టాలీవుడ్ సూపర్ స్టార్ మహేష్ బాబు తో ప్రస్తుతం జక్కన్న ఎస్ఎస్ రాజమౌళి తెరకెక్కిస్తున్న ప్రతిష్టాత్మక గ్లోబ్ ట్రాటింగ్ యాక్షన్ అడ్వెంచర్ సినిమా SSMB 29. ఈ సినిమా ఇప్పటికే రెండు షెడ్యూల్స్ పూర్తి చేసుకోగా మూడో షెడ్యూల్ ప్రస్తుతం జరుగుతోంది. ఇక త్వరలో ఈ సినిమాకు సంబంధించి ఒక భారీ యాక్షన్ సీన్ అయితే చిత్రీకరించినందుకు టీం సన్నద్ధమవుతొందట. 

దాదాపుగా 3 వేలకు మందికి పైగా ఈ సన్నివేశంలో పాల్గొన్ననున్నారని, నీటిలో భారీ బోట్లు, షిప్ ల నడుమ దీనిని దాదాపుగా నెలన్నరకు పైగా తీస్తారట.

ఇప్పటికే ఈ సినిమాపై భారతీయు సినీ పరిశ్రమతో పాటు ప్రపంచ వ్యాప్తంగా ఉన్నటువంటి సినీ లవర్స్ అందరిలో కూడా ఆకాశమే హద్దుగా అంచనాలు ఉన్నాయి. విశ్వం చుట్టే వీరుడి కథగా రూపొందుతున్న ఈ సినిమాలో మహేష్ బాబు క్యారెక్టర్ అత్యద్భుతంగా డిజైన్ చేయడంతో పాటు ఆద్యంతం ప్రతి సన్నివేశం అందర్నీ ఆకట్టుకునేలా జక్కన్న దీన్ని అద్భుతంగా తెరకెక్కిస్తున్నట్లు టాక్.

వి విజయేంద్ర ప్రసాద్ కథనందించిన ఈ సినిమాకి కీరవాణి సంగీతం అందిస్తుండగా ప్రముఖ సీనియర్ నిర్మాత కె.ఎల్.నారాయణ దీనిని శ్రీ దుర్గా ఆర్ట్స్ బ్యానర్ పై అత్యంత ప్రతిష్టాత్మకంగా అత్యున్నత సాంకేతిక విలువలతో భారీ స్థాయిలో నిర్మిస్తున్నారు. ఈ మూవీ 2027 సమ్మర్ కానుకగా మార్చి 25న ఆడియన్స్ ముందుకు రానున్నట్లు టాక్

కోలీవుడ్ స్టార్ నటుడు సూర్య హీరోగా ఇటీవల సిరుతై శివ తెరకెక్కించిన సినిమా కంగువ. అయితే ఎంతో భారీ వ్యయంతో ఎన్నో భారీ అంచనాల మధ్య రిలీజ్ అయిన సినిమా బాక్సాఫీస్ వద్ద ఘోరమైన డిజాస్టర్ గా నిలిచింది. దాని అనంతరం తాజాగా యువ దర్శకుడు కార్తీక్ సుబ్బరాజుతో కలిసి సూర్య చేసిన సినిమా రెట్రో. పూజా హెగ్డే హీరోయిన్ గా నటించిన ఈ సినిమాలో జోజు జార్జ్, జయరాం, కరుణాకరన్, నాజర్, ప్రకాష్ రాజ్ వంటి వారు కీలకపాత్రల్లో నటిస్తున్నారు.

ఇక తాజాగా ఈ సినిమా యొక్క ట్రైలర్ రిలీజ్ చేశారు. ముఖ్యంగా ఒకప్పటి కాలంనాటి పరిస్థితుల నడుమ రూపొందిన ఈ మూవీ యొక్క ట్రైలర్ బాగానే ఉంది. ఇక ఇప్పటికే ఈ ట్రైలర్ 24 గంటల్లో 10 మిలియన్లకు పైగా వ్యూస్ సొంతం చేసుకుంది. ముఖ్యంగా ట్రైలర్ లో సూర్య మార్క్ యాక్షన్ తో పాటు లవ్ సన్నివేశాలు ఫైట్ సీన్స్, డైలాగ్స్ వంటివి అందరిని ఆకట్టుకుంటున్నాయి.

