తాజాగా తమిళ ప్రొడ్యూసర్ అసోసియేషన్ కి మద్రాస్ హైకోర్టు షాక్ ఇచ్చింది. ఇటీవల పలు తమిళ సినిమాలు రివ్యూస్ కారణంగా రెవెన్యూ పరంగా దెబ్బతింటున్నాయని తమిళ్ ఫిల్మ్ యాక్టివ్ ప్రొడ్యూసర్స్ అసోసియేషన్ (TFAPA) వారు మద్రాస్ హైకోర్టులో ఒక పిటిషన్ వేశారు. దాని ప్రకారం ప్రతి సినిమా రిలీజ్ కి మూడు రోజుల ముందు వరకు ఎటువంటి సోషల్ మీడియా ప్లాట్ ఫామ్ లోను రివ్యూస్ ఇవ్వటానికి వీలులేదని వారు పిటీషన్ వేయడం జరిగింది.

అయితే తాజాగా మద్రాస్ హైకోర్టు దాన్ని కొట్టి వేసింది. దానితో తమిళ్ ఫిలిం ప్రొడ్యూసర్స్ కి షాక్ తగిలినట్లైంది. అయితే దీనిపై సోషల్ మీడియా ప్లాట్ ఫామ్స్ వారు ఒకింత ఆనందం వ్యక్తం చేస్తున్నారు. నిజానికి సినిమా యొక్క కంటెంట్ బాగుంటే అది పెద్దదైనా, చిన్నదైనా ఎవరైనా చూస్తారని.

అయితే వ్యక్తిగతంగా నటులను టార్గెట్ చేస్తూ రివ్యూస్ రాసే వారికి మాత్రం తామందరం వ్యతిరేకంటున్నారు సోషల్ మీడియా వాసులు. ముఖ్యంగా కంటెంట్ బాగున్న ఎన్నో సినిమాలు సోషల్ మీడియా రివ్యూస్ కారణంగా మంచి విజయం సాధించి మరింతగా రెవెన్యూ అందుకున్న సందర్భాలు అనేకం ఉన్నాయని అంటున్నారు. కాగా ఈ అంశం పై మద్రాస్ హైకోర్టు ఇచ్చిన తీర్పుని తమిళ ప్రొడ్యూసర్స్ అసోసియేషన్ ఏ విధంగా తదుపరి ఆలోచన చేస్తుందో చూడాలి.

లేటెస్ట్ భారీ పాన్ ఇండియన్ మాస్ యాక్షన్ ఎంటర్టైనర్ మూవీ పుష్ప 2 డిసెంబర్ 5న గ్రాండ్ గా పలు భాషల ఆడియన్స్ ముందుకు రానుంది. సుకుమార్ దర్శకత్వంలో ఐకాన్ స్టార్ అల్లు అర్జున్, రష్మిక మందన్న జోడిగా నటించిన ఈ భారీ మూవీని మైత్రి మూవీ మేకర్ సంస్థ భారీ స్థాయిలో నిర్మించగా రాక్ స్టార్ దేవిశ్రీప్రసాద్ దీనికి సంగీతం అందించారు. ఇప్పటికే ఈ మూవీ నుండి రిలీజ్ అయిన సాంగ్స్ అన్ని కూడా మంచి రెస్పాన్స్ అందుకున్నాయి.

అయితే ఈ మూవీ యొక్క బ్యాగ్రౌండ్ స్కోర్ వర్క్ ని రాక్ స్టార్ దేవిశ్రీప్రసాద్ తో పాటు తమన్, అజనీష్ లోకనాథ్ మరియు సామ్ సిఎస్ కలిసి చేస్తున్నారని ఇటీవల వార్తలు వచ్చాయి. మరోవైపు తమన్ కూడా పుష్ప 2 కి పని చేస్తున్నట్టు వెల్లడించారు. ఇక సామ్ సిఎస్ కూడా ఈ మూవీకి వర్క్ చేస్తుండగా తాజాగా ఆయన పెట్టిన పోస్ట్ సోషల్ మీడియాలో వైరల్ అవుతోంది. ఇటీవల పుష్ప ఈవెంట్లో భాగంగా మూవీ యొక్క క్లైమాక్స్ సన్నివేశాలకి డిఎస్పి ఇచ్చిన బ్యాక్ గ్రౌండ్ స్కోర్ అదిరిపోయిందని సుకుమార్ చెప్పారు.

