మెగా పవర్ స్టార్ రామ్ చరణ్ కథానాయకుడిగా ‘ఉప్పెన’ దర్శకుడు బుచ్చిబాబు సానా దర్శకత్వంలో ఓ సినిమా (RC 16) రూపొందుతున్న సంగతి తెలిసిందే. కాగా తాజాగా వినిపిస్తున్న పుకార్ల ప్రకారం బుచ్చిబాబు సినిమాలో రామ్ చరణ్ ద్విపాత్రాభినయం చేయనున్నట్లు తెలుస్తోంది. కబడ్డీ బ్యాక్ డ్రాప్ లో తెరకెక్కనున్న ఈ సినిమాలో రామ్ చరణ్ ఇద్దరు అన్నదమ్ముల పాత్రల్లో నటించనున్నట్లు సమాచారం. ఇక రెండు పాత్రల్లోనూ ఆయన క్యారెక్టరైజేషన్ కూడా చాలా ప్రత్యేకంగా ఉండనుందట.

వృద్ది సినిమాస్ పతాకం పై వెంకట సతీష్ కిలారు ఈ చిత్రాన్ని నిర్మిస్తున్నారు. ఈ సినిమా షూటింగ్ ను సెప్టెంబర్ లో ప్రారంభించేందుకు చిత్ర యూనిట్ అన్ని రకాల సన్నాహాలు చేస్తోంది. ఈ సినిమాలో హీరోయిన్ ఎవరనేది అధికారికంగా ప్రకటించనప్పటికీ.. మృణాల్ ఠాకూర్, జాన్వీ కపూర్ పేర్లు మాత్రం వార్తల్లో నిలిచాయి.

అంతే కాదు ఈ చిత్రానికి సంగీత దర్శకుడిగా ఆస్కార్ అవార్డు గ్రహీత ఏఆర్ రెహమాన్ పేరు వినిపిస్తోంది. రెహమాన్ గతంలో ‘సూపర్ పోలీస్’, ‘నాని’, ‘ఏ మాయ చేసావె’, ‘కొమురం పులి’, ‘సాహసం శ్వాసగా సాగిపో’ (2016) వంటి తెలుగు సినిమాలకు సంగీతం అందించిన సంగతి తెలిసిందే.

ఒకవేళ ఆర్ సి 16లో రెహమాన్ భాగం అవుతారనే వార్త నిజమైతే ఏడేళ్ల తర్వాత ఏఆర్ రెహమాన్ ఓ తెలుగు సినిమాకు సంగీతం అందించనున్నారన్నమాట. మరి ఈ సినిమాకు రెహమాన్ పని చేస్తున్నారని చిత్ర యూనిట్ నుంచి అధికారికంగా ప్రకటించే వరకు వేచి చూడాల్సిందే. అలాగే ఈ సినిమాలో రామ్ చరణ్ ద్విపాత్రాభినయం చేస్తున్నాడనే పుకార్లు కూడా నిజమవ్వాలని కోరుకుందాం. ఎందుకంటే ఆ పుకార్లు నిజమైతే ఆయన అభిమానులు ఖచ్చితంగా ఉత్సాహంలో తేలిపోతారు.

సాయిధరమ్ తేజ్ నటించగా వచ్చే వారం విడుదల కానున్న విరూపాక్ష సినిమా టీజర్, ట్రైలర్ చాలా బాగా రావడంతో సినిమాకి అద్భుతమైన బజ్ క్రియేట్ అయ్యింది. అద్భుతమైన స్క్రీన్ ప్లే, మంచి ట్విస్టులతో పాటు, ఎక్స్ ట్రార్డినరీ బీజీఎంతో ఈ సినిమాను తెరకెక్కించారని ఇండస్ట్రీ వర్గాల నుంచి మంచి రిపోర్ట్స్ వస్తున్నాయి. ఇక సినిమాలోని నటీనటుల పెర్ఫార్మెన్స్ కూడా ఈ సినిమాకు హైలైట్ గా నిలుస్తుందని అంటున్నారు.

ఈ చిత్రం ఏప్రిల్ 21న ప్రపంచ వ్యాప్తంగా పలు భాషల్లో పాన్ ఇండియా స్థాయిలో థియేటర్లలో విడుదల కానుంది. విమర్శకుల ప్రశంసలు అందుకున్న రిపబ్లిక్ చిత్రం తర్వాత సాయిధరమ్ తేజ్ మరో సీరియస్ చిత్రం అయిన విరూపాక్షతో ప్రేక్షకుల ముందుకు వస్తున్నారు.

