కృష్ణవంశీ దర్శకత్వంలో తెరకెక్కిన చిత్రం ‘రంగ మార్తాండ’. ఈ చిత్రానికి ఇంకా విడుదల తేదీని ప్రకటించని ఈ చిత్రం ఈ ఏడాది వేసవిలో ప్రేక్షకుల ముందుకు వచ్చే అవకాశం ఉంది. కాగా ఇటీవలే కొందరు మీడియా, ఇండస్ట్రీ వర్గాల కోసం చిత్ర యూనిట్ స్పెషల్ షో వేయగా ఆ షో నుంచి పాజిటివ్ రిపోర్ట్స్ వచ్చాయని తెలుస్తోంది.

ఇక ఈ చిత్రంలో నటించిన ఆర్టిస్టులు ప్రకాష్ రాజ్, బ్రహ్మానందం, రమ్యకృష్ణ, అనసూయ అందరూ తమ కెరీర్ బెస్ట్ పెర్ఫార్మెన్స్ ఇచ్చారని అంటున్నారు. నేచురల్ హ్యూమన్ ఎమోషన్స్ తో నిండిన ఈ సినిమా అందరికీ కనెక్ట్ అవుతుందని ఖచ్చితంగా నచ్చుతుందని స్పెషల్ షో నుంచి టాక్ వినిపిస్తోంది.

కుటుంబం గురించి, తల్లిదండ్రులు, పిల్లల మధ్య జనరేషన్ గ్యాప్ గురించి, మన సామాజిక నిర్మాణంలో నేటి సున్నితత్వాలు, వైఖరులు మనల్ని ఎలా ప్రభావితం చేస్తున్నాయి. విజయం కోసం మనం మన ఆత్మలను ఎలా కోల్పోతాం అనే అంశాలను ఈ చిత్రం తెలియజేస్తుందని దర్శకుడు కృష్ణవంశీ ఇటీవల ఓ ఇంటర్వ్యూలో చెప్పారు.

మొత్తంగా ఇళయరాజా అందించిన అద్భుతమైన బ్యాక్ గ్రౌండ్ స్కోర్, పాటలతో ఒక ఎంగేజింగ్ ఫ్యామిలీ సినిమాగా ఉంటుందని అంటున్నారు. కాగా ఈ చిత్రంలో సినీ నటుల జీవితాలకు నివాళిగా మూడున్నర నిమిషాల పాటు ఉండే తెలుగు షాయరీని మెగాస్టార్ చిరంజీవి తన గళం ద్వారా వినిపించారు.

ప్రముఖ ఆర్టిస్ట్ మహేష్ మంజ్రేకర్ దర్శకత్వం వహించిన మరాఠీ బ్లాక్ బస్టర్ నటసామ్రాట్ కు అధికారిక రీమేక్ గా రంగ మార్తాండ సినిమా తెరకెక్కింది. నానా పటేకర్ టైటిల్ పాత్రలో నటించిన ఈ హృదయానికి హత్తుకునే డ్రామా.. నటన నుండి రిటైర్ అయినా నాటకరంగం యొక్క మధుర జ్ఞాపకాలను మరచిపోలేని ఒక రంగస్థల నటుడి విషాద కుటుంబ జీవితాన్ని చూపిస్తుంది.

అట్లీ కుమార్, షారుక్ ఖాన్ ల కాంబినేషన్లో వస్తున్న సినిమా జవాన్. ఈ యాక్షన్ ఎంటర్టైనర్ లో విజయ్ సేతుపతి, సన్యా మల్హోత్రా, సునీల్ గ్రోవర్, నయనతార తదితరులు ఇతర ముఖ్య పాత్రలలో నటిస్తున్నారు. కాగా కింగ్ ఖాన్ తో తలపడే ప్రతినాయకుడిగా విజయ్ సేతుపతి నటించనున్నారు. 2023 జూన్ 2న ఐదు భాషల్లో విడుదల కానున్న ఈ చిత్రం షారుక్ ఖాన్ తొలి పాన్ ఇండియా చిత్రంగా ఉండబోతుంది.