బ్యాక్ గ్రౌండ్ స్కోర్ కూడా సంతోష్ నారాయణ బాగానే అందించారు. ఇటీవల ఈ సినిమా నుంచి రిలీజ్ అయిన ఫస్ట్ సాంగ్ అందరిని బాగానే ఆకట్టుకుంది. మొత్తంగా రెట్రో ట్రైలర్ ఇప్పటివరకు సినిమాపై ఉన్న అంచనాలు మరింతగా పెంచిందని చెప్పాలి. మే 1న ఈ సినిమా గ్రాండ్ లెవెల్ లో భారీ స్థాయిలో పలు భాషల ఆడియన్స్ ముందుకు రానుంది. మరి రెట్రో తో సూర్య ఎంత మేర విజయం అనుకుంటారో చూడాలి. 

పాన్ ఇండియన్ స్టార్ ప్రభాస్ హీరోగా ప్రస్తుతం పీపుల్ మీడియా ఫ్యాక్టరీ సంస్థ గ్రాండ్ లెవెల్లో నిర్మిస్తున్న హర్రర్ కామెడీ యాక్షన్ ఎంటర్టైనర్ సినిమా ది రాజా సాబ్. ఈ మూవీలో నిధి అగర్వాల్, రిద్ది కుమార్, మాళవిక మోహనన్ హీరోయిన్స్ గా నటిస్తుండగా ఎస్ థమన్ సంగీతం అందిస్తున్నారు. మారుతీ దాసరి తెరకెక్కిస్తున్న ఈ మూవీ పై ప్రభాస్ ఫ్యాన్స్ తో పాటు సాధారణ ఆడియన్స్ లో కూడా మంచి అంచనాలు ఉన్నాయి.

ఇప్పటికే ఈ సినిమా నుంచి రిలీజ్ అయిన ఫస్ట్ లుక్ గ్లింప్స్ టీజర్, మోషన్ పోస్టర్ అందరిని ఆకట్టుకుని సినిమాపై మంచి అంచనాలు ఏర్పరిచాయి. వాస్తవానికి ఏప్రిల్ లోనే ఈ సినిమా రిలీజ్ కావాల్సి ఉండగా సినిమాకు సంబంధించి విజువల్ ఎఫెక్ట్స్ తో పాటు ఇతర పలు కార్యక్రమాలు పెండింగ్ ఉండటంతో దీన్ని మరి కొన్నాళ్లపాటు వాయిదా వేశారు. 

అయితే లేటెస్ట్ టాలీవుడ్ అప్డేట్ ప్రకారం ది రాజా సాబ్ సినిమా టీజర్ త్వరలో రిలీజ్ కానుండగా అప్పుడే రిలీజ్ డేట్ ను కూడా అనౌన్స్ చేయనున్నట్లు చెబుతున్నారు. అందుతున్న సమాచారం ప్రకారం ఈ మూవీ వచ్చే ఏడాది సంక్రాంతి రేసులో నిలిచేటువంటి అవకాశం ఉందని టాక్.

తాజాగా శేఖర్ కమ్ముల దర్శకత్వంలో వెర్సటైల్ యాక్టర్ ధనుష్, కింగ్ అక్కినేని నాగార్జున, నేషనల్ క్రష్ రష్మిక మందన్న కలయికలో తెరకెక్కుతున్న యాక్షన్ ఎంటర్టైనర్ సినిమా కుబేర. మొదట్నుంచి కూడా ఈ క్రేజీ కాంబినేషన్ మూవీపై అందరిలో కూడా మంచి అంచనాలు ఉన్నాయి. ఈ సినిమాని శ్రీ వెంకటేశ్వర సినీసినిమాస్ ఎల్ ఎల్ పి తోపాటు తన అమిగోస్ క్రియేషన్స్ సంస్థపై శేఖర్ కమ్ముల భారీ స్థాయిలో నిర్మిస్తున్నారు.

ఇప్పటికే ఆల్మోస్ట్ షూటింగ్ చివరి దశకు చేరుకున్న ఈ సినిమా నుంచి తాజాగా పోయిరా మామ అనే పల్లవితే సాగే మాస్ బీట్ సాంగ్ అయితే రిలీజ్ చేశారు. ఈ సాంగ్ ని స్వయంగా ఆలపించిన ధనుష్, తన మార్క్ అదిరిపోయేటువంటి స్టెప్స్ తో ఆకట్టుకున్నారు .ఇక సాంగ్ యొక్క లిరిక్స్ అలానే ట్యూన్ కూడా ఆకట్టుకునేలా అందించారు సంగీత దర్శకుడు రాక్ స్టార్ దేవిశ్రీప్రసాద్.