తాజాగా ఈ చిత్రానికి సెన్సార్ బోర్డు నుండి “ఎ” సర్టిఫికేట్ ఇచ్చి సినిమాను పెద్దలకు పరిమితం చేశారు. అయితే సినిమా కంటెంట్ లో అసభ్యకరమైన భాష, హింస లేదా లైంగిక అంశాలు దీనికి కారణం కాదు. ఈ సినిమాలో ఉత్కంఠ, భయం కలిగించే అంశాల వల్లే ఈ సినిమాకి ఏ సర్టిఫికెట్ ఇవ్వడం జరిగింది. విరూపాక్ష సినిమాలోని కంటెంట్ కు ఇలాంటి ఆంక్షలు అవసరమని తెలిసిన నిర్మాతలు కూడా సంతోషంగా ‘ఎ’ సర్టిఫికేట్ ను అంగీకరించారు.

1970-1990 మధ్య కాలంలో సాగే కథగా రూపొందిన విరూపాక్ష కు సుకుమార్ కథ అందించారు. కార్తీక్ దండు దర్శకత్వంలో తెరకెక్కిన ఈ చిత్రానికి’ శ్రీ వెంకటేశ్వర సినీ చిత్ర బ్యానర్ వారు నిర్మాతలుగా వ్యవహరించారు. ఈ సినిమాలో సంయుక్తా మీనన్ హీరోయిన్ గా నటించగా.. అజనీష్ లోక్ నాథ్ సంగీతం అందించారు. విరూపాక్ష ఇన్ సైడ్ రిపోర్ట్ నిజమవ్వాలని కోరుకుందాం.

సమంత నటించిన శాకుంతలం, రాఘవ లారెన్స్ నటించిన రుద్రుడు చిత్రాలు ఈ శుక్రవారం పోటీగా విడుదలైన విషయం అందరికీ తెలిసిందే. ఈ రెండు సినిమాలు డిఫరెంట్ జానర్స్ కు చెందినవి. శాకుంతలం ఒక పీరియాడిక్ రొమాంటిక్ డ్రామా కాగా, రుద్రుడు కంప్లీట్ యాక్షన్ రివేంజ్ డ్రామాగా తెరకెక్కింది.

దీంతో ట్రేడ్ వర్గాలు ఈ రెండు సినిమాల తాలూకు బజ్ ను బట్టి అంచనాలు పెట్టుకున్నాయి కానీ ఈ రెండు సినిమాలు కూడా బాక్సాఫీస్ వద్ద తొలి రోజు మంచి వసూళ్లను రాబట్టలేక పోయాయి. తెలుగు రాష్ట్రాల్లో రెండు సినిమాలకు కలిపి దాదాపు 1.5 కోట్ల షేర్ మాత్రమే రాబట్టడంతో ఈ రెండు సినిమాలు పేలవమైన వసూళ్లతో ప్రారంభమయ్యాయి.

రుద్రుడు సినిమా ప్రీ బిజినెస్ 7 కోట్లు కాగా, శాకుంతలం ప్రీ బిజినెస్ తెలుగు రాష్ట్రాల్లో 15 కోట్లకు పైగా జరిగింది. బాక్సాఫీస్ వద్ద ఘోరమైన ఓపెనింగ్స్ సాధించిన తర్వాత ఈ రెండు సినిమాలకు ప్రస్తుతం బ్రేక్ ఈవెన్ మార్క్ అసాధ్యంగా కనిపిస్తోంది.

కాళిదాసు రచించగా అంతర్జాతీయంగా ప్రఖ్యాతి గాంచిన అభిజ్ఞాన శాకుంతలం అనే నాటకం నుంచి స్ఫూర్తి పొంది శాకుంతలం చిత్రాన్ని రూపొందించారు. గుణశేఖర్ ఈ చిత్రానికి దర్శకత్వం వహించారు. ఈ చిత్రంలో సమంత శకుంతల పాత్రలో నటించిగా.. దేవ్ మోహన్ ఆమె భర్త రాజు దుష్యంతునిగా నటించారు. గుణ టీమ్ వర్క్స్, శ్రీ వెంకటేశ్వర క్రియేషన్స్ పతాకాల పై నీలిమ గుణ, దిల్ రాజు ఈ చిత్రాన్ని నిర్మించారు. ఈ చిత్రానికి మణిశర్మ సంగీతం అందించారు. ఈ సినిమాలో అల్లు అర్జున్ కూతురు అల్లు అర్హ చైల్డ్ ఆర్టిస్ట్ గా అరంగేట్రం చేసారు.

