ టీజర్ తో మూవీ పై అందరిలో మంచి అంచనాలు అయితే ఏర్పడ్డాయి. 

కాగా గుడ్ బ్యాడ్ అగ్లీ టీజర్ ఫిబ్రవరి 28న విడుదల కానుంది. విషయం ఏమిటంటే ఈ టీజర్ యొక్క నిడివి 94 సెకండ్లు అనగా 1 నిమిషం 34 సెకండ్స్ ఉండనుండగా తప్పకుండా ఈ టీజర్ రిలీజ్ అందరినీ ఆకట్టుకుని మూవీ పై మరింతగా అంచనాలు ఏర్పరచడం ఖాయమని టీమ్ అంటోంది. అలానే రిలీజ్ అనంతరం గుడ్ బ్యాడ్ అగ్లీ విజయం ఖాయమని యూనిట్ అయితే ఆశాభావం చేస్తుంది. 

అనిరుద్ రవిచందర్ సంగీతం సమకూరుస్తున్న ఈ సినిమాని యువ దర్శకుడు అధిక రవిచంద్రన్ తెరకెక్కిస్తుండగా ఇతర కీలక పాత్రల్లో ప్రభు, ప్రసన్న, అర్జున్ దాస్, సునీల్, రాహుల్ దేవ్, యోగిబాబు తదితరులు నటిస్తున్నారు. కాగా ఈ మూవీ అన్ని కార్యక్రమాలు ముగించుకుని ఏప్రిల్ 10న గ్రాండ్ గా ఆడియన్స్ ముందుకి రానుంది. 

యువ నటుడు సందీప్ కిషన్ హీరోగా రీతూ వర్మ హీరోయిన్ గా ధమాకా దర్శకుడు త్రినాధరావు నక్కిన దర్శకత్వంలో హాస్య మూవీస్ బ్యానర్ పై రాజేష్ దండా నిర్మించిన తాజా కామెడీ యాక్షన్ ఎంటర్టైనర్ మూవీ మజాకా. ఈ మూవీలో రావు రమేష్, అన్షు కీలకపాత్రల్లో కనిపించగా దీనికి లియోని జేమ్స్ సంగీతం సమకూర్చారు. 

ఇక ఇటీవల ఈ సినిమా నుంచి రిలీజ్ అయిన సాంగ్స్, ఫస్ట్ లుక్ టీజర్, ట్రైలర్ అన్ని కూడా అందరిని ఆకట్టుకుని సినిమాపై మంచి అంచనాలు ఏర్పరిచాయి. కాగా కామెడీ యాక్షన్ ఎంటర్టైనర్ గా రూపొందిన మజాకా మూవీ ప్రీమియర్స్ నుండి మంచి సక్సెస్ టాక్ అయితే సంపాదించుకుంది. ముఖ్యంగా అక్కడక్కడ కొన్ని లోపాలు ఉన్నప్పటికీ కూడా ఓవరాల్ గా కామెడీ బాగానే ఎలివేట్ అవ్వడంతో మజాకా మూవీ అందరి నుంచి మంచి స్పందన అందుకుంది. 

అయితే కలెక్షన్స్ పరంగా చూస్తే మాత్రం ఈ సినిమా ఆశించిన స్థాయిలో రాబట్టట్లేదు అని చెప్పాలి. ఓపెనింగ్స్ పరంగా పరవాలేదని పించిన మజాకా సినిమా సాంగ్స్ కూడా అంతగా మెప్పించలేకపోయాయి. ముఖ్యంగా ధమాకాలో భీమ్స్ సిసిలోరియో అందించిన సాంగ్స్ ఆకట్టుకోగా ఇందులో మాత్రం లియోన్ జేమ్స్ పెద్దగా మెప్పించలేకపోయారనేది ఒక మైనస్ అని చెప్పాలి. 

