పాన్ ఇండియన్ స్టార్ ప్రభాస్ హీరోగా ప్రస్తుతం మారుతీ దర్శకత్వంలో తెరకెక్కుతున్న హర్రర్ కామెడీ యాక్షన్ ఎంటర్టైనర్ మూవీ ది రాజా సాబ్. ఈ మూవీలో బాలీవుడ్ నటుడు సంజయ్ దత్ ఒక కీలక పాత్ర చేస్తుండగా యువ అందాల కథానాయికలు రిద్ది కుమార్, నిధి అగర్వాల్, మాళవిక మోహనన్ హీరోయిన్స్ గా నటిస్తుండగా ఎస్ థమన్ సంగీతం సమకూరుస్తున్నారు.

మొదటి నుండి అందరిలో మంచి అంచనాలు ఏర్పరిచిన ఈ మూవీ డిసెంబర్ 5న రిలీజ్ కానున్నట్లు ఇటీవల మేకర్స్ ప్రకటించారు. కాగా లేటెస్ట్ అప్ డేట్ ప్రకారం ఈ మూవీ 2026 సంక్రాంతికి రిలీజ్ కానున్నారు చెప్తున్నారు.

మరోవైపు ఇలయదళపతి విజయ్ హీరోగా పూజా హెగ్డే, మమిత బైజు హీరోయిన్స్ గా హెచ్ వినోద్ తీస్తున్న ఈ మూవీకి అనిరుద్ సంగీతం అందిస్తుండగా కెవిఎన్ ప్రొడక్షన్స్ సంస్థ గ్రాండ్ గా నిర్మిస్తోంది. ఇప్పటికే షూటింగ్ మొత్తం పూర్తి చేసుకుని వేగంగా పోస్ట్ ప్రొడక్షన్ కార్యక్రమాలు జరుపుకున్న ఈమూవీ 26 సంక్రాంతి కానుకగా ఆడియన్సు ముందుకి రానున్నట్లు ఇటీవల మేకర్స్ ప్రకటించారు.

విజయ్ కెరీర్ ఆఖరి మూవీగా రానున్న జన నాయగన్ ని భారీ స్థాయిలో రిలీజ్ చేసేందుకు మేకర్స్ ప్లాన్చేస్తున్నారు. కాగా ప్రభాస్ ది రాజాసాబ్ కూడా పాన్ ఇండియన్ మూవీ కావడంతో ఈ రెండూ సంక్రాంతికి వస్తే బాక్సాఫీస్ వద్ద క్లాష్ ఖాయం అని తెలుస్తోంది. అయితే ది రాజాసాబ్ సంక్రాంతి రిలీజ్ కి సంబంధించి మేకర్స్ నుండి అఫీషియల్ అనౌన్స్ మెంట్ మాత్రం రావాల్సి ఉంది. 

పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా క్రిష్, జ్యోతికృష్ణ కలిసి తీసిన లేటెస్ట్ పాన్ ఇండియన్ హిస్టారికల్ యాక్షన్ డ్రామా మూవీ హరి హర వీర మల్లు. ఈ మూవీకి ఎం ఎం కీరవాణి సంగీతం అందించగా కీలక పాత్రల్లో సచిన్ ఖేడేకర్, బాబీ డియోల్, నాజర్, సునీల్, సత్యరాజ్ తదితరులు నటించారు.

మొదటి నుండి అందరిలో మంచి అంచనాలు ఏర్పరిచిన ఈ మూవీ ఇటీవల ఆడియన్స్ ముందుకి వచ్చి బాక్సాఫీస్ వద్ద ఘోరంగా పరాజయం మూటగట్టుకుంది.

రిలీజ్ కి ముందు రోజు ప్రీమియర్స్ ద్వారా నెగటివ్ టాక్ ని మూటగట్టుకున్న హరి హర వీర మల్లు మూవీ ఫస్ట్ డే నుండి చాలా చోట్ల దారుణంగా బాక్సాఫీస్ వద్ద పెర్ఫార్మ్ చేసింది. పవన్ కెరీర్ లో కాస్ట్లీ ప్రాజక్ట్ గా రూపొందిన ఈ మూవీకి మొత్తంగా నిర్మాత ఏ ఎం రత్నం రూ. 300 కోట్ల బడ్జెట్ పెట్టారు.

