కోలీవుడ్ స్టార్ యాక్టర్ అజిత్ కుమార్ హీరోగా మగిళ్ తిరుమేని దర్శకత్వంలో తెరకెక్కుతోన్న లేటెస్ట్ మూవీ విడాముయార్చి. త్రిష హీరోయిన్ గా నటిస్తున్న ఈమూవీలో అర్జున్ సర్జా, రెజీనా, నిఖిల్ నాయర్ తదితరులు కీలక పాత్రలు పోషిస్తుండగా అనిరుద్ రవిచందర్ సంగీతం అందిస్తున్నారు. ప్రారంభం నాటి నుండి అందరిలో మంచి అంచనాలు కలిగిన ఈ మూవీ యొక్క ఫస్ట్ లుక్ టీజర్ ఇటీవల యూట్యూబ్ రిలీజ్ అయి అందరినీ నిరాశపరిచింది.

లైకా ప్రొడక్షన్స్ సంస్థ పై ఈ మూవీని సుభాస్కరన్ గ్రాండ్ గా నిర్మిస్తున్నారు. ఒక రోజులో జరిగే యాక్షన్ థ్రిల్లర్ గా రూపొందిన ఈ మూవీ 2025 సంక్రాంతి కానుకగా ఆడియన్స్ ముందుకి రానుంది. విషయం ఏమిటంటే, తాజాగా ఈమూవీ లీగల్ సమస్యల్లో చిక్కుకుంది. హాలీవుడ్ మూవీ బ్రేక్ డౌన్ యొక్క అఫీషియల్ రీమేక్ రైట్స్ తీసుకోకుండా విడాముయార్చి మూవీని తెరకెక్కిస్తుండడంతో ఆ మూవీ మేకర్స్ పూర్తిగా అసంతృప్తి వ్యక్తం చేస్తున్నారట.

అలానే లీగల్ గా దీనిపై వారు పోరాడేందుకు సిద్దమయ్యారట. దానితో ఈ మూవీ లీగల్ సమస్యల్లో చిక్కున్నట్లు తెలుస్తోంది. మరి ఈ సమస్య ఎలా తీరుతుందో, మరి పక్కాగా మూవీ రానున్న సంక్రాంతికి రిలీజ్ అవుతుందో లేదో అని అజిత్ ఫ్యాన్స్ నిరాశ వ్యక్తం చేస్తున్నారు. అయితే దీనికి సంబంధించి లీగల్ సమస్యల పై పూర్తి క్లారిటీ రావాల్సి ఉంది.

గంగోత్రి సినిమాతో హీరోగా తన సినీ ప్రస్థానాన్ని ప్రారంభించిన ఐకాన్ స్టార్ అల్లు అర్జున్ ఆ తర్వాత ఒక్కొక్క సినిమాతో నటుడిగా ఎంతో ఎదుగుతూ కెరీర్ పరంగా కొనసాగారు. ఇటీవల త్రివిక్రమ్ తెరకెక్కించిన అలవైకుంఠపురంలో మూవీతో ఇండస్ట్రీ హిట్ కొట్టిన అల్లు అర్జున్ కెరీర్ పరంగా ఇప్పటివరకు మిగతా టైర్ 1స్టార్ హీరోలతో పోలిస్తే ఒక్క భారీ స్థాయి ఓపెనింగ్ డే 1 రికార్డును కూడా అందుకోలేకపోయారు.

తాజాగా పుష్ప 2 మూవీతో ఆ రికార్డును కూడా ఆయన సొంతం చేసుకోబోతున్నారు. అందరిలో భారీ స్థాయి క్రేజ్ కలిగిన ఈ సినిమా ద్వారా తెలుగు రాష్ట్రాల్లో భారీ ఓపెనింగ్ ని అలానే వరల్డ్ వైడ్ గా కూడా గ్రాండ్ ఓపెనింగ్ రికార్డ్స్ ని అందుకునే అవకాశం గట్టిగా కనబడుతోంది. ఈ విధంగా టాలీవుడ్ టైర్ 1 హీరోల్లో ఓపెనింగ్ రికార్డుని ఆఖరిగా అందుకుపోబోతున్న నటుడు అల్లు అర్జున్. ఇప్పటికే పుష్ప 2 పై అందరిలో కూడా భారీ స్థాయి క్రేజ్ ఉంది.

అందుతున్న సమాచారం ప్రకారం ఈ మూవీ వరల్డ్ వైడ్ గా ఓపెనింగ్ డే రూ. 300 కోట్లకు గ్రాస్  అయితే సొంతం చేసుకునే అవకాశం ఉంది. ఆ విధంగా గంగోత్రి సినిమాతో సాధారణ నటుడిగా ఎంట్రీ ఇచ్చిన అల్లు అర్జున్ ఒక్కొక్క సినిమాతో తన అత్యద్భుతమైన నటన టాలెంట్ తో ఇంతింతై వటుడింతై అన్నట్లుగా లాస్ట్ నుంచి ది బెస్ట్ వరకు కూడా కొనసాగుతున్నారు. మరి పుష్ప 2 మూవీ ఆయనకు నటుడిగా ఏ స్థాయి క్రేజ్ ని ఆయన స్టామినాని నిరూపితం చేస్తుందో చూడాలి

కోలీవుడ్ యువ దర్శకుల్లో అట్లీ కూడా ఒకరు. ఇటీవల షారుక్ ఖాన్ తో భారీ మూవీ జవాన్ తెరకెక్కించి బ్లాక్ బస్టర్ విజయం అందుకున్నారు. ఆ మూవీ రూ. 1000 కోట్లకు పై గ్రాస్ కలెక్షన్ సొంతం చేసుకుని దర్శకుడిగా అట్లీకి మరింత మంచి పేరైతే తీసుకొచ్చింది. నిజానికి ఆ మూవీ అనంతరం అల్లు అర్జున్ తో అట్లీ ఒక సినిమా చేస్తారని వార్తలు వచ్చాయి.

అయితే అది మెటీరియలైజ్ అవ్వలేదు. ఇక లేటెస్ట్ బాలీవుడ్ వర్గాల న్యూస్ ప్రకారం అట్లీ తన తదుపరి సినిమాని ప్రముఖ బాలీవుడ్ స్టార్ యాక్టర్ సల్మాన్ తో ఫిక్స్ అయినట్లు తెలుస్తోంది. ప్రస్తుతం మురగదాస్ తో సికిందర్ అనే భారీ సినిమా చేస్తున్న సల్మాన్ దాని అనంతరం అట్లీ మూవీ చేయనున్నారు. అయితే విషయం ఏమిటంటే అట్లీ సల్మాన్ తో చేయనున్న మూవీతో కేవలం పాన్ ఇండియన్ రేంజ్ లోనే కాదు పాన్ వరల్డ్ రేంజ్ లో దాన్ని రిలీజ్ చేసేందుకు అలానే తెరకెక్కించేందుకు ప్లాన్ చేస్తున్నారట.

ఇండియా భాషలతో పాటు చైనీస్, జపనీస్, ఇంగ్లీష్ సహా పలు ఇతర విదేశీ భాషల్లో కూడా ఆ మూవీ రిలీజ్ చేయనున్నారట. ప్రస్తుతం గ్రాండ్ గా ఈ మూవీకి సంబంధించిన ప్రీ ప్రొడక్షన్ వర్క్ తో పాటు క్యాస్టింగ్ యొక్క సెలక్షన్ కూడా జరుగుతుందట. త్వరలో ఈ ప్రతిష్టాత్మక మూవీ గురించి పూర్తి వివరాలు అధికారికంగా వెల్లడి కానున్నాయి.