మరోవైపు తాజాగా తమిళ నటుడు ప్రదీప్ రంగనాథన్ హీరోగా అశ్వత్ మారిముత్తు తెరకెక్కించిన రిటర్న్ ఆఫ్ ద డ్రాగన్ మూవీ థియేటర్స్ లో అదరగొడుతూ ఉండడం కూడా ధమాకా అంతగా కలెక్షన్ రాకపోవటానికి మరొక కారణం. అయితే త్వరలో వీకెండ్ కావడంతో ఆ సమయంలో ధమాకా ఎంత మేర రాబడుతుందో చూడాలి

యువ నటుడు విశ్వక్సేన్ హీరోగా యువ దర్శకుడు రామ్ నారాయణ్ దర్శకత్వంలో తెరకెక్కిన తాజా రొమాంటిక్ యాక్షన్ ఎంటర్టైనర్ మూవీ లైలా. ఈ సినిమా ద్వారా తొలిసారిగా లేడీ గెటప్ లో కనిపించి చాలెంజింగ్ పాత్రలో ఆకట్టుకున్నారు విశ్వక్. 

షైన్ స్క్రీన్స్ బ్యానర్ పై ఈ మూవీని సాహు గారపాటి నిర్మించగా లియోన్ జేమ్స్ సంగీతం సమకూర్చారు. అయితే అటు ప్రమోషన్స్ పరంగా అలానే టీజర్, ట్రైలర్ తో మంచి అంచనాలు ఏర్పర్చిన లైలా మూవీ ఇటీవల ఆడియన్స్ ముందుకు వచ్చి ఫస్ట్ రోజు ఫస్ట్ షో నుంచి పూర్తి నెగిటివ్ టాక్ సొంతం చేసుకుని ఫైనల్ గా బాక్సాఫీస్ వద్ద అతిపెద్ద డిజాస్టర్ గా నిలిచింది. 

ఇక ఈ సినిమా ఓవరాల్ గా రూ. 1.5 కోట్ల షేర్ మాత్రమే అందుకొని భారీ నష్టాల్ని అటు నిర్మాతలకు ఇటు డిస్ట్రిబ్యూటర్లకి మిగిల్చింది. ముఖ్యంగా ఈ సినిమాలో కొన్ని ఇబ్బందికర సన్నివేశాలతో పాటు ఏమాత్రం ఆకట్టుకోని కామెడీ, కథ, కథ కథనాలపై ఆడియన్స్ నుంచి తీవ్రంగా అయితే విమర్శలు వచ్చాయి. ఇకపై తన సినిమాల్లో ఇబ్బందికర కంటెంట్ తో కూడిన సన్నివేశాలు లేకుండా చూసుకుంటానని ఇటీవల విశ్వక్సేన్ ఒక ప్రకటన ద్వారా తెలిపిన విషయం తెలిసిందే. 

అయితే విషయం ఏమిటంటే లైలా సినిమా మార్చి 7న ప్రముఖ ఓటిటి మాధ్యమం అమేజాన్ ప్రైమ్ ద్వారా ఆడియన్స్ ముందుకు రానుంది. మరి తొలిసారిగా విశ్వక్సేన్ లేడీ గెటప్ లో కనిపించిన లైలా మూవీ అటు థియేటర్స్ లో డిజాస్టర్ గా నిలిచినప్పటికీ ఎంత మేర ఓటిటి ఆడియన్స్ ఆకట్టుకుంటుందో చూడాలి

ఐకాన్ స్టార్ అల్లు అర్జున్ కెరీర్ పరంగా చూసుకున్నట్లయితే అలవైకుంఠపురంలో అతిపెద్ద విజయం అందించింది. టాలీవుడ్ లో వన్ ఆఫ్ ద బిగ్గెస్ట్ ఇండస్ట్రీ హిట్స్ లో ఒకటిగా నిలిచిన ఆ సినిమాతో నటుడిగా అల్లు అర్జున్ ఎంతో ఉన్నత స్థాయికి ఎదిగారు. 

అందులోని సాంగ్స్ నేషనల్ వైడ్ పాపులర్ అయ్యాయి. ఇక ఆ సినిమాలో హీరోయిన్ గా పూజాహెగ్డే నటించగా గీతా ఆర్ట్స్, హారిక హాసిని క్రియేషన్ సంస్థలు ఈ మూవీని ప్రతిష్టాత్మకంగా నిర్మించాయి. 

