ఇటీవలే విడుదలైన అద్భుతమైన టైటిల్ రివీల్ వీడియోతో సూర్య నటించిన కంగువ ట్రేడ్ వర్గాల్లో, ఇండస్ట్రీలో అదిరిపోయే స్థాయిలో బజ్ క్రియేట్ చేసింది. ఈ వీడియోలో అద్భుతమైన సిజిఐ మరియు గ్రిప్పింగ్ విజువల్స్ ఉన్నాయి, ఇది ఇటీవలి కాలంలో వెల్లడించిన ఉత్తమ గ్లింప్స్ లలో ఒకటిగా చెప్పుకోవచ్చు. కమర్షియల్ మాస్ ఎంటర్టైనర్లకు పెట్టింది పేరైన దర్శకుడు శివ ఇంత తక్కువ సమయంలోనే ఈ తరహా ఫలితాన్ని ఇవ్వడం పలువురిని ఆశ్చర్యపరిచింది.

ఇక సూర్య నటించిన ‘కంగువ’ పూర్తిగా కొత్త ప్రపంచంలో సాగుతుందని, ప్రేక్షకులకు మునుపెన్నడూ లేని అనుభూతిని ఇస్తుందని దర్శకుడు శివ వెల్లడించారు. భారీ వీఎఫ్ఎక్స్ వర్క్ తో ఈ సినిమా నిండి ఉంటుందని, ఇటీవల వీడియో తరహాలోనే ట్రీట్ ఇస్తుందని అంటున్నారు. ఈ సినిమా 2డి, 3డి వెర్షన్లు ఒకేసారి అన్ని భాషల్లో విడుదల కానున్నాయి. కంగువ పాన్ ఇండియా ప్రాజెక్ట్ కాగా, శివ అండ్ టీం 2024 ప్రారంభంలో ఈ సినిమాని విడుదల చేయడానికి సన్నాహాలు చేస్తున్నారు.

ట్రేడ్ వర్గాల్లో ఈ ప్రాజెక్ట్ పై భారీ అంచనాలు ఉన్నాయి. హిందీ భాషను మినహాయించి ఈ సినిమా డిజిటల్ హక్కులను అమెజాన్ ప్రైమ్ వీడియో 80 కోట్లకు దక్కించుకుంది. ప్రైమ్ లో ఓ తమిళ సినిమాకు ఇదే బిగ్గెస్ట్ డీల్ గా నమోదైంది. మొత్తంగా చూసుకుంటే దళపతి విజయ్ నటించిన లియో తర్వాత నెట్ ఫ్లిక్స్ కొనుగోలు చేసిన రెండో బిగ్గెస్ట్ డీల్ కంగువ సినిమాకే జరిగింది.

స్టూడియో గ్రీన్ పతాకం పై జ్ఞానవేల్ రాజా నిర్మిస్తున్న ఈ చిత్రానికి దేవిశ్రీ ప్రసాద్ సంగీతం సమకూరుస్తున్నారు. 10 భాషల్లో ‘కంగువ’ భారీ స్థాయిలో పాన్ ఇండియా సినిమాగా విడుదల కానుంది. బాహుబలి వంటి సీరీస్ కు ఇది తమిళ సినిమా పరిశ్రమ నుంచి సమాధనంగా ఉంటుందని తమిళ సినీ వర్గాలు భావిస్తున్నాయి.

ఎన్టీఆర్, కొరటాల శివ కాంబినేషన్లో బాలీవుడ్ నటుడు సైఫ్ అలీఖాన్ నటిస్తున్నారు. ‘ఎన్టీఆర్ 30’ పేరుతో తెరకెక్కుతున్న ఈ సినిమా సెట్స్ లో ఈ రోజు ఆయన సెట్స్ లో జాయిన్ అయ్యారు. ఎన్టీఆర్, దర్శకుడు కొరటాల శివతో సైఫ్ సరదాగా మాట్లాడుతుంది రిలాక్స్ అవుతున్న కొన్ని ఫోటోలను చిత్ర నిర్మాతలు సోషల్ మీడియాలో షేర్ చేశారు.

ఇక అంతర్గత వర్గాల ద్వారా అందుతున్న సమాచారం ప్రకారం ఈ సినిమాలో సైఫ్ ప్రతినాయకుడి పాత్రలో కనిపించనున్నారట. ఇదే నిజమైతే ఈ సినిమాతో ఆయన రెండో సారి విలన్ గా కనిపించనున్నారు. ఇప్పటికే ప్రభాస్ నటించిన ఆదిపురుష్ లో కూడా సైఫ్ విలన్ పాత్రలో నటించిన సంగతి తెలిసిందే. తమ అభిమాన హీరో సినిమాలో బాలీవుడ్ తారలు నటించడం చూసి ఎన్టీఆర్ అభిమానులు చాలా సంతోషం వ్యక్తం చేస్తున్నారు.

ఇప్పటికే ఎన్టీఆర్ 30లో హీరోయిన్ గా జాన్వీ కపూర్ ను ఫైనల్ చేయగా, నేడు సైఫ్ సెట్స్ లో జాయిన్ అయ్యారు.