ముఖ్యంగా ధనుష్ డాన్స్ అందరిని ఆకట్టుకుంటుంది. మాస్ తో పాటు క్లాస్, యువత కూడా ఈ సాంగ్ కి కనెక్ట్ అవుతున్నారు. ఓవరాల్ గా అయితే పోయిరా మామ సాంగ్ ఇప్పటివరకు కుబేర పై ఉన్నటువంటి అంచనాలు బాగానే పెంచేసింది. మరోవైపు ఈ సినిమాని జూన్ 20 గ్రాండ్ లెవెల్ లో పలు భాషల్లో అత్యధిక థియేటర్స్ లో రిలీజ్ చేయనున్నారు.

చాలా గ్యాప్ తర్వాత శేఖర్ కమ్ముల నుండి వస్తున్న సినిమా కావటంతో ఆడియన్స్ లో కూడా ఈ మూవీపై ఎంతో క్యూరియాసిటీ ఉంది. ఇక ఎక్కడా కూడా కాంప్రమైజ్ కాకుండా నిర్మాతలు భారీ లెవెల్లో కుబేర సినిమాని నిర్మిస్తున్నారు. జూన్ 20న ఆడియన్స్ ముందుకు రానున్న ఈ మూవీ ఏ స్థాయి సక్సెస్ అందుకుంటుందో చూడాలి.

యువ నటులు నార్నే నితిన్, సంగీత్ శోభన్, రామ్ నితిన్ కీలక పాత్రల్లో యువ దర్శకుడు కళ్యాణ్ శంకర్ దర్శకత్వంలో తెరకెక్కిన తాజా ఎంటర్టైన్మెంట్ సినిమా మ్యాడ్ స్క్వేర్. ఈ సినిమాకి తమన్ బ్యాక్ గ్రౌండ్ స్కోర్ అందించగా భీమ్స్ సిసిలోరియో సంగీతం అందించారు.

సితార ఎంటర్టైన్మెంట్స్, శ్రీకర స్టూడియోస్, ఫార్చున్ ఫోర్ సినిమాస్ సంస్థలు గ్రాండ్ గా నిర్మించిన ఈ సినిమా కొన్నాళ్ల క్రితం ఆడియన్స్ ముందుకు వచ్చి మంచి విజయం అందుకుంది. అయితే విషయం ఏమిటంటే తాజాగా మాడ్ స్క్వేర్ మూవీ యొక్క ఓటీటీ రిలీజ్ డేట్ ఫిక్స్ అయింది. కాగా ఈ సినిమా ప్రముఖ ఓటిటి మాధ్యమం నెట్ ఫిక్స్ ద్వారా ఏప్రిల్ 25 నుంచి పలు భాషల ఆడియన్స్ ముందుకు రానుంది.

వాస్తవానికి థియేటర్స్ లో ఈ సినిమా రూ. 100 కోట్ల మార్కు వరకు దూసుకెళ్తుందని అందరూ భావించారు. అయితే ఫస్ట్ వీక్ బాగానే రాబట్టిన మ్యాడ్ స్క్వేర్ సినిమా సెకండ్ వీక్ లో బాగా డల్ అయ్యి ఓవరాల్ గా రూ. 70 కోట్లకు గ్రాస్ దగ్గర ఆగిపోయింది. మరి ఓటిటి ఆడియన్స్ దీనికి ఏ స్థాయిలో రెస్పాన్స్ అందిస్తారో చూడాలి. ఈ మూవీలో సునీల్, శుభలేఖ సుధాకర్ కీలక పాత్రలు చేశారు.

తెలుగు సినిమా పరిశ్రమలోని తాజాగా భారీ స్థాయి సినిమాల నిర్మాణంతో కొనసాగుతున్న అగ్ర నిర్మాణ సంస్థల్లో మైత్రి మూవీ మేకర్స్ కూడా ఒకటి. తొలిసారిగా టాలీవుడ్ సూపర్ స్టార్ మహేష్ బాబు హీరోగా ప్రముఖ దర్శకుడు కొరటాల శివ దర్శకత్వంలో శృతిహాసన్ హీరోయిన్ గా శ్రీమంతుడు సినిమాతో వీరి యొక్క సినీ నిర్మాణ ప్రయాణం ప్రారంభమైంది.