మరోవైపు తాజాగా తాను పెట్టిన ట్విట్టర్ పోస్టులో ఈ మూవీ యొక్క ఫైట్ సీన్స్ తో పాటు క్లైమాక్స్ కి అదిరిపోయే బీజీఎమ్ వర్క్ అందచేసానని ఈ అవకాశం ఇచ్చిన సుకుమార్ గారికి అల్లు అర్జున్ గారికి ప్రత్యేకంగా ధన్యవాదాలు అంటూ పోస్ట్ పెట్టారు సామ్ సిఎస్. దీన్ని బట్టి మరి ఇంతకీ పుష్ప 2 మూవీ క్లైమాక్స్ కి బ్యాక్ గ్రౌండ్ స్కోర్ వర్షన్ ని డిసిఎస్పి ది ఫిక్స్ చేసారా లేక సామ్ దా అనేదానిపై మాత్రం క్లారిటీ రావాల్సింది. మొత్తంగా అందరిలో భారీ స్థాయి అంచనాలు ఏర్పరిచిన ఈ మూవీ భారీ బ్లాక్ బస్టర్ కొట్టడం ఖాయమని టీం అయితే ఆశాభావం వ్యక్తం చేస్తుంది.

టాలీవుడ్ నటుడు అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో రష్మిక మందన్న హీరోయిన్ గా ప్రముఖ నిర్మాణ సంస్థ మైత్రి మూవీ మేకర్స్ బ్యానర్ పై గ్రాండ్ లెవెల్ లో నిర్మితమైన తాజా పాన్ ఇండియన్ మాస్ యాక్షన్ ఎంటర్టైనర్ మూవీ పుష్ప 2 ది రూల్. ఈ మూవీపై ఇప్పటికి అందరిలో అంచనాలు భారీగా ఉన్నాయి. ఇటీవల రిలీజ్ అయిన ప్రచార చిత్రాలతో అందరినీ ఆకట్టుకున్న ఈ మూవీ డిసెంబర్ 5న గ్రాండ్ గా పలు భాషల ఆడియన్స్ ముందుకు రానుంది.

ఇకపోతే దీనికి సీక్వెల్ గా పుష్ప పార్ట్ 3 ఉంటుందనే వార్తలు ఇటీవల మీడియా మాధ్యమాల్లో కథనాలు వచ్చాయి. అలానే ఆ మూవీ ఉంటుందని అందులోని ఒకరిద్దరు నటులు కూడా తెలిపారు. విషయం ఏమిటంటే, తాజాగా రిలీజ్ అయిన ఒక పోస్టర్ ని బట్టి పుష్ప 3 ది ర్యాంపేజ్ మూవీ ఫిక్స్ అని తెలుస్తోంది. ఆ మూవీకి సంబంధించిన పోస్టర్ ప్రస్తుతం సోషల్ మీడియాలో హల్చల్ చేస్తోంది. పుష్ప టీంకి సంబంధించిన సభ్యులు అందరూ పాల్గొన్న ఒక సెషన్ లో భాగంగా పుష్ప 3 ది రాంపేజ్ పోస్ట్ర్ అయితే మనం చూడవచ్చు.

అయితే ఈ మూవీ పక్కాగా ఎప్పుడు పట్టాలెక్కుతోంది అనే దానిపై మాత్రం క్లారిటీ రావాలి. మరోవైపు పుష్ప 2 అనంతరం ఇప్పటికె త్రివిక్రమ్ శ్రీనివాస్ తో ఒక భారీ మైథాలజికల్ యాక్షన్ మూవీ మరోవైపు సందీప్ రెడ్డి వంగతో మరొక సినిమా కూడా కమిట్ అయి ఉన్నారు అల్లు అర్జున్. మరి అవి పూర్తయిన అనంతరం పుష్ప 3 మూవీ పట్టాలెక్కుతుందో లేదో చూడాలి.

ఇటీవల కాంతారా మూవీ ద్వారా ఆడియన్స్ ముందుకు వచ్చి భారీ బ్లాక్ బస్టర్ సొంతం చేసుకోవడంతో పాటు ఆ మూవీలో అద్భుత నటన కనబరిచినందుకు గాను ఉత్తమ నటుడుగా జాతీయ అవార్డు కూడా సొంతం చేసుకున్నారు నటుడు కం దర్శికుడైన రిషిబ్ శెట్టి. తాజాగా యువ దర్శకుడు ప్రశాంత్ వర్మ దర్శకత్వంలో ఆయన భారీ మైథలాజికల్ మూవీ జై హనుమాన్ లో హనుమంతుని పాత్ర పోషిస్తున్న విషయం తెలిసిందే. మరోవైపు కాంతారాకు సీక్వెల్ అయిన కాంతారా ది లెజెండ్ లో కూడా నటిస్తున్నారు రిషిబ్ శెట్టి. ఈ రెండు సినిమాలపై అందరిలో కూడా భారీ స్థాయిలో అంచనాలు ఉన్నాయి.

