ప్రస్తుతం నాచురల్ స్టార్ నాని హీరోగా శైలేష్ కొలను దర్శకత్వంలో తెరకెక్కుతున్న యాక్షన్ థ్రిల్లింగ్ ఎంటర్టైనర్ మూవీ హిట్ 3. ఈ మూవీలో శ్రీనిధి శెట్టి హీరోయిన్ గా నటిస్తుండగా యూనానిమస్ ప్రొడక్షన్స్ తో కలిసి తన సొంతం సంస్థ వాల్ పోస్టర్ సినిమా బ్యానర్ పై గ్రాండ్ గా నిర్మిస్తున్నారు నాని. 

ఇప్పటికే హిట్ 3 అందరిలో ప్రచార చిత్రాలతో మంచి అంచనాలు ఏర్పరిచింది. కాగా దీని అనంతరం నాని చేయనున్న సినిమా తాజాగా ఫిక్స్ అయింది. గతంలో తనతో దసరా వంటి సక్సెస్ఫుల్ మూవీ తీసిన శ్రీకాంత్ ఓదెలతో ది ప్యారడైజ్ అనే మూవీ చేయనున్నారు అని. 

ఇక ఈ మూవీ యొక్క అఫీషియల్ అనౌన్స్ మెంట్ ఇటీవల రాగా రేపు అనగా మార్చి 3న దీని అనౌన్స్ మెంట్ గ్లింప్స్ టీజర్ ని రిలీజ్ చేయనున్నారు. కాగా ఆ గ్లింప్స్ టీజర్ ని రేపు ఉదయం సరిగ్గా 11 గం. 17 ని. లకు రిలీజ్ చేయనున్నట్లు కొద్దిసేపటి క్రితం మేకర్స్ టైం అనౌన్స్ చేసారు. 

ఇక ఈ మూవీని శ్రీ లక్ష్మి వెంకటేశ్వర సినిమాస్ సంస్థ పై సుధాకర్ చెరుకూరి భారీ స్థాయిలో నిర్మించనుండగా రాక్ స్టార్ అనిరుద్ రవిచందర్ సంగీతం సమకూర్చనున్నారు. త్వరలో సెట్స్ మీదకు వెళ్లనున్న ఈ మూవీ వచ్చే ఏడాది ఆడియన్స్ ముందుకి రానుంది. 

పవర్ స్టార్ పవన్ కళ్యాణ్ హీరోగా తాజాగా తెరకెక్కుతున్న మూడు సినిమాల్లో హిస్టారికల్ యాక్షన్ భారీ పాన్ ఇండియన్ మూవీ హరి హర వీర మల్లు కూడా ఒకటి. ఈ మూవీలో గజదొంగ వీరమల్లు అనే పవర్ఫుల్ పాత్రలో పవన్ కళ్యాణ్ నటిస్తుండగా అయనకు జోడీగా నిధి అగర్వాల్ గా నటిస్తున్నారు.

ఇప్పటికే చాలావరకు షూటింగ్ జరుపుకున్న ఈమూవీకి ఆస్కార్ విజేత ఎం ఎం కీరవాణి సంగీతం సమకూర్చగా మెగా సూర్య ప్రొడక్షన్స్ బ్యానర్ పై ఏఎం రత్నం గ్రాండ్ లెవెల్లో భారీ వ్యయంతో దీనిని నిర్మిస్తున్నారు. ఇటీవల హరి హర వీర మల్లు నుండి రిలీజ్ అయిన మూడు గ్లింప్స్ టీజర్ ఆకట్టుకోగా ఫస్ట్ సాంగ్ కేవలం పర్వాలేదనిపించింది.

అయితే తాజాగా రిలీజ్ అయిన కొల్లగొట్టినాదిరో సాంగ్ మాత్రం బాగానే రెస్పాన్స్ సొంతం చేసుకుంది. కాగా విషయం ఏమిటంటే, తమ మూవీని పక్కాగా మర్చి 28న రిలీజ్ చేస్తామని ఇటీవల కూడా నిర్మాత రత్నం మాట్లాడుతూ చెప్పారు.

అయితే తాజాగా అదే రోజున నితిన్ రాబిన్ హుడ్, అలానే నాగవంశీ నిర్మిస్తున్న మ్యాడ్ స్క్వేర్ సినిమాలు రెండూ కూడా రిలీజ్ డేట్ప్ ఫిక్స్ చేసుకున్నాయి. వాస్తవానికి మ్యాడ్ స్క్వేర్ మార్చి 29న రావాల్సి ఉండగా దానిని ఒకరోజు ముందే రిలీజ్ చేయనున్నట్లు కొద్దిసేపటి క్రితం టీమ్ అనౌన్స్ చేసింది. దీనిని బట్టి పక్కాగా హరి హర వీర మల్లు వాయిదా పడినట్లే అని తెలుస్తోంది. అయితే దీని సంబంధించి ఆ మూవీ టీమ్ నుండి అధికారిక అనౌన్స్ మెంట్ మాత్రం రావాల్సి ఉంది.