దాదాపు రెండేళ్ల విరామం తర్వాత రాఘవ లారెన్స్ నటించగా తెలుగులో విడుదలైన చిత్రం ‘రుద్రుడు’. లారెన్స్ గతంలో తన ముని, కాంచన సినిమా సిరీస్ లతో తెలుగు ప్రేక్షకులను ఆకట్టుకున్నారు. ఇప్పుడు ఆయన రుద్రుడు అనే యాక్షన్ రివెంజ్ డ్రామాతో మరోసారి ప్రేక్షకులను ఆకట్టుకునే ప్రయత్నం చేశారు. కాకపోతే ఈసారి లారెన్స్ డైరెక్షన్ చేయకుండా కేవలం హీరోగానే నటించారు. కదిరేశన్ ఈ చిత్రానికి దర్శకుడు మరియు నిర్మాత.

Vetrimaaran is one director who makes raw and rustic movies with strong content. He developed a cult following over the years and no matter who he casts, his movies always get good reception at the box office. He makes movies which are not mainstream and prefers to make movies in his own style.

His recent film Viduthalai Part 1 is no exception. The film released in Tamil as Viduthalai Part 1 on March 30th and received good response from audience. Now the film hit the big screens today in Telugu. This intense drama had Soori in lead role and Vijay Sethupathi playing a key role.

This period drama revolves around the hierarchy in police department and what steps they take in their fight against Naxalites and terrorists. Vetrimaaran made it as details and honest as possible. The action scenes seem to be realistic. The train crash scene is one of the best in the whole film.

The effort he has put behind every role is visible on screen. Everyone in awe of his raw and rustic style of filmmaking. The dangerous and realistic stunts in the climax are just amazing. The film is produced by Elred Kumar under the RS Infotainment and Grass Root Film Company banners. Allu Aravind released the film in Telugu under Geetha Film Distribution.

అక్కినేని నాగచైతన్య, ఆయన సోదరుడు అఖిల్ ఇద్దరూ తమ తమ సినిమాలైన ‘ఏజెంట్’, ‘కస్టడీ’ లతో ప్రేక్షకుల ముందుకు రాబోతున్న సంగతి తెలిసిందే. అక్కినేని సోదరులకు ఇది చాలా కీలకమైన సమయం, ఇప్పుడు ఈ అన్నదమ్ములు హిట్ అందుకోవడంలో సఫలం అవుతారా లేదా అనేది అందరి మదిలో మెదులుతున్న ప్రశ్న.

మోస్ట్ ఎలిజిబుల్ బ్యాచిలర్ సినిమాతో అఖిల్ డీసెంట్ సక్సెస్ అందుకున్నారు కానీ అది ఆయన స్టార్ హీరోగా నిలబెట్టే స్థాయికి సరిపోకపోవడంతో తన తదుపరి సినిమా అయిన ఏజెంట్ సినిమా పైనే తన ఆశలన్నీ పెట్టుకున్నారు. అయితే ఎందుకో ఏజెంట్ టీం ఈ సినిమా పై సరైన బజ్ పెంచడంలో విఫలం అయింది. కాగా ఏప్రిల్ 28న ఈ చిత్రాన్ని విడుదల చేయడానికి సన్నాహాలు చేస్తున్నారు. ఇప్పుడు అఖిల్ ఏజెంట్ తో ఖచ్చితంగా బ్లాక్ బస్టర్ కొట్టాలి, లేకపోతే ఆయన కెరీర్ ప్రమాదంలో పడే అవకాశం ఉంది.

ఇక నాగ చైతన్య ఇటీవలే చేసిన థ్యాంక్యూ సినిమా బాక్సాఫీస్ వద్ద ఘోర పరాజయం పాలవ్వడంతో ఇప్పుడు ఒక బ్లాక్ బస్టర్ తో స్ట్రాంగ్ కమ్ బ్యాక్ ఇవ్వాల్సిన అవసరం ఉంది. మొత్తం మీద అక్కినేని సోదరులకు ఇది కీలక సమయం కావడంతో వారు విజయవంతం అవుతారో లేదో వేచి చూడాలి.

ఏజెంట్ చిత్రాన్ని ఏప్రిల్ 28న ప్రపంచ వ్యాప్తంగా విడుదల చేయాలని నిర్మాతలు సన్నాహాలు చేస్తున్నారు. అయితే ప్రస్తుత పరిస్థితులను బట్టి చూస్తే మలయాళ మెగాస్టార్ మమ్ముట్టి కీలక పాత్రలో నటిస్తుండటంతో ఈ సినిమాను తెలుగు, మలయాళ భాషల్లో మాత్రమే విడుదల చేసే అవకాశం ఉంది. సాక్షి వైద్య కథానాయికగా కనిపించనున్నారు. సురేందర్ రెడ్డి దర్శకత్వంలో ఏకే ఎంటర్టైన్మెంట్స్, సురేందర్ 2 సినిమా సంయుక్తంగా నిర్మిస్తున్న చిత్రం ‘ఏజెంట్’. హిప్ హాప్ తమిళ ఈ చిత్రానికి సంగీత దర్శకుడు.