త్రివిక్రమ్ శ్రీనివాస్ తెరకెక్కించిన ఈ మూవీలోని కథ, కథనాలు, అల్లు అర్జున్ యాక్టింగ్, త్రివిక్రమ్ టేకింగ్, కామెడీ, యాక్షన్, ఎంటర్టైన్మెంట్ అంశాలు, సాంగ్స్, బ్యాక్ గ్రౌండ్ మ్యూజిక్ ఇలా ప్రతి ఒక్కటి కూడా ఆడియన్స్ ని విశేషంగా ఆకట్టుకొని ఓవరాల్ గా ఈ సినిమాకి పెద్ద విజయాన్ని అందించాయి. ఇక 2020లో రిలీజ్ అయ్యి పెద్ద విజయం అందుకున్న ఈ మూవీ ఆ తర్వాత నెట్ ఫ్లిక్స్ లో ఓటిటి ఆడియన్స్ ముందుకు వచ్చింది. 

అక్కడి నుంచి మంచి రెస్పాన్స్ తో నెట్ ఫ్లిక్స్ ఆడియన్స్ ని ఆకట్టుకున్న అలవైకుంఠపురంలో తాజాగా ఆ మాధ్యమం నుంచి తొలగించబడింది. దానికి ప్రధాన కారణం సన్ నెక్స్ట్ లో కూడా ఈ సినిమా స్ట్రీమ్ అవుతూ ఉండటమే. 

మొత్తంగా ఇకపై అలవైకుంఠపురంలో చూడాలనుకునే వారికి సన్ నెక్స్ట్ లో మాత్రమే అందుబాటులో ఉంటుంది. మరోవైపు ఈ సినిమాలోని బుట్ట బొమ్మ, సామజవగమన, రాములో రాముల సాంగ్స్ ఇప్పటికీ కూడా యూట్యూబ్ లో ఇంకా మంచి వ్యూస్ తో కొనసాగుతూనే ఉన్నాయి. 

ఇటీవల రణబీర్ కపూర్ హీరోగా సందీప్ రెడ్డి వంగా దర్శకత్వంలో రష్మిక మందన్న హీరోయిన్ గా తెరకెక్కిన యాక్షన్ ఎమోషనల్ ఎంటర్టైనర్ మూవీ ఆనిమల్. ఈ మూవీలో అనిల్ కపూర్ కీలక పాత్రలో కనిపించగా రిలీజ్ అనంతరం ఇది బిగ్గెస్ట్ బ్లాక్ బస్టర్ కొట్టింది. 

ఓవరాల్ గా ఆనిమల్ మూవీ రూ. 900 కోట్లకు పైగా గ్రాస్ కలెక్షన్స్ సొంతం చేసుకుని కెరీర్ పరంగా అటు రణభీర్ కి దర్శకుడుగా సందీప్ రెడ్డి వంగాకి విశేషమైన పేరు తీసుకువచ్చింది. నిజానికి ఎంతో పెద్ద భారీ విషయం అందుకున్నప్పటికీ ఆనిమల్ పై అనేకమంది విమర్శలు అయితే ఎక్కుపెట్టారు. ముఖ్యంగా అందులో పలు సన్నివేశాలపై తీవ్ర విమర్శలు చేశారు. 

అంతకుముందు ఆనిమల్ సినిమాకు సంబంధించి సందీప్ రెడ్డి వంగ మాట్లాడుతూ సినిమాని సినిమాగా చూడాలని, కొన్ని సన్నివేశాలు ఎవరిని ఉద్దేశించి ఎవరిని తక్కువ చేయాలనే తీసింది కాదని చెప్పుకొచ్చారు. మరోవైపు తాజాగా వస్తున్న విమర్శలు అన్ని కూడా సందీప్ రెడ్డి వంగా చుట్టూనే ఉంటున్నాయి. మొదటి నుంచి ఆయననే టార్గెట్ చేస్తూ కావాలని విమర్శలు ఎక్కువ పెడుతుండడం పై పలువురు నెటిజెన్స్ కూడా అసహనం వ్యక్తం చేస్తున్నారు. 

