శేఖర్ కమ్ముల దర్శకత్వంలో ధనుష్, నాగార్జున, రష్మిక మందన్న ప్రధాన పాత్రల్లో తెరకెక్కిన తాజా యాక్షన్ ఎమోషనల్ ఎంటర్టైనర్ సినిమా కుబేర. శేఖర్ కమ్ములతో కలిసి పుస్కూర్ రామ్మోహనరావు, సునీల్ నారంగ్ దీనిని గ్రాండ్ గా నిర్మించారు.

మొదటి నుంచి అందరిలో మంచి అంచనాలు ఏర్పరిచిన ఈ సినిమా నిన్న ఆడియన్స్ ముందుకు వచ్చి సక్సెస్ టాక్ ని సొంతం చేసుకుంది. ఇక ఈ సినిమా ఓవరాల్ గా మొదటి రోజు రూ. 27.5 కోట్ల గ్రాస్ కలెక్షన్ సొంతం చేసుకుంది. అందులో ఇండియా నుంచి రూ. 17. 5 కోట్లు ఉండగా ఓవర్సీస్ నుంచి రూ. 10 కోట్లు ఉన్నాయి.

అన్ని ఏరియాస్ లో కూడా మంచి టాక్ తో కొనసాగుతున్న ఈ సినిమా రూ. 14 కోట్ల షేర్ ని సొంతం చేసుకుంది. మొత్తం ఈ సినిమా యొక్క థియేటర్ రైట్స్ రూ. 65 కోట్లకి అమ్ముడు కాగా తమిళ్ కంటే తెలుగులో ఈ సినిమా మరింతగా కలెక్షన్ తో కొనసాగుతోంది. ఇక ప్రస్తుతం ఏరియా వైజ్ కుబేర మూవీ యొక్క బాక్సాఫీస్ కలెక్షన్ డీటెయిల్స్ చూద్దాం. 

కుబేర డే 1 బాక్సాఫీస్ ఏరియా వైజ్ కలెక్షన్స్ రిపోర్ట్

తెలంగాణ— రూ. 4.5 కోట్లు
ఆంధ్రప్రదేశ్—రూ. 6 కోట్లు
తమిళనాడు—రూ. 4.5 కోట్లు
కర్ణాటక—రూ. 1.7 కోట్లు
కేరళ—రూ. 0.3 కోట్లు
రెస్ట్ ఆఫ్ ఇండియా – రూ. 0.5 కోట్లు

పాన్ ఇండియన్ స్టార్ ప్రభాస్ హీరోగా ప్రస్తుతం మారుతీ తెరకెక్కిస్తున్న ది రాజా సాబ్ మూవీ, హను రాఘవపూడి తెరకెక్కిస్తున్న మరొక మూవీ ఇవి రెండూ కూడా సెట్స్ మీద ఉన్నాయి. డిసెంబర్ లో దిరాజా సాబ్ రిలీజ్ కానుండగా వచ్చే  ఏడాది ద్వితీయార్థంలో హను రాఘవపూడి సినిమా రిలీజ్ కానుంది.

మరోవైపు విష్ణు హీరోగా ముఖేష్ కుమార్ సింగ్ తెరకెక్కించిన తాజా ఫాంటసీ ఎంటర్టైనర్ సినిమా కన్నప్పలో రుద్ర అనే కీలక పాత్రలో నటిస్తున్నారు ప్రభాస్. జూన్ 27న ఈ సినిమా గ్రాండ్ గా పలు భాషల ఆడియన్స్ ముందుకు రానుంది.

ఇప్పటికే రిలీజ్ అయిన కన్నప్ప టీజర్, ట్రైలర్, సాంగ్స్ ఆకట్టుకుని మూవీ పై అందరిలో మంచి అంచనాలు ఏర్పరిచాయి. కాగా ఈ మూవీ యొక్క ఫ్రీ రిలీజ్ ఈవెంట్ నేడు హైదరాబాదులో గ్రాండ్ గా జరుగుతోంది. అయితే ఈవెంట్ కి ప్రభాస్ కూడా వస్తారని కొద్దిసేపటి క్రితం వరకు అందరూ అనుకున్నారు.

ఫైనల్ గా ఆయన ఈవెంట్ కి రావట్లేదని తెలుస్తోంది. కానీ ప్రభాస్ వంటి పాన్ ఇండియన్ స్టార్ కన్నప్ప ఈవెంట్ కి వచ్చినట్లయితే సినిమాకి పబ్లిసిటీ పరంగా మరింత క్రేజీ బజ్ క్రియేట్ అయ్యేది అంటున్నారు విశ్లేషకులు. మరి అందరిలో మంచి క్రేజ్ ఏర్పరచిన ఈ సినిమా ఏ స్థాయిలో విజయవంతం అవుతుందో చూడాలి. 