కాగా థియేట్రికల్ నాన్ థియేట్రికల్ రైట్స్ ద్వారా ఈ మూవీకి మొత్తంగా రూ. 175 కోట్ల రూపాయలు మాత్రమే లభించడం జరిగింది. దానితో ఈ మూవీ వలన నిర్మాతకు రూ. 100 కోట్లకు పైగా నష్టాలు వాటిల్లాయి. దీనితో ఎంతో ఢీలా పడ్డ పవన్ ఫ్యాన్స్, తదుపరి ఆయన నుండి రానున్న ఓజి మూవీ పై ఎన్నో భారీ అంచనాలు పెట్టుకున్నారు. ఈ మూవీ సెప్టెంబర్ 25న ఆడియన్స్ ముందుకి రానుంది. 

ఇటీవల చందూ మొండేటి దర్శకత్వంలో అక్కినేని నాగచైతన్య చేసిన మూవీ తండేల్. ఈ మూవీలో సాయి పల్లవి హీరోయిన్ గా నటించగా గీతా ఆర్ట్స్ సంస్థ పై బన్నీ వాసు దేనిని గ్రాండ్ గా నిర్మించారు అయితే రిలీజ్ అనంతరం మంచి విజయం అందుకుని హీరోగా నాగ చైతన్యకు మంచి పేరు తీసుకువచ్చింది తండేల్.

దీని అనంతరం ప్రస్తుతం విరూపాక్ష మూవీ ఫేమ్ కార్తీక్ దండు తో నాగ చైతన్య చేస్తున్న 24 మూవీ వృష కర్మ. ఈ వర్కింగ్ టైటిల్ తో తెరకెక్కుతున్న ఈ మూవీ గ్రాండ్ లెవెల్లో మిస్టిక్ థ్రిల్లర్ గా రూపొందుతోంది. దీనిని శ్రీ వెంకటేశ్వర సినీ క్రియేషన్స్, సుకుమార్ రైటింగ్స్ సంస్థలు గ్రాండ్ గా నిర్మిస్తున్నాయి.

వేగంగా షూటింగ్ జరుపుకుంటున్న ఈమూవీ వచ్చే ఏడాది రిలీజ్ కానుంది. అయితే అసలు విషయం ఏమిటంటే, దీని అనంతరం తన కెరీర్ 25వ మూవీని స్టార్ డైరెక్టర్ కొరటాల శివతో చేసేందుకు నాగ చైతన్య సిద్దమైనట్లు లేటెస్ట్ టాలీవుడ్ బజ్. ఇప్పటికే పలుమార్లు చైతన్యని కలిసి ఒక ఇంట్రెస్టింగ్ కథ కథనాలు వినిపించి గ్రీన్ సిగ్నల్ అందుకున్నారట కొరటాల. వాస్తవానికి ఎన్టీఆర్ తో దేవర 2 మూవీని కొరటాల చేయాల్సి ఉంది.

అయితే ప్రస్తుతం ఎన్టీఆర్ చేతిలో ప్రశాంత్ నీల్ మూవీ, నెల్సన్ మూవీతో పాటు త్రివిక్రమ్ మూవీ కూడా ఉండడంతో కొన్నాళ్ళు దేవర 2 స్క్రిప్ట్ ని ప్రక్కన పెట్టి ఈలోపు చైతన్య తో చేసేందుకు సిద్దమయ్యారట కొరటాల. త్వరలోనే ఈ క్రేజీ కాంబో మూవీకి సంబందించిన పూర్తి వివరాలు అధికారికంగా వెల్లడి కానున్నట్లు చెప్తున్నాయి టాలీవుడ్ వర్గాలు. 

టాలీవుడ్ లో చిత్రం సినిమాతో దర్శకుడిగా ఎంట్రీ ఇచ్చిన తేజ అప్పట్లో ఆ మూవీతో మంచి విజయం అందుకున్నాడు. ఆ తరువాత నువ్వు నేను, జయం, నిజం సినిమాలతో దర్శకుడు మంచి పేరు క్రేజ్ సొంతం చేసుకున్న తేజ, ఆపైన రాను రాను ఆశించిన స్థాయి సక్సెస్ లు అయితే అందుకోలేకపోయారు.

ఇటీవల రానా తమ్ముడు అభిరాం ని హీరోగా పెట్టి ఆయన తీసిన అహింస కూడా ఆడలేదు. అయితే లేటెస్ట్ టాలీవుడ్ వర్గాల బజ్ ప్రకారం తేజ తన తదుపరి సినిమా ద్వారా తన పెద్ద కుమారుడు అమితోవ్ తేజని హీరోగా లాంచ్ చేస్తూ త్వరలో ఒక మూవీ తీసేందుకు సన్నాహాలు చేస్తున్నారట.