అయితే తొలి సినిమాతోనే అతి పెద్ద ఇండస్ట్రీ హిట్ అందుకున్న ఈ నిర్మాణ సంస్థ ఆ తర్వాత ఎన్టీఆర్ తో జనతా గ్యారేజ్, రామ్ చరణ్ తో రంగస్థలం, అల్లు అర్జున్ తో పుష్ప సినిమాలు, ఇక చిరంజీవితో వాల్తేరు వీరయ్య, బాలకృష్ణతో వీరసింహారెడ్డి, తాజాగా అజిత్ తో గుడ్ బ్యాడ్ అగ్లీ తోపాటు అటు హిందీలో సన్ని డియోల్ తో జాట్ సినిమాలని నిర్మించారు.

అయితే కెరీర్ పరంగా చాలావరకు సక్సెస్ రేట్ కలిగి తమ సినిమాలను భారీగా హై క్వాలిటీ తో హైటెక్నికల్ వాల్యూస్ తో నిర్మించే మైత్రి మూవీ నిర్మాణ సంస్థల నిర్మాతలైన వై రవి శంకర్ మరియు నవీన్ ఎర్నేని తదుపరి ఫ్యూచర్ ప్రాజెక్ట్స్ పై మరింతగా శ్రద్ధ పెట్టారు. ఇక వీరు నిర్మాణ సంస్థ నుంచి త్వరలో రాంచరణ్ హీరోగా జాన్వీ కపూర్ హీరోయిన్ గా బుచ్చిబాబు సన తెరకెక్కిస్తున్న పెద్ది తోపాటు ఎన్టీఆర్ నీల్ ల డ్రాగన్ అలానే పవన్ కళ్యాణ్, హరీష్ శంకర ఉస్తాద్ భగత్ సింగ్, ప్రభాస్ హను రాఘవపూడి సినిమాలు ఉన్నాయి.

ఇక మరోవైపు పుష్ప 3 కూడా త్వరలో పట్టాలెక్కనుంది. వీటితోపాటు అటు హిందీ అలానే తమిళంలో కూడా వీరు మరిన్ని సినిమాలు చేసేందుకు సిద్ధమవుతున్నారు. ఆ విధంగా తెలుగు అగ్ర నిర్మాణ సంస్థ మైత్రి మూవీ మేకర్స్ భారీ విజయాలతో మంచి పేరుతో కొనసాగుతోంది. మరి వీరి నుంచి రాబోయే సినిమాలు ఇంకెంతమేర విజయవందుకొని వీరికి ఏ స్థాయి పేరు తీసుకొస్తాయో చూడాలి

టాలీవుడ్ యువ నటుడు రౌడీ హీరో విజయ్ దేవరకొండ హీరోగా గౌతమ్ తిన్ననూరి దర్శకత్వంలో తెరకెక్కుతున్న లేటెస్ట్ యాక్షన్ ఎంటెర్టైనర్ మూవీ కింగ్‌డ‌మ్. ఈ మూవీని సితార ఎంటర్టైన్మెంట్స్, శ్రీకర స్టూడియోస్, ఫార్చూన్ ఫోర్ సినిమాస్ సంస్థలు గ్రాండ్ లెవెల్లో నిర్మిస్తుండగా అనిరుద్ రవిచందర్ సంగీతం అందిస్తున్నారు.

మొదటి నుండి అందరిలో మంచి అంచనాలు కలిగిన ఈ క్రేజీ ప్రాజక్ట్ మే 30న గ్రాండ్ గా పలు భాషల ఆడియన్స్ ముందుకి రానుంది. ఈ మూవీలో విజయ్ దేవరకొండ పవర్ఫుల్ పాత్ర చేస్తుండగా మిస్టర్ బచ్చన్ ఫేమ్ భాగ్యశ్రీ బోర్సే హీరోయిన్ గా నటిస్తోంది. సత్యదేవ్ కీలక పాత్ర చేస్తున్న ఈమూవీ నుండి ఇటీవల రిలీజ్ అయిన గ్లింప్స్ అందరినీ ఆకట్టుకుంది.

విషయం ఏమిటంటే, తమ మూవీ నుండి ఈ వారంలో ఫస్ట్ సాంగ్ రిలీజ్ చేయబోతున్నట్లు కొద్దిసేపటి క్రితం నిర్మాత నాగవంశీ తన సోషల్ మీడియా మాధ్యమం ట్విట్టర్ ద్వారా వెల్లడించారు. అనిరుద్ ఈ మూవీకి అందించే సాంగ్స్, బ్యాక్ గ్రౌండ్ స్కోర్ పై అందరిలో మంచి ఆసక్తి నెలకొని ఉంది. మరి రిలీజ్ అనంతరం ఈ మూవీ ఏస్థాయిలో సక్సెస్ అవుతుందో చూడాలి.