బాలీవుడ్ వర్గాల నుంచి అందిన తాజా వార్తల ప్రకారం ఈ సినిమాలోని ఒక ఫైట్ సీన్ లీక్ అయిందని తెలియ వచ్చింది. కాగా ఈ లీకైన సన్నివేశం వీరోచితమైన విధంగా ఉంది. నోట్లో సిగార్ పెట్టుకుని కొందరు దుండగులను బెల్టుతో కొట్టడం చూడవచ్చు.

కాగా ఈ వీడియోలో షారుఖ్ స్వాగ్ అద్భుతంగా ఉంది, యాక్షన్ ఎపిసోడ్ మాస్ టచ్ తో సూపర్ ట్రీట్ లా అనిపిస్తుంది. లీకైన ఈ వీడియో కేవలం షారుఖ్ అభిమానుల ప్రశంసలు అందుకోవడమే కాకుండా ఇతర బాలీవుడ్, సౌత్ ప్రేక్షకులు కూడా ఈ లీకైన బైట్ చూసి ఫిదా అయిపోయారు.

పక్కా మాస్ ఎలిమెంట్స్ తో భారీ కమర్షియల్ సినిమాలు తీయడంలో దర్శకుడు అట్లీ దిట్ట అని పేరు పొందారు. కమర్షియల్ సినిమాలకు ఆయనను మాస్టర్ గా భావిస్తారు. ఇక జవాన్ సినిమాతో ఆయన ఇండియన్ సినిమాకి మాస్ ఫీస్ట్ ఇస్తారని అందరూ ఆశిస్తున్నారు.

జవాన్ లో షారుక్ ఖాన్ రెండు పాత్రల్లో కనిపిస్తారని, ఈ సినిమాలో పెద్ద పాత్రకు ఎక్కువ ప్రాధాన్యత ఉంటుందని కూడా ఊహాగానాలు వినిపిస్తున్నాయి. పఠాన్ ఘన విజయంతో షారూఖ్ అభిమానులు ఫుల్ జోష్ లో ఉన్నారు. తమ హీరో తన తదుపరి చిత్రంతో కూడా ఆ ఫామ్ ను కొనసాగించాలని వారు కోరుకుంటున్నారు.

సీనియర్ నటులు నరేష్‌- పవిత్ర లోకేష్ వివాహ బంధంతో ఒక్కటయ్యారు. అత్యంత సన్నిహితులు, కుటుంబసభ్యుల సమక్షంలో ఈరోజు వీరి వివాహం జరిగింది. దీనికి సంబంధించిన పెళ్లి వీడియోను స్వయంగా నరేష్‌ తన ట్విట్టర్‌ ద్వారా షేర్‌ చేస్తూ.. ఒక పవిత్ర బంధం, రెండు మనసులు, మూడు ముళ్లు, ఏడు అడుగులు అంటూ నరేష్‌ తన ట్వీట్ లో రాసుకొచ్చారు. అయితే వీరిద్దరూ ఎక్కడ పెళ్లి చేసుకున్నారు తదితర వివరాల గురించి ఎలాంటి స్పష్టత లేదు.

అందుకే నరేష్ పెళ్ళి వీడియో పోస్ట్ చేసిన తర్వాత ఈ పెళ్లి నిజంగానే పెళ్లి జరిగిందా లేక రాబోయే ఏదైనా సినిమా యొక్క పబ్లిసిటీనా అంటూ నెటిజన్లు పలు అనుమానాలు వ్యక్తం చేశారు. గత కొంతకాలంగా నరేష్, పవిత్రల జంట రకరకాల వివాదాస్పద సంఘటనల వల్ల వార్తలలో నిలిచిన సంగతి తెలిసిందే.

మొదట మా ఇద్దరి మధ్య కేవలం స్నేహం మాత్రమే ఉందన్న నరేష్ – పవిత్ర.. న్యూ ఇయర్‌ సందర్భంగా ఒక వీడియో ద్వారా కొత్త జీవితాన్ని ప్రారంభించబోతున్నాం.. మీ ఆశిస్సులు కావాలి అంటూ వీడియో రిలీజ్‌ చేశారుఇక ఈరోజు పెళ్లి వీడియోతో వారి జీవితానికి సంబంధించిన ముఖ్యమైన వార్తను తెలియజేశారు.