ఇటీవల నటసింహం నందమూరి బాలకృష్ణ హీరోగా బాబీ దర్శకత్వంలో రూపొందిన మూవీ డాకు మహారాజ్. బాక్సాఫీస్ వద్ద బాగానే పెర్ఫార్మ్ చేసిన ఈమూవీ అటు ఓటిటి ఆడియన్స్ ని కూడా ఆకట్టుకుంటూ దూసుకెళ్తోంది. 

మరోవైపు తాజాగా తన లేటెస్ట్ మూవీ అఖండ 2 షూట్ ప్రారంభించారు బాలకృష్ణ. ఈ మూవీలో సంయుక్తా మీనన్ హీరోయిన్ గా నటిస్తుండగా ఎస్ థమన్ సంగీతం అందిస్తున్నారు. 14 రీల్స్ ప్లస్ సంస్థ పై గోపి ఆచంట, రామ్ ఆచంట గ్రాండ్ గా నిర్మిస్తున్న ఏ ఈమూవీని అఖండ ని మించేలా మరింత అద్భుతంగా తెరకెక్కిస్తున్నారట దర్శకుడు బోయపాటి శ్రీను. 

కాగా ఫస్ట్ పార్ట్ ని మించేలా బాలకృష్ణ పాత్రని మరింత పవర్ఫుల్ గా రాశారట బోయపాటి. ఇక ఈ మూవీ యొక్క నెక్స్ట్ షెడ్యూల్ కోసం తాజాగా తన టీమ్ తో కలిసి హిమాలయాలకు వెళ్లారు బోయపాటి. 

అక్కడ పలు ప్రాంతాలని పరిశీలిస్తున్న టీమ్, అతి త్వరలో అక్కడి కీలక ప్రదేశాల్లో షూట్ జరిపేందుకు సన్నాహాలు చేస్తున్నారట. ఇక అఖండ 2 మూవీకి థమన్ అందించనున్న సాంగ్స్, బ్యాక్ గ్రౌండ్ స్కోర్ మరింతగా అదిరిపోనున్నట్లు టాక్. ఇక ఈ మూవీ సెప్టెంబర్ 25న గ్రాండ్ గా ఆడియన్స్ ముందుకి రానుంది. 

ఇటీవల సిరుత్తై శివ దర్శకత్వంలో తెరకెక్కిన పాన్ ఇండియన్ మూవీ కంగువ మూవీ ద్వారా ఆడియన్స్ ముందుకు వచ్చిన సూర్య దానితో ఘోరమైన డిజాస్టర్ చవిచూశారు. ఇక తాజాగా యువ దర్శకుడు కార్తీక్ సుబ్బరాజ్ దర్శకత్వంలో ఆయన నటిస్తున్న సినిమా రెట్రో. 

ఈ మూవీలో అందాల కథానాయిక పూజా హెగ్డే హీరోయిన్ గా నటిస్తుండగా సంతోష్ నారాయణన్ సంగీతం సమకూరుస్తున్నారు. ఇప్పటికే ఆల్మోస్ట్ షూటింగ్ మొత్తం పూర్తి చేసుకున్న రెట్రో మూవీ నుంచి ఇటీవల ఫస్ట్ సాంగ్, ఫస్ట్ లుక్ గ్లింప్స్ రిలీజ్ అయి అందరిఈ విశేషంగా ఆకట్టుకొని సినిమాపై మంచి అంచనాలు ఏర్పరిచాయి. 

విషయం ఏమిటంటే, ఈ సినిమా యొక్క తెలుగు రైట్స్ ని ప్రముఖ నిర్మాణ సంస్థ సితార ఎంటర్టైన్మెంట్స్ వారు రూ. 9 కోట్లకు దక్కించుకున్నారు. మే 1న ఈ మూవీ యొక్క తెలుగు వర్షన్ గ్రాండ్ లెవెల్ లో రిలీజ్ చేసేందుకు వాళ్ళు ప్లాన్ చేస్తున్నట్లు తెలుస్తోంది. 

మరోవైపు అదే రోజున తెలుగులో హిట్ 3 కూడా రిలీజ్ కానుంది. అయితే రెండిటి మధ్య పెద్దగా బాక్సాఫీస్ క్లాష్ రాకుండా రెండిటికీ సమానంగా థియేటర్స్ కేటాయింపులు ఉంటాయని అంటున్నారు సినీ విశ్లేషకులు. మరి రెట్రో మూవీతో సూర్య ఎంతమేర విజయం అందుకుంటారో చూడాలి. 