ఇక ఇప్పటికే స్టంట్స్, విజువల్స్ విభాగాలను చూసుకోవడానికి ఎన్టీఆర్ 30 చిత్ర బృందం గొప్ప హాలీవుడ్ టెక్నీషియన్లను నియమించింది. ఎన్టీఆర్ 30 ఇప్పటి వరకు తాను చేసిన సినిమాల్లోనే బెస్ట్ మూవీ అవుతుంది అని కొరటాల శివ పూజా కార్యక్రమంలో ఎన్టీఆర్ అభిమానులకు భరోసా ఇచ్చారు. ఆర్ఆర్ఆర్ లాంటి భారీ హిట్ తర్వాత తమ అభిమాన హీరోను మరో భారీ, విజయవంతమైన చిత్రంలో చూడాలని ఎన్టీఆర్ అభిమానులు ఎదురుచూస్తున్నారు.

యువసుధ ఆర్ట్స్, ఎన్టీఆర్ ఆర్ట్స్ పతాకాల పై మిక్కిలినేని సుధాకర్, హరికృష్ణ కె ఈ చిత్రాన్ని నిర్మిస్తున్నారు. ఈ చిత్రం ద్వారా జాన్వీ కపూర్ తెలుగు తెరకు పరిచయమవుతున్నారు. అనిరుధ్ రవిచందర్ సంగీత దర్శకుడు. శ్రీకర్ ప్రసాద్ ఈ చిత్రానికి ఎడిటర్. రత్నవేలు సినిమాటోగ్రఫీ, ప్రొడక్షన్ డిజైన్ సాబు సిరిల్ అందిస్తున్నారు. నందమూరి కళ్యాణ్ రామ్ సమర్పణలో తెరకెక్కుతున్న యాక్షన్ ఎంటర్టైనర్ ఇది. ఈ సినిమా 2024 ఏప్రిల్ 5న ప్రపంచవ్యాప్తంగా విడుదల కానుంది.

స్టైలిష్ స్టార్ అల్లు అర్జున్, సుకుమార్ కాంబినేషన్ లో వచ్చిన పుష్ప సినిమా బ్లాక్ బస్టర్ అయిన విషయం అందరికీ తెలిసిందే. ముఖ్యంగా హిందీలో ఈ సినిమా అద్భుతంగా ఆడింది. కరోనా కాలంలో విడుదలైన ఈ సినిమా.. ఆ సమయంలో ఇతర హిందీ సినిమాలు బాక్సాఫీస్ వద్ద పెద్దగా ఆడకపోయినా పుష్ప ప్రేక్షకులను థియేటర్లకు రప్పించి కేవలం హిందీలోనే 100 కోట్లకు పైగా వసూలు చేసింది.

కాబట్టి పుష్ప హిందీలో భారీ బ్లాక్ బస్టర్ కావడంతో ఆ సినిమా యొక్క రెండో భాగం పై అంచనాలు పెరిగాయి. బాహుబలి 2, కేజీఎఫ్ 2 తరహాలో పుష్ప 2 కూడా రికార్డ్ కలెక్షన్లు సాధిస్తుందని చాలా మంది ప్రేక్షకులు, ట్రేడ్ వర్గాల వారు ఆశించారు. అయితే దీని పై కొన్ని వర్గాల ప్రజల్లో మాత్రం అనుమానాలు వ్యక్తమయ్యాయి.

కేజీఎఫ్ 2, బాహుబలి 2 తరహాలో పుష్ప 2 భారీ బజ్ క్రియేట్ చేయలేకపోతుందని, దీని సీక్వెల్ కు ఆసక్తి కలిగించే కథాంశం లేదని కొన్ని ప్రేక్షక వర్గాలు, ట్రేడ్ వర్గాలు భావించాయి. ఒక రకంగా చెప్పాలంటే బాహుబలి, కేజీఎఫ్ రెండు సినిమాల ఫస్ట్ పార్ట్ చాలా పై స్థాయిలో ముగియగా.. పుష్ప ఫస్ట్ పార్ట్ లో అంత ఎగ్జైటింగ్ ఫ్యాక్టర్ లేదు అనే మాట నిజం అని కొంతమంది అన్నారు.

అయితే ఇటీవలే విడుదలైన రిలీజైన పుష్ప 2 గ్లింప్స్ కి వచ్చిన రెస్పాన్స్ అన్ని అనుమానాలను నివృత్తి చేసింది. వేర్ ఈజ్ పుష్ప హిందీ గ్లింప్స్ కు ఎక్స్ ట్రార్డినరీ రెస్పాన్స్ వచ్చింది,యూట్యూబ్ లో ఈ గ్లింప్స్ ఏకంగా 60 మిలియన్లకు పైగా వ్యూస్ సాధించింది. ఇది సినిమా పై హిందీ ప్రేక్షకుల అంచనాలను ధృవీకరిస్తుంది. మరి ఈ సినిమా విడుదలైన తర్వాత ఎన్ని రికార్డులను బద్దలు కొడుతుందో తెలియాలంటే కొద్ది రోజులు వేచి చూడాల్సిందే.