ఇప్పటికే నేటి ట్రెండ్ కి తగ్గట్టుగా ఆకట్టుకునే కథ, కథనాలు సిద్ధం చేసుకున్న తేజ త్వరలో దానిని పట్టాలెక్కించేందుకు సిద్దమవుతున్నారట. అయితే అసలు విషయం ఏమిటంటే, ఈ మూవీ ద్వారా సూపర్ స్టార్ కృష్ణ పెద్ద కుమారుడు దివంగత నటుడు, నిర్మాత అయిన ఘట్టమనేని రమేష్ బాబు కుమార్తె భారతి ని ఇందులో హీరోయిన్ గా తీసుకోనున్నారట.

అదే నిజం అయితే ఈ మూవీ ద్వారా ఆమె టాలీవుడ్ హీరోయిన్ గా ఎంట్రీ కన్ఫర్మ్. త్వరలో ఈ మూవీ గ్రాండ్ గా లాంచ్ కానుందని, దీనికి సంబంధించి పూర్తి వివరాలు రాబోయే అతి త్వరలో అధికారికంగా వెల్లడి కానున్నాయని టాలీవుడ్ టాక్. మరి ఈ మూవీతో తేజ ఎంతమేర కెరీర్ పరంగా బ్రేక్ సొంతం చేసుకుంటారో చూడాలి. 

ఒకప్పటి తెలుగు హీరోలు చిరంజీవి, నాగార్జున, వెంకటేష్ వంటి స్టార్స్ హిందీలో అక్కడక్కడా కొన్ని సినిమాలు చేసారు. అయితే ఇక్కడితో పోలిస్తే అక్కడ మాత్రం ఆశించిన స్థాయిలో రెస్పాన్స్ అందుకోలేకపోయారు. నటన పరంగా అక్కడి ఆడియన్స్ ని అలరించినప్పటికీ సక్సెస్ లు మాత్రం అంత బాగా సొంతం చేసుకోలేకపోయారు.

ఇక కొన్నేళ్ల క్రితం రామ్ చరణ్ హీరోగా రూపొందిన జంజీర్ మూవీ భారీ డిజాస్టర్ గా నిలిచింది. అపూర్వ లఖియా తీసిన ఈ మూవీలో ప్రియాంక చోప్రా హీరోయిన్ గా నటించగా రామ్ చరణ్ పవర్ఫుల్ పోలీస్ అధికారిగా నటించారు. ఒకప్పటి అమితాబ్ జంజీర్ రీమేక్ గా రూపొందిన ఈ మూవీ రిలీజ్ అనంతరం పరాజయం పాలవడంతో పాటు విపరీతమైన విమర్శలు ఎదుర్కొంది.

ఇక ఆ తరువాత ఇటీవల బాహుబలి తో మంచి క్రేజ్ సొంతం చేసుకున్న ప్రభాస్ ఇటీవల భారతీయ ఇతిహాస గాథ రామాయణం ఆధారంగా రూపొందిన ఆదిపురుష్ లో నటించారు. బాలీవుడ్ డైరెక్టర్ ఓంరౌత్ ఈ మూవీని తెరకెక్కించాడు. అయితే ఎన్నో అంచనాల నడుమ రిలీజ్ అయిన ఆ మూవీ కూడా పరాజయం పాలయింది.

ఇక తాజాగా బాలీవుడ్ లో అయాన్ ముఖర్జీ తీసిన వార్ 2 లో ఒక హీరోగా నటించారు యంగ్ టైగర్ ఎన్టీఆర్. ప్రస్తుతం ఈ మూవీ కూడా బాక్సాఫీస్ వద్ద కలెక్షన్ రాబట్టడం కష్టంగా మారింది. ఆ విధంగా మన ప్రస్తుత తెలుగు స్టార్ హీరోలు బాలీవుడ్ మూవీస్ చేసి పరాజయాన్ని మూటగట్టుకున్నారు అని చెప్పకతప్పదు. ఈ విధంగా ముగ్గురు నటులకు చేదు అనుభవం ఎదురు కావడంతో ఇకపై తెలుగు స్టార్స్ డైరెక్ట్ బాలీవుడ్ మూవీ చేసే ఛాన్స్ దాదాపుగా తక్కువే అంటున్నాయి సినీ వర్గాలు.