ప్రస్తుతం సూపర్ స్టార్ రజినీకాంత్ హీరోగా లోకేష్ కనకరాజ్ దర్శకత్వంలో రూపొందుతోన్న గ్యాంగ్ స్టర్ మాస్ యాక్షన్ డ్రామా మూవీ కూలీ. ఈ మూవీని సన్ పిక్చర్ సంస్థ ప్రతిష్టాత్మకంగా భారీ వ్యయంతో నిర్మిస్తుండగా అనిరుద్ రవిచందర్ సంగీతం సమకూరుస్తున్నారు. 

శృతిహాసన్, ఉపేంద్ర, నాగార్జున, అమీర్ ఖాన్ పలు కీలకపాత్రల్లో నటిస్తున్న కూలీ మూవీ త్వరలో ఆడియన్స్ ముందుకు వచ్చేందుకు సిద్ధమవుతోంది. ఈ సినిమాలో రజనీకాంత్ క్యారెక్టర్ ఎంతో పవర్ఫుల్ గా డిజైన్ చేశారట దర్శకుడు లోకేష్ కనకరాజ్. విషయం ఏమిటంటే తాజాగా కూలీ సెట్స్ లో సందడి చేశారు యువ నటుడు సందీప్ కిషన్. 

దర్శకుడు లోకేష్ తనకు స్నేహితుడు కావడంతో ఆ సెట్స్ కి వెళ్ళిన సందీప్ కిషన్, సూపర్ స్టార్ రజినీతో కలిసి దిగిన ఫోటోని సోషల్ మీడియాలో షేర్ చేశారు. అనంతరం కూలీ మూవీ గురించి సందీప్ మాట్లాడుతూ మొత్తంగా 45 నిమిషాలకు పైగా నేను మూవీ చూసానని అన్నారు. 

కాగా ఈ సినిమా ఓవరాల్ గా రిలీజ్ అనంతరం రూ. 1000 కోట్లు బాక్సాఫీస్ వద్ద పెర్ఫార్మ్ చేసే అవకాశం ఉందని చెప్పుకొచ్చారు. తనకిష్టమైన సూపర్ స్టార్ రజనీకాంత్ గారికి అలానే తన ప్రియతమ దర్శకుడు లోకేష్ కనకరాజ్ తో పాటు కూలీ టీంకి ముందస్తుగా సక్సెస్ విషెస్ తెలియజేశారు సందీప్. 

నాచురల్ స్టార్ నాని ఇటీవల సరిపోదా శనివారం సినిమా మూవీ ద్వారా ఆడియన్స్ ముందుకు వచ్చి అతిపెద్ద విజయం అందుకున్నారు. తాజాగా ఆయన హీరోగా తెరకెక్కుతున్న హిట్ 3 సినిమా మే 1న గ్రాండ్ గా ఆడియన్స్ ముందుకు రానుంది. ఈ మూవీపై అందరిలో మంచి అంచనాలు ఉన్నాయి. 

అయితే దీని అనంతరం త్వరలో దసరా దర్శకుడు శ్రీకాంత్ ఓదెలతో ది పారడైజ్ మూవీ చేయనున్నారు నాని. ఈ మూవీపై అందరిలో కూడా మంచి హైప్ నెలకొని ఉంది. ఎస్ ఎల్ వి సినిమాస్ సంస్థ పై సుధాకర్ చెరుకూరి గ్రాండ్ లెవెల్ లో నిర్మించనున్న ఈ మూవీకి సంబంధించిన టీజర్ మార్చి 3న రిలీజ్ కానుంది. 

అయితే విషయం ఏమిటంటే తెలుగు, తమిళ, హిందీ, కన్నడ, మలయాళం, బెంగాలీ తోపాటు ఇంగ్లీష్ మరియు స్పానిష్ వంటి ఇంటర్నేషనల్ భాషల్లో కూడా ఈ టీజర్ రిలీజ్ కానుంది. అలానే ఈ గ్లింప్స్ టీజర్ కోసం టీమ్ దాదాపుగా రూ. 1 కోటి రూపాయల వరకు ఖర్చు చేసినట్లు టాలీవుడ్ టాక్. భారీ స్థాయి విజువల్ ఎఫెక్ట్స్ ఈ గ్లింప్స్ లో ఉండనున్నాయట.

దీన్ని బట్టి చూస్తే పారడైజ్ మూవీని భారీ స్థాయిలో గ్లోబల్ గా కూడా ఆడియన్స్ ని టార్గెట్ చేసినట్టు తెలుస్తోంది. మరోవైపు యష్ హీరోగా తాజాగా గీతూ మోహన్ దాస్ తీస్తున్న టాక్సిక్ కూడా ఇదే విధంగా గ్లోబల్ రేంజ్ లో సిద్ధం అవుతుంది.