ఇటీవలి కాలంలో వీరిద్దరూ కలిసి పలు బహిరంగ కార్యక్రమాల్లో కనిపించడం వారి జీవితంలో అనేక వివాదాలకు దారి తీసింది. ఇప్పుడు వారు తమ వివాహ బంధాన్ని అధికారికంగా ప్రకటించారు కాబట్టి ఖచ్చితంగా ఈ కొత్త జీవితం గురించి వారు ఎంతో ఉత్సాహంగా ఉండి ఉండాలి.

తెలుగు చిత్ర పరిశ్రమలో ప్రముఖ స్టార్ హీరో ఎంతో మంచి నటుడిగా పేరు పొందిన విక్టరీ వెంకటేష్ నటించిన తొలి వెబ్ సిరీస్ రానా నాయుడు. కాగా ప్రత్యేకమైన ప్రమోషన్స్ తో ఈ వెబ్ సిరీస్ కు విపరీతమైన క్రేజ్ క్రియేట్ చేయడంలో నిర్వాహకులు విజయవంతం అయ్యారు. ఇక ఎప్పుడెప్పుడు ఈ సీరీస్ ను చూస్తామా అని ప్రేక్షకులు కూడా ఎదురు చూస్తున్నారు.

కాగా నిజ జీవితంలో వెంకటేష్ సోదరుడి కొడుకు అయిన మరో తెలుగు నటుడు రానా దగ్గుబాటి.. ఈ క్రైమ్/ఫ్యామిలీ డ్రామాలో ఆయనకు కొడుకుగా కనిపించనున్నారు. 10 ఎపిసోడ్ల నిడివి గల ఈ సిరీస్ నేటి నుంచి నెట్ ఫ్లిక్స్ లో స్ట్రీమింగ్ కానుంది. తెలుగు, తమిళం, కన్నడ భాషల్లో కూడా అందుబాటులో ఉన్న ఈ హిందీ సిరీస్ ఈ రోజు అర్ధరాత్రి 12 గంటల నుంచి అందుబాటులోకి వస్తుందని చాలా మంది నెటిజన్లు భావించారు.

ఎందుకంటే వెబ్ సిరీస్ ల ప్రసారానికి అదే రెగ్యులర్ టైమింగ్, కానీ వారందరికీ చిన్న నిరాశే ఎదురైంది. ఈ సిరీస్ ఈ రోజు మధ్యాహ్నం 01:30 గంటలకు విడుదల కానుందని దిగ్గజం నెట్ ఫ్లిక్స్ ధృవీకరించింది. కాబట్టి వెంకటేష్, రానాల మధ్య వైరాన్ని చూడాలంటే ప్రేక్షకులు మరికొన్ని గంటలు ఎదురు చూడక తప్పదు.

కరణ్ అన్షుమన్, సుపర్న్ వర్మ దర్శకత్వం వహించిన రానా నాయుడు ప్రముఖ అమెరికన్ టీవీ సిరీస్ రే డోనోవన్ యొక్క భారతీయ అనుసరణగా తెరకెక్కింది. సుచిత్రా పిళ్లై, గౌరవ్ చోప్రా, సుర్వీన్ చావ్లా ఈ సిరీస్ లో కీలక పాత్రలు పోషించారు.

ఈ వెబ్ సీరీస్ బాలీవుడ్ లో ప్రతి ఒక్కరికీ ఒక సమస్య వచ్చినప్పుడు వారికి అండగా నిలిచే రానా నాయుడు (రానా) కథని వివరిస్తుంది. ఎప్పుడో విడిపోయిన తన తండ్రి నాగ (వెంకటేష్) మళ్ళీ తన జీవితంలోకి రావడంతో అతను ఎలాంటి ఇబ్బందులు ఎదురుకున్నాడు అనే నేపథ్యంలో ఈ సిరీస్ సాగుతుంది.