టాలీవుడ్ లెజెండరి డైరెక్టర్ కె రాఘవేంద్రరావు  కెరీర్ పరంగా 100 సినిమాలు పైగా దర్శకత్వం వహించి ఎన్నో సక్సెస్ లతో మంచి పేరు సొంతం చేసుకున్న విషయం తెలిసిందే. చివరిగా 2017 లో నాగార్జున కథానాయకుడిగా ఆయన తెరకెక్కించిన సినిమా ఓంనమో వెంకటేశాయ. అయితే అది పెద్దగా సక్సెస్ కాలేదు.

దాని అనంతరం 2021లో శ్రీలీల శ్రీకాంత్ కుమారుడు రోషన్ కలయికలో తెరకెక్కిన పెళ్లి సందడి సినిమాకి ఆయన దర్శకత్వ పర్యవేక్షణ చేశారు. గౌరీ రోనంకి ఆ సినిమాను తెరకెక్కించగా అది పెద్ద విజయం అందుకుంది. ఇక తాజాగా యువ నటీనటులు అర్జున్ కళ్యాణ్, నటాషాల కలయికలో రూపొందుతున్న ఒక సినిమాకి కె రాఘవేంద్రరావు కథతోపాటు స్క్రీన్ ప్లే కూడా అందిస్తున్నారు. ఈటివి విన్ సిరీస్ కథాసుధలో భాగంగా ఇది రూపొందింది.

అలానే దర్శకత్వ పర్యవేక్షణ కూడా చేస్తున్నారు. రాంకీ తెరకెక్కిస్తున్న ఆ సినిమా పేరు ఏవీ అలనాటి ముద్దులు. ఈటీవీ విన్ యాప్ లో నేటి అర్ధరాత్రి నుంచి ప్రసారం కానున్న ఈ సినిమా అందర్నీ ఆకట్టుకుంటుందని టీం అయితే ఆశాభావం వ్యక్తం చేస్తుంది.

రాఘవేంద్రరావు దర్శకత్వ పర్యవేక్షణలో రూపొందిన ఈ సినిమాకి వి కిరణ్ కుమార్ సంగీతం అందించగా కృష్ణకాంత్ డైలాగ్స్ రాశారు. మరి రాఘవేంద్రరావు బ్రాండ్ మార్క్ ఈ సినిమాకి ఎంతవరకు ఉపయోగపడుతుంది ఓవరాల్ గా ఏవి అలనాటి ముద్దులు సినిమా ఏ స్థాయిలో ఓటిటిలో ఆడియన్స్ రెస్పాన్స్ అందుకుంటుందో చూడాలి.

కింగ్ అక్కినేని నాగార్జున, వెర్సటైల్ యాక్టర్ ధనుష్ కలయికలో శేఖర్ కమ్ముల తెరకెక్కించిన తాజా యాక్షన్ ఎమోషనల్ ఎంటర్టైనర్ సినిమా కుబేర. ఈ మూవీలో రష్మిక మందన్న కూడా ఒక కీలకపాత్ర చేసిన విషయం తెలిసిందే. రాక్ స్టార్ దేవిశప్రసాద్ సంగీతం అందించిన ఈ సినిమాని శ్రీ వెంకటేశ్వర సినిమాస్ ఎల్ఎల్ పి సంస్థతో కలిసి అమీగోస్ క్రియేషన్స్ సంస్థ పై శేఖర్ కమ్ముల నిర్మించారు.

నిన్న మంచి అంచనాలతో రిలీజ్ అయిన కుబేర బాక్సాఫీస్ వద్ద పాజిటివ్ రెస్పాన్స్ తో ప్రస్తుతం థియేటర్స్ లో కొనసాగుతోంది. అయితే ఈ సినిమాలో నాగార్జున పాత్ర పట్ల ప్రేక్షకులందరూ సంతృప్తి వ్యక్తం చేస్తుండగా పలువురు ఆయన అభిమానులు మాత్రం నిరాసక్తత వ్యక్తం చేస్తున్నారు.

తాజాగా జరిగిన కుబేర సక్సెస్ మెయిట్ లో భాగంగా నాగార్జున మాట్లాడుతూ వాస్తవానికి తొలిసారిగా తనకి కుబేర కథని శేఖర్ కమ్ముల వినిపించినప్పుడు ఇది తన సినిమానే అనిపించిందన్నారు. కథలో తన పాత్రనే ప్రధానంగా సాగిన విధానం ప్రకారం ఈ సినిమాలో తానే హీరో అని అలానే ధనుష్ పాత్ర కూడా చాలావరకు తనకు సమానంగా కొనసాగుతుందని చెప్పుకొచ్చారు.

రష్మిక తో పాటు ధనుష్ వంటి నటులతో పనిచేయడం చాలా ఆనందంగా ఉందని ఓవరాల్ గా కుబేర కి ఎంతో పెద్ద విజయం అందించిన ఆడియన్స్ కి ప్రత్యేకంగా కృతజ్ఞతలు తెలిపారు నాగార్జున.