ఇక నాగ చైతన్య విషయానికి వస్తే వెంకట్ ప్రభు దర్శకత్వం వహిస్తున్న కస్టడీ సినిమాను సిద్ధం చేస్తున్నారు. ఈ సినిమాలో ఆయన సరసన కృతి శెట్టి హీరోయిన్ గా నటిస్తోన్నారు. నాగచైతన్య, కృతి శెట్టి కాంబినేషన్లో ఇప్పటికే ‘బంగార్రాజు’ అనే బ్లాక్ బస్టర్ మూవీ తెరకెక్కింది. పవన్ కుమార్ సమర్పణలో శ్రీనివాసా సిల్వర్ స్క్రీన్ పతాకం పై శ్రీనివాసా చిట్టూరి ఈ ప్రతిష్టాత్మక చిత్రాన్ని నిర్మిస్తున్నారు. లెజెండరీ తండ్రీ కొడుకులు ఇళయరాజా, యువన్ శంకర్ రాజా ఈ చిత్రానికి సంగీత దర్శకులు. సంగీత దర్శకులుగా వీరిద్దరి కలయికలో వస్తున్న తొలి చిత్రమిదే కావడం విశేషం.

పాన్ ఇండియా యాక్షన్ మూవీ కబ్జా సీక్వెల్ ను దర్శకుడు ఆర్.చంద్రు శుక్రవారం తన సోషల్ మీడియా ఖాతా ద్వారా ప్రకటించారు. ఉపేంద్ర, కిచ్చా సుదీప్, మురళి శర్మ, శ్రియ శరణ్ ప్రధాన పాత్రల్లో నటించిన ఈ చిత్రం 2023 మార్చి 17న థియేటర్లలో విడుదలైంది. అమెజాన్ ప్రైమ్ వీడియోలో కబ్జా డిజిటల్ స్ట్రీమింగ్ అరంగేట్రం చేసిన రోజే ఈ ప్రకటన వెలువడింది.

థియేట్రికల్ రిలీజ్ అయిన 25 రోజుల తర్వాత కబ్జా సినిమాకు సీక్వెల్ అనౌన్స్ చేశారు. ఈ సినిమా పోస్టర్ ను షేర్ చేసిన ఆర్.చంద్రు ‘బిగ్ అనౌన్స్మెంట్’ అని తన ట్విట్టర్ అకౌంట్ పై రాసుకొచ్చారు.

అయితే ఈ వార్తకు నెటిజన్ల నుంచి మిశ్రమ స్పందన వచ్చింది. ఒక డిజాస్టర్ సినిమాకు సీక్వెల్ రావడం ఏమిటని హాస్యాస్పదంగా ఉందని చాలా మంది నెటిజన్లు గెలి చేశారు. ఏదేమైనా కబ్జా సీక్వెల్ వార్త విని కన్నడ సినీ ప్రియులు ఎంతో ఉత్సాహ పడ్డారు.

కబ్జా సినిమా విడుదలైన అన్ని భాషల్లోనూ పెద్ద డిజాస్టర్ గా నిలవడంతో చివర్లో సీక్వెల్ ప్లాన్ ఉందని హింట్ ఇచ్చినా మొదటి భాగం ఫెయిల్యూర్ కావడంతో ఈ సినిమా క్యాన్సిల్ అవుతుందని అందరూ భావించారు. అయితే ఆశ్చర్యకరంగా చిత్ర బృందం ఇప్పుడు సీక్వెల్ ను ప్రకటించడం అందరికీ షాకింగ్ న్యూస్ గా మారింది.

ఆర్.చంద్రు దర్శకత్వం వహించిన కబ్జా చిత్రాన్ని అలంకార్ పాండియన్, ఆనంద్ పండిట్, ఆర్.చంద్రు నిర్మించారు. ఉపేంద్ర, శివ రాజ్ కుమార్, కిచ్చా సుదీప్, శ్రియ శరణ్, దేవ్ గిల్, కబీర్ దుహాన్ సింగ్, సుధ, నవాబ్ షా, కోట శ్రీనివాసరావు, సునీల్ పురాణిక్, మురళీ శర్మ తదితరులు ఈ చిత్రంలో నటించారు.