అందులో హీరోగా నటించిన రణబీర్ కపూర్ పై ఎవరూ కూడా ఒక్క మాట అనటం లేదని, అయితే దర్శకుడు సందీప్ రెడ్డి వంగ మాత్రమే సినిమాకి పూర్తిగా బాధ్యుడంటూ ఆయన్ని నిందించడం సరికాదని అంటున్నారు. 

మరోవైపు ఇటీవల ఒక ఇంటర్వ్యూలో భాగంగా సందీప్ రెడ్డి వంగా కూడా మాట్లాడుతూ దర్శకుడుగా తనపై ఇంత విమర్శలు చేస్తున్న ఏఒక్కరు రణబీర్ గురించి మాట్లాడరు, నిజానికి రణబీర్ తో తనకు మంచి సన్నిహిత్యం ఉందని, ఆయనని అనాలనేది తన ఉద్దేశం కాదనన్నారు. కాకపోతే తనపై విమర్శలు చేసే వారికి రణబీర్ తో ఉన్న సాన్నిహిత్యం చెడిపోగూడదని భావించే ఆయనని ఏమి అనడం లేదన్నారు. 

రాబోయే రోజుల్లో వారు ఆయనతో సినిమాలు చేయాలనుకుంటున్నారు కాబట్టే ఆయనను కాకుండా తనని టార్గెట్ చేస్తున్నారని చెప్పుకొచ్చారు. ఇక త్వరలో ఆనిమల్ కి సీక్వెల్ అయిన యానిమల్ పార్క్ కోసం తాను స్క్రిప్ట్ వర్క్ చేస్తున్నట్టు చెప్పుకొచ్చారు సందీప్. 

ఇటీవల తండేల్ మూవీ ద్వారా ఆడియన్స్ ముందుకి వచ్చిన అక్కినేని నాగ చైతన్య ఆ మూవీతో పెద్ద విజయం సొంతం చేసుకున్నారు. కెరీర్ పరంగా ఈ మూవీ చైతన్య కు మంచి బ్రేక్ ని అందించింది. ఈ మూవీలో సాయి పల్లవి హీరోయిన్ గా నటించగా కీలక పాత్రల్లో ఆడుకాలం నరేన్, కల్పలత, బబ్లు పృథ్వీరాజ్, రంగస్థలం మహేష్, కరుణాకరన్ తదితరులు నటించారు. 

రాక్ స్టార్ దేవిశ్రీప్రసాద్ సంగీతం సమకూర్చిన తండేల్ మూవీ ఫస్ట్ డే నుండి పాజిటివ్ టాక్ సొంతం చేసుకుంది. చైతన్య, సాయి పల్లవిల యాక్టింగ్ తో పాటు దేవిశ్రీప్రసాద్ అందించిన సాంగ్స్, లవ్, ఎమోషనల్ సీన్స్ అందరినీ ఆకట్టుకున్నాయి. 

ముఖ్యంగా దర్శకుడు చందూ మొండేటి ఈ మూవీని తెరకెక్కించిన తీరు పై మంచి పేరు లభించింది. గీతా ఆర్ట్స్ బ్యానర్ పై బన్నీ వాసు గ్రాండ్ గా నిర్మించిన ఈ మూవీ ఓవరాల్ గా రూ. 85 కోట్ల మేర గ్రాస్ ని అలానే రూ. 46 కోట్ల మేర షేర్ ని అందుకుంది. 

విషయం ఏమిటంటే లేటెస్ట్ టాలీవుడ్ అప్ డేట్ ప్రకారం ఈ మూవీ మార్చి 7 న ప్రముఖ ఓటిటి మాధ్యమం నెట్ ఫ్లిక్స్ ద్వారా పలు భాషల ఆడియన్స్ ముందుకి రానుంది. దీనికి సంబంధించి వారి నుండి అధికారిక ప్రకటన కూడా రానుందని అంటున్నారు. మరి అటు థియేటర్స్ లో ఆకట్టుకున్న తండేల్, ఇటు ఓటిటిలో ఎంతమేర మెప్పిస్తుందో చూడాలి.