ఇక లేటెస్ట్ గా చత్రపతి శివాజీ బయోపిక్ లో ఆయన టైటిల్ రోల్ పోషిస్తున్నారు. దానికి సంబంధించిన ఫస్ట్ లుక్ పోస్టర్ నేడు గ్రాండ్ గా రిలీజ్ అయింది. ఛత్రపతి శివాజీ మహారాజ్, ది ప్రైడ్ అఫ్ భారత్ టైటిల్ తో తెరకెక్కుతున్న ఈ మూవీని మేరీకోమ్, సర్బ్‌జిత్, వీర్ సావర్కర్, రామ్‌లీలా, సర్బ్‌జిత్, బాజీరావ్ మస్తానీ వంటి చిత్రాలకు దర్శకత్వం వహించిన సందీప్ సింగ్, సఫేద్ అనే షార్ట్ ఫిల్మ్‌తో పాటు గ్రాండ్ లెవెల్లో రూపొందించనున్నారు.

బాలీవుడ్ అభిమానులు శివాజీ మహారాజ్‌ను ఎప్పుడూ దేవుడిగా భావిస్తారు మరియు వారు ఆయన పై తీసే బయోపిక్ కోసం ఎదురు చూస్తున్నారు. ఇక తాజాగా రిలీజ్ అయిన ఛత్రపతి శివాజీ లుక్ లో రిషబ్ శెట్టి అందర్నీ ఆకట్టుకున్నారు. ఇక ఈ మూవీని అన్ని కార్యక్రమాలు ముగించి 21 జనవరి 2027న గ్రాండ్ లెవెల్లో రిలీజ్ చేయనున్నారు. మొత్తంగా ఈ మూడు సినిమాలతో నటుడిగా రిషబ్ శెట్టి దేశవ్యాప్తంగా ఆడియన్స్ మనసు చూరగొనేందుకు సిద్ధమయ్యారు. కాగా ఇవి ఆయనకు మరింత క్రేజ్ తీసుకురావాలని కోరుకుందాం.

లేటెస్ట్ భారీ పాన్ ఇండియన్ మూవీ పుష్ప 2 పై రోజురోజుకు అందరిలో కూడా విపరీతమైన క్రేజ్ పెరుగుతోంది. ఐకాన్ స్టార్ అల్లు అర్జున్, రష్మిక మందన్న జంటగా నటించిన ఈ మూవీని సుకుమార్ తెరకెక్కించగా మైత్రి మూవీ మేకర్స్ సంస్థ గ్రాండ్ గా నిర్మించింది. రాక్ స్టార్ దేవిశ్రీప్రసాద్ సంగీతం సమకూర్చిన ఈ మూవీ సాంగ్స్ మంచి రెస్పాన్స్ సొంతం చేసుకున్నాయి.

డిసెంబర్ 5న గ్రాండ్ గా పుష్ప 2 మూవీ ఆడియన్స్ ముందుకి రానుంది. విషయం ఏమిటంటే, ఈ మూవీ యొక్క కటౌట్ ఒకటి ప్రస్తుతం టాలీవుడ్ వర్గాల్లో అయితే చర్చినీయాంశంగా మారింది. అల్లు ఫ్యామిలీకి చెందిన అల్లు అరవింద్, అల్లు బాబి, అల్లు అయాన్, అల్లు శిరీష్ కలిపి ఒక కటౌట్ నైతే అల్లు ఫాన్స్ ఏర్పాటు చేశారు.

ఇది ప్రస్తుతం అందరిని ఎంతో ఆకట్టుకుంటుంది. ఇటీవల మెగా ఫ్యాన్స్ తో ఒకింత కోల్డ్ వార్ అల్లు ఫ్యామిలీకి జరుగుతుండగా తాజాగా ఈ కటౌట్ వారందరికీ షాక్ ఇచ్చింది. మొత్తంగా దీన్ని బట్టి చూస్తే అల్లు ఫ్యామిలీకి ఇటు మెగా ఫ్యామిలీకి మధ్య పక్కాగా కోల్డ్ వార్ జరుగుతోందని అలానే సినిమాల పరంగా మెగా ఫామిలీ ఫ్యాన్స్ తో కాకుండా అల్లు అర్జున్ ఫ్యాన్స్ విడిగా ఉండేటటువంటి అవకాశం గట్టిగా కనపడుతుందని అంటున్నారు సినీ విశ్లేషకులు